كل ما جيت ابتدي فيك "انتهيت"وكل ما جيت انتهي شفتك "بدايه"

&حادي عشر&

&الفصل العاشر&

بمستشفى الــ...الخــــــاص..
الساعه تسع..

بمكتب عمر..

عمر كان مشغول مع بنت عمرها 13سنة وقاعد يسوي لها فحص لعيونها..
ووجدان كانت قاعده على مكتبه
وتلعب بأغراضه..

وجدان ماسكه الدباسه وتلعب فيها وتطق عالطاوله..: طاخ طب
عمر انزعج: وجدان هدوء شوي
تكفين..
وجدان حطت إيدها على حلجها:هههههههههه آسفه..
رجع عمر لشغله ووجدان تسولف بروحها: عمر ماتبي ريوق..
عمر مطنش:..........
وجدان كاتمه ضحكتها: انزين كابتشينو..
عمر يعض شفايفه من القهر:.............
وجدان بخبث: انزين عصيـــر أو
...
انفتح الباب وطل زياد وتفأجا بوجدان..
عمر وأخيرا: يرحم أمك زياد خذها عني طلعتني من طوري..
زياد ضحك:هههههههه إن شاء الله..
راح لوجدان ومسكها من ذراعها
: قومي أنتي شسويتي شكلج هبلتي فيه...
وجدان عاندت وبابتسامه: مابي ماني قايمه..ماسويت شي أنا..
زياد انجن على ابتسامتها[وربي طفله ياناس] ورجع لها شوي وهمس: انزين أنا مشتاق لج ما تبين تشوفيني..
وجدان ابتسمت وقامت راحت عند عمر:عمووور أنت زعلان..
عمر ابتسم بدون ما يلتفت لها: لااا بس روحي فكيني..
وجدان ضحكت وطلعت مع زياد
..

راحت معاه لمكتبه وقعدت على الطاوله..
زياد كلم سمير ما يحوله أي موعد أو اتصال ورجع لها وضحك على شكلها:ههههههههه
فيه كراسي ترى..
وجدان ابتسمت وأشرت لراسها:
أدري بس أنا كيفي مزاجي اقعد بالمكان اللي يعجبني..
زياد قرب منها حيل وهمس بصوت رومانسي: أحبج..
وجدان استحت موووت ونزلت راسها..
زياد ابتسم ورفع راسها بأصبعه وشافها مغمضه عيونها: وجدان
..
وجدان همست بصوت مبحوح بدون ما تفتح عيونها: وأنا..أنا بعد أحبك..بس..بس زياد أنا أنا خايفه..وحضنته بقوووووة..
زياد استانس أنها تجرأت وقالتها وحضنته بعد..تنفس شعرها بقوووه وشدها لحضنها: خايفه منــــي؟..
وجدان رفعت راسها ونزلت دموعها غصب عنها: لااا مو منك
..أقصد..وسكتت وما قدرت تكمل..
زياد انصدم من عيونها المليانة دموووووع واستغرب ارتباكها وحس أنها خاشه عنه شي..مسكها من خصرها وشالها وقعدها عالكراسي الجلد وقعد عندها وحضنها..: وجدان ياقلبي
أنا حاس أنج خاشه شي..قوليه إذا بترتاحين..
وجدان بدموووووع قالته كل السالفه اللي هي متخوفه منها حيل..
زياد سكت شوووي..ما استوعب الصدمه بسرعه[خوووف مرضي..وجدان مشكلتها نفسية]
..مسح دموعها بأصبعه:وجدان بسألج وجاوبيني بصراحه..أنتي خايفه إذا تزوجنا أنا أجبرج أو أفكر فيج بنفسج طريقة الحارس..صــــــــح؟..
وجدان انصدمت أنه عرفها بسرعه نزلت راسها وبشهقه: آ آيـ ـ ـ ـه..
زياد تضايق أنها متأثره لهدرجه ورفع راسها بيده ومسك وجهها بإيدينه الاثنين وقربها منه: وجدان ياروووحي أنتي..صج أنا ريال وأجذب عليج إذا قلتلج هالشي ما يهمني..بالنهاية هذي غريزه فيني وأنا ما أقدر أغيرها..بس مو شرط تكون هالرغبه جامحه يعني أقدر أضبط نفسي
..فهمتــــــــي..
وجدان تشاهق من البجي: فهمت..بس ما..إهى.. ما أقدر أصدقك بسهوله..ما..
زياد حط إيده على شفايفها: وأنا أبي الأيام تثبت لج....اتفقنا..
وجدان مسحت دموعها وابتسمت: اتفقنا..
زياد قرص خشمها وابتسم: خلاص ياحلوووووووه قووومي غسلي ويهج قبل ما يجي أحد من أخوانج ويشوفج بهالشكل..
وجدان ابتسمت وقامت بسرعه دخلت الحمام وغسلت وجهها بماي بارد وهدت أعصابها وتنفست بقووووة وطلعت..
زياد كان قاعد ورى مكتبه..شافها وابتسم: تعالي قعدي طلبت لنا عصير فرش..
وجدان ابتسمت ويت قعدت..

ـــــــــــــــــــــــــــــــــــــــــ

بالجامعه..كلية الأداب...الساعه 9:30
بالكافتيــــــــريا..

يت صموووود ودورت بنظرها على طلال وشافته قاعد بروحه
يشرب كوفي..راحت له وابتسمت وهي تقعد: صبــــاح الخير
طلال اتسعت ابتسامته: صبــــاح
العسل عالناس العسل..
صمود استحت وحطت كتبها عالطاوله: وجدانوووه ما دوامت
اليوووم
طلال ابتسم: لااا تقول الدكتور معتذر ليش ما قالت لج..
صمود هزت جتوفها: لاااا أنا أصلا تفأجات أن الدكتور معتذر..النذله ما علمتني..
طلال ضحك:ههههههههه انزين قولي لي شتبين تشربين
صمود مدت إيدها وخذت الكوفي حقه وشربته: أبي هذا..
طلال استانس على جرأتها وبخبث: شمعنــــــــــــى..
صمود قربت منه وهمست بجرأه: امممم تقدر تقووووول عشان أنت شربت منه يعني ريجك فيه..
طلال انصدم من جرأتها وبدون شعور باس خدها..وهمس: أحبــــــــــــج
صمود استحت وبعدت عنه: هــــى طلال لا تنسى نفسك أحنا بالجامعه..
طلال ضحك:هههههههههه آسف نسيت..متى محاضرتج
صمود شافت ساعتها: اممم 11
طلال ابتسم: وأنا بعد..شرايج نطلع نتمشــــى شووووووي..
صمود تفأجات: نطلع وين نروح
طلال قام وشال كتبها وسحب إيدها: قوووووووومي بس وما عليج..
صمود قامت معاه وهي متفأجاه: لحظه طلال قولي بالأول وين ماخذني..
طلال لفها عليه وابتسم: ماخذج لقلبي
صمود ضحكت:ههههههههههههه
بدينا الاستهبال..

مشوا لعند البوابه وطلعوا المواقف..راحوا لسيارة طلال مكسيما نيسان 2009..
فتحها وركب وفتح لها الباب الثاني..
صمود ركبت وانصدمت بالمنظر
اللي شافته[كان مشعل واقف بسيارته وطلعت رغد ركبت معاه حسب اتفاقهم]: مشـعل..
طلال التفت مستغرب: مشعل منووو؟.
صمود تأشر له: مشعل أخووي بس منووو هذي اللي معاه..[وشافته يبوسها بشفايفه وشهقت] هــــــــى
طلال بنفسه كان مصدوم وخاف عليها لا تنصدم وتنفعل زياده..سكر الباب وشغل السياره بسرعه: ما عليج منه..خله يولي..
صمود خافت لا يشوفها وبدون شعور دفنت وجهها بصدر طلال
: مابيه يشــــــــوفني..
طلال شافه يروح ورفع راسها وانصدم بدموعها: خلاص راح..
صمود بعدت عنه وصدت عالشباك: روووووح وراه..
طلال بصدمه: من صجج أنتي بكيفه..خــ
صمود انفعلت ونزلت دموعها:روووح وراه..طلال هذي رغد وحده مشبوهه وكل الجامعه تعرفها شيابها لأخوي..
طلال تنهد ومشى ورى سيارة مشعل: خلاص برووح بس أنتي
هدي أعصابج..
صمود سكتت وصدت عالشباك ودموعها تنزل بدون شعور[يعني الساعات اللي يقعد فيها بروحه عالتلفون يحاجي رغد ويمكن 100وحده من أمثالها..بس ليش ليش أنا توقعت مغازل وبس..لكن طلعت خبيث يامشعل خبيث وقذر]


طلال كان ذهنه مشوش بين مشعل اللي يمشي وراه وبيــن
صمود اللي بتموت من البجي والانفعال..


ربع ساعه ووقفت سيارة مشعل عند عمارة شقق..ونزل مشعل وماسك رغد غصب عنها
وشكلها تتوسل وتبجي..
صمود كانت مصدومه..وطلال انحرج من الموقف..
طلال بضيق: خلينا نرووح خلاص اهو وياها بكيفهم..
صمود طالعته بحده: بيغتصبها..ترضى أكوووون بمكانها..
طلال عصب وعطاها كف: طــــــــــــــــــــــــرااااااخ..مسكها من جتوفها وهمس بحده: عشان أذبحه قبل ما يلمسج..أنتي لي أنا فاهمــــه..
صمود تفأجات بالكف بس بداخل نفسها استانست أنه يحبها
هالكثر ويخاف عليها..حضنته وبجت:آسفــــه طلال والله آسفه بس الموقف كبير علي..هذا أخوووي تعرف شنو يعني أخوووووي..

أما فوق عند مشــــــــعل..

دخلها غصب وقفل الباب...
رغد ميته بجي: مشعل حرام عليك..هدني مشعل هدني..حرام عليك..هذا يزاتي أني وثقت فيك
مشعل حذفها عالسرير وفصخ
بلوزته وثبتها بأيد وعطاها كف: لاااا ياحلوووووه لاا ليكون عبالج
أني ميت بهواج وما أقدر أستغني
عنج ولا عبالج أن الهدايا وكروت التعبئه والكلام الحلوو ببلاش لسواد عيونج..لزم تدفعين ثمن كل فلس صرفته عليج..
رغد انجنت وحاولت تقووووم بس ما قدرت لأنه مثبتها بقووه بجت وبتوسل: مشعل الله يخليك
أبوس إيدك مشعل لا تلمسني..

مشعل بهاللحظه تذكر كلام شجون أمس[مشعل الطريج
اللي ماشي فيه أنت غلط..ترضى أنا انخش بغرفتي وأحاجي واحد من وراك..]
عصر كفه بقوووووووة وهو يتخيل هالموقف..وتذكر جنا أخته ..
[جنا شهقت وبجت وحطت إيدها على صدره: لااا مشعل لا تكفى أنا أختك..أنا آسفه بس اتركني الله يخليك مشعل الله يخليك..]
مشعل بهاللحظه حس نفسه صج نذل وواطي..تراجع لورى وصد عنها: اطلــــعي بسرعه يارغد..وليكون يدري أحد بأي شي..
رغد ما صدقت نفسها وقامت بسرعه..وصلت عند الباب..بس تراجعت..همست بصوت مبحوح:
مشعل أنا صج كنت أتسلى بالبداية بس كنت غبية تدري ليش..لأني اكتشفت أني أحبك وأنت ما تستاهل هالمشاعر..
وطلعت بسرعه وصفقت الباب بقووووة..
مشعل ظل قاعد بمكانه وما تحرك..وبعد كلامها انصدم وقبض إيده بشده..



تحت بسيارة طلال..
صمود كانت منزله راسها وتبجي
..
طلال شاف البنت نازله تمشي وكأنها ميته..تفأجا وبدهشه: كاهي نــــزلت..
صمود رفعت راسها بسرعه وشافتها..:انطرني..
نزلت بسرعه وراحت لها ومسكتها وبلهفه: رغد سوالج شي تكفين إذا سوالج شي قولي لي وأنا بصلح كل شي..بخليه يخطبج..اهو أخووووي..
رغد انصدمت أن صمود الطيبه أخت مشعل القذر..ابتسمت وسط دموعها: ما لمسني..تراجع بأخر لحظه بس أنا غبيه صمود أنا غبية لأني حبيت أخوج..
ومشت وخلتها واقفه مصدومه..

صمود ما استوعبت ولا كلمه..رجعت وركبت السياره..
طلال بسرعه: شقالت لج
صمود بهمس: تقول ما لمسها وأنها غبية لأن حبت مشعل..
طلال انصدم: ما لمســــــــها..!
صمود : بروح له..وحطت إيدها بتفتح الباب بس تفأجات بطلال يمنعها
طلال مسك إيدها: صمووود خلينا نروح..مشعل الحين بوضع
ما يسمح لج تشوفينه..
صمود بحده: قتلك بنزل إذا ما تبي تيي وياي بكيفــــــــك..
وفتحت الباب ونزلت..وطلال نزل
وراها بسرعه..

بالشقه..عند مشعل..
كان للحين قاعد بمكانه ما تحرك ولا خطوة..حتى بلوزته ما
لبسها..حط إيدينه بشعره ويشد
فيه..
تفأجا بالباب ينفتح بقوووووه وفتح عيونه من الدهشه لما شاف صمود وطلال: صمود

صمود تجتفت وهي تحبس دموعها:ما توقعت تشوفني هني
صــــــــح..
طلال انحرج وفضل السكووت..
صمود تكمل ودمعه حاره نزلت
وتحشرج صوتها: ياحســــــافه
ياخووي ياحسافه عليك..ياحسافة تربية أبووي فيك..يــــا
حسافه أنك ولد سعد
طلال بحده:صمــوووود كافي..
مشعل رفع إيده يسكته: خلها ياطلال خلها تطلع اللي بقلبها..
صمود انفعلت وصار وجهها أحمر: لهدرجه وصلت فيك الدناءه..لهلمستوى وصلت..ليــــــــش..ليش شنوو ناقصك
ليش..[وبجت]ياخــــي إذا فيك طاقه أتزوج من رادك بس لا تهز
عرش الرحمن وتذل نفسك لمستوى قذر ومنحط و..
طلال ما قدر يتحمل كلامها لأخوك وشدها بقووه: خــلاص كافي..كافي اللي قلتيه..
صموود ما ردت بس حست الدنيا تغيب عنها وعيونها تزغلل وطاحت غشيانه عالأرض..
مشعل تجبس بمكانه من الصدمه..وطلال بعد انصدم..نزل لها بسرعه وشالها: صموووود ..صموود تسمعيني صمووود..
لما ما لقى أي تفاعل راح بسرعه وطلع بطل ماي من الثلاجه وكته على وجهها..
صمود شقهت من برودة الماي وفتحت عيونها..
طلال تنهد بارتياح: آسف صمود..
صمود ما ردت بس وقفت وفتحت الباب ونزلت..
طلال تنهد وشد على جتف مشعل: لا تزعل منها..بس إهي منهاره شووووي..اعتبر اللي صار
درس لك وارجع لربك وتوب..يمكن ربي يحبك عشان جذي حصنك وما غلطت مع البنت..
وطلع وخلاه يفكر بكلامه..

نزل تحت وشاف صمود قاعده تنطره بالسياره..ركب وحرك السياره بدون نقاش..
ـــــــــــــــــــــــــــــــــــــــــ

بفيلا أبوو عمــــر..
الساعه 12 الظهــــر..

كانت أم عمر قاعده بغرفتها على سجادتها توها مخلصه صلاه وقاعده تذكر الله..

برى جدام الفيلا..
طلال وقف سيارته وهمس: امسحي ويهج وابتسمي عشان ننزل..
صمود: ليش يبتني بيتكم..
طلال ابتسم: أبيج تهدين وتفكرين بهدوء وتريحين أعصابج وتتغدين عندنا والعصر
أوديج..
صمود ابتسمت أصلا المحاضره
طافتها وخلاص..: وعمتي شتقول لها
طلال: أقول لها الدكتور اعتذر وعزمتج عالغدى..
صمود ضحكت:هههههه مجهز أجوبتك..
وفتحت الباب ونزلت..
طلال ضحك ونزل وراها..

فتح الباب ودخلوا داخل..
طلال: يمه يــــمه..
يت أم عمر مستغربه: طلال..شيابك مو المفروض تكون بالجامعه..
طلال ابتسم: إمبلا بس الدكتور اعتذر وقلت إيي ارتاح وبعد الغدى أودي صموود..
صمود باست راسها: شلونج عمتي..
أم عمر ابتسمت: هلا يمه هلا أنا
بخير..حياج يمه حياج تو ما نور بيتنا..
طلال صعد غرفته وصمود قعدت مع عمتها شووي تسولف