ضحايا الحب

البارت العشرون

احمد. انتم تعرفون ان بيت جدكم الله يرحمة مسجل بأسم ابوكم وهوة انطة حصص بس لاربعة من عمامكم وعماتكم واحنة البقية نريد حصصنة
خليل. والمطلوب شنو
احمد. احنة رفعنة قضية على ابوكم حتة ينطينة الورث
هنا الكل نصدم
فضل . زين ليش القضية شنو بابا اذا كلتو تردون حصص مينطي
احمد . مو احنة جربنة كال ماعندي هسة لعد منين بنو اخوانك بيتهم
خليل . شني السالفة عمي هذا شغلنة صار ٥ سنين موظفين واخذنة قرض شنو اصغار وابونة ينطينة
احمد. لا بلة مو رابتكم مليون علينا هاي السوالف
وائل . شكلك ما ناوي على خير
احمد . اي صار ٢٥ سنة متحملكم اريد اخلص واعزل وحدي
خليل . اي اشتغل وكون نفسك
احمد . احترم لك والله انتم على الحاضر بيوت وعائلة واني اتعب تحلمون
فضل. بس متكدرون حسب القانون لازم اكثر من نص الورثة مدعين وانتم بس اربعة والبقية خمسة شلون تربحوهة ظلم لو تزوير
احمد . شلون اربعة اني ومصطفى وليلى و سهام وسعد
حسام . اني ابوي ما خذ حصة شلون يشتكي
احمد ههههه بس امك كالت غير حجي مو اتفقت وياك
كلنة باوعنة على حسام
فاتن. يحجون واني أردد حسبي الله عليهم من كال عمي احمد هيج احس نضربت عل راسي ١٠٠ شغلة اجت بالي
احمد. ههههه لعد منو جان يكلنة على اسرار بيت عبد ويحجي عليهم اسئل نفسك وامك وتعال
حسام . شتقصد انت ها فهمني منو يسئل نفسة
احمد . روح اسئل امك وتعال احجي
حسام . طلعت ركض لبيتنة
فاتن. لا فاتن اهدي كلة جذب احمد يجذب احس دموعي كامت تنزل بدون وعي معقولة هذا كلة جذب حسام وتصرفاتة وحبة الي هم جذب ما اصدك جانت زهراء وفاروق وعسل موجودين هم
عسل. كتلج من البداية عوفي ما سمعتي
فاتن. جذب انتي هم جذابة ميسوي هيج حسام يحبني هوة كلي
عسل . هههههه شكد فطيرة بس اكلج خطية هذا جان كلة لعبة وخطة من ام حسام وحسام حتة يوكعون بيكم ويكسبون القضية وذاك هوة اسئلي وكلليلة شنو نيتك اول ما عرفتني وتعرفين الجواب
مسكينة فاتن هههه جاو
فاتن. اسمع وما مصدكة رحت لدعاء جاوبي شنو جانت نية حسام الاولى الله عليج احجي ما بية اتحمل بعد
دعاء . ها
فاتن . بداعت بداعت عبدالله احجي الصح لاتجذبين علية
دعاء . باعي والله وداعت عبدالله نية حسام صافية وياج قبل جان يكول اكسر ظهر اخوتهة بيهة بس والله كام يحبج وشال هاي الفكرة من بالة
فاتن. اسمع وابجي وعمة
دعاء . امي جانت مناوية زين بس والله من عرفت حسام يحبج عافت هذا الموضوع والله وداعت عبدالله
فاتن. احس رجلي صارت خيوط بعد ما اتحمل صحت عبدالله وين خلي يجي يوديني
دعاء . راح وياهم
فاتن. فاروق عفية وديني الله يخليك
رحنة كلنة احس الطريق دهر اريد اعرف اني وين ذبيت نفسي
حسام . رحت على امي وسئلتهة كالت ما حاجية شي زين منو جان يوصل الاخبار عسل ماكو غيرهة منو جان يجينة ويعرف كلشي بسيطة اجيت اطلع واجو الكل وراية احس نظرات ولد عمي عتب بخيبة أمل تجاهي ما اعرف شلون اتصرف ادور بعيوني فاتن وين فاتن صحت اجة صوتهة بس مخنوك هنا موجودة
احمد . ها شكالت امك
حسام. امي ما حاجية صدك نيتهة جانت مو زينة بداية علاقتي بفاتن بس هسة لا تغيرت احجي منو جان يوصل الاخبار الكم احجي
عسل. اني عندك اعتراض
حسام . انت قد وحدة حقيرة وما مترباية شون هيج تسوين
عسل . كتلك لو تصير الي لو متصير لغيري
حسام . لك بت الك...
عسل . هي لا تغلط عاد اني صريحة مو اجذب على الناس وامثل احبهم حتة اخذ ورثهم مثلك استاذ حسام
حسام. لج انجبي وضبي لسانج
عسل. اشو احجي هية خربانة خربانة اكلهم انة كتلي كلشي اسوي بس لاتكلين لاحد على خطتي ناسي لو اذكرك
حسام. وانتي ردتي شكو شي حرام حتة تسكتين ناسية لو اذكرج
عسل . يعني كلامي صح مو
حسام . سكتت بعد ما اكدر احجي
احمد اخذ عمامي وراح ظلوا بس بيت عمي عبد وإبراهيم
حسام . جذب والله جانت نيتي قبل ٣ سنوات بس فكرت والله ما سويت شي بس احس محد يصدك بية الكل يباوع علية بحقد فاتن والله مسويت شي جذابين ذول وداعتج نيتي صافية وياج صدكيني
فاتن . لاتكول اسمي بالسانك انت واحد جذاب وكثير شلون هيج تسوي بية الله لا يوفقك كضيت وياك سنين من عمري وطلعت جذبة حرام عليك كمت اشهك لك حبيتك من كلبي وخنت ثقة اخواني علمودك انت شنو حجر ما فكرت شنو شعوري حتة لو تغيرت نيتك ماجنت تحس بالذنب جان كلت حتة ميصير ال صار اليوم وتوصل لهنا حرام عليك لك اني بشر حسافة بيك والله كمت اصرخ اكرهك الله لا يوفقك اجو علية وائل وفضل يهدون بية وخليل هجم على حسام
خليل. ثقينة بيك وامنت اختي يمك تالي هيج تسوي يانذل
عبدالله وفاروق فرقو بين خليل وحسام
حسام. والله مو قصدي هيج مو اني السبب صدكوني
وائل. كل التهم ثبتت عليك مع الاسف عليك والله
حسام . فاتن حبيبتي صدكيني والله ما جانت ناوي هيج
وائل . مجنت ناوي هيج وصار هيج حسبي الله عليكم ابوي جان يفكر بيكم اكثر منة ويجب الكم مثل ما يجيبنة هيج تجازوا حرام عليكم الله على كل ظالم
فاتن. حسيت بألم براسي وحسيت اكو شي دافي من يم اذني هذا دم يالله اذاناي وحلك يجرن دم كامن.
وائل . فاتن سمعني ردي لاتغمضين عيونج لازم تمشين حتة يتوقف النزف فاتن فاتن
فاتن. اسمع صوت وائل بعد ما حسيت بشي
حسام. واكفين وبدت محبوبتي تنزف احس كلبهة مو وجهة ينزف بسببي ركضت عليهة واجة خليل دفعني وشالهة وراحو اجيت اروح اجاني صوت عبدالله
عبدالله. لاتروح أفضل الك خلي ترتاح
حسام . بس
عبدالله . بدون بس كافي مشاكل اني اطمنك عليهة
حسام . راحو وظليت للصبح كاعد وافكر شلون راح احلهة يارب رحمتك يارب اجاني اتصال من عبدالله انو صاير عدهة انهيار عصبي وتخثر دم وهسة احسن الحمدلله
مرت الايام واجة يوم المحكمة فضل ابن عمي جان محامي اتكفل بالقضية ورحت للمحكمة كشاهد
فضل . آخر طلب منك حسام
حسام . اطلب أي شيء
فضل . اشهد بالحق اذا مو لخاطري لخاطر عمك وفاتن وهذا آخر طلب احنة ورى المحكمة راح ننتقل منا فخلي الخاتمة حلوة الله يخليك
حسام . يحجي واحس بنغزة بكلبي على بنتي
دخلنة المحكمة وشهدنة اني وابوي على انو عمي عبد منطي الحصة لنص الورثة والحمدلله فاز عمي عبد لان الحق مبين وطلب فضل انو تعويض القضية ينطون الحصة الاكبر لعمي عبد من الفلوس خلال ١٠ ايام وراح يطلع من البيت
حسام . احس دمعتي نزلت ما اعرف على حالي لو علة حبي لو وين وصلت نفسي خسرت كل شي ادور بعيوني على فاتن ماكو بنتي ماكو وينهة اريد اشوفهة واحظنهة معقولة تعوفني لا هية كالت مالي غيرك واني خذلتهة شكد اناني اني هسة شلون اخليها تروح من ايدي وتزوج غيري لا موتي قبل هذا اليوم يارب فرجهة
طلعنا وراحو بعد ما عمي احمد اخذ خوش لزالة من عمامي الباقيين وطلع بقوا بس بيت عمي عبد رحت واجة خليل كال من هذا اليوم انت بطريق واحنة بطريق انسة عندك بيت عم ماشي عافوني وراحوا
ومر اسبوعين واخذوا الفلوس بيت عمي عبد من باقي عمامي واخذو بيت بغير منطقة بعيدة عنة حتة وائل وخليل اجرو بيتهم لفاروق وعبدالله وراح يرحون وياهم ينقلون بغراضهم وشفت فاتن اجت بتاجهي اني طرت من الفرحة بلكي هدت واجت تحاحيني كلت للبيت طبيت وراهة وصعدت لببتنة الفوك واني رحت وراهة بلكي الله فرجهة
فاتن. حسام
حسام . عيوني انتي
فاتن. اني اجيت حتة اكلك
يتبع 🗨🗨🗨🗨