كل ما جيت ابتدي فيك "انتهيت"وكل ما جيت انتهي شفتك "بدايه"

&الرابع عشر&

&الفصل الرابع عشر&


نزل تحت وشاف أهله مجتمعين..
عامر منقهر لأن عمر انشغل عنه فتره: بعض الناس تزوجوا ونسونا وحتى ما عبرونا بسؤال..
عمر سمعه وضحك: هههههههه أفا ياعضيدي أفا..[وجا حضنه من ظهره واهو قاعد]..هذا وأنت
تدري أني ما أستغني عنك..
عامر ابتسم لأخوه: هههههههههه
أنا أدري عنك من ملجت وأنت مو معبرني كلش
أم عمر ضحكت على عيالها:هههههههههههههه وشحقه عاد..تزوج وتصير مثله..
أبو عمر ابتسم: شعليج منه أنتي
خليه براحته..وبعدين محد بيتزوج
قبل وجدان..عيالج لاحقين عليهم..
عمر استأذن: يلا فمان الله..
أم عمر: فمان الكريم ياعمري..

طلع عمر وركب سيارته وشغل التكييف وحرك وشغل سيدي لمايا نصري واشتغلت أغنية قديمه لها اهو يحبها..

أخبـــــــارك أيه حبيبي طمني عليك حبيبي ..وحشني عينك حبيبي
أخبـــــــارك أيه..عدد غلاوة الشوق ياحبيبي برسل لعينك سلامات..
واللهي بكرا تروق ياحبيبـــــــي واحكيلك الحكايات..احكيلك الحكايات..
بهاللحظه كان واصل عند بيت عمه سعد..دق هرن وطلعت شجون..فتحت الباب وركبت: مسااااء الخيررررر..
عمر باس خدها وعلا الصوت وهو يطالع عيونها...
مشتاقة ياحبيبـــــــي مشتاقه والغربه فين عيونك فيـــــــن
تغريبه أنا عايشه تغريبه طولتها هالغبيه..حبي مالي العيـــــن..

شجوون عرفت أنه يقصدها وابتسمت بحيا وهي اتنفس بقووه وتصد ناحية الشباك..
عمر عرف أنها استحت..ابتسم وحرك..
ـــــــــــــــــــــــــــــــــــــــــ

بفيلا أبوووو جـــــــراح..
الساعه 7:30 المغرب..

بغرفة العنووووود
طلعت من الحمام لابسه روبها بعد ما خذت شاور دافي..حدها مالها خلق لأن اليوم أول أيام دورتها..
لبست بيجامة نوووم ثقيله كحليه
بخطوط صفر..وسرحت شعرها وتعطرت عالسريع..وتمددت بفراشها..
وراحت بنووم عميق..

تحت بالحديقه..وبالجو البارد والحلووووو..
كانوا الكل قاعدين تحـــــــت..

دخل زياد عليهم توه مخلص دوامه بالمستشفى: الســــلام عليكمـ..
الكل: وعليكم السلام..
أم جراح: زياد يمه شكلك تعبان
ليش ما تخلي دوامك الصبح بس..
جراح: صح كلام أمي..أصلا أنت الوحيد اللي تفتح عيادتك فترتين
..ريح نفسك وخلها فترة وحده بس الصبح..
زياد بهدوء: أفكـــــــر..أصلا أنا تعبت بعد..[ومشى بيدخل]بروح أخذ شاور وانزل..
وصعد..
غزل: العنوووود وينها..؟!
ناصر قام: تصدقين فاقدها أنا..بروح أشوفها

فوق..
زياد دخل غرفته وحط سويجه وموبايله وبوكه عالكوميدنو وفتح
أزرة قميصه..إلا يرن موبايله:
[ياحبي الأول والأخير..تدري بغيابك وش يصير]
وجدان قلبي يتصل بك..
زياد ابتسم..وما رد..يبيها تحس أنه زعلان منها..كلما يفاتحها بالخطبه تعترض وتأجل..
فصخ قميصه ودخل الحمام يتروش..

بغرفة العنوووود..
انفتح الباب وطل ناصر براسه وشافها واستغرب: اففف هذي نايمه ليكون غيرت جدولها وصارت تنام بدال العشر ثمان..

قعد عند راسها وبعد شعرها عن وجهها : العنووود عنوووودي

العنووود فتحت عيونها ببطء: نصوووووور
ناصر ابتسم: شفيج نايمه هالحزه غيرتج جدولج..
العنووود ابتسمت وبصراحه تعودت عليها: لااا بس بطني يعورني..هالشهر بزياده..
ناصر فهمها وابتسم: انزين اشربي ليمون أو أغلي دارسين..وإذا كلش اخذي بندووول..
العنووود رفعت حاجب: شدراك أنت..نصووووور ليكون عندك سوالف ما ندري عنها
ناصر تشقق ضحك:هههههههههه
يالخبله أمي دايم تقووول هالكلام حقكم أنتي وغزل ونهى..
العنوووود ضحكت:ههههههههههه
انزين يلا اقلب ويهك بنام..
ناصر قام وطقها على راسها: الشرهه علي أني ياي حق وحده مثلج..نامي نامي..وطلع وسكر الباب..
العنووود ضحكت ورجعت نامت
..
شوي ورن موبايلها..مشمش يتصل بك..
العنوود تأففت: اففف شكلي ماني نايمه اليوم..[وردت]..ألوووو
مشاري ابتسم: أروووح فدوة لهلصوت الناعس أنا..شكلج نايمه..
العنووود استحت: إيه حسيت أني
تعبانه وقلت أنام..ليش
مشاري: ولا شي بس فقدتج ما
دقيتي علي اليووم..وبعدين شفيج تعبانه
العنووووود استحت[هذا شقوله الحين]:................
مشاري عرف الجواب من سكوتها وضحك بصوت عالي:ههههههههههههههههههههههههههههههههههه الله يشفيج
العنوود انحرجت وباستهزاء: لااا والله قايله نكته أنا..
مشاري بسرعه ابتسم: لااا بس
تمنيت أشوف شكلج وأنتي منحرجه تقولينها..حبيبتي عادي خلج فري..
العنوووود ابتسمت: أنا فري مع أخواني بس استحيت منك..
مشاري ابتسم: عادي بطريقتي
أخليج تتعودين علي..
العنوووود سكتت..:............
مشاري عرف أنها استحت فابتسم: اوووك قلبي أخليج الحين..تصبحين على خير..
العنوود: وأنت من أهله...بــــاي
..وبعد هالمكالمه تنشطت وقامت غسلت وجهها ونزلت...


أما عند زياد..
طلع من الحمام لاف الفوطه على خصره..وراح لموبايله اللي ما وقف رنين..

وجدان بسرعه وبدمووع: زيـــاد
حبيبي آسفه إذا زعلتك بس لا تعاقبني بهالطريقه..وبجت..إهى إهى إهى إهى إهى إهى إهى..

زياد تضايق أنه خلاها تبجي وبهمس: وجدان حبيبتي خلاص أنا آسف بس لا تبجين دمووعج تقطع قلبي..
وجدان مكمله بجي....
زياد بحزن: جوجو حبيبتي عشاني امسحي دموعج خلاص
والله ما كان قصدج أضايقج بس
كنت أبي أفهمج أني أحبج ومستعيل عشان تكونين زوجتي
ويرتبط اسمي باسمج..
وجدان سكتت بعد كلامه:........
زياد ارتاح أنها سكتت وبهمس: جوجوووووو
وجدان ابتسمت على الدلع وبزعل: نــــعم..
زياد ابتسم: عندي كلام وايد بقوله لج ومشتاقلج..شرايج تلبسين وتقولين لطلال ييبج تسهرين عندنا
وجدان بدهشه: من صجك..
زياد بثقه: ومن أعماق قلبي بعد
..
وجدان بتردد: بس الحين ثمان تأخر الوقت
زياد: يعني ترديني..
وجدان بسرعه ابتسمت: أفا..ما عاش من يرد حبيبي زياد..ربع ساعه وأنا عندك..ســـــــي يو..
وسكرت
زياد ضحك على لهفتها حتى ما عطته فرصه يرد..:ههههههههههه
شكلها مستعيله تشوفني أكثر مني..
وقام عشان يلبس..
ـــــــــــــــــــــــــــــــــــــــــ

بفيلا أبو عمر..
نفس الوقت..

وجدان بغرفتها بسرعه لبست ليقنز وردي تحت الركبه بشوي وبلوزه طويله لنص الفخذ مشجره بألوان متداخله خضرا وبيضا وورديه..ورفعت شعرها البني الطويل بكماشه ورديه على شكل فراشه كريستاليه وخلت نصه طايح..وحطت كحل وماسكرا وبلاشر خوخي وغلوس وردي شفاف وتعطرت
بعطر جيفنشي..وخذت شنطتها وفونها ونزلت بسرعه تنادي...

طلال طــــــــــــــلال طلووول
..

بالصاله..
بدر سمعها: خير شهالأزعاج..طلال طالع..
أبو عمر باستغراب: شعندج كاشخه وين على اللـــــــه..
وجدان قعدت عند بدر: برووح بيت عمي حمد بسهر مع العنوود
وغزل..عفيه بدر وصلني
بدر حط رجل على رجل: آسف
يوعان وتعبان
أم عمر: بيت عمج هالحزه..فشله تأخر الوقت..



وجدان بضيق: شنووو عادي أحنا
أهل..وباست خد بدر..عفيه بدر والله متضايقه..
أبو عمر حس فيها: خلاص يابدر
قوم وصل اختك هناك بتسانس مع البنات..
بدر ابتسم: عشان أبوووي بس..
وجدان باست خده: يابعد عمري
أنت..
بدر قام: يلا دقايق بس أييب سويجي..
ـــــــــــــــــــــــــــــــــــــــــ

بسنيما المهلب...
الساعه 8:45

بالصف الثاني..شجوون شابكه ذراعها بذراع عمر وحاطه راسها على جتفه..وبحضنها نفيش تاكل ومندمجه بالفيلم الهندي بطولة هريتيك روشان وإيشوريا راي..
عمر كان شايف الفيلم من قبل عشان جذي كان سرحان بشجوون..وعشان ظلام ماخذ راحته..شافها مندمجه موووت ومو حاسه بأحد..مد إيده ناحية صدرها وضغط عليه
شجوون وقف قلبها من الخوف لما حست بأيد عمر تحسس صدرها..التفت بسرعه لعمر وشافته يبتسم..قربت وهمس: عمر إيدك شيلها
عمر بثقه: آسف..
شجون بحرج: عمر تكفى والله ببجي الحين..
عمر ضحك بصوت خافت وبعد إيده وتجتف وصار يطالع الشاشه..
شجوون من القهر خذت نفيش وحشرتها بحلجه وصدت عنه وصارت تطالع الفيلم..
عمر تفأجا وبلع النفيش غصب عنه وقعد يضحك ويحاول يكتم ضحكته..
ومرت نص ساعه وخلص الفيلم
وقامت الناس وعمر يضحك..
شجون شافت القاعه فضت ورفعت حاجب: اضحك بعد اضحك بصوت عالي..
ويت بتقوم بس عمر مسك إيدها وطيحها بحضنه..
شجون استحت وصدت وجهها: هدني
عمر قرص خدودها: يعني زعلانه..هههههههههههه الحين أنا بغيت أغص وأنتي حضرتج ولا همج..
شجوون بعتب: لأنك خوفتني..كنت مندمجه بالفيلم..
عمر يستهبل: لااا وأي لقطه عجبتج بالفلم..
شجوون فكرت تقهره: امممم
اللقطه اللي يفصخ فيها البطل بلوزته رهــــــــــــــيبه..
عمر حس بالغيره وانقهر..: لااا زين عيل خليها تنفعج..
وقام وطلع..
شجون ضحكت وطلعت وراه..

طلعوا وركبوا بسيارة عمر الفورد أكبسلورر 2009 سودا ومظلله..

شجون ركبت : يعني أنت الحين زعلان
عمر مطنشها..يتغلى..
شجون تحاول تراضيه: امممم ترى أنا يوعانه أنت وعدتني تعشيني صارت تسع وربع..
عمر كأنه ما يسمع:..........
شجون فكرت بحل مجنوون..: انزين عادي صير أنت البطل..
عمر طالعها باستغراب...
شجون ضحكت: هههههههههههه
أقصد افصخ بلوزتك وأنا أصورك
وتصير أنت البطل
عمر انصدم وضحك:ههههههههه
من صجج أنتي..
شجون طلعت موبايلها وفتحت الكاميرا: والله العظيم..أصلا ظفرك عندي يسواه..
عمر تشقق من الابتسامه: فديت روحج أنا..وفصخ بلوزته الأورنج وبانت عضلات صدره القويه
شجون بلعت ريجها من الحرج وصورته..
عمر عجبه الوضع: صوري عضلاتي..
شجون ابتسمت: بصورك فيديو..
عمر صار يسوي لها حركات وشجون تضحك وتصور..
شجون سكرت موبايلها:خلاص..
صارت عندي لك صور وفيديو..
عمر بخبث سحبها له: لا ياحلووة
أنا ما عندي ولا صور غير الملجه
..
لف ظهرها له بحيث يصير ظهرها لازق بصدره وحط حنجه على رقبته..ومسك موبايله وفتح الكاميرا وبعده شوي..وصور أول صوره..
شجون كانت رايحه فيها بحضنه:عمر أحنا بالسياره بالشارع..
عمر ابتسم : عادي أقول لهم زوجتي وبعدين حاط تظليل أنا..

وباس رقبتها وطق لهم صوره ثانيه..
شجون استحت..خلاص ما تقدر تتحمل قربه أكثر..لفت عليه بكل جسمها: خلاص عمــ
بس عمر قاطعها وارخى جسمها عالمقعد الثاني وانحنى لها حيل وحط أصابعه على شفايفها ورفع الكاميرا لفوق وطق صوره ثالثه..
شجون توترت وماتت أحراج وعرفت أن عمر اندمج وبيتهور..
: عمر اسمعني..
عمر ابتسم لها: أخر صوره وبعدها بسمعج..
وبسرعه مد أصابعه وفتح أزرة قميصها وبان ستيانها الأسود اللي يغطي صدرها النافر بوضوح..
شجوون تجمدت من الأحراج وغمضت عيونها..
عمر ابتسم على شكلها..وبلع ريجه بقوووه وهو يشوف إغراء حقيقي جدامه..صورها عشرين صوره على هالوضع..
وأخر شي طفا الكاميرا وقفل موبايله..وشدها لحضنه بقوووه..

شجوون فتحت عيونها وتلاقت عيونهم..
عمر ابتسم وهو يطالعها وبنفس الوقت يرجع يزرر قميصها: قولي أسمعج
شجون بصوت مبحوح ومركزه على عيونه: ضاع الكـــــلام..
عمر انجن عليها بعد عنها ولبس بلوزته وشغل السياره: شجوون
لازم نمشي..إذا طولنا أكثر بتهور
وما أدري شبيصير..
شجوون انحرجت وبعدت عنه لمقعدها وصدت تطالع الشباك وبصدرها تختلط كل مشاعر الفرح والسعاده اللي بالدنيا..

عمر كان عنده نفس الشعور..سكت وانتبه عالطريج..وبعد دقايق وقفوا عند مطعم بابا جونز..طفا السياره ومسك إيدها ونزلوا..
ـــــــــــــــــــــــــــــــــــــــــ

بفيلا أبوو جـــــــراح..
الساعه 10بالليل..

بغرفة غزل..
العنووود وغزل ونهى ووجدان قاعدين يسولفون ويلعبووون..

وجدان مسكت بطنها: آآآه أول مره أكل جذي أحس صارت فيني تخمه..بس صج معكرونة بشاميل مع الورق عنب اممممم
لذيذه..
العنوووود ضحكت:ههههههههههه
بالعافية عليج..
غزل بخبث: بس شوفي دير بالج
لا تمتنين..
وجدان حذفت عليها خدادية: اقلبي ويهج يالخايسه..أصلا أنا جسمي حلوو
الكل: ههههههههههههههههههههههه
نهى بحماس: بنات شرايكم نسرق فلم من ناصر ونطالع..
وجدان بحماس:صـــــــج وااااو
أنا أبي رومانس..
العنوووود غمزت: شمعنى رومانس..
وجدان تخصرت وأشرت لراسها:جذي أنا بكيفي مزاجي..عندج مانع
العنووود ضحكت:هههههههه لاااا
..
بعدها غزل راحت لناصر وخذت منه سيديات أفلام ورجعت..
شغلوا فلم رومانسي وقعدوا جدام الشاشه البلازما واندمجوا
بالفلم..
بعد ساعه ونص..
وجدان اندمجت بالفلم ونست أنها يت عشان زياد..شافت ساعتها وشهقت بنفسها[هـــــى صارت 11:30 امبييه نسيته]..تسحبت منهم وطلعت..

وجدان متوهقه:اففف الحين شلون بعرف أي وحده غرفته..

بنفس اللحظه انفتح باب غرفة زياد وطلع وشافها..
وجدان ابتسمت وراحت له ركض..
زياد دخلها وسكر الباب..وطالع بعيونها: تأخرتي..صار لي ساعه انطرج
وجدان بحيا: كنت أتابع فلم ونسيتك..
زياد قرب لها حيل وهمس بأذنها: سماح هالمره..وعلى فكره حليانه..
وجدان توردت خدودها من كلامه ونزلت راسها..
زياد انجن على شكلها ومد إيده وشال الكماشه وتناثر شعرها على وجهها..:جذي أحلــــــى..
وجدان تفأجات من حركته وبارتباك مشت وقعدت عالسرير
: آ آ شنوو كنت بتقووول؟!
زياد عرف أنها مرتبكه..ابتسم وجا قعد عندها ومسك خصرها وقرب وجهها منه: وجدان أنتي تدرين أني أحبج ومستحيل أتخلى عنج تحت أي ظرف..بس
فيه شي محيرني..وجدان أنتي خايفه من الزواج نفسه ولا مني..
وجدان تذكرت سؤال عمر..ونزلت دموعها على خدودها: زياد أنا..أنا بعد أحبك..وو..معاك
أحس بالأمان والدفأ..بس[نزلت راسها]أنا خايفه أني ما أقدر أعطيك حقوقك..أنا خايفه أصدك..

يلا شنووو تتوقعون ردة فعل زياد من كلامها؟؟