كل ما جيت ابتدي فيك "انتهيت"وكل ما جيت انتهي شفتك "بدايه"

&الخامس وعشرون&

&الفصل التاسع والعشرون&

وللحين عند العنوود ومشاااري

بعد ما سوا لها تحاليل وفحص وعطوها دريب..
مشاري كان قاعد عندها عالسرير وماسك إيدها وجدامه الدكتوره الأسبانيه..ودار بينهم هالحوار بعد الترجمه..
مشاري: دكتوره..ما بها زوجتي
الدكتوره ابتسمت:
لا تخف أنها بخير الأن..ولكن أخبري كم مضى على زواجكم
..
مشاري ابتسم: مضى شهر واحد
..أنه شهر العسل..نحن عرسان..
الدكتوره بتعجب: شهر واحد فقط..أتعلم أنت محظوظ..زوجتك حامل بالأسبوع الثاني..
مشاري تشقق من الوناسه: حــــــــقـــــــا..
الدكتوره ابتسمت: نعم..ولكن عليك الاعتناء بها جيدا وتوفير نظام غذائي لها لأن جسدها ضعيف ويبدو أنها تعرضت لضرب شديد على بطنها سابقا
وهذا أدى إلى إضعاف الرحم..لذا يجب أن تهتم بها جيدا وتمنعها من ارتداء البناطيل الضيقه..
مشاري بفرحه: حسنا حسنا سأهتم بها..
الدكتوره: تستطيع أن تاخذها الآن إذا أردت..
مشاري: لااا سأنتظر أن تستيقظ
..
خلاها نايمه وباس إيدها وطلع
برا يقول لأهله..
ـــــــــــــــــــــــــــــــــــــــــ
بفيلا أبو جـــراح..
نفس الوقت بس الساعه 11 الظهر..

كانوا قاعدين كلهم بالصاله بعد ما قالهم ناصر أن العنود تعبانه وقاعد على أعصابه ينطر اتصال
..

أم جراح تفرك إيدينها ببعض: ياربي والله تلفت أعصابي دق على مشاري ياناصر..
جراح: شفيج يمه طولي بالج..أكيد اهو أخذها المستشفى..
ناصر هز موبايله بيده لأنه كان سايلنت وبسرعه: أششش هذا اهو
الكل سكت وانتباههم معاه..

ناصر بسرعه: هلا مشاري وينك
الله يهداك قعدتنا على أعصابنا..
مشاري بفرح: نصووور العنوود حامـــل بالأسبوع الثاني..
ناصر نط من مكانه بدهشه: احلـــــــــف..ألعن شكلك ياأسد
شسويت باأختي أكيد حاكرها الليل كله..
مشاري مات ضحك: ههههههههههههههههههههههههههه قل أعوذ برب الفلق..اذكر الله ياخي..
غزل تشد ناصر من بلوزته: نصور وثول شفيك تحج انطق..
ناصر يبتسم: يقول العنوووووود
حامل بالأسبوع الثاني..
الكل شهق مع بعض: صــــــج
أم جراح طار قلبها: واللـــــــــه..
ياعمري يابنتي..عطني أبارك لها

ناصر: لحظه..مشاري أمي تقول
بتحاجيها
مشاري مبتسم: نايمه اهي حاطين لها دريب إذا صحت بخليها تدق عليكم..
ناصر ابتسم: اوووك بس هاك زياد بيكلمك..

أم جراح: ليش ما خليتني أكلمها
ناصر: يقول نايمه الحين..حاطين لها دريب
أم جراح: ياقلبي عليها..نهى قومي نادي أبوج خل نبشره..
نهى قامت: اوووك مام..

زياد بفرح: ألف مبروووووك يابو
خالد يتربى بعزك..بس تعال ليكون مسوي دقه قبل العرس..
مشاري فهم التلميح وضحك:
هههههههههههههه لا وربي..والله يبارك فيك..يوم لك إن شاء الله

زياد ابتسم: آمين..بلغت أهلك..
مشاري: لا والله الحين بدق عليهم بس قلت أطمن نصور بالأول
زياد: أها اووكي يلا عيل ما طول عليك مع السلامه..
مشاري: سلام ياغـــالي..
ـــــــــــــــــــــــــــــــــــــــــ

انتهى..ترقبوا فصلا جديدا بأحداث ستشعل القصـــــــــه..



&الثلاثون&


تصدق عاد
تغيب الدنيا بغيابك
وأوعد حظي لو جابك
ألون دنيتي وردي
وأخلي موعدي بابك
وتصدق عاد!!
احس الكل يحسدني
على الحب اللي مسعدني
وأدعي ربي يا "أغلى الناااس"
عـــسى عنك مايبعدني


& بعد 3 أسابيـــع &
خبر حمل العنوووود انتشر بالعايله بسرعة البرق وما ضل أحد ما بارك لهم..

عمر وشجون قرروا يرجعون بعد أجازه نقاهه وشهر عسل دامت شهرين..

زياد ووجدان اتفقوا أن عرسهم بعد 4شهور..


بفيلااا أبووو عمــــــر...
الساعه 8 بالليل..

كان أبو عمر مسوي عزيمه عشاء ببيته بمناسبة سلامة مرت ولده شجون ووصول عمر وزوجته من السفر والكل مجتمع عنده..وأريج الوحيده مايت لأنها ممنوعه تطلع وقفلوا
عليها البيبان..


أم عمر بفرحه: ما شاء الله ما شاء الله الوجه ينور ياشجون..
شجون ابتسمت بحب: تسلمين
عمتي..والله اشتقت لكلامج الحلووو
ومالت على صمود: وينها أريج..
صمود بهمس: عقب كل اللي صار تسألين عنها..لا تخافين أبوووي ومشعل مانعينها تطلع مكان وصار لها شهرين محبوسه
بالبيت..
شجون بحزن: صمود أريج أختي
وما أكرهها بس شايله بخاطري
لأني بالأساس ما سويت لها شـــــــــي..
أم فهد: يلا بنات قوموا ورونا الرقص الحلوووو
وجدان قامت وشغلت الاستريو:
صــــــج بنات قوموا نحتفل برجعة شوجي..
شجون ابتسمت لها وأرسلت لها بوسة بالهوا..

اشتغلت الأغنية وقاموا البنات صمود وصبا وغزل يرقصون..:

أسمر حلووو قابلته
أشر برمشه كلمني وجاوبته
وسرت بعده..

أسمر حلووو قابلته
أشر برمشه كلمني وجاوبته
وسرت بعده..


بالديوانية..
كانوا الرجال لاهين بالسوالف مع عمر لما وصلهم صوت الأغاني..

طلال بمزح: اففففف شكلها صارت شباب..
الكل:ههههههههههههههههههههههه

زياد بهمس: عموور قوم نشوف
الحبايب..
عامر ابتسم بحماس: صج يلا..بس شوف نطلع ونبطل باب الفيلا ونطل..
زياد ضحك:هههههههههه حرامية أحنا امش بس امش..
ـــــــــــــــــــــــــــــــــــــــــ

بفيلا أبوو فــــــهد ...
نفس الوقت..

أريج بغرفتها ميته قهر وبتعض أصابعها..: آآآه يالقهر آآآآآآآآه شهرين محبوسه لا طلعه لا سوق لا مطاعم لا سياره حتى اللاب خذوه مني وكله عشان شجون سراقة الرياييل..
وصارت تقطع أظافرها..: بس لا
لازم أشوف لي حل واطلع من هالحبس الانفرادي هذا..

وبعد تفكير ملت: افففف شلووون ألقى حل شلوووووون
إذا حتى فوووني خذوه..
وطرت على بالها فكره وبضحكه خبيثه: ههههههههههههه
لقيتها بشوية فلوس أخلي مانيلا تفتح لي الباب..
بسرعه قامت وطلعت لها لبس
مغري..تنوره جينز للركبه ضيجه
وحزام ذهبي عريض ومايل وقميص أسود شيفون ناعم وإيدينه وصدره شفاف..
لبستهم..وحطت لها ميـــك أب صارخ وغرقت نفسها بالعطر..وأخر شي لبست صندل فلات ذهبي بحبال معقوده..وتركت شعرها مفتوح..
راحت طلعت شنطتها وخذت بوكها وراحت عند الباب تنادي: مانــــــــــــيلا..مانـــــــــيلا..
بس محد سمعها..راحت وكلمتها
بالأنتركم..: مانيلا ييبي لي ماي..


ثواني ويت مانيلا ووقفت ورى الباب: يس مدام أريج..وفتحت الباب ..ودخلت وعطتها الماي..
أريج بخبث بعد ما شربت: مشـــكوووره يامانيلا..هاج هذول لج..ومدت لها 500دينار..
مانيلا بلعت ريجها وتشققت وخذتها:ثانكيو مدام أريج ثانكيو

أريج بابتسامه خبيثه: مانيلا عطني مفتاح الغرفه بطلع شوي وبرجع
مانيلا بخوف: وبابا مشل[مشعل]
أريج: ما راح يدري الحين الساعه 8 بروح وبيي 10اووك..
مانيلا: اووك مدام..عطتها المفتاح..
أريج استانست: شوفي أنا بقفل
الباب وإذا ماما سألت قولي أنا تعشيت ونمت اووك
مانيلا بابتسامة مكر: أووووووك مدام..
أريج ابتسمت وطلعت بعد ما قفلت الباب وخذت شنطتها..نزلت
ودقت على تاكسي..5 دقايق وجا
وراحت أريج وركبت معاه وقالت للسايق يروح محل يوركا..

وبعد عشر دقايق وصلت..ونزلت
أريج بعد ما دفعت الحساب..

أريج تتنفس الهواء: آآمممم شحلاة ريحة الحريه..بشوف يامشعل شلووون بتمنعني..

دخلت يوركا بكل دلع وتتمخطر
واشترت موبايل يديد بلاك بيري
أبيض..مع أكسسوارت وكفرات
بــ 230دينار..
وبعدها طلعت وركبت بتاكسي
وراحت الوطنية اشترت خط ذهبي بــ150دينار..وأخر شي
ركبت تاكسي وقالت له يروح مطعم ماكدونالدز..

بالسياره..
أريج ركبت الخط وركبت البطاريه وشغلت الموبايل وطلبت من السايق يحطه على شحن السياره علما
توصل المطعم..

ـــــــــــــــــــــــــــــــــــــــــ

بفيـــلا أبوو عمـــــــــر..
الساعه 9..

زياد وعامر من ساعه واقفين عند الباب وفاتحين فتحه صغيره
ويطالعون رقص البنات..

زياد منجن على وجدان اللي رابطه خصرها وترقص مصري:
آآه اويـــلي أنا فديت هالطول والطله
عامر ضحك:هههههههههه عيب سكر عيونك
زياد عطاه كوع: أنت سكر عيونك عن حبيبتي..
عامر باستهبال: سكر واسكر
زياد ضحك:هههههههههه روووح زيــــــن وكل تبن..
عامر يستهبل: شكـــرا
زياد ضحك:ههههههههههه اسكت خلاص خل نركز..

وشوي ما حسوا إلا بأبو عمر يصيدهم من قفاهم والشباب فهد وطلال وبدر ومناف وجراح يصفرون ويضحكون: أووووه صادوهم ههههههههههههههههههه


أبوعمر كاتم ضحكته وماسك أذانهم: شتسون ياللي ما تستحون..مو عيب
زياد بضحك: أي أي عمي شلعت
أذني..أنا مالي شغل بس أشوف
زوجتي حبيبتي ههههههههه
أبو عمر بضحك: زوجتك لا صارت ببيتك..وتركه..
زياد بصوت خافت وهو ماشي: شدعوى أنا راد عليك
عامر ضحك: ههههههه أي أي يبه
أنا ولدك..
أبو عمر: انثبر أنت..[والتفت لزياد] شقلت أنت..
زياد بسرعه: آآ آ ولا شي عمي سلامتك..
مناف ميت ضحك: ههههههه والله
أشكالك تحفه..هاك هاك شوف
صورتكم..

عامر مبلتش مع أبووه:عموور ياكلب قول شي فكني..
أبو عمر بحده: يفكك ها..اهو متزوج أنت شحاشرك ياجليل الحيا
عمر ميت ضحك:هههههههه أنا مالي شغل تستاهل
عامر بقهر: يعلك تطيح ببالوعة مجاري زيـــن
الكل ضحك: هههههههههههههههه
عمر يضحك: إذا طحت بتموت أنت معاي ههههههههههههه
عامر ضحك وهمس: يبه خلاص
ارحمني وبعدين أنا كنت أشوف صبا أنا أحبها من زمان وأبيها..
أبو عمر صدق وتركه: صــــــج
عيل شحقه ساكت
عامر ابتسم وتنفس براحه: ناطر عرس زياد ووجدان يخلص
عشان ما نفتح العين علينا..
أبو عمر ابتسم: وأنت الصاج..أنا
بكلم خالك بس بنأجلها شووي..
عامر استانس: صـــج يبه عسى
الله لا يحرمنا منك ياأحلى أبووو
بالدنيا..
قطع عليهم دخلة غزل..
أبو عمر: هلا يابنتي هلا تفضلي
غزل بحيا: عمي..عمتي تقولك العشاء زاهب..
أبو عمر ابتسم: إيه إن شاء الله الحين بنيي..
غزل راحت وأبو عمر دخل اهو والشباب..

ما عدا..مناف ظل واقف بمكانه
يتابع طيفها ويسترجع صورتها وحياها ونعومتها وحس بانجذاب لها: هذي غزل اللي قال عنها عزوز..بس والله كبرت
وصارت بنت حلـــووووة وناعمه وو..
ناقض نفسه: شفيني أقول جذي ليكون...لاا لا مسرع توها دخلت بالــ18..
وناقض نفسه مره ثانية: وإذا يعني أنا مو كبير وايد..عمري 23
يعني أكبر منها بخمس سنين..حلووو مو فرق كبير..أحلى شي عشان يكون الريال ناضج والبنت ورده تتفتح..
وتنهد بقووووة وراح داخل..
تعشى معاهم


&الواحد والثلاثون&

وبعد العشى الكل مشى..

عمر وشجون صعدوا جناحهم عشان يرتاحون..

شجون قطت نفسها عالسرير: يـــالله تعبت..هلكت اليوم من الطياره للمطار لبيت أبوي لبيتنا
..
عمر قعد عندها وانحنى لوجهها: يعطيج العافية حبيبتي..قومي أخذي شاور ونامي لازم
ترتاحين..
شجون ابتسمت: راحتي معاك..
عمر رفعها وباس خدها: ياروحي أنتي فديتج أنا..
شجون بدلع: خلاص روح أنت خذ شاور وأنا بجهز ملابسك وانطرك..
عمر ابتسم: اووك ياقلبي..انحنى
لشفايفها وباسها بنعومه وقام دخل الحمام..
شجون استحت وابتسمت..وقامت طلعت له بيجامة نوم حرير سكري قميص وبنطلون..وبالمره جهزت قميصها النوم الفوشي..شفاف عالصدر وعلاق بفتحة سبعه واسعه والظهر عاري كله وممسوك بخيط بالوسط..وطوله لنص الفخذ..
جهزت الملابس عالسرير وعطرتهم..وراحت عند المرايه..مسحت مكياجها بمناديل معقمه
ونزلت أكسسواراتها وساعتها..

وبنفس الوقت طلع عمر لاف الفوطه على خصره..
شجون بدلع قامت وقربت منه : نعيمااا..وطبعت بوسه لها أثر على رقبته ودخلت الحمام..
عمر ابتسم على حركتها..شاف رقبته وضحك..: والله حلوو الحب
ياناس..
راح لبس بيجامته وترك الأزره مفتوحه..وتمدد عالسرير بعد ما طفى الليت وشغل التكييف وترك نور الأبجوره الأحمـــر..

بعد دقايق طلعت شجون لابسه
روبها وشعرها يقطر ماي..
عمر شافها وابتسم: نعيما حبي..
شجون ضحكت: ههههههه ينعم
بحالك..
خذت قميصها ودخلت الحمام..
وطلعت بعد دقايق لابسه روبها
وتاركه شعرها مفتوح ومبلل وخصلات منه طايحه على وجهها..ما حطت إلا عطر وغلوس زهري..
عمر كان يشوفها ويبتسم لها..شجون يت له وتمددت جنبه وقربت منه وهمست: حلوووو
عمر ابتسم: رهيـــب هاللون على جسمج..
شجون: هذا من جهازي اليوم يبت باجي أغراضي من البيت..
عمر قرب منها وهمس بأذنها:
حلوو ألبسيه لي إذا حملتي وأنا بفهم..
شجون استحت وابتسمت: بأذن الله..
عمر: شنو ودج..ولد ولا بنت
شجون بحماس:ولد وبسميه أنس وأبيه يطلع نسخه منك بس
صغيره..عشان أحس أن عندي وايد أشباه لك
عمر ضحك من قلب:ههههههههه
أنا أبي بنت وبسميها منى وأبيها تطلع نسخه منج
شجون ابتسمت وحضنته: إن شاء الله بيصير عندنا أنس ومنى
..
عمر نزل طرف القميص عن جتفها وباسها: إن شاء الـــله..
شجون بحيا: آآ..
بس عمر ما عطاها فرصه تكمل..
ـــــــــــــــــــــــــــــــــــــــــ

في مطعم ماكدونالدز..
الساعه 10:15

أريج بعد ما تعشت شغلت البلوتوث تستقبل مقاطع الفيديو
..

شوي وسمعت صوت شخص وقف جدامها..: معقول الحلوو قاعد بروحه..
أريج بدلع: ما عندهم نظر
الشاب قعد وبهمس: إلا أنا..من شفتج وأنا مبهور بطلتج وجمالج
وأناقتج و
أريج قاطعته بضحك:ههههههههه
كل هذا سويته أنا فيك..
الشاب قرب منها: وأكثر من جذي بعد..وهالجمال كله مستحيل يكون اسمه غير ورد أو
أريج..لأنج مثل الورده برحيقها وشذاها>>طبعا هذا كلام حافظه ويقوله حق أي وحده..
أريج أغراها كلامه المعسول: صـــح أريج..
الشاب بنفسه[طاحت]: عاشت الأسامي..وأنا وسام..
أريج باستغراب: اسمك غريب..يعني أحسه نادر اكو كويتي اسمه وسام
وسام بنفسه[ليكون جكتني أني أجذب]: آآ آ لا شدعوى فيه وايد أعرفهم اسمهم وسام بس أنتي
يمكن ما عندج اطلاع..
أريج بدلع: يمكـــن..ووقفت..
وسام وقف معاها: وين وين تو
الناس تونا كنا حلوين..
أريج ابتسمت: تأخرت لازم أروح
..
وسام بهمس: انزين عندج سياره..؟..
أريج بارتباك: عندي بس بالكراج
..
وسام: عيل ييتي مع تاكسي..لا لا تعالي أوصلج برسم الخدمه..
أريج بتردد: لا ما يحتاج..
وسام قرب منها: روجه لا تزعليني منج..
أريج ابتسمت: خلاص تفضل..
وسام ابتسم ومسك إيدها وطلعوا..
ركبت بسيارته فورد إكسبلورر ..2009 سودا..وحركوا..

وسام بابتسامه: وين ساكنه..
أريج ابتسمت: بيان..
وسام[عيال جخ..والله صيده يانبيل]: ماشي ياحلووو..
أريج ظلت متوتره طول الطريج
لحد ما وصلها البيت: آ آ وقف بعيد شوي عشان محد ينتبه علينا
وسام ابتسم: تأمرين أمر ياقلبي..
وقف وأريج فتحت الباب: مشكوور عالتوصيله
وسام ابتسم: العفوو بس شلوون بشوفج مره ثانيه..
أريج مدت له فونها: سجل رقمك
وأنا بعطيك رنه..
وسام أخذ فونها وسجل لها الرقم وعطاها إياه وباس إيدها..
أريج استحت ونزلت بسرعه ومشت للفيلا ودخلت..
وسام ضحك بخبث:هههههههههه ذيب يانبيل ذيـــب..صج البنات أغبياء وبسرعه ينقص عليهم هههههههههه ..حرك وهو يضحك..

أما أريج دخلت بسرعه وكان البيت ظلام والكل نايم ..صعدت غرفتها بطلت الباب ودخلت وقفلته وابتسمت بخبث: وهذا أنا طلعت وييت وبشوف شلون تمنعني يامشعل الـــكلب..
ـــــــــــــــــــــــــــــــ