كل ما جيت ابتدي فيك "انتهيت"وكل ما جيت انتهي شفتك "بدايه"

&التاسع وعشرون&

&٣٩&

طبعاا نبيل وافق ايي ويخطبها..ويفهم أبو
فهد أنه مستعيل ويبي ملجه بس
..وبعد تفكير وافق وتمت الملجه
بحضور الأهل والأصدقاء مع ملجة عامر وصبا..وبعدها سافرت أريج مع نبيل اللي كرهته بعد ما عرفت أنه جذب عليها حتى بالاسم لسويسرا شهر العسل..

عامر وصبا قرروا عرسهم بعد 4 شهور..
فجر ما بقى على عرسها إلا شهرين...
شجون دخلت بشهرها التاسع ومساعدتها لاختها ريحها وطمنها
..
العنود دخلت بالثامن وناطره اللحظه اللي تولد فيها وتشوف عيالها بيدها بس حيل تعبانة هالشهر..



سويسرا..جنيف..بفندق الــ...
الساعه 8 بالليل..

نبيل دخل وحذفها عالسرير بقوة
وهو معصب: ارتحتي الحين يا مدام أريج..هذا أنا تزوجتج ودفعت مهرج 20.000 وأنتي ما
تستاهلين حتى فلس والبركه بولد عمج عمر..
أريج تألمت من الطيحه ومسكت
بطنها بس ردت بقوه: ولد عمي ريال عند كلمته..وعد ونفذ..مو مثلك خدعتني وأوهمتني بحبك
وبالأخير تنكرت لولدك..أنت شنو
قلبك هذا شنو..حجر ما تحس..احمد ربك أني ساكته عن سوالفك..عبالك ما أدري أنك قصيت على ألف وحده غيري..
نبيل بعصبيه: جب بس جب..وسدي حلجج..أنا بطلع وياويلج لو أدري أنج طلعتي أو قلتي شي حق أهلج..بذبحج ياأريج بذبحج..
وطلع معصب وخلاها..
أريج قعدت بقوه عالسرير وهي تتنفس بسرعه: أنا شلي عماني وخلاني أتعرف على هالنذل..آآآه يارب آآآآآآآآآآآه..

ـــــــــــــــــــــــــــــــــــــــــ

الكويت..بحر الشويخ..الساعه 11 بالليل..

صبا قاعده تتأمل البحر ومسنده
راسها على جتف عامر..
عامر ابتسم: شرايج بالجو
صبا ابتسمت: حلوو..حلو وايد..أحب منظر البحر بالليل..أحسه جو رومانسي يساعدني أفكر وارتاح..بس تدري شنو اللي محليه زياده اليوم
عامر بحنان حط إيده على خدها: شنووو
صبا بحب: أنك معاي..زوجي وحبيبي وعمري ودنيتي كلها..
عامر ابتسم وشدها لحضنه: الله يخليج لي ولا يحرمني منج..

سمع صوت تصفير من وراه..:
ااووه ياعيني عالحب
أيه ياعمي العسل بحضنك
لنا الله..

عامر ولع من الغضب وصارت عيونه تطق شرار وأول ما قام بيتهاوش..الشباب انحاشوا عنه بسرعه
صبا بخووف: حبيبي أنت اقعد خلهم يولون هذول مراهقين..
عامر تنفس بقووه: خلينا نروح..
صبا كان ودها تقعد بس ما جادلت..شبكت ذراعه وقالت: يلا
..
عامر ابتسم غصب عنه وراحوا ركبوا السياره..
صبا تستهبل حطت راسها على جتفه: عموور أنت معصب..
عامر ما قدر وتفجر ضحك:هههههههههههههههههههههههههههههههههه
صبا ابتسمت: إيه جذي اضحك..فديت الضحكه أنا..
عامر شد خصرها: شرايج نروح
ناخذ لنا بيبسي مليان ثلج..
صبا بلذه: امممم اوووك بس نروح الحديقه العامه بدال ما خربت علي قعدة البحر
عامر ابتسم: وأنا موافــــق..
ـــــــــــــــــــــــــــــــــــــــــ

فرنسا...باريس...في أحد المجمعات الشهيره بماركاتها العالميه..
الساعه 12الظهر..

وجدان تمشي وشابكه ذراعها
بذراع زياد..
وجدان بدلع:زياد حبيبي شرايك اشتري هدية وأرسلها لأريج بسويسرا..فشله ما حضرنا ملجتها..
زياد ابتسم: أحنا بعد ما درينا إلا متاخر وزوجها الله يهداه مستعيل..بس على رأيج ناخذ لهم هدية ونرسلها بالشحن..

وبعد فحص وتمحيص اختارت وجدان طقمين..طقم عطور ولوشن حق عرايس مع البخور..وطقم ساعة ألماس ماركة لونجين مع أسواره ألماس..وغلفتهم تغليف حلووو وحطت إهداء..

زياد: يلا حبيبتي ما خلصتي..
وجدان يت بابتسامه: إمبلا ياقلبي خلصت بس باجي نروح البريد ونرسل لها الهدية لعنوان الفندق بسويسرا..
زياد ابتسم: عيل يلا نروح نوديها وبعدين نمر مطعم نتغدى..
وجدان قربت منه وباست خده بدلع: بس باجي أخر شي..
زياد تجتف وطالعها بابتسامه: شنوووو..
وجدان سبلت عيونها:فيه نفنوف سهره عجبني وباخذه..اهو طقم مع الشوز حقه..
زياد ابتسم ومسك إيدها وباسها
: حبيبتي أنتي بس أشري وأنا موافق مو تطلبين..
ومسك إيدها وراحوا المحل اللي
وجدان تبيه وخذوا النفنوف مع الشوز حقه بعد ما قايسوه وطلع بالضبط قياسها وحاسبوا وطلعوا..
زياد وهو يمشي حس بشخص
لابس أسود بأسود وحاط نظاره
سودا وقبعه يتبعهم بس طنشه
[منو هذا معقول يكون فيه حراميه حتى بأوروبا] ابتسم ومشــــى وركبوا السياره البنلتي
السلفر اللي زياد مأجرها..ومشوا..

وجدان شغلت سيدي وعلت الصوت ووقفت وصار شعرها يطير بقوة مع الهوا..:

أسمعك كمل كلامك
بعد أحبك إيش قلت
تحسب أني يوم أطالع
غيرك أني ما أسمعك
أسمعك كمل كلامك
بعد أحبك إيس قلت..

زياد كان يطالعها وهو فرحان بهاللحظات..علا الصوت وزاد السرعه..: أحبــــــــــــــــج أحبــــــــــــــــج أحبــــــــج..
وجدان استانست ومن السرعه
طاحت بمكانها وتمددت وحطت
راسها بحضنه ورفعت إيدينها للريح وهي تطالع فيه: زيــــاد أحبك أموووووووووووووت فيك..ومستانسه معــــــــاك..
ورفعت نفسها له وصارت جدامه بالضبط واهو يسوق: وأبي أعيش معاك العمــر كله..ودفنت وجهها بصدره..
زياد ابتسم وحس أنه بيتهور: وجداني إذا دعمت مالــي ذنب..
وجدان وزياد مع بعض:
هههههههههههههههههههههههههههه

ـــــــــــــــــــــــــــــــــــــــــ

&40&
سويسرا..جنيف..بالفندق..الساعه 3 العصر..

أريج كانت قاعده تتغدى بروحها
بالصاله..ونبيل من وصلوا أمس وهو بس ياكل ويتروش ويطلع..

أريج حطت إيدها على بطنها: آآه يايمه آآه أدري أني ظلمتك معاي بس أنا تغيرت والله تغيرت..وراح أرضى بعيشتي مع
أبوك بس عشانك..
وعلى هالفكره ابتسمت وكلت كل صينية ورق العنب والفتوش اللي جدامها..وأول ما مسكت عصير البرتقال..

انفتح باب الجناح ودخل نبيل متنرفز بس لما طاحت عينه عليها وهي تاكل بهدوء ..ابتسم بداخله وانجذب لمنظرها الناعم
بالنفنوف الأخضر الحرير اللي متعلق برقبتها ومنسدل بنعومه على جسمها اللي نحف بشكل واضح..[حلوه ياأريج والله حلوه
..وحليانة زياده بعد الضعف..]

راح لها وبدون نفس: مســــاء الخير..
أريج بدون ما ترفع عينها وتشرب
العصير: مســــاء النوووور..
وقامت بتمشي عنه..
نبيل ابتسم باستهزاء ومشــــى وراها..

أريج أول ما دخل لفت عليه: نعم فيه شي نسيت تقوله..
نبيل وهو يقزها من فوق لتحت:
أنا زوجج ولي حقوق ولا نسيتي
..
ودزها بقوه لورى عالسرير وانحنى لها..
أريج كانت تحس بالذل والأهانه
[ليش ما أقدر أمنعه ليش..بعد كل اللي سواه فيني للحين أحبه وأبيه]
ـــــــــــــــــــــــــــــــــــــــــ

بفيلا أبو عــــمر..
الساعه 6 المغرب..

بالحديقه..

شجون قاعده عالكرسي وإيدها
على بطنها الكبير ولابسه نفنوف
حمل أحمر حرير واسع حفر وتحت بدي أبيض ¾ الكم..

وقاعده مع عمها وعمتها وبدر وسعود وطلال يسولفون..

أبوعمر: شلووونج اليوم ياشجون عساج مرتاحه..
شجون ابتسمت: تسلم ياعمي مرتاحه وعمر مو مقصر عني بشي..
بنفس اللحظه دخل عمر وبيده طيارات وألعاب ولبس رياضه صغير قدساوي..: الســــلام عليكم..
الكل: وعليكم السلام..
شجون أول ما شافته ضحكت عليه: هههههههههههههههههههههه
شيايب أنت..
عمر قعد معاهم ووزع الأغراض: العاب حق ولدي..شوفي هالطياره شحلاتها..[ومسك اللبس]شوفي يبت له قدساوي عشان يصير ولدي مشجع بيبي صغير للقادسيه..
طلال وسعود وبدر: هههههههههه
أم عمر تضحك على فرحة ولدها: ههههههههه خلف الله على عقلك يمه شكلك ينيت..
شجون بضحك: هو عمتي هذا ريلي لا تغلطين..
الكل: ههههههههههههههههههههههه

نزل عامر ركض وبيده موبايله
: نسختي نسختي هاك وجدانوه
تبيك..
عمر ضحك وأخذ السماعه: هلا
بوجداني..ها شلووونج..تصدقين
فاقدينج ارجعي بسرعه..
وجدان ابتسمت: هلا بأخوي اللي بيصير أبو..والله أنا ولهانة عليكم..عطني اسمع صوت حمودي الصغير
عمر ضحك:هههههههههههههههههههههههههههه
هاج اسمعي..
وحط السماعه عند بطن شجون وفتح سبيكر..
شجون بضحك: هههههه شتسوي وخر
عمر ابتسم: وجدانوه تسمعين..
وجدان بضحك: إيه أسمع ولدك يرافس بأذني..شوجي شلووون
أنتي متحمله..
شجون ضحكت..وأم عمر ردت:
هــــو شلوووووون بعد ولدها..
طلال: وجدانوه ما صارت أسبوعين بباريس خلاص ارجعي..
وجدان ابتسمت: طلال بعد عمري أخوي اشتقت لك..ودي أطلع لك من السماعه وأحضنك..
طلال ضحك:هههههههه ياحياتي
أنتي..زياد شلونه عساج مرتاحه
معاه..
وجدان ابتسمت: بخير ..اهو الحين يتروش..بس والله والله ولهانة عليكم..بــــــــابا
أبو عمر ابتسم: هلا
وجدان بفرح: بابا حبيبي اشتقت لك..ودي إيي ألمك..خلاص برجع قريب
أبو عمر مبتسم: يابابا حتى أنا ولهت عليج..سلمي لي على زياد وديري بالج على نفسج ودفي نفسج عن البرد..
وجدان ابتسمت: إن شاء الله..بس شوف مو تخطب لطلال وأنا
مو موجوده..كافي هذا عامر النذل ملج وأنا مسافره..
الكل:ههههههههههههههههههههههه
بدر بضحك: يعني أنتي منقهره..
وجدان بحماس: أي والله حدي
مقهوره منه هذا الشبه وودي أفرش خشته بالقاع بس أخاف على عمر حبيبي يتأذى..
عامر زهق ضحك: أوريـــــــــج
ياخايسه..ههههههههههههههههههه
وجدان بسرعه: خلاص روحوا
طلع زياد من الحمام..
بدر بسرعه: لحظه لحظه..ليش اهو مانعج تكلمينا
وجدان بسرعه: لا يالغبي بروح البسه ..وسكرت بسرعه..
أخوانها قعدوا يضحكون عليها..: هههههههههههههههههههههههههههههههههههههههههههههه

شجون بابتسامه: ياقلبي عليها والله مكانها خالي..
أم عمر: أي والله صدقتي عسى
الله يوفقها مع ريلها..
عمر قام وشال الأغراض:
يلا حبيبتي قومي نحط هالأغراض..
شجون حطت إيدها على بطنها وقامت..وصعدوا فوق جناحهم..

دخل عمر وحط الأغراض عالسرير..
شجون قربت منه وفتحت أزرة القميص: يلا أنت روح خذ شاور
وأنا برتب الأغراض وأجهز لك ملابسك..
عمر ابتسم: اووك..صج شلونها أختج
شجون ابتسمت: كلمتها مرتين وكانت تبين لي أنها مستانسه بس صوتها عكس..وفصخته القميص
عمر ابتسم وباس رقبتها: أهم شي أنها تزوجته وقدرنا نرقع السالفه قبل لا يوصل خبر لعمي..
ودخل الحمام ياخذ شور..
وشجون راحت تجهز ملابسه..
ـــــــــــــــــــــــــــــــــــــــــ

بفيلا أبو مشــــاري..
الساعه 1 الفجر..

بجناح مشــــاري..

العنود تعبانة حيل وطول الليل تتقلب وتحس بتقلصات..شدت شفايفها ودفنت أظافرها بالشرشف:آممممم آمممممم

مشاري حس فيها وفتح عيونه وشافها واخترع..حط إيده ورى ظهرها: حبيبتــــي شفيج..
العنود مسكت ذراعه ورخت راسها لورى: ما أدري مشاري ما
أدري أحس أني تعبانه حيل والألم مو قادره أتحمله..
مشاري بخووف: قومي بسرعه قومي أوديج المستشفى علما أنادي أمي..

طلع بسرعه وراح غرفة أمه وأبوه وطق الباب بسرعه ودخل
: يــــــــــــمه يمه
أم مشاري صحت مخترعه: خير
يمه خير شفيك
مشاري بتوتر: يمه العنووود تعبانه وأنا ما أدري شسوي..
أبو مشاري بسرعه: هبه بسرعه
روحي شوفيها يمكن بتولد..

أم مشاري بسرعه قامت وراحت مع مشاري الجناح ولبست العنود عباتها ونزلوها تحت وخذوها للطوارئ..

أبو مشاري ما ياه نوم..فقعد وقعد البيت كله معاه..

صبا بخوف: الله يقومها بالسلامه..شكل رحمها صج ضعيف وما يتحمل..




بفيلا أبو جــــراح..
نفس الوقت..

أم جراح دقت الباب على جراح بسرعه: جــــــــراح يمه..جراح
قوم
جراح فز من النوم: ها يمه ها شفيج..
أم جراح: بسرعه ألبس بنروح المستشفى أختك بتولد بيسون لها عملية قيصريه..
جراح بخوف: عمــــليه..إن شاء الله إن شاء الله..

بسرعه لبس وراح اهو وأمه وغزل وناصر..

ـــــــــــــــــــــــــــــــــــــــــ

بالعمليات..طوارئ مستشفى الـــ..
الساعه 3 الفجر..

أم جراح: ياربي صارت 3 الفير ومحد طلع..
أم مشاري: ادعي لها وأنا أختج ادعي لها تقوم بالسلامه..

مشاري كان رايح جاي متوتر حده..وقف وطق إيده بالطوفه بقوة..
جراح يهديه: مشاري طول بالك إن شاء الله تقوم..
مشاري عصب: اسكت..أصلا أنت السبب بكل شي صار..لو أنك ما طقيتها ساعة النحس ما اضطروا لعملية قيصريه..
أم مشاري بحده: مشــــــــاري
احشم ولد عمتك عيب..
جراح ابتسم: خليه ياخالتي أنا ما ألومه..اهو معصب شوي وما
يدري شيقول
ناصر تدخل: هدوا ياجماعه..اذكروا الله إن شاء الله تقووم بالسلامه..

بعد دقايق صعبه..ومع أذان الفجر..طلع الدكتور وشكله منهك
وباذل مجهود كبير..
مشاري ركض له بلهفه: بشر دكتور..
الدكتور ابتسم: الحمدلله..يابت
توم بنت وولد مثل القمر..والحين
بنطلعها الجناح..
الكل صرخ بفرحه: توم..
أم جراح: بعد عمري بنتي..وإهي
شلونها الحين..
الدكتور بجديه: بصراحه المدام ما قدرت تتحمل ضغط الولاده فحصل معاها نزيف شديد أدى إلى غيبوبه..
ماتت فرحة مشاري لما سمع هالخبر..: غيبوبه..
أم مشاري تواسيه: أهم شي سلامة العيال والخلقه التامه..مبرووك يايمه عسى الله يخليهم
لك ويقوم مرتك بالسلامه آمين يارب..
مشاري طاح عالأرض وحط إيدينه بشعره ونزلت دمعته: غيبوبه يمه غيبوبــــه..
أم جراح ما قدرت تتحمل وراحت تشوف بنتها وتبجي..ومعاها غزل
ناصر نزل له: مشاري تعوذ من إبليس واحمد ربك عالنعمه والعافيه..العنود كلنا نحبها وزعلانين عليها ويمكن أنا أكثر منك بس لا تيأس من رحمة ربك
..قوم وأذن لعيالك وتبارك فيهم قووم..
جراح قومه: قووم الله يهداك صل الفير وادعي لها تقوم لك وتربي عيالها..
مشاري قام معاهم غصب عنه
وراحوا المسجد يصلون ويدعون لها..
ـــــــــــــــــــــــــــــــــــــــــ

# بعــــد أسبوووع #

العنود للحين بغيبوبه والكل زعل
عليها..ومشاري سمى عياله خالد وخلود..وصار مداوم عندها
بالمستشفى..وزعل من أخوانه وما لقى حجز
بسرعه وظل يفتر بين المكاتب..

فرنسا..باريس..الساعه 9 بالليل
..

زياد كان طالع من مكتب السفريات يكلم وجدان..: إيه حبيبتي لقيت حجز الساعه 4 الفير..جهزي الشناط..
وجدان ابتسمت: إن شاء الله بجهزهم الحين..بس أنت لا تأخر مشتاقتلك..
زياد ابتسم: ياقلبي إن شاء الله ما أتاخر بس بمر أييب لنا عشى
وإيي..أووك..
وجدان بدلع: بجهز نفسي لك عشان نودع باريس بليله رومانسيه مو اتاخر..
زياد حس بالشخص نفسه بلبسه الأسود جدامه يشوفه عند سيارته.. وأول ما قرب عند سيارته راح بسرعه..ركب سيارته وحرك: ياقلبي أنتي
عيل بطير عشان أوصلج بسرعه
أحضنج لصدري و...
انقطع صوته عن وجدان وصار
يحاول يسيطر على السياره بس ما قدر البريك خربان..


&٤١&

زياد حس بالشخص نفسه بلبسه الأسود جدامه يشوفه عند سيارته.. وأول ما قرب عند سيارته راح بسرعه..ركب سيارته وحرك: ياقلبي أنتي
عيل بطير عشان أوصلج بسرعه
أحضنج لصدري و...
انقطع صوته عن وجدان وصار
يحاول يسيطر على السياره بس ما قدر البريك خربان..

وبثواني دعم شجره وارتفعت ألسن اللهب والنيران لوسط السماء..

أما وجدان بالفندق..كانت تسمع
كل اللي صار (كانت معااه عالخط للي نست)وما حست باصطدام قوي..انهارت وماتت من خوفها..وصارت تصارخ وتبجي وتعيد الأتصال بزياد: لااااا
لا يارب احفظه لي يارب لا تاخذه مني بهالسرعه..توني ما شبعت منه..
[الجهاز مغلق أو خارج منطقة التغطيه]
وجدان أول ما سمعت هالجمله انهارت وحذفت تلفونها بقووه وتكسر لأشلاء وقطع متناثره..:
زيــــــــــــــــاد..وينك..زياد رد
علــــــــــــــــي زياد..زياد لا تخليني بروحي زيــــاد..
وطاحت عالأرض بانهيار: آآآآآآآآه إهى إهى إهى إهى إهى إهى إهى إهى إهى إهى
إهى
وبسرعه وقفت ومسحت دموعها بقوة: مكتب السفريات..
إيه اهو قال..مكتب السفريات..
بسرعه فتحت الباب وطلعت مثل
المجنونة تركض بالشارع وما خطر على بالها توقف تاكسي من الخوف

ـــــــــــــــــــــــــــــــــــــــــ

سويسرا...جنيف...الساعه 11 بالليل..

بالفندق..

أريج بغرفتها كانت قاعده عالسرير وتفتح الهدايا اللي وصلتها من وجدان..
شافت الساعه الألماس مع أسوارتها وانبهرت: واااااااااااااااااو
شيك..شيك وذوقها راقي..ياعمري يا وجدان حتى وهي مسافره ما نستنا..
استغرقت بالهدايا وما حست بنبيل اللي دخل عليها..

نبيل بنفسه[أخ شحلاة ريحة العطور..بس صج هذي أهلها كلهم عيال خير ونعمه وجخ..أغنى حتى من عايلتنا..بس أخ أخ يالقهر..أنا يكسر راسي بنت
..أنا اللي أقط البنت مثل اللعبه بعد ما أخلص منها..تجي أريج وولد عمها وتكسر رأسي..آآه يالقهر آآه..بس حلووه بنت الكلب حــــلوووووووه]..: أحم أحم شكل الحلوو سرحان بالهدايا..
أريج رفعت عينها وبهدوء: إيه هدية زواجي من بنت عمي..ونزلت راسها وشالت الأغراض
وراحت للدرج وخشتهم..
وحست بأيدين نبيل تطوق خصرها..
أريج بهاللحظه تذكرت لما يت له
الشاليه عشان تقول أنها حامل وطقها وضحك عليها..حست بلوعه وحطت إيدها على حلجها:
نبيل وخر عني..ترى بروحي جبدي لايعه من ولــــدك..
نبيل تفشل وتركها..وأريج راحت ركض عالحمــــام تستفرغ..

راح لها وشافها منحنيه عالمغسله ترجع..
نبيل بسخريه: أقوول حبيبتي أي شهر وصلتي..
أريج حست بقلبها يحترق من نبرة الاستهزاء بصوته..ورفعت راسها بقوه وهي ترش ماي بارد على وجهها: ليــش ما تدري
ياوسام ياحبيبي..
ولفت عليه بقووة وبعيونها دموع
وشدت بلوزته بعنف: ما تدري متى زرعت نطفة ولدك فيـــني..
وتركته واقف بمكانه مصدوم وراحت حذفت نفسها عالسرير وصارت تبجي بصوت مكتوم..

نبيل واقف بمكانه ومصدوم من انفعالها وردها القوي..حس بتأنيب ضمير وحن عليها وشافها
تبجي وانكسر خاطره ..مشى لعندها وانحنى لها عشان يراضيها ويطيب خاطرها بس كابر بأخر لحظه وطلع من الفندق وصفق الباب بقــــوه..

أريج سمعت صفقة الباب وعرفت أنه طلع..رفعت راسها وبدموع..: آآآه ياقلبي آآآآآآآآآه..ياليتني ما حبيتك..ياليتني ما عرفتك..ياليتني ظليت عايشه بوهم حبي لعمر..آآآآآآه إهى إهى إهى إهى إهى إهى إهى

ـــــــــــــــــــــــــــــــــــــــــ

الكويت..بالمستشفى..الساعه
8 الصبح..

بغرفة العناية المركــــزه..

مشاري كان قاعد عند راسها وماسك إيدها..: عنووووووودي خلاص عاد ما شبعتي نوم..صار
لج أسبوع نايمه..قووووووومي أنا مشتاقلج وولهان حدي عليج
..وعيالج بعد..خالد وخلود يبونج محتاجين لج..عنودي قومي رضعيهم..قــــومي لبسيهم بأيدج..قومي ناغيهم ولعبيهم..قووومــــي تكفين..
نزلت دمعته حاره على إيدها..وسند راسه على صدرها وسكت
..

العنووود كانت تسمع كل كلمه يقولها..كانت تحس بصوت حبيبها
بس بعيد عنها حيل..تحس أنها بعالم ثاني..وحيلها مهدود..تحركت إيدها اليمين ببطء شديد
وفتحت عيونها لحظات ودخلها النور..شافته حاط راسه على صدرها وحركت إيدها لشعره ببطء وبصوت خافت ومبحوح: مـ ـ ـ ـشـ ـ ـ ـاري..
مشاري رفع راسه بسرعه واتسعت دهشته وابتسامتـــه: عنوووووووودي..عنــــــــــــوود
وأخيرا ياقلبي رجعتي لنا..سلامتج ياروح وعقل وقلب مشاري..
ورفعها بقوووووه وحضنها لصدره..
العنود ابتسمت بتعب ورفعت إيدينها وطوقت رقبته: بشوف عيالي..
مشاري رفع راسه ومسك وجهها بأيدينه وبفرحه: الحين ياقلبي..الحين بنادي الدكتور..وباس شفايفها بلهفه وشوق وحرمــــان..

وبعد دقايق..كانت العنود بجناحها..ومشاري بلغ كل أهله
وطاروا من الفرح..


مشاري رفع لها السرير..: ها
حبيبتي جذي زين..
العنود ابتسمت بتعب: إيه..بس محتاجه شاور..
مشاري ابتسم وسندها: خلاص
قومي أنا أساعدج..
العنوود استحت: هاا..لا لا خلاص انطر أمي
مشاري اتسعت ابتسامته وقومها
: حبيبتي أنا زوجج عادي..يلا قومي عشان أروح أييب لج خالد وخلود تشوفينهم..
العنود تشجعت: اوووك..
قامت معاه..دخلها الحمام ووقفها بهدوء تحت الشاور..وفصخها ملابسها بهدوء وفتح الماي..وتركها براحتها وسحب الستاره وطلع..
راح برا وفتح شنطتها وطلع لها بيجامة ورديه حرير واسعه قميص وبنطلون..حتى ملابس داخليه جهز لها..
ورجع لها وعطاها الشامبو والشاور جل والليفه:هاج حبيبتي
..
العنود ابتسمت وخذت منه الأغراض وسكرت الستاره..
مشاري راح ووقف عند المغسله
يطالع نفسه: قلت لأهلنا كلهم وقالوا شوي وبييون..
العنود ابتسمت: أنا الحين بشوف
عيالي وبس..
مشاري: صج حبيبتي ديربالج عالجرح لا تلمسينه..
العنود خلصت ولفت فوطتها على جسمها وشالت الستاره..وبابتسامه: لا تخاف أنا حريصه على نفسي أكثر منك..
مشاري ابتسم على منظرها وجا عندها وسندها تمشي..وقعدها عالسرير:أنتي البسي وأنا بروح أييب التوم وأييج..
العنود ابتسمت: ناطرتك..

طلع مشاري وقامت العنوود لبست البيجامه وسرحت شعرها
عالسريع وتعطرت بدهن عود
ومشت بهدوء وانسدحت عالسرير..
بنفس الوقت دخل مشاري ووراه سستر تجر سريرين صغار..
العنود طار قلبها عليهم ولمعت عيونها وحست صدرها بيدر حليب..
مشاري ابتسم وشال لها خلود
وحطها بيدها..: هاج شوفي بنتي
شحلاتها
العنوود مسكت بنتها بلهفه وقربتها لحلجها وباست خدودها وشفايفها: ياقلبـــي عليها شحلاتها تهبل..كل شي فيها صغير..
فتحت قميصها ورفعتها لصدرها
ترضعها..وغمضت عيونها: أح مشاري يدغدغ..
مشاري ضحك من قلب: هههههههههههههههههههههههههههه
مو أنتي أم تحملي..
العنود رفعت حاجب: لااا وأنت شمعنى يبت بنتك قبل ولدي مع أنه الأكبر..
مشاري قام وشال خالد ورجع وقعد عند راسها: شدراج أنه أكبر
..
العنود ابتسمت وهي تطالع بولدها النايم بهدوء ملائكي: حسيت فيه أول ما طلع..
مشاري تنهد: ياالله لو تدرين الأسبوع اللي غبتي فيه شصار فيني ضعت بدونج..
العنود نزلت خلود بعد ما شبعت
: حبيبي أنت الله لا يحرمني منك ويخليك لي ولعيالك..
مدت إيدينها بهدوء وقربت خالد
لصدرها وبسرعه حس بريحة أمه ورضع..

وبعد دقايق امتلت الغرفه بأهلها
وأهله..

ـــــــــــــــــــــــــــــــــــــــــ

فرنسا..باريس..الساعه 5 الفجر
..بمستشفى الــ..


وجدان صارت تتحرك بضيق شديد بمكانها وصور تتدافع براسها..تذكرت شكلها وهي طالعه من الفندق وتركض بالشارع..تذكرت أنها ركضت مثل
المجنونه مسافة كبيره..تذكرت منظر الحريق الهائل وألسنة اللهب اللي طالعه من سيارة قرب السفريات..تذكرت محقق
الشرطه لما قال لها أنهم لقوا
تذاكر سفر طايحه بعيد عن مكان الحادث وفيها اسمها واسم زياد وبياناتهم..تذكرت لما
انهارت من المنظر وصارت تولول وتصارخ وتبجي عشان تروح تطلع حبيبها من النار..تذكرت الشي اللي دمرها لما قالوا لها أن الجثه تفحمت بالسياره..
رفعت نفسها وصرخت من أعماق قلبــــــــها: زيــــــــــــــــــــــــــــــــــاد

على صرختها دخلوا الممرضات
يهدونها..
وجدان كانت تبجي بانهيار وتضرب خدودها: وخــــــــروا
عني وخــــروا بروووح لزياد..زيــــــــاد مات وأنا بروح معاه
وخـــــــروا
الممرضات ما قدروا يسيطرون
عليها ونادوا الدكتور وثبتوها وعطاها أبره مهدئه..
وجدان بدموع وتتكلم فرنسي بوهن: أبي بابا وزياد..دقوا عليهم..بابا رقمه 999×××××
..زياد أبي زيــ...
ونامت من مفعول الأبره..

الدكتور الفرنسي[بعد الترجمه]: مسكينه..يالمصيبتها الكبيره..اتصلوا واطلبوا والدها ليأتي فورا
إلى هنا..

ـــــــــــــــــــــــــــــــــــــــــ

الكويت..الدسمه..فيلا أبو عمر..
نفس الوقت بس الساعه 8 الصبح..


طلال كان قاعد مبجر..متروش
ولابس جينز وبلوزه سودا نص
كم بوسطها جمجمه..راح أول شي يقعد أمه وأبوه..
طق الباب بهدوء وفتح الباب ولقى أمه قاعده تلبس ملفعها..

أم عمر ابتسمت: هـــلا يمه صباح الخير
طلال ابتسم: صباح النور يمه..
أم عمر طلعت: قعد أبوك وأنا بروح اقعد أخوانك عشان نتريق
..وطلعت
طلال راح لأبوه وتوه بيتكلم إلا
يسمع صوت موبايل أبوه يهز..راح وشاف الرقم واستغرب: رقم دولي..غريبه منو بيدق على
أبو..[وتذكر]افف أكيد هذا زياد أو وجدان..ورد: ألوو نعم
تفأجا بوحده فرنسيه تتكلم معاه..وبعد الترجمه دار هالحوار..
الفرنسيه: هل هذا موبايل السيد
محمد أبو وجدان..
طلال بحذر: نعم..من أنتي وماذا
تريدين..
الفرنسيه: تعرض السيد زياد لحادث حريق بسيارته فجرا..وزوجته وجدان بحالة انهيار عصبي تام ونحتاج لوجودك معها..نتمنى وقوفكم معها..وشكرا..
وسكرت..
طلال وقف بمكانه بمصدوم
بس ما ترك فرصه لصدمته طار بخوف على غرفته أخذ
جوازه وبوكه وسويجه بدون تفكير ونزل طاير ركض وعقله عاجز يستوعب الصدمه..

شاف أمه تجهز الريوق وبسرعه
: يمه واحد من ربعي مسوي حادث على طريج السعوديه واهو الحين بالمستشفى وأنا لازم أروح له..
ما عطاها فرصه ترد بس نزل طاير وفتح الباب..
أم عمر طلعت وراه بسرعه: لحظه يايمه..رفيجك هذا ما عنده أهل ليش دقوا عليك أنت..وبعدين بتسافر له
طلال بتوتر وهو يشغل سيارته
: يمه هذا رفيجي الروح بالروح
ورقمي أول واحد عنده عشان جذي دقوا علي..يوم يومين ما طول بس أنتي لا تحاتين..
وحرك طاير بســــــرعة 120 ..