ضحايا الحب

البارت الثالث عشر

حسام . خليت فضل وخليل يطلعون ورحت لغرفة فاتن
فاتن. كاعدة وانفتح الباب بدون ما اباوع عطت كلت اني ما اريد احد متفهمون
حسام. حتة اني مترديني
فاتن. شفت حسام واكف ضليت اباوع علة بحزن
حسام . شفت عيونهة مليانة حزن ودموع اتقربت منهة بدون اي كلمة حضنتهة وهية حضنتني قوي واحس بيهة تبجي بس بصمت
فاتن. حظني واني محتاجة الة بهل الوكت  كتلة عفية ما اكدر بعد تعبت حباب لتخلي اخواني ييعدون عني  ما اتخيل حياتي دونهم يعني ماكو صوت خليل وشقة وائل وزينب ونهى والجهال مينتظروني من اجي من الدوام اجيب حلويات الهم ويضحكون علية وينامون يمي وصيحوني عمة بطة يعني ماكو عرك ماما وخليل شون فهمني عفية ما اكدر حسام تعبت يومية صايرة وياي مشكلة ترة عمري ١٨ مو ٨٠ سنة تعبت عفية انت مو تحبني لاتخليهم يرحون
حسام . تحجي وتشهك واني بس امشي ايدي على راسهة بلكي تهدة احس نفسي اني كاعد اتألم شسوي ما اعرف
فاتن. حسام اني احب اخواني هواي بس همة الي شسوي هسة ها
حسام . الله كريم ياعيني تنحلة و عيونج لاتبجين مو هديتي حيلي
فاتن.  حسام
حسام . عيونة
فاتن. انت ماراح تعوفني مثلهم صح اني خليتي ثقتي كلهة بيك وانطيتك فرصة وصح خنت ثقة اخواني وحجيت وياك وربطت نفسي بكلبك بس ادري بيك ما راح تخيب ظني مو صح
حسام . تحجي واذكرت حجي امي كتلهة انتي روحي وحبيبتي ومرتي وبنيتي انت كل شي شلون اعوفج
فاتن. اممم وحظنتة حسيت بأمان بحظنة دافي بي شعور حظن بابا واخواني وشعور غريب يجوز هذا هوة الحب
حسام . يلة ياروحي ارتاحي ليجي خليل يمحي ملامحي من يشوفني يمج انت خط أحمر على كولتة ههههه
فاتن.  ماشي حبي ديري بالك على حالك
حسام . وانتي هم حياتي بستهة من راسهة وطلعت
واني ناوي اسوي المستحيل حتة لا اخيب ظنهة وثقتهة الي انطتهة الي لو اعرف احارب الكل
عبدالله . ها شلون صارت
حسام . الحمدلله احسن
دعاء. هسة شلون بيكم
عبدالله. من شوكت انت وفاتن
حسام . ابتسمت من يوم الي سئلتك تذكر
عبدالله . ههههه ايا بذات صار سنة ونص سبع محد حس بيك
حسام . ياسبع وك نهد حيلي من شفتهة هيج شلون بية
عبدالله .  الله كريم يا عيني يامدام حبكم صادق ان الله يجمع بين كل قلبين صادقين لا تخاف مدام رمضان ادعي ابواب الدعاء مفتوحة عسا ولعل تفرج
حسام . ونعم بالله ظلينة لحد ما اجو بيت فضل سلمنة عليهم وطلعنة وروحي ظلت يم سنفورتي بالي يمهة شلون راح تنحل رجعت للبيت ارتاحيت واجت امي ها يمة شلونهة فتونة
حسام . الحمدلله يمة احسن
الام . يمة اني اريد مصلحتك وراحتك وسويت هيج
حسام . اي يمة بس اني راحتي يمة فاتن
الام. اي يمة اخذهة وارتاح 
حسام . واخوانهة
الام . تدبر يمة
حسام . بس شلون اذا عرفت فاتن بحجيج
الام . يمة منو يكلهة قابل اني لو خالتك
حسام . ههههه الحيطان الهة اذن يمة
الام . صدك منو كلك انت
حسام . العصفورة عسل
الام . عزة هاي منين عرفت خاف سمعت
حسام . يي يمة سامعة الحجي
الام . مالك شغل اني اسكتهة
حسام . لايمة عوفيهة اني ادبرهة
الام . على راحتك يمة تصبح على خير
حسام . وانت من اهل الخير ظليت اتكلب وافكر لحد ما نمت ما حسيت من التعب الة على صوت الاذان كمت صليت و دعيت الله يشفي حبيبتي ويجمعنة ويبعد عنة الشر  بقيت كاعد صارت ٧ صبح دكيت على فاتن ما شالتة كلت خاف فونهة بالبيت لشوي طلع مرئي يعني وياهة
فاتن. كعدت الصبح بيت فضل نايمين جايبين فوني وراهم كعدت اكلب بي لكيت رسائل من رقم غريب طنشت رجع الصبح هم دز كلت خلي اشوف منو دزيت منو معرفت
حسام . كتلهة اني واحد حاب اتعرف
فاتن. عزة هذا شبي اسفة عيني رقم غلط عفية بعد لا دز رسائل
حسام . بكيفي
فاتن . انت صدك سزز وما تستحي ماعندك خوات
حسام . على كيفج عيني اكو وحدة ترزل حبيبه من الصبح
فاتن . حسامي
حسام . فدوة اروح للياء
فاتن .  ههههههه صباح الخير
حسام . صباحج عسل مثل وجهج
فاتن. لاتكول عسل ماشي
حسام . ليش
فاتن . احسن بدون نقاش
حسام . ها لعد عسولة احسن
فاتن. حسام لاتجيب اي اسم ابنية على السانك غيري مفهوم
حسام . اه تغارين من عسل ها عيني
فاتن . منو اني لا على شنو بس اكره هذا الاسم
حسام . هههههههه صدكت ماشي حياتي انتي
فاتن. عفية بحسامي
حسام . شونج
فاتن. جنت موزينة هسة تمام
حسام . بعد روحي انتي بية ولابيج
فاتن . اسم الله عليك حبيبي انت شونك
حسام . بخير اذا انتي بخير سنفورت حياتي
فاتن. هههههه نخلت حياتي
حسام . سمعت صوت رجاجيل برة كلت اطلع اشوف ختمت وية فاتن وطلعت وجان اشوف الصدمة
يتبع🗨🗨🗨🗨🗨🗨