ضحايا الحب

البارت التاسع

فاتن . لبست ورة هوسة الغدة قميص اسود سيلفي وبنطرون كابوي وحذاء رياضي وشال بلوت الحذاء وكعدنة ننتظر الزفة هسة ماكو زفة لان قريب بيت خال على بيت عمي بس كالو بس سيارة العروس نفرهة خطية المهم لشوي طب حسام صعد يبدل ونزل لابس قميص اسود وبنطرون كابوي وحذاء رياضي يعني مثلي بدون منعرف
حسام . بدلت ونزلت شفت نفسي لابس مثل فاتن فرحت ابتسمت الهة وطلعت
عسل . شفتهم لابسين نفس الشي انتقمت اني الج فاتن بسيطة
فاتن . اجت الزفة ودعاء طلبت اروح وياهة طلعت جانو اكو ولد برة من ضمنهم اخواني بس ما طبين لبيت عمي لان مو على صلح وية مرت عمي المهم شافوني اتقربت يمهم سلمت عليهم باسوني من راسي ومشيت بس حسيت اكو شخص اباوع علية بس بطريقة مو حلوة
حسام . واكف اباوع شلون طلعت شخصية والزلم كلهة واكفة راحت على اخوانهة باسوهة من راسهة وراحت بس شفت ابن خالتي الوحيدة اسمة محمد يباوع عليهة نظرة مو حلوة جيت أجرم بي كلت عيب من الناس سكتت ورحت صحت علية كتلة تعال ساعدني واريد هاي توخر يلة يرجع زفوو اختي حبيبتي وخلصت الهوسة بقو بيت خالتي يمنة بالليل يطلعون لان طريق طويل اسمع امي تكل لخالتي لا عيني يردون واحد عندى شهادة والة تكمل دراسة البنية مدللة وحيدة ما اعتقد ينطوهة وخالتي تكلهة ميخالف سئليهم لان الولد من شافهة انسة متخبل
حسام . عرفت الحجي على فاتن الكلب الحقير عرفت نظرتة مو خالية فاتن الي متصير لغيري وراح اسوي كلشي حتة لا تروح لغيري بديت اقرة وانجح نجحت للثاني متوسط واشتغل ليل ونهار بالعطلة بديت ابني فوك بالسطح الي اكدر علة وأهلي شجعوني خلال هل الفترة فاتن كطعت بية تقريبا ب٦ اشهر هسة ماكو يعني نجحت للثالث وهية ماكو صار سنة مجاية اوف شلون بية اشتاقلهة بس لازم اتعب علمودهة
فاتن. ورة ما رجعت من العرس كلت ما اريد مشاكل ما دام دعاء ازوجت يعني بيت عمي خلة ضليت تقريب سنة مارحت بحجة دعاء ماكو وامتحانات الحمدلله نجحت للسادس كاعد احضر للمحاضرات وخايفة من الوزاي فد يوم اجت علينة دعاء فرحت لان مشتاقتلهة وظلينة نسولف جان طلع فونهة تشوفني بصور حسام تكول شوفي شلون حلو
فاتن . يي الله يحفظة صدك الج يعني اني ما شايفتة قبل هههه
دعاء. انتي اختي موصديقتي واريد اكلج شي
فاتن . اتفضلي حبي
دعاء . ان تقدم الج حسام تقبلين
فاتن. اني انصدمت بس فكرت كلت ما افشلهة خطية كتلهة اول شي سالفة الزواج ما حاطتهة بالي وثاني شي بعد ٤ سنوات يلة اتخرج يكدر ينتظر
دعاء . يي يكدر
فاتن. زين اخواني وبيبي اشلون
دعاء. ولايهمج تدبر ان شاء الله
فاتن. هممم ان شاء الله
دعاء . انتي هم غركانة لو بس الي عندي منتهي ههه
فاتن . ابتسمت لا بعدني بالبداية هههه
حسام . فهمت اختي تسوي هيج لان مابيهة امل تجي وانتظر ردهة علة نار
دعاء . حسام وينك
حسام . هنا هنا يي احجي شكالت بسرعة
دعاء . اصبر شبيك يابة هيج وهيج والبنية حقهة لان اخوانهة أولياء امرهة ماشي فكر زين
حسام . اصبر العمر كلة مو بس اربع سنوات بس خليل ابو راس اليابس لو وائل اففف شلون هسة
ورى فترة صار شهر رمضان الكريم وقررنة نعزم فاتن على الفطور ابوي راح جابهة بدون منكول حتة تنجبر تجي
فاتن . نايمة وصايمة وتعبانة واجت زينب فاتن كومي اجة عمو سعد يريد ياخذج ويا وخليل قبل بسرعة تحضري اني كمت بسرعة تحضرت ورحنة بس احس هل مرة غير جني اول مرة اروح الهم يبوو شون بية هسة
حسام . منتظر تجي على نار ميت شوك الهة أخ كلبي
شوي واجت حنين أجة بابا بس فاتن مو ويا اني اتخبلت شنو ما اجت بس لاهذا خليل الخبل ما خلاهة صرت اعصاب
الام . على كيفك يمة شبيك تخبلت
حسام . ليش ياربي أخ يابة ليش ما جبتهة
الاب. شبيك تخبلت جبتهة بس رادت تسلم على بيت جدهة وتجي
حسام. كول والله
الاب. امشي لك العب وياك اني تخبلت انت
حسام.  يي والله شوكت تروح تجيبهة
الاب. لافاروق يجيبهة كالت امة
حسام . اني كال فاروق تخبلت لان اني اروح اجيبهة وركص لبيت عمي إبراهيم دكيت الباب وطلع فاروق سلمت علية وكتلة اجيت اسلم على بيبي واخذ فتونة كال اتفضل طبيت ولكيت سنفورتي كاعدة وشنو من نزاكة شنو من جمال رحت فدوة لطولهة
سلمت وكعدت وعيني عليهة خجلهة يخبل اوف يابة خبلتني اترخصنة منهم وطلعنة كاعد نمشي وكتلهة هيج يا بذات لا حس لاخبر لا صوتج ما تكولين اكو ناس عايشة على هل الصوت وتموت بدونة
فاتن.  قررت انطي لنفسي فرصة ولحسام فرصة اذا الله كاتبة الي الحمدلله واذا لا هم الحمدلله اذا نجح وكمل طريقة هل الشكل الف وحدة تتمنا واذا كان من نصيبي الله يتمم على خير رحت اول شي لبيت جدي اسلم عليهم لشوي اجة حسام اخذني واحس نفسي طفلة بالمدرسة منتظرة اهلهة وفرحانة شفت حسام سلم وكعد لشوي طلعنة هوة كال هيج اني جمدت
حسام . احجي مو هديتي حيلي
فاتن. ها اسفة مو قصدي
حسام . مايفيد الاسف وسويت نفسي زعلان
فاتن. شفتة عصب كتلة مو هذا ما يصير ينسمع لغيرك وظروفي خلتني اكطع اسفة حبي
حسام . سمعتهة كالت حبي اني تهسترت شنو الي كلتي عيدي
فاتن.ماكلت شي وطلعت لساني وركض لبيت عمي صار قريب احس بالامان بي قبل وهسة بي حسام يمكن صار ملجأ الي دخلت سلمت حتة دعاء وعبدالله هناك وبدينة نحضر بالفطور
حسام . عافتني وشردت القزمة ضليت اضحك عليهة هية من قبل تحب بيتنة واحس بيهة ترتاح يمنة الحمدلله على كل حال كعدنة نفطر صارت كبالي وكلساع أكلهم كون يومية الأكل هيج طيب واباوع عليهة تصير طماطة
الكل هههههههه
يتبع🗨🗨🗨