ضحايا الحب

البارت الرابع عشر

حسام . طلعت واشوف الصدمة احنة بصفنة قطع ارض مال بيت عمي عبد وهسة واكف وائل ويا عمي إبراهيم وفاروق وعبدالله يحجون على تأسيس بيت بس المن ما اعرف رحت سلمت عليهم ردو بس وائل لا طنشتة الله يهدي علينة ومن خلال الحجي عرفت انو وائل وخليل  راح يبنون بهاي القطع ما اعرف افرح لو احير شلون راح احسن علاقتي بيهم
عبدالله . شتحتاجون احنة حاضرين
وائل . ما تقصر خوية وظلو يسولفون
عبدالله . استجاب دعاك حسام هاي فرصة حتة تبين أنك تغيرت شد حيلك
حسام . الحمدلله
مشت الأيام وبدو يبنون بالبيت واحد لخليل وثاني لوائل اني احاول اروح يمهم واحس وائل بدة يتغير سلوبة بس خليل ميجي هواي لان شغلة اصعب من وائل فيجي قبلة ويشتغل وخليل مرات يجي مو دائما فاتن بعد ما اجت لان بعدها تعبانة مرات اراسلهة ومرات اعرف اخبارها من دعاء وخلصت العطلة بعد اسبوع تبدي المدارس اني ثالث وسنفورتي سادس ان شاء الله اثنينة وزاري وفتونة خايفة ولان راح ظل وحدهة بالبيت تخاف متلحك حقهة بس احاول اطمنهة واني اكثر خايف بس افكر بعلاقتنة اكثر من اي شي يوم من الأيام بعد مرور شهر ونص على البناء كدرنة نخلص هواي شغل بالبيت واحس وائل يضحك وياي ويسولف الحمدلله بس بعدني خايف عزمنة وائل حتة يتشكر منة على تعبنةوياهم اني وفاروق وعبدالله وهوة واخوانة ومناك نروح نجهز شغلات الدوام من المتنبي رحنة بس احس خليل نظراتة بعدها مو حلوة المهم رحنة تريكنة هناك واشترينة قرطاسية لان تقريب كلنة دوام وكعد فضل يختار لفاتن دفاتر وخليل يدور الهة اقلام تحبهة وائل يدور على روايات هية تحب القراءة واني اباوع شلون مهتمين وحايرن بيهة وفرحوا من لكو الشغلات الي تحبهة كعدنة نتغدة وخليل سئل كال المن اخذت هواي شغلات بس حنين بالمدرسة
حسام . الي ولحنين
خليل. يعني انت بالمدرسة
حسام . يي
خليل. ياصف
حسام. ثالث أن شاء الله هاي السنة
خليل. ها خوش الله يوفقك
حسام . انصدمت من اسلوب خليل يالله بدت تفرج
خليل . اني واخوي وائل نكره حسام ابن عمي لان هوة مرافق عمي احمد وهوة ابو مشاكل وطيور ويكرهنة ويجب يأذينة وجان يكول اذا تخلصون مني هذا خليفتي على حسام وجان دائما ويا وتصير مشاكل من ورة وجنة نخاف على فاتن منة لان خاف يستغلهة حتة يأذينة بس ورة مابدينة نبني يمهم احس بي شخص ثاني مو هوة قبل سنتين يعني شكل وتصرفات احسة حتة عقل متغير وعجبني حبة ان يكون ويانة وعبدالله ابن خالي يمدح بي وخالي ابراهيم من نوع مو اي شخص يعجبة بس يحب حسام واليوم صدمني من كال راجع للدراسة يعني عرف طريقة الصح الحمدلله وصار فترة ميجي للطيور يعني معقولة هيج متغير واخوي وائل دائما يسولف بي يكول خوش ولد وخدوم وميطيح من لسانة
حسام . مرت الايام وتحسنت علاقتي بولد عمي وبديت اتعرف عليهم اكثر وهمة هم وبديت احس بيهم تغيرو وياي حيل فرحان وفاتن هم فرحانة بهذا الشي
فاتن. ظليت فترة ما اروح لبيت عمي بس انصدمت من اخواني حسام مايطيح من لسانهم ويحبو اريد اعرف شسوة وهيج تغيرو ويا بس الحمدلله هذا الشي بصالحنة
قبل المدرسة بيوم وائل كال نروح ترحين وياي خاف بعد دوام متكدرين ترحين
فاتن. وين
وائل . لبيت عمو سعد
فاتن. يي ليش لا وبداخلي راح اشوف حبيبي صار شهرين ما شايفتة رحنة وجنت حيل فرحانة وصلنة وطلع حسام هلة بابوزينب شونك ضلع اخبارك لعد وين خليل ما أجة
وائل . لا والله تعبان اجيت بس اني وفاتن
حسام . كال قزومتي وياي كلبي صار طبلة وطلعت لابسة عباية راس ومبتسمة
فاتن. شفت حسام مربي لحية عكت حاجبي
حسام . شو هاي كلبت خلقتهة بس شافت وجهي
طبينة وسلموا وكعدو بالهول اريد اكوم كدرت اسحب روحي ولشوي اجة عبدالله ودعاء لان عرفوا فاتن هنا وأشرت لدعاء تصيح لفاتن اجت تكلي ما تجي
حسام . اني صرت اعصاب طاك كلبي عليهة وهية تتدلع كتلهة كليلهة اذا ما اجت اسحبهة كدام الكل وتعرفين خبالي لشوي واجت لابسة دشداشة مبينة ضيكة اشوي
فاتن.  شتريد
حسام . هلا عيني اعتقد احنة كرايبج وشنو هذا الثوب عيني ماكو قماش بالسوك وصار هيج ضيك
فاتن. مثل ما انت تربي لحية حتة البنات تنعجب بيك اني البس ضيك حتة الزلم تنعجب بية وحدة بوحدة وياريتني ما حجيت
حسام . عرفت ضايجة من اللحية بس  من كالت الزلم تباوع علية فقدت جريت ايدهة علية حيل واخذتهة للغرفة شنو كلتي ست فاتن عيدي بلة خلي اسمع سكتت اتقربت عليهة كتلهة احجي بعيطة
فاتن. خفت ورجفت كتلة ما كلت شي
حسام . حطيت كصتي على كصتهة الزلم تريد تباوع عليج مو انت بس الي محد يباوع عليج مو زين اخلي اخوج يلزم ايدج اني سويت لحية عجبتني مو حتة اسوي علاقات وهذا الثوب بعد مينلبس خوش لان تعرفين خبالي
فاتن. ماشي وخر خلي انزل
حسام . حبيبتي زعلتي
فاتن. همزين اذكرت اني حبيبتك لا مزعلت بس انعديت من خليل بس صياح
حسام . هههه انتي حبيبيتي بست عينه وحياتي ونزلت علة خشمهة وروحي وبديت ابوس خدهة وهية ذابت وعاطت خرمشتهة اللحية وجان نضحك وكالت عرفت ليش ما احبهة
حسام . هههه صدكت اذا مثل هيج مكافأة اخذهة ازين أصلع اتقربت ابوسهة وندك الباب
يتبع🗨🗨🗨🗨🗨