ضحايا الحب

البارت الاول

السلام عليكم اني اسمي فاتن مواليد ١٩٩٨ صف ثالث متوسط لازم اعدادي بس اكو ظروف خلتني اترك سنة من دراستي اني اخت لأربع إخوان واني الوحيدة لاهلي اخواني ترتيبهم وائل وخليل وفضل وحسن راح تعرفون شخصيتهم بالأحداث اني هدفي انو اكمل دراستي وارجع تعب اهلي شكلي مو كلش حلوو يعني طولي ١٤٠ وزني ٦٥ حنطاوية وعيون صغار وخشمي شوي جبير اخواني متزوجين والحمد لله تخرجو وموظفين أكبر مني بس واحد اصغر مني احنة عايشين بيت جدي أو هوة بيتنة لان بابا هوة عمرى وبنا وانطة حصص لعمامي همةاربع ٣ طلعوا بس واحد بقة اسمة أحمد والباقيين طلعوا المهم فد يوم اني جنت اشر بالملابس بالسطح الاول لان الثاني بي طيور عمي ابو المشاكل المهم اني من نوع ما احب البس حجاب بالبيت لان محد بي عمي ما يصير عندى أطفال بس اتبنة بنية من هلة مرتة المهم ما احس الة على صوت ورأي سلم علية هلة فتونة شونج أندريت واشوف ابن عمي سعد اسمة حسام ورديت علة السلام لان هوة أكبر من بسنة بس اني اتشاقة ويا وبينتنا ميانة بس اخواني مايطقونة لان مطيرجي وتارك دراستة خاصة خليل يموت منة ومحذرني ان ما احجي وية بس اني اعاند واحجي ويا كاعد اشر وهوة يسولف ويلي ما احس الة على صوت ورأي بصوت عالي بطة اني شكلت والتفت لمكان الصوت واشوف خليل واكف وعيون دم من العصبية
السلام عليكم اني حسام مواليد١٩٩٧ تارك الدراسة اشتغل عمالة وية ابوي وعمامي حتة اساعد ابوي لان الوحيد واخ لأربع اخوات اصغر مني اكره ولد عمي عبد الجبير كره لان احسن مني مخلصين دراسة وموظفين متزوجين وعمي مدللهم واني حسرة علية الطلعة المهم اني اهلي طلعوا من بيت جدي بعد ما عمي عبد انطة حصة ابوي من ورث جدي وكدرنة ناخذ بيت صغير ونعيش بي يم عمامي والبقية طالعين هم المهم امي تلح علية حتة ما اكطع علاقتي وية بيت عمامي وامي مو على صلح وية بيبي ام ابوي ولهذا طلعوا من البيت فاني جنت اروح البيت عمي علمود الطيور وهناك كانت بت عمي عبد الوحيدة المدللة بالمدرسة بس اروح كوة علية بس بت عمي فطيرة وحبابة واحجي وياهة لان هية بعمر اختي دعاء اصغر مني بسنة وتحبنة ودائما تجينة فاني احب طيبتهة ودائما اخوانها يرزلونهة من وراي المهم فد يوم جنت رايح على بيت عمي عبد وشفت فاتن كاعدة اشر بالملابس وسلمت عليهة وكعدنة نسولف وفجأة حسينة صوت ورأي مال عياط واندار والكة الشفية ابن عمي خليل عصبي لان اختة نسولف اني وياهة وخزرهة وهية خطية ركض شردت بقينة اني ويا كال كم مرة كايل فاتن خط أحمر ما توصلة طنشتة وردت آفوت ولزمني من ياختي وكال افنيك اذا تفكر تمس اختي واني استهزاء بي المهم عفتة ورحت جنت احب مواقع التواصل واحب اصادق وعلاقات وكذا المهم صعدت فون اكلب بفوني
فاتن. اني شفت خليل عصبي ركضت يم ماما وشوي اجة خليل واني ختلت ورى ماما وكام يهدد مرة لخ اذا اشوفج وية هذا النذل تحلمين تكملين مدرسة وافنيج من الوجود مفهوم أخر كلمة كالهة بصياح اني كمزت وكمت ابجي شقتة ضاج وطلع ماما هم رزلتني وطلعت بقيت ابجي واجت مرة خليل تهدي بية
مرحبة اني زينب زوجة خليل خريجة وحبيت خليل بالكلية وتزوجنة ورى التخرج فد يوم كاعدة واجة خليل نار عصبي سئلتة شبيك كال هيج وهيج نقهرت على فاتن وطلعت لكيتهة تبجي كعدت اهدي بيهة واقنع بيهة هسة فطيرة كتلهة نطلب اكل من برة كامت تكمز الهبلة
فاتن. كالت اكل من برة كمت اكمز وطلعت وصار خليل بوجهي بطرمت واجة حظني حظن اب وكال اسف عصبت عليج بس انتي عنيدة بطرمت بالزايد وضحك علية بكم كلمة ورضيت صح هوة عصبي بس وياي شخصيتة تختلف حتة مرتة تكول وياي مو هيج احسة ابوي لان بابا مايسمع ولايحجي يعني فاقد حواس اثنين بس ماحسسنة بهذا الشي وهو احلى واحن اب بالدنية
مشت الأيام وية الدوام ثالث وزاري الخوف كاتلني واريد معدل علمي لان جان حلمي اصير صيدلانية ان شاء الله كملت امتحانات نصف السنة والحمد لله كدرت اطلع معدل ٨٨ هذا الشي خلاني احس بالقوة حتة بالنهاية اطلع اعلى كانت اعز صديقة الية هسة بت عمي دعاء وبنت خالتي زهراء حيل احبهن وخاصة زهراء لان وياي بالمدرسة حتة نفس الخط ونلبس سوة بت عمي انخطبت لأبن خالي من زمان جان معجب بيهة والحمد لله صارت القسمة اول شي اخوها حسام ماقبل لان كرايب اخواني وبعدين قبل جنة اني ودعاء نحب ولد خالي هية تحب عبدالله واني معجبة أو من كثر حبي لأبن خالي فاروق كمت حتة انسة روحي من اشوفة واني من عمري١٠ سنوات اني معجبة بي وجنت ما اشوف غيرة رغم هوة مو حلو بي احبة وهنا صدقت عبارة ان الحب اعمى واتفقنة انا ودعاء نتزوج نفس البيت وجنت احلم بعيشتي وية فاروق رغم هوة بارد من تجاهي بس اكول يجي يوم ويحبني متفألة رغم برودة فاروق هسة صف خامس ادبي ومايتزوج الة يتخرج جنت مأمنة انو ميزوج غيري واني وأحلامي الوردية جنت افكر انو خاف يدخل للكلية ويشوف البنات احترك بالغيرة المهم كنت هواي متفألة وطنشت واهتميت بدروسي إلى أن أجة اليوم الي عرفت بي انو فاروق متقدم الى زهراء وجانت هنا الصدمة من عرفت احس بروحي دخت رحت سئلت زهراء هية موافقة كولي خوف تجي من الغريب ولا من صديقتي سئلتهة ارتبكت لان تعرف اني معجبة اواحب فاروق كالت لا اني ارفض لان دراستي اهم فرحت وعدت الأيام قبل فاروق مدرستة قريبة علينا دائما يمر علينا يسلم على امي واخواني يحبو عكس حسام واني اظل اتأملة من ورة الشباك بس ورة فترة خطبتة لزهراء كام ابد ميجي كلت خاف ميلحك بس اشتاقيتلة رغم مالي حق بس كلبي مو بيدي ورى فترة رحنة لبيت جدي كانت عطلة المراجعة مالت نهاية السنة فمامة كالت نغير جو رغم انو احنة مو دائما نروح لبيت جدي رحنة هناك حجي وسوالف وانتظر فاروق يجي ماكو اريد اكحل عيني بشوفتة اشوي طب فدوة رحت لطولة وسلم على الكل عداي اني تفأجات كلت خاف ماشافني دائما اللكة الة عذر حتة ما انصدم وفجأة صارت الصاعقة جان امي تكولة بالعافية على الخطبة يوم اشوف جهالك عمة وهوة مبتسم فرحان طاير اني مافهمت جان امي تكولةوالله زهراء خوش بنية تستاهل بالعافية وهوة الله يعافيج عمة يوم لبطة طبعا اني لقبي بطة ظليت مقاومة ابتسمت الة عافني وراح اريد بس ارجع افتهم السالفة من زهراء ما اريد اظلم احد او ما اريد انصدم رجعت دكيت عليهة مرة مرتين بالعشر مرات ماكو رجعت دكيت على اخوها هسة عدها اثنين اخوان واحد تؤامهة والثاني أكبر تؤامهة كلش حباب وصديق عزيز علية كتلة هلوو حسون شلونك ضلع حسين.هلة فتونة شونج ضلعة وسولفنة شوية على الدوام كتلة شو آدك على زهراء ماكو كال مو ماموجودة كتلة وين غير عدنة مراجعة كال غير راحو يجيبون حلقات الخطبة هية وفاروق اني كال هيج كمت ما احس بدموعي
حسين. الوو فتونة وينج يمعودة
فاتن. سديتة وكعدت مصدومة لاموصديقة عمري تسوي هيج لاهاي اختي موصديقتي هذا يشاقة وياي رجعت دكيت ماكو مرة لخ طلعت كالت الو
فاتن.هلة زهوري مبروك حبيبي
زهراء.الله يبارك بيج عيني
فاتن.جان كلتي اروح وياج
زهراء.كالت مو اهلي ماقبلو بس اني وفاروق نروح
فاتن.ليش هيج سويتي
زهراء.شنو سويت اني
فاتن.ها متعرفين وسالفة الخطبة
زهراء . باعي فاتن اني ما قبلت بس اهلي كالو اذا متقبلين تبطلين من المدرسة وقبلت سامحني حبابة مو بيدي
فاتن.الله كريم حبي يتمم على خير ان شاء الله
ختمتهة وية زهراء وكعدت ابجي على حظي اشوي واسمع صوت وائل بطة بطة حبيبي وينج
فاتن.ها وائل عمري هنا اني مسحت دموعي وكمت لوائل
وائل . حبيبتي شبيج باجية
فاتن.لاهيج ضايجة
وائل.من شوكت تكذبين علية
فاتن. بجيت ماكدرت
وائل .يمة حبيب شبيج
فاتن. زهراء شهكة خطبة
وائل.خايفة خاف تعوفج ورى الخطبة لاحبيبي ما راح تتغير عليج صدكي لان هية ما دام تحب فاروق وافقت علة وهوة هم ما راح يجبرهة على شي
فاتن.اسمع كلامى واشهك علة غبائي طلعت تكذب علية يجي يوم وتبان الحقيقة
وائل .يلة حبي كافي بجي وكعدي اقري انتي وزاري اريد معدل زين حبي ماشي اني رايح محتاجة شي
فاتن.لاسلامتك عيني الله وياك
طبيت لغرفتي مالي واهس حتة اقرة ظليت ابجي وانتي غفيت ماحسيت عل وجه الصبح