عذاب يتيمة 🔗 (باللهجة العراقية)

البارت التاسع و الاخير ..!

بعد ساعة :

طلعت الممرضة و اتجهت لعمر ..

الممرضة : استاذ .. ترة المريضة دخلت بغيبوبة اثر الضربة يلي تلقتها على راسها و يمكن اكو ضغوطات نفسية اخرى .. و يمكن ما تصحى ..

عمر ظل صافن على الممرضة ، يبچي ؟! .. لا مو حلوة بحق زلمة يبچي ..
اندار على اخوانة و حاصرته العبرة ، صاحهم بصوت مخنوگ تقربوا منه بسرعة و وگفوا گباله ..

عمر : دخلت بغيبوبة ..
كرار : انا لله و انا اليه راجعون .
طارق : استغفر الله لا اعتراض على امر الله ..
عمر : كرار خوية انكسر ظهري ..
كرار : شد حيلك و خليك قوي انكسر ظهرك بس اتذكر ترة اكو من منتچي (متكأ) عليك فخليك جبل !!
عمر : ان شالله ..

سمعوا صوت الطفل و كلهم اتجهوا لمصدر الصوت .. چانن الممرضات شايلاته و مصدومات ..
اقترب منهن عباس بسرعة و باوع على الطفل و هم انصدم !!
..
چان الطفل يشبه الملائكة ، ابيض و شعره اسود حيل و ثخين ما كأنو طفل رضيع .
گبل باسه براسه و اخذو دخلو للخدج ، ظل منتظر جواب على حال رونق لان ما يعرف شنو صار بيها ..

بعد ساعة :

اقترب منه كرار و خله ايده على كتفه ..

كرار : رونق اعطتك عمرها .. البقية بحياتك ..

بعد خمس سنوات :

احمد : بابا انت مو گلت اليوم تاخذني لماما ؟؟
عباس : اي بابا اخذك .. بدل و گول لوردة هم خل تبدل ..

ركض احمد لغرفة اخته الكبيرة و شافها صافنة ..

احمد : يالله وردة بابا يگول بدلي حتى نروح !
وردة : اي هسه ثواني ..

تقرب منها و وگف بصفها ..

احمد : شنو دا تسوين ؟!
وردة : دا اكتب رسالة لماما فاطمة و لماما رونق ..
احمد : اكتبي رسالة مني الهم اني هم !!
وردة : گول شنو تريد اكتب و اني راح اكتبلك ..
احمد : اكتبي .. احبچن من حمودي

ظلت وردة تضحك و احمد هم و عباس يباوع الهم من الباب مال الغرفة ، راح لغرفته و قرر ينام لحد ما يكملون ..
تمدد على الچرباية و ظل صافن الى ان نام .. شاف رونق گدامه و مبتسمة ..

عباس : رونق❗
رونق : اي اني هنا ..
عباس : اني اسف والله سامحيني و الله احبچ رونق ليش تركتيني !!!

ركض عليها راد يحضنها بس ابتعدت عنه ..

رونق : انت چنت السبب الاول لبداية عذابي .. عذاب يتيمة .. بس مع ذلك اني مسامحتك .. خلي بالك من ابني و وردة و فاطمة تسلم عليك ..
عباس : لااااا روووونق❗

گعد و هو يلهث و انفاسه مگطوعه و خايف .. تذكر الحلم و ظل يستغفر ، شاف وردة بباب الغرفة واگفة و مبدلة و لازمة ايد رضى ..

وردة : يالله بابا نحن كملنا !
عباس : اي اگعدوا يم بيبي و هسه اغير ملابسي و اجي ..

راحوا و هو وگف و راح للكنتور ، فتحه و طلع صور العرس مالته هو و فاطمة .. باوع بيهن و ظل يعتذر ..

غير ملابسه و طلع اخذهم و راحوا للسيارة ..

عباس : احمد ، ماما تحبك هواي انت و وردة و ماما فاطمة هم ..
احمد : اني هم احبهن !!
وردة : و اني هم بابا احبهن !!

شغلوا السيارة و انطلقوا للنجف ..

..

البارت الاخير حيل قصير لان هاي هي النهاية ..

تابعونا بقصة اخرى ان شالله
في امان الله 😊✋