ضحايا الحب

البارت الخامس والعشرين والاخير

حسام.  ابو العروسة يطلب فاتن لابنة واني عطت فاتن منهي عليهة ابن عمهة يريدهة ماشي
ابو العروس. وين ابن عمهة شو ماكو
حسام . اني ابن عمهة عمي نعتذر منك بس البنية اني اريدهة
ابو العروس.  واهلهة قابلين
خليل. نكدر نعترض
الكل.  هههههههه
فاتن . اسمع حجي حسام واضحك صفنت معقولة الي يصير خاف بحلم اني الكل فرحان وحسام يمي راح يصير الي وتكمل فرحتي بعد مرور اشهر صارت خطبتي اني وحسام بعطلة نصف السنة والعرس ورة التخرج حسام ابد ماعافني خلال هاي الفترة وحسيت بنفسي كمت احبة اكثر من قبل اما بالنسبة لوسام خطب حنين اخت حسام شافهة بخطوبة حسن ونعجب بيهة وصارت القسمة الحمدلله دعاء حامل حاليا ومنتظرة مولودها الثاني فاروق منتظر طفلة الاول وعسل مشاكل وية رجلهة بس صابرة لان تحبة عمي احمد انتقل بالعيش يمة اهل مرتة علاقتنة محدودة وية عمامي ماعدا عمي سعد وقرر حسام ان ينتقلون يم بيت اهلي وفعلا باعوا البيت وانتقلوا بيت قريب علة اهلي
حسام . اليوم حفلة تخرج محبوبتي وزوجتي وكلشي بحياتي تعبت يلة كدرت افوز بكلبهة وتصير الي صح جنت اكرهة بس هسة ما اعيش بدونهة هي حبي الاول والاخير
فاتن . حسام وينك البدلة ضيكة
حسام . بت الاوادم شبيدي اني انت سمينة
فاتن . حسام والله ازعل شسوي عفية
حسام . اهدي بس لاتتوترين وهية تصير على كدج اهدي حبي
فاتن . ماشي انت شكاعد تسوي
حسام . كاعد اكل دولمة اويلي شلون حامظة تخبل
فاتن. شكد خبيث اني مشعولة وانت تاكل
حسام . حبي اليوم يراد قوة حتة اكدرج ماشاء الله انتي ولا قوية الله يكون بعوني اليوم هههههههه الو خنست خفتي يمة اروح فدوة لليخاف ههههه
فاتن . عابت اكرهك
حسام . صدكت والدليل الكلادة الي بركبتج صح
فاتن. لزمت الكلادة الي ما فركت عيني سوينة العرس بالقاعة وجان الكل فرحان اشوف اخواني وعوائلهم وبيت عبدالله الي لو ما همة اني وحسام جان ماكدرنة ننجمع امي وابوي بيت عمي سعد وسام وحنين والكل عايش الفرحة ويانة جمعنة الحب بهذا المكان
الحب ليس كلمة الحب شعور واحساس جميل يأخذك لعالم ثاني فقط انت ومن تحب الحب صدق وصبر
الحب جنة و نار في نفس الوقت اعرف من تحب وكيف تحب ابني نفسك على علاقات صادقة تحيا بحب لا تبحث عن الحب كن انت الحب الذي يتمناه كل شخص اعزف لحن العشق الحب ليس حرام ولاعار الحب ان كان في الله وصادق اجمل مايكون هو الحب الحلال كن صادقا في حبك تفز ان الله يحب الصادقين فيرضى عنهم ويرضيهم الحب نعمة اشكروا الله عليها وتذكروا كنو صادقين بكل شي
بقلمي ياقوتة❤💕
بعد مرور سنة
فاتن. يمة حبيبي يبجي شبيك وياك وابوس بأبني جهاد
حسام . كافي مو موتي الولد من البوس عوفي
فاتن. ما يمة ابني حياتي شلون ما ابوسة
حسام . لعد لتصيرن ظالمة الي وحدة والة وحدة
فاتن. يمة بابا يغار منك حبيبي جهادي
حسام . بس حسامي ماكو جهادي
فاتن. جهادي
حسام . فاتن حبيبتي لاتعصبيني ترة اسوي شي مايعجبج
فاتن. كلشي منك حلو صح جهادي
حسام . اشوي تعاي
فاتن . الولد وك ليوكع عوفني لادغدد أخ يمة هههه كافي حسام
حسام . ما وما هههههه
فاتن. الحمدلله انرزقت بطفل جنة كمر مثل ابوي سمينا جهاد لان اجة بعد جهاد طويل ههههه مريت بهواي اشياء بحياتي وتجارب خلتني اتعلم وكل شخص خذلني كان درس الي وتعلمت واليوم واكفة قوية واني سند لنفسي ولعائلتي ورا كل بجي فرح الحمدلله
حسام . الحب شي حلو عشتة وية فاتن بس لان هية سبب قوتي وسندي بالحياة الحياة تجارب حلوة وموحلوة عيشهة وخلهة علة الله تصير ختامها مسك ان شاء الله البنت مو جسم ولا الرجال شكل وفلوس لان الحب ميهتم الة بالكلب ومتعرف شوكت يجي اعرف شون تحب حتة تعيش براحة عرفت ان الصادق ميخسر والظلم ميدوم يجي يوم ويظهر الحق حتة لو طال الزمن والحمدلله على كل حال
النهاية
بقلمي ياقوتة 💕❤
اتمنى ان القصة نالت اعجابكم كانت بداية حلو شكرا لمن دعمني واتمنى ان تقدر تعبي بتصويت ومشاركة ليستمتع الجميع بقراءة القصة تعاليقكم يهمني ارجو وصف القصة بتعليق وشكرا دمتم في حفظ الرحمن ❤❤❤💕💕💕😚😚😚