كل ما جيت ابتدي فيك "انتهيت"وكل ما جيت انتهي شفتك "بدايه"

&الرابع وعشرون&

&الفصل السابع والعشرون&


بكوفي ستار بوكس..
نفس الوقت..

زياد وقف بحده والكرسي طاح
وكل اللي بالكوفي التفتوا: خيــــــــــــــــــر..لاااا حبيبي أنا
أبيها وأنت تدري
طلال كتم ضحكته وتفشل: اقعـــــــــــــــد فشلتنا..
زياد قعد معصب وتجتف: شووف ياطلال أنا أمس مكلم أبوي بالسالفه وقالي الجمعه نروح نخطبها بس دام صارت السالفه سباق..أنا أحق من الوليد..أنا ولد عمها
طلال ابتسم: أولا اهدأ..ثاني شي إذا أنت واثق أن وجدان تحبك فأكيد راح ترفض الوليد..وثالثا: تقدر أنت ترتاح وذيج الساعه تعال اخطبها وخذها بنفس اليوم زيـــن بس لا تعصب هههههههههههه
زياد بقهر: طاع هذا يضحك..هذا
اللي بيذبحني..اسكت اسكت اللي يذوقك اللي ذقته
طلال بسرعه: لا يرحم أمك ماني ناقص..بروحي ناطر عامر
العله يتزوج عشان أقدر أخطبها
تقوم تدعي علي
زياد ضحك:هههههههههههههههههه
عشان تعرف طعم القهر..
طلال ابتسم: عرفته بس فكني
من دعاويك..
زياد بجديه: انزين قولي عمي شرايه..عمر وأنت وبدر..
طلال بجديه: أبوي أحسه محتار
وتارك القرار الأول والأخير لها..وعمر وعامر طبعا لأنهم ما يدرون أنك تحبها فهم يشوفون أن الوليد مناسب وما عليه أي كلام بس القرار لوجدان..وبدر
وسعود اتفقوا معاي أنا..
زياد باستهزاء: لا يـــاخي تصدق
عرفت..أنا شدراني شقلت حضرتك
طلال ضحك:هههههههههههههههه
أنا قلت أني رافض لعدة أسباب
سبب خفي وسبب ظاهر..الخفي أني أدري أنك تحبها وعارف أخلاقك ومعدنك ومرتاح لك..أما الظاهر فأنا وبيني وبينك ما ارتاح له أحسه مغرور وشايف نفسه باسم أبووه وغير جذي معتمد على فلوس أبوه وقاعد يصرف فلوووس بدون وظيفه وكذا مره
شفته يغازل..
زياد ابتسم براحه: يعني أضمن الرفض..
طلال ابتسم ونادى الجرسون وطلب 2 آيس موكا: أضمن وبرد جبدك بهالآيس..
زياد ضحك وظلوا يسولفون وخذاهم الوقت..
قطع عليهم رنين موبايل طلال[أميرة الورد ليه الورد مفتونك]

طلال ابتسم: هذي جوجو..
زياد بسرعه: حط هاند فري وعطني سماعه بسرعه..
طلال ابتسم وعطاه سماعه ورد:هلا ياوردة..
وجدان ابتسمت: هلا طلول أنت وين..
طلال بابتسامه: أنا بستار بوكس مع زياد..
زياد ابتسم ووجدان دق قلبها بسرعه : آآ آ انزين متى بتيي..
طلال كتم ضحكته لأنها ارتبكت من اسم زياد: يعني شوووي ليش تبين شي..
وجدان بتردد: ها لا ولا شي بس
كنت بستيشرك بشغله..خلاص ناطرتك
طلال عرف قصدها وبسرعه: خلاص مسافة الطريج بس..سلام..وسكر..
زياد بضيق: واضح من صوتها أنها متردده يعني عرفت بالخطبه..
طلال ابتسم وقام: قوم بس ولا تشيل هم..أنا أدري أنها رافضه
بس بتتأكد أني رافض عشان تتخذ قرارها..
طلعوا وكل واحد ركب سيارته ومشى..
ـــــــــــــــــــــــــــــــــــــــــ

بفيلا أبوو فـــهـــد..
الساعه 7..

بالحديقه..
صمود قاعده عالمرجوحه تهز نفسها وسرحانه[يارب تعجبه
يارب..ودي أشوف ردة فعله بس يلا أهم شي تكون وجدان حطتها داخل الكبت]
قطع عليها دخول مشعل شايل
جنا على ظهره..
جنا بصراخ: مشعلووووه نزلني نزلنـــي..يبه يبـــه
مشعل ضحك:ههههههههه انزلي
بس..[وشافها ]اوووه صم صم هني..
وراحوا لها..
جنا: صموود شتسوين بروحج
صمود ابتسمت بهدوء: ولا شي بس خذت شاور وييت أتمشى

مشعل قعد: صج شسويتي بالسوق
صمود بحماس: اففف طافكم فرينا نص الديره..رحنا الأفنيوز والفنار والكوت وليلى جاليري ومحل أنسام الخلف..اففف شفنا موديلات عجيبه..طافج ياجنا طافج..
جنا بحماس: يــــــالله ياحظج..
صمود بلهفه: مشعل طافك شفنا وحده بالأفنيوز حاطه فل ميك أب وشعرها بف تخرع..وجثله
مشعل قاطعها بضحك:هههههه شنو بخطب أنا قاعد توصفينها لي..
صمود بضحك مسكت ذراعه: هههههههه اصبر شفيك مطفوق..
تدري كانت لابسه تنوره قصيره
لفوق الركبه وبدي ضيج..وع وع
بس أنا أعجبك سويت نفسي أحاجي غزل وقتلها وع عاد من زين الجسم..
مشعل وجنا فقعوا ضحك:هههههههههههههههههههههههههههه
ياحرام..
صمود تضحك: لا ومو بس جذي
..جراح شافها جان يقول شناقص بعد فصخي الباجي وارتاحي
مشعل طاح بالأرض من الضحك:ههههههههههههههههههههه
قووووي جراحوه حده قوووي..جنا: انزين وشسوت البنت..
صمود: انحرجت وقام وجهها يعطي ألوان حتى الشباب اللي بالسوق ضحكوا وصفقوا لجراح
..
مشعل تحمس: آآآآخ والله صج طافني..
جنا تضحك:هههههههههههههههههه
انزين أنتوا شكووو بكيفها البنت حره..
يت أم فهد: صمود ياصمود
صمود قامت: نعم يمه
أم فهد: يمه واللي يسلمج..شجوون توها راده من الصالون
تعبانه وراحت تاخذ شاور وتبي عصير ليمون فرش من إيدج..
صمود ابتسمت: عروووس وتدلل علينا..إن شاء الـــله..

فوق بغرفة شجوووون..

طلعت لابسه روبها وفوطتها بشعرها..دهنت جسمها بسرعه
بلوشن اللافندر..وفتحت شعرها وخلته مبلل وخصلاته طايحه..وراحت لغرفة التبديل..فتحت كبتها وطلعت بيجامة حرير كحلي
قميص واسع بكم طويل وأزره بيضا ناعمه وكبيره..وبنطلون حرير ساده..
لبست وتعطرت ونزلـــت تحت..

نزلت عالدرج وشافت صمود بتصعد بعصير الليمون..
شجون بابتسامة واسعه نزلت لها وباست خدها: ثانكيوووو يا أحلى أخت..إن شاء الله أخدمج بعرسج..
صمود ابتسمت وعطتها العصير: هاج اشربي وبردي على جبدج..

شجون خذت القلاص وصمود راحت المطبخ وبيدها الصينية..

أريج كانت تطالع تلفزيون وبيدها
الريموت وميته قهر[أنا أوريج إذا ما أشوهج]..وأول ما قربت شجون بتعداها عشان تقعد إلا تمد ريلها..
شجون شافتها بس ما قدرت تسيطر على نفسها وطاح منها القلاص وانكسر وطاحت فوووقه بقوووه وصرخت من أعماق قلبها: آآآآآآآآآآآآآآآآآآآآه..

صمود طيحت الصينية عالأرض من الخرعه وركضت لها: شجـــــــــووووووون..

طبعا أريج خافت بس ما بينت..والكل جا يركض لصرختها..

أم فهد يت وشافتها غرقانة بدمها وضربت صدرها: يمــــــه
بنتي..
فهد بسرعه جا رفع وجهها وكان
ما ينشاف من الدم والقزاز اللي
تكسر بوجهها..: شجوون تسمعيني..شجوون
شجون انغمى عليها من الألم..
مشعـــل عصب وصارت عيونه
تطق شرار: أريـــــــــــــــج..
راح لها ومسكها من شعرها وسحبها عالدرج وطاح فيها طق..

محد اهتم لها لأنها تستـــاهل..

أبو فهد بحسره: فهد بسرعه شيلها نوديها المستشفى..
فهد شالها: جنا ييبي سويجي بسرعه..
جنا راحت تركض لفووووق..
أم فهد تبجي: صمود ييبي عباتي
بسرعه بروح معاهم..

طبعا مشعل كان طايح طق بحزامه الجلد على ظهر أريج وصراخها شال البيت بس محد اهتم حتى الخدم خافوا وما طلعوا..
ـــــــــــــــــــــــــــــــــــــــــ

بفيلا أبووو عمـــر..
الساعه 9 بالليل..

بغرفة وجدان..

وجدان مع أخوانها..

طلال: وجدان ياقلبي أنا قتلج وجهة نظري وأنتي بكيفج..هذي
حياتج وأنتي حره فيها
عمر ابتسم: جووجو فكري براحتج
وجدان نزلت راسها: بدون تفكير
أنا مو موافقه..
عامر: ليش..؟؟


وجدان بصراحه: ما أدري ما أعرفه ما أرتاح له..كذا مره التقيت فيه ونظراته لي ما ريحتني..وو أنا ما أبيه وخلاص..
قطع عليهم رنين موبايل عمر..
[شوجي حبيبتي] : عن أذنكم..
سعود بغمزه: دقوا الحبايب ههههههههههههههههههههه..
بدر: مو تزرعنا..
عمر ضحك وطلع..: هلا عمري..
صمود بدمووع: أنا صمود..عمر
ألحق على شجون..شجون طاحت على قلاص قزاز وإهي الحين بالعمليات..
عمر بغى يوقف قلبه من الصدمه..: عم..عمليات..
صمود: إيه..بسرعه عمر أحنا بمستشفى الـــ....وسكرت..
عمر سكر ونزل طايــــــر بسرعه وشغل سيارته وحركها 120..

أما فووووق بغرفة وجدان..

طلال وقف: خلاص انزلي وقولي رأيج لأبوي وأنتي واثقه ومقتنعه..
وجدان قامت: اوووووك..
سعود: الله يعينج على أمي بتأكل قلبج بالحنه..
بدر ضحك:هههههههههه لا تخوفها عاد..
عامر ابتسم: امشوا بس امشوا..جوجو روحي أنتي وأحنا بنروح تحت عند التلفزيون وإذا خلصتي تعالي..
وجدان ابتسمت: اوووووك..

طلعوا كلهم..وطلال راح غرفته
بيبدل..فتح أزرة قميصه وفتح الكبت: شنلبس شنلـ...[شاف علبه فخمه مغلفه بشريطه حمرا وذهبية وبوسطها وردة طبيعية]أوووووه سبرايز..اللـــه شحلاة الريحه..
قعد عالسرير وفتح الشرايط بخفه وشاف الساعه وبأعجاب
: أححح رهيبــــــــــــه..
لفت انتباهه كرت صغير تحت الساعه..سحب الكرت وقراه[شفتها وعجبتني وقلت مستحيل تطلع حلووه إلا بيدك..مبروووووك النجاح ياقلبي..حبيبتك صمود]
طلال ابتسم وباس الكرت بقوه
وشال الورده وحطهم تحت مخدته..ورجع الساعه مكانها وخشها بالكبت..ودق عليها بس لقاه مغلق فأرسل لها مسج[ليش مغلق..الله يبارك فيج ياقلب وعقل وأنفاس طلال.. ذوقج روعه..أحبـــج]..
وترك موبايله عالشجن ونزل..

نزل ولقى أهله كلهم تحـــت..
طلال: ها جووجو شصار
أبوعمر: الله يوفق الوليد مع غيرها..
بدر: صج عمر وينه..!!
بنفس اللحظه عامر حس بنغزة
قووووويه بقلبه ومسك صدره بألم: آآآآآآآآآآآآآآآآه
الكل اخترع..وصرخ: عامر..
أم عمر بخووف: بسم الله عليك يمه شفيك
عامر يتلوى من الألم: عـــمر يبه
عمر..
أبو عمر اخترع ونط واقف..: طلال دق على أخوووووك بسرعه..
طلال بسرعه: إن شاء الله..
عامر بوهن: بسرعه طلال بسرعه..

ـــــــــــــــــــــــــــــــــــــــــ

بالمستشفى..نفس الوووقت..

شوفوا شنوو صار لما درى عمر


الكل ملتفين حول الدكتور..
عمر بلهفه وأخر نفس: طمني دكتور أنا زوجها..
الدكتور: بصراحه القزاز تكسر على وجهها ومكان الجروح يمكن يترك أثار بنسبة 50% وغير جذي فيه شظايا دخلت بعيونها وسببت لها شرخ بالشبكيه ونزفت واحتمال كبير تفقد بصرها ..
عمر ما تحمل الصدمه وطاح غشيان عالأرض وبسرعه شالوه السسترات..
أم فهد صرخت: يــــــمه بنتي..راحت مني..آآآآآآآآآآآآآه..
صمود طاحت بحضن فهد وبجت: أريج السبب..كله منها الحقوده العانس الغبيـــــــــه..
آآآه إهى إهى إهى
أبو فهد نزلت دمعته ومسحها بطرف شماغه: يارب أني لا أسألك رد القضاء ولـــكن اسألك اللطف فيه..

بعد ساعه..
بجناح عمر..
كانوا أهله عنده وحتى أبو فهد ترك بنته وجا له..
حطوا له دريب وعطوه أبره مهدئه عشان أعصابه..
عامر ابتسم لأخوه: صبيت قلبي..فجأه حسيت بنغزات بقلبي..
عمر ابتسم له ولف على عمه وبحزم: عمي شجون زوجتي وأنا أبي أخذها ونسافر برا تتعالج والعرس نلغيه..لأني بصراحه ما عدت آأمن عليها مع
أحد..
أبو فهد بدون نقاش: بكيفك ياولدي..سو اللي تشوفه مناسب
أبو عمر: انزين يايبه ليش ما تسوي لها عملية عيونها أنت وعملية التجميل بكيفك سووها برى وبالمره خذوا نقاهه..
عمر بهدوء: وهذا اللي بيصيــر..



&الفصل الثامن والعشرون&

# ملخص الأحداث بعد شهر#

عرس عمر وشجون التغى وسافروا لندن عشان عملية تجميل وجه شجون بعد ما سوا لها عمر عملية عيونها ونجحت بعد عناء 4 ساعات بغرفة العمليات..وشجون بعد اللي صار
حقدت على أريج وصارت تكره طاريها..

أريج بعد ما طقها مشعل..فرض
عليها حظر التجول وممنوع تطلع
لأي مكان وخذا سيارتها وموبايلها ولاب توبها..

مشاري والعنووود تم عرسهم بعد ما فصخت العنوود الجبس والكل حضر لهم وفرح معاهم وكان عرس أسطوري..وسافروا
أسبانيا شهر العسل..

الوليد انقهر بعد ما انرفض وقرر
ينتقم لكرامته بطريقته..

زياد خطب وجدان ووافقت والملجه بعد ما يرجعون عمر وشجون بالسلامه..



بريطانيا..لنـــــــــدن العاصمه..
بأفخم الفنادق..بجناح عمر وشجووون..
الساعه 9:15 بالليل..

عمر طلع لاف الفوطه على خصره وشعره يقطر ماي..طاحت عينه على شجون..كانت لابسه قميص نوم أسود حرير علاق عالصدر وقصير وقاعده عند الشباك وشكلها سرحانه..تضايق وجا قعد عندها وهمس:
حبيبـــتي..
شجون لفت عليه وحضنته ودفنت وجهها برقبته: عمر أنا تعبانه..
عمر بحسره رفع وجهها بين إيدينه وباس شفايفها: شجوون ياقلبي لا تعذبيني زياده..خلاص اللي صار انتهى وعيونج أحسن ما يكون ووجهج رجع نفس أول
وأحسن بعد العمليه..
شجون بدموووع: عمر..أريج تحبك وكل اللي سوته لأني أخذتك منها آآ
عمر قاطعها: شوجي ياروحي أختج أنا ما حبيتها وعشمتها بالزواج عشان تاخذيني منها..أنا قلبي اختارج أنتي ومستحيل أتخلى عنج أو أتركج..
شجون نزلت راسها: عمر أنا وجهي نحس عليك من أول ما ملجنا وأحنا من مشكله للثانية حتى عرسنا التغى..أمك وأبوك أكيد كانوا ناطرين هاللحظه وأنا خربتها باللي صار..
عمر تنهد بقوووة ورفع وجهها ومسح دموعها بشفايفه: أمي وأبوي ما يبون إلا سعادتي..ولو تسمعينها شلووووون تكون ميته
وولهانه عليج لما تكلمني ما قلتي هالكلام..وبعدين لازم تعرفين شي أنتـــي أحسن شي
صار لي بحياتي..أنتي نوري وبهجتي..سعادتي وفرحتي..كل شي أنتي كل شي..
شجوون همست بصوت خافت: أحبــــــك..وحضنته بقووووة وعمر زاد من احتضانه لها..

ـــــــــــــــــــــــــــــــــــــــــ

أسبانيا...مدريد العاصمه..على شواطئ البحر المتوسط..وتحت أنوار القمر الساطعه..
الساعه 11 بالليل..

العنووود كانت قاعده عالبحر ومشاري قاعد وراها بالضبط وظهرها على صدره..وإيده على
خصرها..
مشاري بابتسامه: شكلج سرحانه..
العنوووود ابتسمت: سرحانه بالبحر..من زمان ما ييت له وشفت هالأجواء..أحس أني مرتاحه إذا شفته وشميت هواه النقي..ساعات أحس أني ودي أعيش عمري كله هنيه..تدري مشاري أول مره أحس أن قلبي
مرتاح بوجودك جنبي بدون ما يعكر علينا شي..
مشاري بمزح: إمبلا إن شاء الله بييون عيالنا يعكرون علينا..
العنوود ضحكت من قلب:ههههههههههههههههه خلني أحمل
بالأول..
مشاري بهمس: فديت هالضحكه الصافية أنـــا..بأذن الله بتحملين وبصير عندنا صبيان وبنات ونفرح فيهم ونربيهم..
العنوود لفت عليه وضمته بدموع: أنا أنا ما أقدر أييب عيال..الطق اللي حصلته على بطني والنزيف خلا رحمي ضعيف..أنا آسفه مشاري آسفه..ونزلت راسها وبجت..
مشاري انصدم و بهمس وخصلات شعرها تطير بنعومه: العنوود أنا أحبـــج وأهم شي أنج صرتي زوجتي ومعاي..
العنوووود أغراها قميصه المفتوح..مدت أصابعها وفتحته كله وباست صدره ورفعت عيونها وتلاقت عيونهم: أحبـــك
..
مشاري ما قدر إلا يضمها لصدره بقوووووووووة..
ـــــــــــــــــــــــــــــــــــــــــ

بفيلااا أبوو عمر..
نفس الوقت بس الساعه 9 بالليل..

بالديوانية..

طلال كان يلعب سباق سيارات
مع وجدان يعلمها اللعب..كان فاصخ البلوزه وباقي بس بالجينز..ووجدان لابسه قميص نوم بناتي قطن ناعم بنفسجي فاتح علاق وردي وقصير للركبه ومخطط بشكل معاكس بالوردي..ورافعه شعرها بفراشه بنفسجيه كبيره ..
وبدر ماسك روايه بالأيطالي يقراها..وسعود فاتح الاب توب وقاعد يطقطق..
والجو حماس وصخب وأزعاج..


وجدان تصارخ: آآآآآآآآ طلالووه يالنذل شحقه تحرق سيارتي..
طلال ميت يضحك: هههههههههه
أسف مو قصدي..
بدر مندمج بالروايه: وجدانوووه
وثول قصري صوتـــج..

وجدان معطيته طاف ومتحمسه
باللعبه..
بدر ابتسم: مو جنه عطتني طاف..
سعود ضحك وهو يطقطق عالكيبورد: هههههههههههههههههه
من قلب طاف..
بدر قام وبحركه نذاله شال الفراشه وتناثر شعرها كله وطاح على عيونها وخسرت لأنها كانت عند الفوز..
وجدان بانفعال: يــــــــــــاكلب
..
طلال مستانس لأنها خسرت واهو فاز..: هههههههههه كفك كفك..وربي تستاهل أحلى عشى..
وجدان بقهر نطت على بدر وطاح وطاحت فوقه تمشع شعره: آآآآآآآآآآآآآ خسرتني ياكلــــــب..كله منه خســــرت..

بدر تحتها ميت ضحـــك:هههههههههههههههههههههههههههههههههههه

دخلت أم عمر وشافتهم وتفأجات:هـــو وجدان عيب قومي عن أخوج شتسوين..
وجدان قامت بقهر: اعتدي عليه
..يعني شنو شايفه قاعد نلعب..وطلعت تنادي: بــــــــــــابا بـــــــــــــــابا
أم عمر بدهشه: بسم الله كلتني
بقشوري..
بدر وطلال وسعود تسدحوا ضحك وكل واحد طاح بصوب:
هههههههههههههههههههههههههههههههههههههههههههههههههه هههههههههههههههه

دخل أبو عمر مبتسم ووجدان وراه تحرك حواجبها بخبث: شفيكم على بنتي..هـــــــــا..ما
تحجون..
بدر يمسح دموعه: هههههههههه
يبه إهي غبيه خسرت باللعبه وحطت حرتها فيني..
وجدان بانفعال: جذاب بابـــا..اهو حرق سيارتي..
أبو عمر ابتسم: عناد لك أنت وياه باجر باخذها لأحلى محل وتختار لها أحلى سياره..مو هاللعبه هذي..
وجدان انجنت وباست خده: صــــــــــــج بابا..مشكووووور

طلال بدهشه: يـــبه من صجك بتشتري لها سياره..
أبو عمر قعد ووجدان قعده عنده وحطت راسها على صدره
وتحرك حواجبها بلعانه: إيه صج
وجدان تسوق من 3 سنين ولازم تكون عندها سياره..وعشان تعرف أنت وأخوك أن وجداني محد يزعلها..هذي غلاي
ودلوووعتي
سعود وقف مقهور: تحــــــيز هذا.. ما يصير..
أم عمر تبتسم: اشتر لولدلك اللي صار له سنة يحن عليك بدال هالدلوووعه..
أبو عمر ابتسم: خلاص ياسعود
أنت بعد ولا يهمك..روح باجر مع
أختك ونق لك أحلى سياره وأنا
بدفع..
سعود ابتسم: يابعد عمري يايبه
..
طلال يبتسم بغيض لواجدان: أما أنا سيارتي مكسيما نيسان2009وماني محتاج سياره..
بدر : وأنا بعد سيارتي يديده..تتهنين يامدام وجدان..
دخل عليهم عامر جاي من الدوام: السلام عليكم..
الكل: وعليكم السلام..
أم عمر وقفت: أروح أنجب العشى دام ييت..
عامر بهدوء: لا يمه بروح انسدح
ما أشتهي..
وصعد..
أبو عمر باستغراب:شفيه أخوكم
طلال: ولا شي بس فاقد عمر..تعرفه ما يجي ويروح إلا معــاه..

أم عمر بحيره : ياربي الولد تزوج
بعد شنوو..اهو بعد بيتزوج..
أبو عمر: اهو قالج.



أبو عمر: اهو قالج..
أم عمر: لا بس مصيره بيتزوج..
وجدان: خلاص يمه حطوا لنا
العشا..
ـــــــــــــــــــــــــــــــــــــــــ

بفيلا أبو مشاري..
الساعه 10:30 الصبح..بعد الريوق..

بالحديقه..

نيرون كانت بالشهر الخامس وبطنها كبر شوي..وصار شكلها أحلى مع الحمل..كانت لابسه بيجامه رياضيه بنطلون طويل أبيض بخط أصفر عالجنب وبلوزه نفس اللون علاق..وواقفه عالعشب وتلعب رياضه
..

صبا ولمى كانوا قاعدين عالطاوله يسولفون ويطالعونها
..
لمى: شفتي النشاط عند الأجانب مو مثلنا أحنا العرب إذا وحده حملت ما تمشي ولا تحرك..
صبا ضحكت:هههههههههههههههه
مو صح..أحنا بنات العرب ناعمات حيل وما تعودنا نمشي ونشتغل من الصغر..أما الغرب فالبنت عندهم مثل الولد من صغرها تلعب رياضه وتزلج وقويه..فهمتـــي..
لمى: امممم ما أدري وجهة نظر احترمها..

طلع عبدالعزيز وشافهم: ها الحلوات هني شتسون..
صبا ابتسمت: ولا شي نتطمش على مرت أبونا..
عبدالعزيز لف وشافها شلووون
تلعب وتحمس: أقسم بالله أنها أنثى..
صبا ضحكت:ههههههههههه استح
على وجهك هذي مرت أبوك..
عبدالعزيز طنشها وراح وقف مع
نيرون يلعب معاها..
نيرون ابتسمت له: أتريد ممارسة
الرياضه
عبدالعزيز ابتسم: نعم أنا أحب ممارسة رياضتي في النادي عصرا ولكن رؤيتك شجعتني..


أم مشاري طلعت ووراها مناف
..
مناف قعد..: هاي صبايا
صبا ولمى ابتسموا: هايــــــات..

أم مشاري بدهشه وغيض: أنتي
هيـــه ما تستحين على وجهج شهاللبس اللي أنتي لابسته..ما تشوفين عيالي شباب لا تخربينهم علي..
مناف ضحك:هههههههههههههههه
يمه الله يهداج أجنبيه هذي عاداتهم ..
نيرون طبعا ما فهمت ولا كلمه والتفت لعزيز: ماذا تقول أمك..لم أفهم ما تريد..
الكل فطس ضحك:هههههههههههههههههههههههههههه
عبدالعزيز يضحك:هههههههههه شفيج عليها يمه تلعب رياضه..

أبومشاري جا عالصراخ: خيـــــر
خير على هالضحك والصراخ
أم مشاري بقهر: تعال ياحظي
شوف مرتك شلابسه..مطلعه إيدينها وصدرها عند عيالك..
أبو مشاري التفت لها وشافها وابتسم على شكلها وهي تلعب ببطنها الصغير..أخفى ابتسامته وراح لها..ووقف قريب منها..: حبيبتي روحي ألبسي قميص فوق بلوزتج
نيرون باستغراب: ولكـــن لماذا؟ ..
[مناف وعزيز كانوا قاطين أذانهم بقووووووه]>>ملقف عادي هههههههههههههه

أبومشاري بهمس: حبيبتي عيالي
كبار وأنا ما أرضى تطلعين إيدينج وصدرج جدامهم..أغار عليج..
نيرون بدلع قربت منه وحطت إيدها على خده: سأفعلها من أجلك فقط..وانحنت له وباست خده
مناف وعزيز فجوا عيونهم وصفروا وأمهم ماتت قهر: اووووووووووووووووووووووه هههههههههههههههههههههه
صبا باستهبال: يــــــبه..أوروبا تحبك ههههههههههههههههههههههه

أبومشاري انحرج من عياله وابتسم: يلا حبيبتي روحي داخل
نيرون بدلع: حسنا..
ومشت داخل..
أم مشاري ميته غيره: هذا اللي الله قدرك عليه ياحظي..
عبدالعزيز بجرأه: يمه أنتي شعليج مرته وكيفه هههههههههه

أم مشاري بحقد: جب أنت جب
وابلع لسانك لا أقوم أذبحك..
أبو مشاري ابتسم وجا وراها: خلاص ياهبه أدري أنج تحبيني وتغارين..حتى أنا أحبج..أنتي زوجتي الأولى تاج رأسي وأم عيالي ومحلج بالقلب محفوظ..

عيالهم بصوت واحد صفروا: اوووووه يمه شعليج أبووووي يحبج
أم مشاري أرضى غرورها الكلام واستانست واستحت من عيالها بس تتغلى..: إيه إيه قص
علي بهالحجي..
أبو مشاري ضحك:ههههههههههه أفا عليج بس تشكين بغلاتج بقلبي بعد هالعمر..قووومي قومي بس وسوي لي عصير الرمان من إيدج الحلوووه..
أم مشاري ابتسمت وقامت: إن شاء الله من عيوني..وراحت داخل..
مناف بحماس: يمـــه لا تطولين على أبوووي بعدين يزعل.. هههههههههه
الكل:ههههههههههههههههههههههه

دق موبايل صبا وقامت عنهم وصعدت غرفتها وقفلت الباب: هلا حبيبي صباح الخير
عامر ابتسم: هلا حياتي صباح النوووور..شلونج اليوم
صبا ابتسمت: أنا تمام ولهانه عليك..بس أنت شفيك شفيه صوتك
عامر ابتسم: ولا شي بس متضايق شرايج أعزمج عالغدى
بروحنا مشتاقلج حيل
صبا استحت: امممم بس شلوون أخاف يحسون فينا..
عامر انجن على حياها: ما عليج
أنتي..أنتي بس وافقي وأنا أتصرف..
صبا بدلع: موافقـــه..
عامر ابتسم: خلاص اجهزي وأنا
بقول أني عازمج أنتي ووجدان عالغدى بس بقطها بيت عمي حمد تشوف زيادووه وإيي أخذج
أووووك..
صبا ابتسمت: اوووووك ياقلب وروح صبا..

سكرت وقامت طلعت لها بنطلون أبيض شامواه طويل وضيج وبدي بنفسجي علاق عالرقبه وفوقه جاكيت أبيض فخم بأزره فضية بارزه..
لبستهم..وبعدها طلعت شنطه بنفسجية كبيره وجلد ماركة ديور
مع صندلها نفس اللون..وأخر شي لبست ساعة ألماس فضية
ماركة لونجين وتراجي بنفسجية
ناعمه وطويله..وحطت ميك أب ناعم بدرجات الموف والروج الوردي الفاقع..وتعطرت..ومسكت المانكير الفوشي وبدت
تحط على أظافرها..

وبعد دقايق..دق موبايلها وردت:
هلااا حبيبي..وصلت
عامر: يلا ياقلبي انزلي..أنا تحت بس بنزل أسلم على خالي والشباب..وأنتي قولي أن وجدان بالسياره..
صبا ابتسمت: اوووك ياقلبي..

وبعدها نزلت صبا وقالت لأهلها واستأذنت من أبوها ووافق..وطلعت ركبت السياره..

شوي وجاها عامر وفتح الباب وركب: ياصباح الأنوار والسعد والحب..نورت سيارتي..
صبا استحت : منوره بوجودك فيها..
عامر قرب منها وهمس بأذنها: على فكره طالعـــــــه رووعه وحلوة وشيك..
صبا بحرج : آ آ أحم حبيبي حرك
قبل محد يشوفنا..
عامر ابتسم وحرك السياره: شرايج نروح نتمشى عالبحر أول
ووقت الغدى نروح مطعم..
صبا قربت منه وشبكت ذراعه وحطت راسها على جتفه: بكيفك..روح أي مكان..أهم شي أني معاك..
عامر ذاب عليها وبلع ريجه: حياتي قاعد أسوق لا أدعم..
صبا رفعت راسها بسرعه: بسم الله عليك..يعله فيني ولا فيك..لا تقول عن نفسك هالكلام..
عامر ابتسم من قلب وطوق خصرها: يابعد جبدي أنتي..يلوموني لا حبيتج..

ـــــــــــــــــــــــــــــــــــــــــ

بفيلا أبوو جــــــراح..
الساعه 12 الظهر..

وجدان قاعده مع غزل ونهى بغرفة غزل..

وجدان تتأفف: اففففف
نهى ضحكت:هههههه شفيج
وجدان بغيض: أخوج الغبي أقوله تعال أنا بشوفك يقول لي
عندي مريض..
غزل بخبث: شرايج نطب عليه بالعياده..
وجدان باستغراب: شلووووون
غزل بحماس: أقول لنصور أننا بنسوي مقلب بزياد وبيودينا..
وجدان بحماس: صـــج..روحي كلميه بسرعه
نهى وقفت:عيل أنا أروح البس..




وجدان راحت عند المرايه تشوف نفسها كانت لابسه جينز
سكني أسود وقميص أسود بأزره ذهبية كبيره وبارزه وفاتحه زرين من فوق ورافعه القوله..مع صندل فلات ذهبي وتراجي ذهب ناعمه وصغيره
..ومو حاطه إلا كحل وماسكرا وغلوس أحمر ناعم..وشعرها فاتحته كله بعد القصه الجديده..كانت قاصته قبل يومين مدرجات
على طوله لتحت ظهرها ومخلصته كرزي ضعاف..

فتحت شنطتها وطلعت عطرها مس ديور..تعطرت وطلعت شريطه ذهبيه..رفعت فيها شعرها ذيل حصان..
وبنفس الوقت دخلت غزل : يلا جوجو ناصر ناطرنا تحت..
وجدان ابتسمت وقامت ونزلوا تحت مع بعض..

أم جراح باستغراب: وين رايحين
..مسويه غدا عشانج أنا ياوجدان
..
وجدان استحت وغزل ابتسمت: لا يمه بنرجع بس بنروح لزياد مشتاقين له..وغمزت بعينها على وجدان
أم جراح فهمتها وابتسمت: زين عيل حافظكم الله..لا تطولون..

ـــــــــــــــــــــــــــــــــــــــــ

بمستشفى الــ.... الخاص..
الدور الثاني..قسم عيادة الأسنان..د.زياد حمد الــ.....

زياد كانت مشغول مع بنت مراهقه عمرها 15سنة يحشي
أسنانها ويشيل ضرس العقل..

برا عند السكرتير سمير..

دخلوا غزل ووجدان ونهى: الســـلام عليكم..
سمير ابتسم: أهلا وعليكم السلام..
غزل: أحنا خوات د.زياد [وأشرت لوجدان]..وهذي زوجته
..
سمير وقف بسرعه: أهلا يافندم
أهلا..تفضلوا استريحوا..
غزل: لا بس بندخل عليه مفأجاه..

عند زياد..
كان توه مخلص شغله: يلا تفضلي..بس انتبهي اليوم لا تشربين شي بارد ولا شي ثقيل عالسن وكثري سوائل حاره..
البنت بحيا: إن شاء الله..
أبو البنت وقف: تسلم دكتور الله يعطيك العافيه..
زياد ابتسم: الله يعافيك..هذا واجبي..
طلعت البنت مع أبوها وبنفس الوقت دخلت غزل ووراها وجدان ونهى: هــــــــــــاااي
زياد كان بيقعد على مكتبه واخترع ووقف شافهم وانجن على وجدان: هـــــــــــااايات
هلا والله..هــــــلا وغلا..
راح لوجدان ومسك إيدها: غزل اليوم فيه دونات وكابتشينو بالكوفي روحي هناك واشربوا على حسابي أي شي اووك..
غزل تضحك:هههههههههه يلا نهى..
نهى بسرعه وهي طالعه: بنقول
أنـــك أخووونا عشان نشرب وناكل ببلاش..
وطلعوا وسكروا البـــاب..

زياد بهمس وهو يقرب من وجدان: شحقه قصتي شعرج..
وجدان توترت ورجعت لورى: آ آ
ليش يعني عادي مليت وقلت أغير..
زياد قرب منها حيل وحرك أصابعه على خدودها وبأصرار:
ليش قصتي شعرج بدون ما تقولين لي..
وجدان دق قلبها بسرعه من لمسته ولزقت بالطوفه وصارت
تحس بأنفاسه الحاره تلفح وجهها..وتبرر لنفسها: آ آ كنت بسويها مفأجاه..أنا أنا ما قصرته
بس حددت أطرافه وخصلته..
زياد نزل أصابعه لقميصها وصار
يفتح الازره واحد واحد وبهمس:
انزين وليش فاتحه أزرة قميصج
..
وجدان انحرجت وأول ما قرب للزر اللي عند صدرها حطت إيدها على إيده: آآآ زياد أنا أحبك
..زياد أنت تغار
زياد ابتسم على ربكتها وقرب منها وهمس: أنا جذي مخلوق..أغار بجنوووووون على حبيبتي..
وبعد إيدها وفتح كل القميص وبان ستيانها الأسود اللي مغطي صدرها النافر ..
زياد بلع ريجه وسحبها بحضنه وطبع بوساته الطاغيه على عنقها وشفايفها وجتفها ووجدان
ذابت بين إيدينه..
وجدان همست بأذنه وراسها مرتخي وشفايفه تطبع بوسه على رقبتها: زيـ ـ ـ ـ ـ ـاد أنا للحين ما صرت زوجتك..زياد أنا..

زياد رفع راسه بسرعه ومنعها تكمل وحط أصابعه على شفايفها: لا تكملين..أنا مستعيل
أكثر منج بس ناطر عمر ايي..
وجدان شدت قميصها: بس عمر
بيطول قال أنه بياخذ شهر بعد نقاهه..
زياد ابتسم: عيل اليوم أيي وأحاجي عمي خلاص نفذ صبري..عالأقل نملج بس..
وجدان ابتسمت وضمته ودفنت وجهها برقبته تبوسها..
ـــــــــــــــــــــــــــــــــــــــــ

#وبعد مرور أسبوع#

زياد ووجدان ملجوا بالمحكمه بشهادة أبوعمر وأبوجراح وعامر وجراح وطلال بعد أقناع
شديد من زياد لعمه وسووا حفله كبيره عزموا عليها كل الأهل والقرايب وعمر أرسل هدية زواج أخته بالشحن من لندن..وأم الوليد ما حضرت لأنها زعلانه..



أسبانيا..مدريد..بأحد الفنادق ..
الساعه 8:30 الصبح..


مشاري فتح عيونه ببطء وهو يحس بحركه العنوود على صدره..وبهمس: عنووودي..حبيبتي عنووودي..
العنوود بضيق: هممم حبيبي خلني أنام والله نعسانه..
مشاري ابتسم وقام وعدلها ورفع راسها وهي مغمضه: انزين بس أنتي شفيج تتحركين وايد..تعبانه؟
العنوود بدون ما تفتح عيونها وبصوت نعسان: اممم لااا بس نعسانه حيل..وطاح وجهها بصدره..
مشاري ضحك على شكلها: هههههههههههههههههههههههههههه
نامي بس نامي..وانسدح وحط راسها على صدره..

شوووي ودق موبايل مشاري..

العنوود انزعجت: اففففف مشمش طف فوونك
مشاري ضحك وسحب موبايله: ههههههههههههه أنتي نامي بس..
ورد: هلاااا نصوووور..وينك ياخي لا سلام لا مسج
ناصر ابتسم: هههههههههههههه أنا ولا زوجتك الخبله كلما أدق عليها مغلق أو محولته مسج..
مشاري ضحك:هههههه ما عليك من زوجتي أنا قايل لها عشان ما تنشغل عنـــي..
ناصر بخبث: إيه إيه قول أنك تبيها
بحضنك وبس..
مشاري مات ضحك:هههههههههه
تدري أنها الحين نايمه بحضني..
ناصر ضحك:ههههههههه ليش جم الساعه عندكم
مشاري ابتسم: ثمان ونص الصبح..
ناصر: صـــج..عطني العنووود أحاجيها..
مشاري: ون منت..عنوودي عنوود ناصر يبيج
العنووود تنرفزت: اففففف نصووووووور مالي خلق بنـــام
..
ناصر سمعها ومات ضحك..:ههههههههههههههه مشاري بذمتك
حط السماعه بأذنها..
مشاري يضحك:هههههههه اووك
..
وقرب السماعه عند أذنها..
ناصر بخبث: عنووودوه قووومي
ما شبعتي نوووم على صدره..
العنووود كانت دايخه..وصدعت منهم وانفعلت: كيـــــــــــــفي
ياخي إن شاء الله أنام سنه..كيــ..
وما قدرت تكمل حست بلوعه
وقامت ركض عالحمام وقفلت
الباب..
مشاري اخترع: عنوووووووود عنوووووود
ناصر اخترع بعد: مشاري شفيك
شفيها العنووود..
مشاري بسرعه: ما أدري بس
شكلها دايخه وتستفرغ..أنا أشوفها وأدق عليك
ناصر بسرعه: طمني قاعد على
أعصابي..
مشاري: أوووك..
سكر بسرعه وطار عالحمام وبطل الباب..شافها منزله راسها
بالمراحض وإيدها على بطنها وترجع..
راح لها ورفع شعرها عن وجهها: حبيبتي شفيـــج..شصار
لج..
العنوود بدموع: ما أدري مشاري
ما أدري..جبدي تقلب علي..وو
كح كح كح..حطت راسها بالمراحض تستفرغ..
مشاري مات خوف عليها..قام بسرعه وصب لها قلاص ماي وياب لها فوطه..ودخل..
العنووود شافته وابتسمت بوهن
..مشاري وقفها وشغل السيفون
حق المراحض ورفعها لعند المغسله وغسل وجهها وشربها ماي ونشف حلجها بالفوطه..: سلامتج حبيبتي الحين نروح المستشفى..
شالها وطلعها برا وقعدها عالسرير وفتح الكبت وطلع لها بنطلون وبلوزه..
جا قعد عندها يساعدها باللبس
..
العنووود كانت دايخه وتعبانه بس ابتسمت بس ما قدرت تتحمل أكثر وانغمى عليها بإيدين
مشاري
مشاري اخترع: العنــــــووود..
بسرعه لبسها البلوزه وشالها على إيدينه..وكان بيطلع وانتبه لنفسه أنه بجينز بس..: اففف..
رجع بسرعه وحطها عالسرير وأخذ بلوزته لبسها وطلع فيها مره ثانيـــه..
نزل ووقف تاكسي الفندق..وبسرعه ركبوا وراحوا المستشفى بعد ربع ساعه من الزحمه..