ضحايا الحب

البارت الثاني

فاتن.خرب واهسي حتة بالدراسة اني مامصدومة من موضوع الخطبة لان مالي حق الولد معرف انو اني احبة بس خوفي من صديقتي خاف تتغير علية اني عندي الصداقة اهم من الحب فد يوم رحنة لبيت جدي هم بيبي مريضة رحنة اشوفهة المنطقة الي بيهة بيت خالي كانت بيهة بيت عمامي وعماتي وخوالي وخالتي لان همة هم ولد عم خوالي وعمامي يعني نطلع بدون عباية لان كلهم كرايب رحنة وجان هناك المفاجاة زهراء كاعدة وفاروق يمهة وسوالف وضحك اني انتهيت بذيج اللحظة اخذت جواب لكل اسئلتي بس بقيت مااريد اصدك كعدنة سوالف وضحك خلصت الايام ولكن كانت صدمتي الكبرى انو طلعت معدل ٦٥ حتة اهلي ضاجو مني لان ماكدرت اقرة من التفكير واهلي رفضو رفض قوي انو اروح علمي يكولون انتي ثالث وهيج لعد السادس شلون حكمو علية ماحكمو على الظروف
ظليت مبتعدة عنهم ويومية احاجيهم عل العلمي ماقبلوا
فاتن.خليل حباب حلمي لاضيعة الله يخليك الادبي ما اصير صيدلانية زهراء حاجي حبابة
وائل حباب انتي حاجي خليل وجان يجي الرد الصاعق
وائل. فاتن لو ادبي لو تبطلين
فاتن. من سمعت هيج فقدت واني كلش تعبانة جنت
فتحت عيني اني وين جنت لغرفتي وهمة يمي جنت ما احس بشي كتلهم لكيفكم الي تردو يصير ما حجو وطلعوا ظليت وحدي لشوي أجل بابا خطية مايعرف بالي صار اني شفتة ركض رحت علية وابجي احظن بابا وهوة يهدي بية جنت احجي ويا بالاشارات وفهمتة السالفة لشوي طلع وسمعت عياط خليل عرفت بابا حاجة لشوي سكتو ندك الباب صحت منو
فضل . اني بطة آفوت
فاتن. يي حبي فوت
فضل .هلة حبيبي شون صرتي
فاتن.الحمدلله زوينة وانتي
فضل. الحمدلله بخير اكولج
فاتن.كولي عيني
فضل . حبيبي تعرفين انتي احنة شكد نحبج ونعرف مصلحتج
فاتن.بس
فضل .بدون بس خلي اكمل تعرفين انة احنة أكبر منج ونريد الأحسن الج يا عمري تعرفين الظروف ما معروفة والعلمي يراد الة بال خالي وجو وهدوء انتي وين تلكي وية جهال اخوانج المخابيل لو وية خباثة بيت عمج وائل وخليل صدك علمي بس همة ولد وما عدهم مسؤولية بالبيت و بالف ياويل يلة طلعوا ب٨٠ معدل فانتي شلون وخاف تكولين على فلوس محاضرات السادس احنة هذا الشي ما يهم لو نعرف نشتغل ليل نهار حتة ندبر فلوس المحاضرات اني هياتني يمج طالب ادبي الحمدلله تخرجت وصرت محامي ولو يرجع بية الوكت جان هم رحت الادبي ماشي ياعيني شوفي قدرتج بيا فرع وقرري اوكي
فاتن.اخوي يحجي واني ابجي بس قنعني كلامة كتلة أقدم واشوف اذا ماعجبني
فضل .حبي تعرفين اخوانج راسهم شنو والله حلو الادبي وأسهل يلة حبي لا تجي مرتي تكتلني اروح احسن
فاتن.هههههه تصبح على خير ياحلوو
فضل.وانتي من اهل يا اخت الحلو
فاتن.طلع فضل واني كعدت افكر آخر شي كلت خلي اجرب عسى ان تكرهوا شي وهو خير لكم
كعدت ثاني يوم اشوي احسن بس ظليت على صمتي كالعادة ماما تحضر ريوك لاخواني وراهم دوام بس اني معطلة اجيت وحطيت راسي على جتفهة وكتلهة صباح الخير يمة
الام.صباح النور يا نور عيني شون صرتي ان شاء الله احسن ليش هيج تخوفيني عليج يمة مالي غيرج فكري بية اشوي
فاتن.التوبة يوم بعد ماتنعاد
وشحدج تنعاد بعد
التفت وشفت خليل صباح الخير يا حلوين
فاتن. ما رديت
خليل.صباح البرطم الممدود
فاتن.هممم
خليل .بعدج ضايجة
فاتن.لاعليش اضوج قابل مستقبلي غير مستقبلكم
خليل.سكتت
وائل.صباح الخير الكل صباح النور
وائل من  نوع الي كلمتة وحدة وكتوم شخص غريب بس مو دائما
كملنة راد يطلع واجة علية اني خفت كلت بس لا موضوع البارحة
وائل .شونج
فاتن.الحمدلله
وائل .الحمدلله فكري زين بقراراج اذا ترحين علمي تنسين واحد اسمة وائل
فاتن . الة يطلع صحت علة وائل اروح ادبي بس بذمتكم كلشي راح يصير بية وحتة لو درجات قليلة تقبلون
وائل .ابتسمت حاضر ست بطة يلة رايح اتأخرت
فاتن .الله وياك
مرت الايام واجة رمضان احنة برمضان نصير عرس من ورى الهوسة حتة لو مو خطار احنة هواي بيت وائل ٤ وخليل ٤ وفضل٣ وحسن واني وماما وبابا كربلة نصير ههههه الله يحفظهم الي وكالو خطبة عبدالله ودعاء ان شاء الله اول يوم العيد وبدت التحضيرات وصارت الخطبة واجت العالم والكرايب علاقتي لزهراء صارت عادية بس على حد السلام اني نسيت نفسي ما رحت لبيت خالي لأني عمامي اولة والحمد لله عدت على خير بس احس نظرة فاروق مو حلوة الي ما اهتميت وبتت يم بيت عمي بعد ألف حجة وية خليل وظلينة بالليل سهرانين إضافة إلى خبالي اني وحسام هههههه
حسام.من ورى ما رجعت من بيت عمي ظليت افكر بفاتن خاف خليل اذاهة انوب كلت اني شعلي ورى فترة اجت النة بس احس بيهة متغيرة مو شكل لا تصفن ردت اسئلهة واستحيت سكتت والخطوبة صارت الحمدلله وطلعت فاتن تخبل رغم هية مو حلوة بس بارزة من جسم وشخصية لبسهة مستور اخوهة خليل بعد بس تجذب الشخص وتفتر وية امي بالشغل ودعاء تحبهة وكلساع صاحت عليهة اخواتي الصغار يموتن عليه ابوي بدة بس يخدمهة عفية مو بنية مغناطيس وجان تجي الزكة هم يبوو هلو حسامي شونك
حسام.الحمدلله زين وثاني شي اني حسام من حسامي
عسل.ليش هلةالعصبية عيني شكلنة
حسام.سلامتج عفتهة وطلعت
مرحبة اني عسل مواليد٢٠٠٢ تاركة الدراسة اني بت خال دعاء وبت عم فاتن اني كلش حلوة مو غرور بس شكلي حلو وبارز ادور على حب حياتي ماكو آخر شي لجئت الكرايب لان ماكو امل من الغربة حطيت عيني علة ابن خالي حسام هوة مو كلش حلو بس احب شخصيتة المهم اني مااكره فاتن بس اغار منهة غيرة نار كلشي متوفر دراسة بيت راحة اخوان اني اخوي حتة ميحجي وياي وهية يباعون لحلكهة اليوم اجيت لخطبة بنت خالي وبحجتهة كلت بلكي اوكع حسام
حسام.ورة ما طلعت رحت لفاروق جانت علاقتي كلش قوية ويا لان نفس العمر أو نفس التفكير حتة قبل الخطوبة سولفنة اشوي
حسام.شوكت الخطوبة مالتك ضلع
فاروق. عن قريب ان شاء لله خلي تستقر الاوضاع ابوي غير ينجلط اذا اني وعبدالله نعرس نكعدة على الحديدة
حسام.هههههه الله يسهل
فاروق.تسلم ضلع يوم الك
حسام.الله كريم  بكلبي صدك اني ما افكر حالي حال الشباب بالزواج وانوب كلت منو تقبل بية مصاحب نص العراق اذا مو كلة ترخصت من فاروق وكمت دخلت للبيت
يتبع 🗨🗨🗨