ضحايا الحب

البارت الثامن

حسام . طلعت برة مثل ما هوة عرس اختي عرس صديقي هم طلعت يم بيت عمي ابراهيم الولد حنتة بالليل مو مثل البنية رجعت للبيت لكيت الامة مكلوبة جهال ونسوان وتعال سلم اهووو يوم الك حسام ان شاء الله خالة وافلت للغرفة بدون ما اكول لامي بس ماشفت فاتن كلت خاف جوة رحت لغرفتي وفتحت الباب وشفت منظر يا ريتني ماشفتة فاتن واكفة وشعرهة مفتوح نازل لركبتهة ورجليهة ثلج ومدبدبة وهوة عليهة وتغني وتتمايل واني انصمط جدي هية شافتني واخترعت حارت شنو الي سوي اني نسيت نفسي من شفتهة هيج انوب صحيت اسفة والله مو قصدي بس عبالي محد هنا اعذريني وافلت
فاتن. فات حسام للغرفة وشافني هيج ظليت جامدة وهوة احس بي مثل الخدر يالله شلون بية اعتذر وراح واني الله لبست وكملت
حسام . طلعت لاكتني امي ها يمة شبيك كتلهة مابية شي يمة مابية وافلت
حنين وين فاتن
حنين .يمة بغرفة حسام كاعد تسوي باللفات
الام . ها شصار وهيج حسام مرتبك وفاتن فوك
صعدت وشفت فاتن صليت على النبي يمة شنو هل الجمال من هيج حسام متخبل
فاتن. اريد ابدل وصعدت عمة نفتح الباب وشفتهة عبالي حسام جفلت صلت على النبي وكالت هيج صرت طماطة يمة شلون بية
الام . عمة لا احد يشوفج هيج اخاف على جنتي من العين
فاتن. ها عمة ياجنة
الام . يمة ان شاء الله هاي غرفتج ترة حسام خوش ولد
فاتن . عمة صدك جذب يا حسام انتي شتكولين
الام . ههه يجي يوم وتعرفين
فاتن. طلعت عمة وظليت افكر اني وحسام شلون ما اصدك معقولة اخواني وهوة زواج اووف انوب اذكرت شكلة من شافني خجلت وكعدت اضحك
حسام .طلعت يمة شلون بية هاي راح تخبلني يالله منين طلعت وين جانت قبل اووف
عبدالله.  ها ولك شبيك
حسام. مابية خوية بس يمكن تخبلت
عبدالله. من زمان انت مخبل ههههه
حسام. اكول شنو الحب
عبدالله. امممم وشنو سبب السؤال
حسام. بس احجي بدون لغوة زايدة
عبدالله.  اممم هوة شي حلوو شعور غريب وغامض ويخليك سعيد على اقل شغلة من الطرف الثاني
حسام . زين شلون اعرف احب هاي البنية
عبدالله.  منو كول
حسام. احجي بدون لغزة
عبدالله. امري لله يعني من تفوت لمكان هية بي دور عليه بس هية تنتبه على اشياء حلوة بيهة مجنت منتبه الهة قبل تحب خجلهة صوتهة شعرهة تصرفاتهة تخاف عليهة متقبل احد يأذيهة وتكون وياهة غير شخص وتخليك صافن بكلامهة واسلوبهة وشكلهة وتكول هاي وين جانت قبل وتتغير علمودهة
حسام. عبدالله يحجي واني اذكر كل موقف كالة وية فاتن يي معقولة ليش لا هية خبلتني رسمي
عبدالله. هنا هنا نحن هنا الاخ غارك
حسام . انجب لك بس صدك حلو الحب
عبدالله.  يموت يخبل
حسام . هههه من الغارك هسة
عبدالله.  اممم اني من زمان
حسام.  اتم على خير ان شاء الله
عبدالله.  يوم الك ضلع
حسام . طبيت للبيت واني فرحان ما اعرف بس شعور حلو امي تباوع علية وتضحك
الام. هاي يمة خير ان شاء الله فرحان
حسام. غير عرس اختي حبيبتي
الام . يي صدكت يعني مو من ورة الكيك الي بغرفتك
حسام . ههههههههههههاي يمة سالمين
الام . يي يمة غركت وغمزتلي
حسام . يي يمة يمكن هيج وابتسمت ورجعت للغرفة واتمنيت اشوف فاتن بس للاسف مالكيتهة بدلت وطلعت
فاتن. رحت يم دعاء والهوسة تونست اجت زهراء وبدت الغثة قبل جنت افرح بس اشوفهة هسة العكس والحمد لله على الي صار خلصت الهوسة مالت الحنة وبالليل ظلينة سهرانين وسوالف ونصبنة على دعاء كاعدين وطب حسام اني جفلت واتوترت ما اعرف ليش بس مجرد التفكير بهيج موضوع ارتبك
حسام . ماشفت فاتن بعد الي صار الظهر كلت خلي انزل بلكي اشوفهة نزلت ولكيتهة كاعدة يم البنات وتضحك بس شافتني مثل الي ارتبكت
ظليت كاعد بالمطبخ وصحت على امي تسوي اكل
الام. عمة فاتن كومي سوي اكل لحسام
فاتن. ها يي عمة تدللين كمت واحس نفسي ما اعرف شمسوية ونظرات عسل الي خلتني احتقر نفسي رحت ولكيتة كاعد لابس دشداشة اول مرة اشوفة لابس دشداشة تخبل علة صح هوة حنطاوي وعيون صغار وخشم بس عيونة ملونة وشعرة بي شكار المهم سلمت ورد علية كتلة شتريد اكل عمة تعبانة اني اسوي
حسام . اجت لابسة كلابية تخبل وشال يعني نازكة يا الله شتلبس سلمت علية رديت كالت اني اسوي اكل عمة تعبانة شتريد اكل كتلهة كلشي من ايدج حلوو وطيب
فاتن. عزة هذا شبي اليوم كتلة تدلل
حسام. كتلهة هيج صارت طماطة هههههه
فاتن. كملت سويت حميصة وزلاطة وحطيتة الة اتشكر مني وطلعت يم البنات وتلكتني عسل
عسل . يي عيني سالمين
فاتن. هاي شبيج عسل ترة زودتيهة اني شعلية ما عندي شي وية الولد عفتهة ورحت بالهول بوحدي
عسل. اووي شكد زعولة هاي اهووو اجت عمة كالت وين فاتن كلت ما ادري حتة اكوم اغسل المواعين
حسام . كملت وكلت هسة تجي تسوي المواعين لشوي اجت الزكة تسوي المواعين اجيت اصعد وكالت شنو احنة مينكعد يمنة
حسام. اهوو شيخلصنة هسة لا عيني اسف بس تعبان واريد انام باجر ورانة هوسة تصبحين على خير عسولة
عسل . وانت من اهلة
اريد اصعد وشفت فاتن كاعد بالهول وحدهة ومبينة ضايجة رحت عليهة ها سنفورة شبيج
فاتن . كاعدة وفات حسام رجع علية وسئلني شبية كلت خطية هوة شعلي الولد كتلة لا مبية تعبانة
حسام . عندج علاج لو اجيبلج ها خاف صخونة شبيج اصيح امي
فاتن. يحجي ومنفعل اهدة عيني اهدة مابية شوي دايخة بس انام ارتاح
حسام . كولي والله
فاتن. وداعت عيونك
حسام . تسلم عيونج ولو تعبانة اريد جاي من ايدج
فاتن .تدلل سويت الجاي ورحت وديتة ورحت نمت
حسام . ارتاحيت من شفتهة صارت احسن نمت ما حسيت الة على صوت الاذان كمت اتوضة وسمعت صوت وراي
فاتن . سمعت الاذان كمت اتوضة شفت حسام يتوضة فرحت بداخلي الله يهدي
حسام . شفت فاتن واكفة تباوع علية وفرحانة صبحت عليهة
فاتن . صبحك احلى صباح اني فخورة بيك
حسام . واني هم وابتسمنة كملنة صلاة كعدت امي تباوع علية فرحانة بينة
بدت هوسة الريوك والعرس حسام طلع واني بقيت اساعد البنات