ضحايا الحب

البارت الثاني والعشرون

بعد مرور سنتين.....
فاتن. كدرت اعيش على ذكريات حسام لان ما اكدر اعيش بدونة انتقلنة لمنطقة جديدة اكثر هدوء ومنعرف احد بيهة افضل النة قدمت على كلية تربية لغة انكليزية وكمت اخذ دروس خصوصية حتة اساعد اهلي بالمصروف لان من اشترينة البيت الجديد صار عدنة ديون ومسؤولية كبرت كانت الكلية قريبة علينا جان فضل يداوم ياخذني ويا يوصلني ويروح الحمدلله مرتاحين ورجعنة سوة بس احس عندي نقص اكو فراغ بكلبي 
الك مشتاكة عيني تريد ملكاك 💔
وردت صورة منك خاطر انظرهة💔
ادور بالصور ماعندي صورة وياك💔
بقت بس الي بالي اشلون اكبرهة💔
بقلمي ياقوتة ❤
جان محد يندل بيتنة الجديد بس اخبار بيت خالي توصل لان اخواني وعلاقتهم بيت خالي ما انكطعت وعرفت ان دعاء صار عدهة ولد والحمدلله مجنت اسئل على حسام حتة ما اشغل بالي بي هواي
حسام . بعد ما عفتني بنتي حسيت الدنية فرغت صار وقتي بس دراسة وشغل الي حفزني على الدراسة هي فاتن حتة اظل الرجل المناسب الهة تخرج فاروق وتزوج اني قل اختلاطي بالعالم كدرت اعرف كلية حبييبتي واروح كل فترة اشوفهة  اكحل عيني من بعيد بشوفتهة مشت الايام واني عايش على ذكرياتي وية فاتن وادور بأي شي يذكرني بيهة وصلت بية ان كمت اتعلق بيبيي لان جانت هم متأذية من فراكهة وتسولف عليهة جنت احس ان بيهة تحبهة مثلي بس مابيدهة كمت اروح كل يوم اشوفهة ونبقة نسولف الشخص الوحيد الي جنت احجي ويا هية
الجدة. يمة حسام جانت فتونة مو اتعارك وية اهلهة العصر تجي بالليل تنطيني دواي واسوي افراشي وتكعد تسولف وياي مافد يوم حسستني اني غلطانة صح جانت طفلة بس طفلة جبيرة وك يمة خاف اموت وما اشوف بنيتي بعد ما اتحمل فراكهة
حسام. اسم الله عليج بيبي اذا الله كاتب تشوفيهة ان شاء الله تشوفيهة
الجدة. يمة وانت شلون وضعك ازوج وانسة
حسام. صدك تحجين بيبي اذا مو هية اظل ازوج الحور العين بالجنة
الجدة. الله يفرج عنك
حسام . امين بيبي يلة اني اروح محتاجة شي
الجدة. الله يحفظك سلامتك بيبي ما اريد شي
حسام طلعت من يمهة ورحت ثاني يوم اشوف سنفورتي وية وكت الطلعة شو فضل تأخر عليهة وجانت صيف حارة واكفة هية بالشمس لشوي هاي خربت وكعت بالكاع اني ركضت عليهة
فاتن. واكفة منتظرة فضل ومحسيت على نفسي غير وكعت وفتحت عيني بالمستشفى و محد يمي اجة الدكتور كال الحمدلله ماكو شي بس تعب وارهاق والجو حار
فاتن. تسلم دكتور بس منو جابني لهنا
الدكتور.  شاب كال انو هوة يعرفج وجابج بس الشاب هوة الي جان محتاج دكتور لان شكلة تعبان هههه يلة مابيج غير العافية
فاتن . شكرا .دكتور خابرت على فضل
فضل. وينج يمعودة منتظر برة اسف تأخرت
فاتن.  اني بالمستشفى
فضل. شنو ليش يامستشفى
فاتن. لاتخاف تعال افهمك
اجل فضل وافتهم السالفة ورجعنة للبيت واتكلتني امي تبجي شكو شصاير
فاتن. يمة مابية شي لاتخافين تعب بس والله
ارتاحيت بيومهة ثاني مادومت خفت هم اتخربط جان بيت بصفنة أيجار فحاليا الي مأجرين بي ناس هادئة واهل خير عدهم بس ولد واحد اسمة وسام دائما اغلط واصيحة حسام لان متعلم الساني على اسم الغالي جان هوة مرحلة ثالثة واني مرحلة ثانية ومرات يوصلة فضل ويانة نفس الكلية اجة مر علينا لان مداومة
وسام . هلو فاتن شونج خير خوما اكو شي اليوم ليش ممداومة
فاتن. هلو وسام الحمدلله والله تعبانة وردت ارتاح
وسام.مابيج غير العافية هاي محاضرات اليوم جبتهن الج
فاتن. تسلم تعبتك وياي مشكور
وسام . ولو
فاتن. طبعا وسام جان كلش بشوش والولد يحبو واخلاقة حلوة اجة خليل
خليل. هلة وسام شلونك شعجب جاي
وسام . هلو بأبو الوليد الحمدلله والله مريت انطي المحاضرات لفاتن غايبة اليوم
خليل. متقصر مشكور
وسام . ولو تدلل
فاتن. راح وسام ودخلنة للبيت وخليل يمدح بوسام وفضل هم وبابا يباوع علية بعيونة حزن رحت علية
اشرتلة شبيك بابا
الاب. مشتاق لامي
فاتن. سودة علية بابا والله بأقرب فرصة اخذك الهة
الاب. وعمامج
فاتن. شعليهم رايحين عليهم احنة  نروح نشوف بيبي ونرجع شتكول شفتة ابتسم فدوة رحت الك
ثاني يوم داومت فضل مكدر ياخذني رحنة اني وسام نتمشة
وسام.  فاتن اسئل سؤال بس مو تضوجين
فاتن. عزة شكو يي اتفضل
وسام. انت مرتبطة
فاتن. اذكرت حسام ولزمت الكلادة الي اشترينها سوة ما نزعتهة رغم الي صار
وسام . شفت حركتهة عرفت الجواب اسف ماجان قصدي ازعجج
فاتن. لا وسام ما مرتبطة بس ما افكر بهذا الشي حاليا اتخرج عود والله كريم
وسام . الله يكتب الي بي الخير
وصلنة ودخلنة للكلية والكل يباوع علينة
فاتن. عزة هاي شبيهم
وسام . ههههه لج عبالهم كبلات
فاتن. هههه والله الناس مترحم انت صديقي وهيج يكولون
وسام . ضجت من كالت صديقي اني معجب بيهة صار فترة بس اليوم اتأكدت ان اكو شخص بكلبهة
حسام . منتظر فاتن تجي وجان اشوفهة تمشي وية ولد ومندمجين سوالف وضحك اني شطت منو هذا الي تمشي ويا معقولة ارتبطت وية شخص غيري ما اصدك رجعت لكيت دعاء يمنة
حسام . دعاااء تعاي للغرفة وراي
دعاء . حسام اخوي صار سنتين ما شايفتة أصلن يمكن بس من جبت حتة سلام ماكو مرات يذكر ومرات لا حجي ماكو بس اكل ودراسة احس بي صار معقد عبدالله وفاروق كانوا اصدقاء هسة حتة تلفون ما يستخدم صارت الناس تجنب تكعد ويا لان مصل البرود عندة وعدم مبالاة بكلشي واني انقهر على حالة واتمنى بيدي شي حتة اساعدة هوة وفاتن اختي الي ما اعرف شي عنهة كطعت بية ورى المشكلة ولهسة ماكو واعرف بيهة تتعذب مثل اخوي بس متكدر تحجي فد يوم كاعدة عد اهلي واجة حسام مبين عصبي حتة عصبية بطل من زمان صعدت ورا
دعاء . حسام خير خوما اكو شي
حسام. فاتن
دعاء. شبيهة ياساتر
حسام. يمكن نخطبت
دعاء. عزة شون وشوكت والمن
حسام . ما اعرف بس شفتهة تمشي وية ولد
دعاء. يجوز صديق لو زميل الهة شلون عرفت مخطوبة شفت حلقة لو سئلت غير تتأكد
حسام . ما اعرف شفتهة من بعيد
دعاء. وين شفتهة
حسام . بالكلية
دعاء.  وشعندك يم كليتهة
حسام . اخ يومية اروح اشوفهة من بعيد
دعاء . شلونهة
حسام.زينة بس قبل يومين تخربطت واخذتهة للمستشفى
دعاء.يمة خيتي وشافتك
حسام . لا طلعت كبل لتكعد
دعاء هسة شلون
عبدالله .نروح ونفتهم
حسام ودعاء يمة فززتنة
عبدالله . رحت لبيت عمي اشوف دعاء سئلت كالو يم حسام واخيرا نطق الصنم صعدت وسمعت حجيهم قررت انهي حالة حسام وفاتن ميصير يظلون هيج
حسام . شلون تفهم
عبدالله . مالك شغل يجيك الصافي
فاتن. مشت الأيام وبدت عطلة نهاية السنة وجنت محتاجة ارتاح بيهة واجة شهر رمضان الكريم كاعد نحضر بالفطور العصرية واجة خليل
خليل . عملو حساب عدنة خطار
الام. منو يمة
خليل . يجون وتعرفين
المهم خلصنة تحضيرات ومنتظرين الخطار المهم لشوي اندك الباب طلع اخوي حسن يفتحة
طاب الخطار وجان اشوف الصدمة كدامي
يتبع🗨🗨🗨🗨