ضحايا الحب

البارت السابع

حسام . تحجي واني صافن بيهة قبل اني ماجنت اعرف شنو مشاكلي ولا احد مهتم اول مرة احد يسئل على مشاكلي ويساعدني حقة يخاف عليهة خليل لان اني يوم واحس نفسي اريد ابقة يمهة ماينشبع منهة كلت خلي اسئلهة على قصتهة مو بس اني الناس تسمع الي كتلهة وانتظر الجواب
فاتن . يي اتفضل
حسام . شنو قصتج وية فاروق
فاتن. تنهدت كتلة لازم احجي
حسام . يي لازم
فاتن. ماشي عيني موجز القصة المؤلمة انو اني احب فاروق من الرابع ابتدائي هسة تكول هاي متستحي تكول احب شخص هههه بس اني ارتاح وياك واحجي وياك المهم وزهراء تدري بية اممم ومن تقدم الهة كالت اني رفضت دراستي أولى وانوب عرفت انو هية تحبة وهوة هم وبعدين ظليت عادية وياهة بس بعدين صارت سالفة التقديم واتفقنة نروح ادبي بس من قدمنة هية قدمت علمي بس بدون متكول يعني هم رجعت خذلتني وسكتت وكلت تهون لعيون الغوالي بس البارحة شفت وسمعت بس لحد اللحظة ما مصدكة شنو الي اسوي يعني غدر الحبيب يعني هوة مو حب لان من طرف واحد تكدر تكول اعجاب ولا غدر الصديق وبجيت
حسام. اسمع بيهة واكول لعد شنو من بنية متحملة هذا كلة وساكتة وبجت ما تحملت حظنتهة
فاتن. حظني واني حظنتة حيل واشهك
حسام . كافي كافي بدون بجي اشش كافي
فاتن. سكتت
حسام . باعي راح اكول شي بس مو حتة تكرهين فاروق وزهراء  ترة فاروق ذاك اليوم كلي هيج هيج
فاتن. اسمع وابجي حظنت حسام وابجي
حسام . مافكرت بشي من كلت الهة بس اريد تبدي من جديد وتبطل فهاوة وطيبة حظنتني واني بقيت ذايب بعطرهة
فاتن. حسيت على روحي سحبت نفسي منة اسفة بس ما جان قصدي
حسام. ابتسمت عادي عيني تدللين يلة كومي نعست
فاتن . كومني يانعاس ساعة ب٧ ونص
حسام . لابربج صار ساعتين نسولف
فاتن . يي ما حسينة بالوكت جوعانة
حسام . يي جوعان نتريك وانام لان بعدني ما نايم
فاتن. اسفة ازعجتك اليوم
حسام . علاوة يومية هيج واحد يزعجني
فاتن. ابتسمت وكتلة شونك حسام الجديد
حسام . الحمدلله فاتن الجديدة.
ومن هنا نبدء من جديد
حسام . رجعت اصلي الحمدلله بس مو كلش ملتزم بس احسن من ماكو بدلت فوني وعفت حساباتي القديمة وقدمت على المسائي والمفاجاة طلع دوامي قريب على بيت عمي عبد حتة اشوف فاتن لان هية الهة الفضل بكل شي من يوم الي حجيت وياهة تغيرت نظرتي للحياة
فاتن . بديت من جديد واهتم بس دروسي وطنشت زهراء وفاروق رغم مرات تغثني كدام صديقاتنة صارت حالهة حال الغربة وفاروق بديت انسى بسبب الفكرة الي اخذهة عني كلت اول وتالي مو من نصيبي خلي اعيش على ذكرى حلو ويا جانت من جنة صغار مشت الأيام وقرب عرس دعاء اختي وصديقتي وجنت كلش متحمسة على التغيير مالتي سويت رجيم تغير شكلي وشعري جان طويل كصيت كظذلة وبديت اسوي خلاطات طبعن الكل متعجب بتغييري واخواني جنت ما التقي بيهم هواي حتة ما يشكون بشي رحت لبيت عمي على العرس ودعاء اتصلت بعبدلله قنع خليل ابات لان هوة يحب عبدالله مايرفض طلب الة
رحت اخذت وياي قميص سيلفي وبنطرون للعرس وللحنة اخذت فستان طويل واجة يوم الحنة ورحت ما شفت حسام وعسل كلساع تسئل وين حسامي
فاتن. مفضوحة كافي ولج عيب
عسل. وج شبيج شكو بيهة
فاتن. سكتي كافي
عسل . أجة ابو طول الحلو
فاتن . فات حسام بس صدك احسة متغير حتة صاير حلو يعني لبسة روعة ومسوي شعرة غير شكل بدون لحية وشوارب بس مرتب شكلة جان من يفوت يكول هلو
حسام . فتت وعيوني دور على فاتن اريد اشوفهة متغيرة وجان افوت جانت لابسة فستان كلش حلو مرتب عليهة لاضيك ولا مبهذل وشال مرتب مكياج ماكو بس نزاكة يارب شلون بية هاي راح تخبلني واكفة يمهة الزكة عسل لابس لبس حلو بس ضيك والشعر طالع بدون شال ومكياج طوخ يعني عكس الي بصفهة من نزاكة فتت قبل جنت اكول هلو كلت السلام عليكم
الكل وعليكم السلام واني عيني على شخص واحد اريد اشوف ردت فعلة عيني على فاتن منتظر ردهة
فاتن. كال السلام عليكم فرحت وابتسمت بوجهة
حسام . ابتسمت واخذت روحي وياهة
عسل . هلو حسامي شونك
حسام . الحمدلله زين وانتي شونج ضلعة
عسل. دومك الحمدلله زوينة
حسام . ردت اخلص من عسل كلت نورتي سنفورة
فاتن. نوورك نخلة ههههههه
حسام.  مو اكلج السانج اطول منج ههههههههه شونج عيني
فاتن. الحمدلله بخير وانت
حسام . بخير ذا انتي بخير يلة من رخصتكم اروح ارتاح
فاتن عسل . الله وياك
عسل . عيني شنو هل التطورات
فاتن. ياتطورات ولج
عسل . عيني وبخير اذا انتي بخير سنفورة
فاتن. يعني اني من زمان ويا هيج هسة انتبهتي
عسل . يي عيني بي انتبهي لا توكعين
فاتن . لا مو اني الي اوكع
بدت الحفلة طبعا بيت عمي جان صغير بس غرفتين وهول ومطبخ غرفة حسام وحد والثاني للبقية غراض الحنة والصينية بغرفةحسام لان يخافون منة الجهال طبعا كرايب عمتي من العمارة هية من العمارة واهلها اجو وناس هواي كعدت ارتب بالشغلات نزعت شالي وفتحت شعري الفستان مالتي بي بطانة نزعت الفوك ظليت بيهة واسوي بالشغلات وحدي لان البقية فرحانات وركص اني حتة ما اعرف اركص ظليت اسوي وحدي وادندن اني صوتي حلو صح عالي بالسوالف بس بالغنة حلو وفجأة نفتح باب الغرفة
يتبع🗨🗨