كل ما جيت ابتدي فيك "انتهيت"وكل ما جيت انتهي شفتك "بدايه"

&العاشر&

..


&الفصل التاسع&

بنص الدرج..
العنووود: أرجع أحسن..
ولفت بتنزل وغيرت رأيها: لاا لا أصعد أحسن بعدين ينزل يصارخ وأتوهق أنا وكل البيت يعرف..
صعدت بسرعه وشافت غرفة مشاري مفتوح بابها نصه ومشاري واقف يبدل..
العنوود شافته فصخ بلوزته وصارت طماطه وانحرجت ونزلت راسها..وقفت عند الباب وطقت: طق طق طق..
مشاري: ادخلي صبوووووه..
انفتح الباب شووي وهمست العنووود وراسها بالأرض: آ آ أنا اللي كنت بالمطبخ مو صبا..ودخلت بهدوء وحطت الماي عالطاوله وبخجل: تفضل الماي
..ولفت بسرعه بتطلع..
مشاري كان واقف بمكانه مصدوم واستوعب بالبطئ وبسرعه مسك معصم إيدها: العنووووووود لحظه..
العنود قلبها رقع طبووول وطالعت بإيدها اللي ماسكها: نـ نعم..
مشاري ابتسم..رفع إيدها بجرأه لشفايفه
وباسها: مشكوووووووووووووره
..
العنوود توترت وتصاعدت دقات قلبها ورفعت عينها وطاحت بعيونه..استحت وطلعت تركض بسرعه وسكرت الباب..
مشاري ظل واقف ثواني يستوعب اللي صار..ضحك على جرأته وأخذ الماي وشربه دفعه
وحده: آآآه الحمدلله..أحلى ماي
شربته بحياتي..
قط نفسه عالسرير وصار يتذكر الموقف وعلى شفايفه ابتسامه
..
وقطع عليه رنين تلفونه..أخو دنيا يتصل بك..
مشاري ابتسم: هلا طلول..
طلال بابتسامه: هلا فيك..أنت وينك ما بتيي اليوم..
مشاري تذكر العنود وسرح: لاااا اليوم أنا نعسان وبنام..قووول لوجدان بتفتك من خشتي اليوم
..
طلال ضحك: ههههههههههههههه
يوصل..يلا عيل ســــــلام..
مشاري : سلام..
سكر ورجع لأحلامه مره ثانية..

ـــــــــــــــــــــــــــــــــــــــــ

بفيلااا أبوو فهـــد..
الساعه 1 الفجر..

طبعا الكل هالوقت بغرفته..
مشعل كان سهران برا مع ربعه ودخل يضحك وبأذنه السماعه: رغوووود حبيبتي أنتي باجر بشوفج يعني بشوفج دبري نفسج..
رغد بحب: اممممم خلاص موافقه بس شلوووون نلتقــي..
مشعل ابتسم[كفو يامشعل والله وطيحت راسها]: شوفي باجر ماني مداوم عشان عيونج
الحلوه..بمرج وقت البريك عند الجامعه ونروح لنا كوفي..
رغد ابتسمت: اوووك بس ترى باجر عندي بريك واحد من 10لـ12..وقبلها بتوصلني الجامعه..
مشعل بخبث: ماشي ياروحي..يلا تصبحين على خير..بنام وأحلم فيج أنج زوجتي وبحضني وو..
رغد استحت: خلاص مشعل تصبح على خير بروح أنام..
مشعل ضحك على أحراجها:هههههههههههه ماشي ياحلووو لا تنسين تحطين المنبه..

سكر وطلع زقاره ولعها وبدأ يدخنها..وتوه بيفتح باب غرفته إلا يسمع صوت من وراه..
شجوون : مشعـــل..
مشعل التفت وبدون نفس: هذا أنتي..نعم خير شتبين..
شجوون تجتفت: مشعل الطريج
اللي ماشي فيه أنت غلط..ترضى أنا انخش بغرفتي وأحاجي واحد من وراك..
مشعل عصب ومسك إيدينها بقووه لدرجه أن أصابعه طبعت:
عشان ما أذبحج واشرب من دمج..
شجون تألمت: انزين ليش ترضى على نفسك..ليش تنزل كرامتك وتذل نفسك لهلمستوى المنحط..لــ
وما كملت لأن مشعل عطاها كف ناري: طــــــراااااخ..شجوونوه قضبي لسانج وثمني كلامج أحسن لج..لا والله أتعامل معاج بطريقه ثانية..وثاني مره لا تتدخلين بخصوصيات الناس فاهمـــه..
شجون انصدمت من الكف ومسكت خدها: أنا أختك أكبر منك وتمد إيدك علي..[وتنهدت بقووة ودموعها تنزل] ميخالف ياخووي ميخالف بس وعد هذي أخر مره أنصحك فيها وأنت بكيفك..
ومشت عنه ودخلت غرفتها وسكرت الباب بقووووووه..

مشعل ظل واقف بمكانه ومتضايق من تصرفه وكلامها..

جنا طلعت عالصوت ومشت بثقل وبصوت خشن: مشعل شفيكم شصـــاير..
مشعل متنرفز وعصب عليها: عدلي صوتج بالأول وتحجي مثل
البنات لا أفرك خشتج بالقاع..
جنا خافت بس عاندت وتخصرت مثل الشباب:أنا ريال وورني شبتسووي..
مشعل صارت عيونه تطق شرار
..همس بحده وهو يسحبها له بقووه ويمسك وجهها بإيدينه: الحين أعلمج شبسووي..
مسكها من إيدها وسحبها معاه ودخلها غرفته وقفل الباب..وحذفها عالسرير..
جنا بهاللحظه ماتت خوف وحاولت تقوم..بس مشعل سدحها وثبتها بإيد
مشعل يفتح أزرة قميصه بالأيد الثانية وبحده:لاااا خليج موو أنتي ريال..
وانحنى لها وشقق بلوزتها الرجاليه وكان تحتها فانلية رجاليه داخليه..
جنا شهقت وبجت وحطت إيدها على صدره: لااا مشعل لا تكفى
أنا أختك..أنا آسفه بس اتركني الله يخليك مشعل الله يخليك..
مشعل تركها وقعد على طرف السرير وعطاها ظهره: طلعي برا ياجنا وإن شاء الله يكوون هذا درس لج..أنتي أختي وأنا مستحيل آأذيج بس كنت بوعيج..

جنا ما صدقت اللي تسمعه..قامت بسرعه وطلعت برا وسكرت الباب..
مشعل قط نفسه عالسرير بالعرض: يـــــــــاللـــــــــه..

قطع عليه رنين تلفووووونه..
برور يتصل بك:
مشعل ماله خلق لها قفل بوجهها وحطه عالسايلنت..ودخل يتــــــرووووش..


بغرفة جنـــــــــا..
كانت قاطه نفسها على فراشها وتبجي من قلب: إهى إهى إهى إهى إهى إهى إهى إهى يمه لوو كان سوى فيني شي..جان مت..جان ذبحني أبوي ودخلت النار..إهى إهى إهى إهى إهى.. أنا بنت وبظل بنت مهما كان ومهما صار..لازم أرجع جنا الانثى لازم..آآآآآآه يامشعل وعيتني على شــــــي كنت غافله عنه..
جنا لما استقرت على هالفكره قامت بسرعه دخلت الحمام وتسبحت عشان تطهر نفسها من ذنوبها وتنظف جسدها عن الشوائب والقذارات..
ظلت نص ساعه تتسبح ولما طلعت لبس ولأول مره من 8 سنين تلبس بيجامة نوم بناتيه حمرا قطن ناعم..بلوزه علاق وشورت قصير..


جنا تطالع نفسها بالمرايه: حلووه والله أنا حلوووووه..بأنوثتي أحلى..أصلا غبية اللي تلبس قناع الولد..وشعري قصير
بس يلا أهم شي أنه ناعم وكثيف..بتركه يطوول وأصبغه أسود..
ابتسمت لنفسها وتعطرت ولبست ثوب الصلاه وفرشت سجادتها وبدت تصلي صلاة التوبه بس بخشوع وطمأنينه هالـــمره وبجت بصلاتها ودعت لربها يغفر لها ذنوبها وقرت قرآن وما نامت إلا لما صلت الفجر وبدت خيوط الظلام بالرحيل..

ـــــــــــــــــــــــــــــــــــــــــ

صبااااااااااااح يوووم مشرق وشتاء دافئ وهادئ ومليء بالحيوووووووية والنشاط..
الساعه 6:15 الصبــــــح..
بفيلا أبو جراح..

طبعا العنوود بهالوقت تكون قاعده تلعب رياضتها بالحديقـه..

بالصاله..

زياد نزل عالدرج..توه صاحي وماخذ شاور متنشط ولبس بنطلوون رمادي وبلوفر رمادي بسماوي بالعرض..ومرجع شعره لورى ومتعطر وبيده شنطته الطبيه..
شاف أبوه وأمه قاعدين يتريقون وجا باس روسهم: صباااااااح الخير يا أحلى أم وأبو بهالدنيا
أم جراح وأبوجراح: صباح النووور..
أم جراح: اقعد فج ريجك بلقمه قبل لا تروح..
زياد ابتسم وقعد: عشانج بس ولا أنا متعود أتريق مع عمر وعامر.. وخذا توست ودهن عليها زبده وعسل وصب له شاي وبدأ ياكل..
دخلت العنود وبابتسامه وهي تنشف رقبتها بفوطتها: صباح الخير زيووود..
زياد ابتسم: صباح العسل..
العنود قعدت وبدت تاكل: عيل وين الباجي ما قعدوا..
أم جراح قامت: ذكرتيني أروح أشوف العلتين اللي فووووق..وصعدت..
زياد قام: يلا أنا تأخرت عن أذنكم..
أبوجراح: بحفظ الرحمن..

ـــــــــــــــــــــــــــــــــــــــــ

بفيلااا أبو فهــــــد..
نفس الوقت..

فهد وأبوه وأمه وصمود كانوا يتريقون..
فهد يشوف ساعته: بسرعه صمود عشان يمديني أوديج الجامعه وأروح لشغلي..
صمود ابتسمت: فديت أحلى مهندس مدني أنا..دقايق بس..
فهد ابتسم وسكت..
أبو فهد: وينها جنا ما وراها دوام..
نزلت جنا على هالجمله وبابتسامه صافيه: كانـــي يبه..صباح الخيــــــر..
الكل انصدم لأنها نازله ببيجامه بنات من زمان ما شافوها بهالمنظر: صبــــــاااح النوووور..

وقعدت تاكل معاهم..
صمود انحنت لها وهمست بأذنها: جذي طلعي الأنثى اللي خاشتها..يازفته طلع جسمج حلووو
جنا ضحكت من قلب:ههههههههه
رفعتي معنوياتي بصراحه..
أم فهد بطيب: ما بتروحين المدرسه اليوم؟..ما أشوفج لابسه مريولج..أصلا شكلج ما نمتي
جنا ابتسمت: نمت الساعه خمس..وبرجع أكمل نووومتي بس قلت إيي أقعد معاكم..
أم فهد: براحتج يمه..خليني أقوم أقعد الثنتين اللي فوق..
>>تقصد أريج وشجون..
فهد : صج يبه ليش ما تقنع أريج تقدم أوراقها عالوظيفه..صار لها سنة قاعده لا شغله ولا مشغله
أبوفهد تنهد: والله ياولدي كلمتها..بس تقول أنها ما تبي تتوظف دام أن عندنا الفلووس والحمدلله وبتقعد بالبيت..
صمود باعتراض: غلط..الوظيفه تكوين شخصية وكيان مستقل وفعال بالمجتمع مو فلووس وبس..
فهد: صح كلامها حتى شجوون اللي تخرجت الكورس اللي فات
قدمت عالديوان وناطره الموافقه شمعنى إهي..
أبوفهد: ما أدري أسألها إذا تبي..أنا تعبت معاها..

جنا خلصت ريوق وقامت: الحمدلله..
صعدت فوووق..وبالدرج الثاني شافت مشعل نازل يزرر قميصه..ابتسمت: صباح الخير..وتعدته بسرعه..
مشعل انشرح صدره من شكلها وعرف أنها ماخذه على خاطرها منه مسك إيدها وابتسم: صبـــــــــاح النوووور..جنووووه الله يتقبل توبتج..
قالها وترك إيدها ونزل بسرعه..
جنا ابتسمت وكملت طريجها لغرفتها..