كل ما جيت ابتدي فيك "انتهيت"وكل ما جيت انتهي شفتك "بدايه"

&السادس وثلاثون&

&٥٣&

بالحديقه..
طلال معصب وصمود تهديه..
ومشعل وفواز واقفين وراهم ويسمعون الحوار..

صمود تمسك ذراعه: حبيبي أنت
..ياقلبي..وجدان فرحانه برجعة زياد لها وأنت أكثر شخص قريب منها وفاهم شعورها..سكر الماضي ولا تفتحه عشان وجدان عالأقل..
طلال بحده: وأنا ما سويت هالشي إلا عشانها..بس الحقير
قهرني..والله قهرني..للحين ما نسيت له شسوى..الكلب أثاريه كان مخطط لكل شي عشان بس يتزوج وجدان..حتى لما حاول يغتصبها كان يبيها توافق غصب..بس حريمته من تحت خشمه يحلم بظفرها..وكل هذا بس عشان ينتقم لأنها رفضته واختارت زياد..
صمود بحيره باست إيده: ياروحي أنت..خله يولي..هذا إنسان قلبه أسود وما يخاف من ربه..اهو الحين شايب وحظه طايح يشرب ويجي لمرته بالليل
سكران وطينه..دخل السجن وما
تاب
طلال تنفس بقوه: آآآآآآه..استغفر الله استغفر الله
صمود ابتسمت: خلاص عاد اهدأ..
طلال ابتسم لها وحضن خصرها
ومشى داخل: خلاص هديت..يلا
امشي..


أما مشعل وفواز كانوا مصدومين..
مشعل قعد تحت شجره وهو مصدوم: ألعن خيره..هذا شنو إنسان ولا حيوان..قلبه شنو دم ولا حجر..أعوذ بالله..يحاول يغتصب بنت خالته بس عشان رفضته واختارت الأنسان اللي تحبه..لا وفوق هذا يدبر حادث لزوجها..
فواز مو أقل منه: هذا شلوووون عياله متحملينه..والله مو طايحه غير براس فارس طيب والكل يظن أنه نفس أبوه..وبعضهم يكرهونه لأن عيبه الوحيد أبوه..
مشعل تذكر: صج ذكرتني..قوم
خل نتعشى ونروح لفارس..أكيد
ناطرنا الحين..

ـــــــــــــــــــــــــــــــــــــــــ

بمخيم..بـــــــر الصبـــــــيه..
الساعه 11 بالليل..

الموجودين هم(فارس..محمد ولد عمر..فيصل ولد جراح عمره
19سنه..سامي أخو فيصل عمره 18سنه..طلال ولد مشعل
عمره 18سنه..راكان ولد فهد عمره 20سنه..)

كانوا راكان ومحمد وفيصل وطلال يلعبون جنجفه..وفارس
وسامي يلعبون دوري كرة قدم بلاي ستيشن..

فيصل وهو يقط ورقه: تصدق فروووس..أحسن شي سويته هالمخيم..نجتمع فيه أحنا الشباب ونستانس..عالأقل افتك من حنة خواتي
فارس دخل هدف: قـــــــول..هههههههه..[والتفت له]جان زين
عندي خوات كبري عالأقل ألقى
جنس ثاني يحس فيني..
طلال ابتسم: تصدق فرووس ساعات أحس فيك وأتخيل إذا أنا كبير وخواتي أكبر وحده أصغر
مني بعشر سنين..اففف وايد..
فارس ضحك: هههههههههه قول
لولد عمك..
محمد ضحك: ههههههههه صج تعال أنت..وين فواز ومشعل ومحمد مو تقول بييون..
سامي ضحك: هههههههه ياخي عليك ذكاء صاروخي..مو كنت معاهم بالعشا شحقه ما سألت

فارس زهق ضحك: ههههههههه
إي والله بعدي ولد عمتي..عندك إياه..
الكل: هههههههههههههههههههههه

قطع عليهم دخول مشعل وفواز
ومحمد: الســـــــلام عليكم..
الكل: وعليكم السلام هلا والله..
محمد ولد سعود قعد: دريتوا زياد ريل عمتي رجع..
محمد ولد عمر ابتسم: قتلهم قبل شوي وفجوا حلوجهم..

فارس ضغط ستارت ووقف: ما دام ييتوا قوموا نشوي..سهرتنا الليله صباحي..
ـــــــــــــــــــــــــــــــــــــــــ

بفيلا زياد حمد الـــ...أبونايف..
الساعه 12 الفجر..


بغرفة النوم..
زياد كان متمدد ببطلون بيجامه بس وعياله الثلاثه حوله وبيدهم
الألبوم يطالعونه ويسولفون..ووجدان كانت تاخذ شاور..

زياد يأشر على صوره لعرسهم وهو حاضن وجدان لصدره وبايس خدها..: افففف بهالصوره أمكم سوت لي مناحه
..
عبدالله يضحك: هههههههههههههه
ليش عاد
زياد ابتسم: تقول ليش تبوسني جدام المصوره خلها تطلع..
نايف وسعود وعبدالله ضحكوا على أمهم: ههههههههههههههههه

نايف بضحك: انزين وأنت شسويت لها..
زياد ابتسم وقرب منهم وهمس:
أقول بس ما تعلمونها
ثلاثتهم بحماس: إيه إيه قوووول

زياد ضحك بصوت واطي: هههههههه قلت لها أنتي زعلانه على بوسه..بعد شوي بخليج مفصخه..جان تصير طماطه..
عبدالله زهق ضحك: ههههههههه
كفك يبه كفــك..ههههههههههههه

سعود طق راسه: طب..اسكت انت لا تسمعك أمي..
زياد تحمس: تبون تشوفون مستحيه..
عبدالله ونايف : صــــــج..إيه إيه
زياد بهمس: شوفوا..
وقف وراح عند الحمام وبصوت
عالي: جووجو حبيبتي وينج طولتي..
وجدان بابتسامه: أنت مو قاعد مع عيالك..خـــــــلاص
زياد طالع عياله وغمز: لااااا وين
راحوا من زمان..
وجدان لبست روبها وطلعت:صج
مسرع حسبتهم بيسهرون معانا..

زياد قرب منها بيبوسها: لا وين أنا طردتهم بسهر معاج..
..
نايف وسعود وعبدالله ما قدروا يمسكون نفسهم وضحكوا: هههههههههههههههههههههههههههه

وجدان شافتهم وتخصرت: لااااا والله تضحك علي أنت وعيالك..هيـــــــن..وراحت عنهم لغرفة التبديل..
زياد يضحك: هههههههههههههههه
خربتوها مالت عليك أنت وياها..
نايف يضحك: ههههههههههههههه
يبه اهم ضحكوا أول بعدين أنا ضحكت..
زياد ابتسم: خلاص روحوا ناموا
..
عبدالله بسرعه: لا وين يبه كمل البوسه بشوفها حرام عليك..
زياد ضحك: هههههههههههههههه والله أنا شاك فيك أنت..

ودخل لغرفة التبديل..وشافها لابسه قميص نوم أبيض علاق وحرير..
زياد ابتسم ابتسامه واسعه وحضن خصرها وباس خدها:حبيبـــــــتي زعلتي..
وجدان ذايبه بحضنه..لفت عليه وحضنته: آآآآه يازياد لو تدري شكثر اشتقت لمستك..أحبك أنا أحبك لا تتركني مره ثانيه..
زياد ابتسم وحضنها بقوووووه لصدره: خلاص ياروحي خلاص
انسي الماضي وابدي صفحه جديده..
وشالها على إيدينه ومشى ووجدان تعلقت برقبتـــــــه..

زياد شاف عياله متمددين عالسرير وكتم ضحكته: شتسوي
أنت وياه..يلا أشوف برا..بـــــرا

سعود ابتسم: لا شدعوى يبه خذ
راحتك أنا أغمض عيـــ..
وقبل ما يكمل شالوه نايف وعبدالله وهم يضحكون..: هههههههههههه قوووووم زيـــن..

زياد ضحك على عياله ونزلها عالسرير: ههههههههههههههههههه
عيالج هذولا شكلهم خربانين..
ههههههه
وراح قفل الباب..
وجدان ابتسمت ورفعت نفسها بس تفأجات بزياد يجي ويحضنها
ويبوس رقبتها..وبهمس وهي تحس بأنفاسه الحاره:زيـــــــاد
فيه شي لازم تعرفه آآ
زياد قاطعها وهو ينحني لها: بعدين ياقلبـــــــي..بعدين..وقرب منها..وو
ـــــــــــــــــــــــــــــــــــــــــ

صباح يووم مشــــــرق وشمس
دافئه تلوح بالأفق..
بفيلا طلال محمد الــ..أبومشعل
الساعه 9:45 بعد الريوق..

بالحديقه..
طلال كان قاعد يقرأ الجرايد وصمود تصب له شاي..
صمود بابتسامه: حبيبي شرايك...

قطع عليها صراخ دلال..
دلال تركض: بابا حبيبــــــــــي
يبه يبـــــــه..هاك عمو بدر يبيك
من لندن..
ومدته له موبايله..
طلال ابتسم وأخذ تلفونه: هـــلا
والله ببو ناصر..شلونك أنت وشخبار شغل السفاره وياك
بدر ابتسم: أنا بخير وكل شي تمام بس أنت قولي..صج اللي سمعته من عمر



صمود ابتسمت: شنوو بييون..
طلال ابتسم: ما أدري يقول يحاول..
دلال قعدت وبابتسامه: يبه..
طلال ابتسم: بنت أبووها..هلا
دلال ابتسمت بحب: أبي أروح الجمعيه محتاجه أغراض..
طلال قرص خدودها: روحي البسي وأنا بوديج لأحلى جمعيه تشترين اللي تبين..بعد شنو
دلال بفرحه باست خده: امممواه..تسلم بـــــــابا أحبك..
وقامت بسرعه عشان تلبس..

طلال بفرحه: يلا حبيبتي قومي لبسي عشان نروح
صمود: ومريم وعذبي أخليهم بروحهم بالبيت..
طلال ابتسم: عادي عذبي مجابل البلاي ستيشن ومريم معاه وبعدين فيه خدم بالبيت..
صمود ابتسمت ووقفت: خلاص
دقايق وأكون جاهزه..
طلال ابتسم: لا تتأخرين بشتاق
لج
صمود ضحكت: ههههههه يمه منك يالعيار..
ـــــــــــــــــــــــــــــــــــــــــ
بفيلا وليد طلال الــ..أبوفارس..
الساعه 10..

بغرفة اسراء..

اسراء كانت ممدده بفراسها وبطنها مغص يعورها وتبجي: آآآآه إهى إهى إهى يمـــــــه بطني يعورني..يمـــــــه..اممم

أريج كانت قاعده عند راسها وحالتها حاله..رفعت بنتها وخذتها لحضنه:شسوي يمه أبوج
تعبان ونايم وفارس بالطريج..اصبري يمه اصبري..
اسراء تبجي: آآآآه أهى إهى إهى إهى ما أقدر يمه يعورني يعورني إهى إهى إهى إهى إهى..
نغم يت تركض: ماما ماما فارس يا توني شفته سيارته..
أريج بسرعه: صج..يلا عيل تعالي ساعديني نشيلها
دخل فارس خايف:أنا أشيلها بس يلا بسرعه خل أخذها المستشفى..
وجا لأخته وشالها..: يلا يمه روحي البسي عباتج وتعالي أنا انطرج تحت..
أريج بسرعه طلعت: إن شاء الله..

راحت غرفتها وشافت وليد توه قاعد..طنشته وراحت خذت عباتها..
وليد بدون نفس: وين وين طوفه
جدامج أنا
أريج بسرعه بلعت ريجها: لااا بس اسراء تعبانه وبوديها الــ..وو..آآآآآهـ..مسكت خدها بقوه..

وليد عطاها كف وبعصبيه: يلا أشوف انقلعي وياويلج لو تأخرين..يــــــــــــــلا
أريج بخوف وهي تداري دموعها
:إن شاء الله..إن شاء اللـــــــه..

طلعت بسرعه لبست عباه الجتف الناعمه وملفعها وطلعت
..

بسيارة فارس..

اسراء متمدده ورى: آآآه إهى إهى إهى إهى
فارس بخوف: اصبري اسراء أمي تأخرت
بسرعه يت أريج وركبت جدام وحركوا عالمستشفى..
فارس: شفيج طولتي..
أريج بلعت ريجها: لا ولا شي بس يبت عباتي وو
فارس بحده: إيه صح واضح والدليل الأصابع اللي معلمه على خدج
أريج سكتت وصدت للشباك تداري دموعها[آآه ياعذابي بهالدنيا..أنا أريج المدلله..أنا اللي ركضت ورى عمر وكنت ميته بهواه..يصير حالي جذي..20سنه وأنا أتعذب..بالأول نبيل الكلب خذا مني أنوثتي وذبح بنتي وبعدين وليد اللي خلاني مداس له..آآآآه يارب والله أنا ندمت وتغيرت ومابي إلا سعادة عيالي..يارب..]..

فارس ينادي: يمــــــــــــــه يمه شفيج سرحانه أقولج وصلنا..يلا ننزل..
أريج مسحت دموعها ونزلت لبست نظارتها ونزلت بنتها وراحت داخل اهي وفارس..
ـــــــــــــــــــــــــــــــــــــــــ

بجمعية الشاميه والشويخ التعاونيه...
نفس الوقت..

دلال كانت ماسكه سله وتعبي فيها شبسات وشوكلاته وآيس كريم..وطلال وصمود وراها يمشون ويبتسمون..

صمود بضحك: بالله هذي أغراض بنتك..شبسات وكاكاو..
طلال ابتسم وغمز: بنت أبوها تدلل..وبعدين نسيتي بوحماج شكنتي تشتهين شبسات وكاكاو
نفسها
صمود ابتسمت: ههههههههههه والله مو بكيفي..
دلال وهي تمشي وبيدها كيندر وتطالع لأبوها: شوف بابا خذت لك كيندر
طلال ضحك وطير لها بوسه: ههههههههههههههههههههههههههه فديت بنت أبوها أنا..
صمود تمشي: فضحتنا أنت وبنتك..امشوا بس..

دلال ابتسمت: يلا بابا خلصت..
طلال ابتسم وراحوا حاسبوا عالأغراض وطلعوا..
دلال بهمس: بابا عفيه بشغل السياره
طلال بهمس: هاج بس لا تشوفج أمج..بسرعه مري..
دلال خذت السويج ومشت بفرحه جدامهم بمسافه ولفت: شوفي ماما بشغل الســــ..ووو
هــــــــــــــى
انقطع صوتها وصدمتها سياره وطارت بهالهوا وطاحت عالأرض بالشارع غرقانه بدمها
..
صمود انجنت: لااااااااااااااااااااااااا
طلال بخووف قط الأغراض وركض لها: دلال بنـــــــــــتي
دلاااااااااااااااال..
وراح لها ورفعها بحضنه ودموعه تنزل: دلال يبه دلال تسمعيني
دلال كانت تسمع صوتهم وعيونها شبه مفتوحه بس ما تقدر تتكلم..
صمود بهستيريا راحت للسايق السوري والناس تجمعت حولهم
وشرشحته: ياكــــــــــــــلب حسبي الله عليك..ذبحت بنتي ذبحتــــــــــــــها..
وحده من الناس يت لها: خالتي
طلبت الأسعاف الحين بييون..طولي بالج إن شاء الله تقوم بالسلامه..
صمود تعلقت فيها وقامت تبجي:
بنتــــــــــــــي راحت مني والسبه هالحيوان..آآآآآآه..
البنت بسرعه:أنا بشوفها..أنا ممرضه..تعالي معاي..

راحت معاها لعند طلال اللي حاضن دلال ودشداشته غرقانه دم..
البنت نزلت لدلال وفحصت نبضها وبفرحه: فيها نبض..عايشه عايشه الحمدلله..
طلال وصمود بلهفه: صــــــج..
بسرعه يت الأسعاف وقامت البنت وساعدت المسعفين وصعدت معاهم وصعدتها وركبت لها الأكسجين: تعالي خالتي بســــــــــــــرعه..
طلال: روحي أنتي وأنا بلحقكم بسيارتي وقولي له يروح مستشفى أخواني بسرعه..
بسرعه راحت صمود وركبت معاهم وراحوا المستشفى بســـــــرعه..
ـــــــــــــــــــــــــــــــــــــــــ
بفيلا زياد حمد الـــ..أبو نايف..
الساعه 11 الظهر..

بالحديقه..

زياد وعياله مسوين فريقين ويلعبون كرة قدم..
زياد وعبدالله فريق..لابسين قدساوي أصفر
نايف وسعود فريق..لابسين أزرق المنتخب..

ووجدان كانت قاعده عالطاوله تشوفهم وجدامها الاب توب اترجم روايه فرنسيه للعربي عشان تنشرها كتاب..كانت لابسه نفنوف أبيض شيفون علاق ومزموم تحت الصدر بشريطه سودا حرير وطوله لنص الساق وفوقه قميص أسود حفر قصير لنص الصدر..مع فلات أسود بشرايط ربط..
وشعرها نازل على طوله..

عبدالله يراوغ: قوول..قـــــــول
هيـــــــه ههههههههههههههههههه
زياد ابتسم: كفو ولدي كفو..كفك كفك هههههههههههههههههه

نايف وسعود منقهرين: اووووف

وجدان رفعت راسها وابتسمت وبدلع غمزت لهم:زيـــــــاد..حبيبي زياد
زياد قط الكره وابتسم: يابعد طوايفي..هـــــــلا
وجدان تسبل عيونها: ترى أنا أشجع نايف وسعود..
نايف وسعود ضحكوا:بعد عمري يمه هههههههههههههههههه
عبدالله حذف الكره بعيد: شنوو
هذا غش أحنا 1 _ 0..
زياد ابتسم بخبث وراح لها وانحنى: عفوا حبيبتي عيدي شقلتي..
وجدان وقفت جدامه بالضبط وصار صدرها لازق بصدره: أقوووول أنا أشجع عيالي..
سعود يصفر: اووووه هههههههه صارت..
عبدالله بسرعه ياب تلفونه وفتح الكاميرا: شوفوا بصور...
زياد نسى عياله وسحبها بحضنه وطوق خصرها ورجع إيدينها لورى عشان ما تقاوم: أنا حبيبج
وجدان بلعت ريجها من نظرته وارتفعت دقات قلبها: آآ وهم عيالي..
زياد ابتسم: بس أنا أغار..والحين زعلت
وجدان تحاول تفلت: تزعل وترضى بنفسك..
زياد بخبث: يعني ما راح تراضيني..
وجدان ابتسمت بخبث: امبلا أصلا
أنا ما أقدر أخليك زعلان مني..
زياد ابتسم وتركها: صـــــــج..
وجدان بضحك رفعت حواجبها:
تو توو هههههههههههههههههههه
وانحاشت داخل..
نايف طاح عالأرض من الضحك
ومسك بطنه: وااااااه ههههههههه
قصت عليك يبه..هههههههههه
عبدالله يضحك ويصور: ههههههه
شفت أمي شلووون ضعيفه
بأيدين أبووي
سعود ابتسم: هههههههه تعالوا داخل لحقها..

بالصاله..
زياد صاد وجدان وقعدها بحضنه وطاحوا اثنينهم عالقنفه:
جذي ضحكتي العيال
وجدان ابتسمت بحب:لأني عارفه نواياك ياحبيبي..أفهم نظرات عيونك..
زياد أشر لعياله: تعالوا شوفوها
وهي مستحيه..وأنت يالثور صور
عدل بدل ما تضحك..
عبدالله ضحك: هههههههههههههه انزين..

وجدان بحيا: شبتسوي..
زياد رفعها لحضنه وقعد عالقنفه وهي بحضنه: باكلج..
وبسرعه سحبها وفصخ القميص وبعد الخيط وباس عنقها بوسه طويله وتخدر من ريحة عطرها..
وجدان ماتت أحراج وصارت طماطه وتحاول تبعده وبهمس:
زيـ ـ ـ ـ ـ ـ ـاد فشله عيالك واقفين زيـــــــاد..
زياد مطنش وذايب فيها ومكمل
بوسته..

طبعا نايف استحى وصد عنهم أما عبدالله فاج عيونه ومتشقق من الوناسه ويصور..وسعود قاط معاه يطالعه..
سعود يعض شفايفه: امممم ألعن أم اللقطه ياخي
عبدالله يضحك: هههههههههههه لقطه حصريه رومانسيه صج مو أفلام هههههههههه
نايف مستحي ويضحك عليهم ويطق جبهته: هههههههههههههه ألعن أبو الساعه اللي صرتوا فيها
أخواني..عيب..عـــــــيب..
زياد وأخيرا تركها وابتسم: خلاص روحي
وجدان طقت صدره ووقفت جدامه وتخصرت: لاااااا والله..عقب ما طبعت أثر..
سعود يضحك وجا يشوف رقبتها:ههههههههه عادي يمه هذي علامة الجوده حقت أبوي..
زياد ضرب كفه بكف ولده: ههههههههههههههههههههههههه

قطع عليهم صوت التلفون يرن..
وجدان راحت شالته وهي معصبه منهم: ألووو نعم..[وتغيرت ملاحمها]هـــــــا..دلال دعمتها سياره..انزين انزين
الحين أحنا بنيي..
زياد بسرعه: شفيج..منو يكلمج
وجدان بسرعه: طلال أخوي..يقول دلال بنته دعمتها سياره وهم طالعين من الفرع ونقلوا
المستشفى والحين إهي بالعمليات ومحتاجه دم بســرعه
..
نايف قلبه رقع لأنه يحب دلال: انزين يمه خل نروح يمكن يطلع أحد منا نفس الفصيله..
زياد: يلا يلا بسرعه خلونا نرووح
..
ـــــــــــــــــــــــــــــــــــــــــ

بمستشفـــــــى الـــ...الخاص..
الساعه 12 الظهر..

طلال وصمود وعمر وعامر كلهم واقفين جدام غرفة العمليات..

طلال بخوف: عمر أنت دكتور تكفى وأنا أخوك ادخل شوفها..
عمر شد جتفه: طول بالك..إن شاء الله تقوم بالسلامه..أنا رايح أشوفها
البنت كانت واقفه بعيد: خالتي بنتج شنو فصيلتها
صمود بلهفه: +o..وما تاخذ إلا فصيلتها..
البنت ابتسمت: صج أنا بعد +o
بروح أتبرع لها..
صمود بفرحه: صج جزاج الله خير يابنتي..
عامر ابتسم: تعالي معاي أوديج
تسوين إجراءات التبرع..

بمكان ثاني بقسم الأشعه..

اسراء كانت متمدده عالسرير وفوقها جهاز تصوير أشعة البطن..
برى الغرفه أريج كانت واقفه على أعصابها..وفارس معاها..

فارس بقلق:يمه الدكتور يقول احتمال تكون الزايده
أريج بخوف: زايده..يعني عمليات..وااااااااااي ياحسرتي على بنتي صغيره..
فارس ابتسم: لا تخافين يمه..الزايده سهله ونجاحها مضمون..

طلعت اسراء تمشي ببطء ومعاها الأشعه..: يمه
أريج مسكتها وخذت الأشعه: هاك ودها الدكتور..
فارس أخذ الأشعه وراحوا مع بعض الدكتور
أريج وهي تمشي شافت أختها صمود وشهقت: هـــــــى هذي صمود..
فارس وقف: أي والله هذي خالتي صمود..يمه أنتي روحي شوفي شفيها وأنا باخذ اسراء للدكتور


عند العمليات...

صمود كانت واقفه بقلق ومعاها وجدان..وطلال وزياد وعياله واقفين بصوب..
يت أريج ركض: صمود حبيبتي شفيكم صاير شي
صمود بقلق: دلال ياأريج دلال دعمتها سياره وأحنا طالعين من
الفرع..
أريج شهقت: هـــــــى ياقلبي واهي الحين بالعمليات..
وجدان ابتسمت: إيه وإن شاء الله تقوم بالسلامه..
أريج بأسف: وجدان..سامحيني ما شفتج..شلونج أنتي وشلون عيالج..قرة عينج برجعة زياد..اعذريني ما قدرت إييج
وجدان ابتسمت بصدق:ما بينا عتب ياأم فارس..أنتي شفيج أشوف اسراء معاج عسى ما شر
أريج ابتسمت: إيه تعبانه وكان بطنها ماغصها ويبتها..احتمال الزايده..

جا فارس ومعاه اسراء: السلام عليكم..
الكل: وعليكم السلام..
أريج: ها شقالك
فارس: لا حمدلله..يقول مغص بسيط وعطاها دواء..
زياد بهمس: هذا ولد الوليد..
طلال ما يداني فارس: إيه هذا اهو..

فارس ابتسم: شلونكم شباب
وينكم أمس ما يتوا المخيم..
نايف ابتسم: والله أمس أحنا انشغلنا مع أبوي..
فارس تذكر: إيه صح قالي مشعل أمس..[والتفت لزياد]..شلونك عمي
زياد بجديه وحذر صافحه: هلا هلا..أنت فارس ما شاء الله والله مبين عليك طيب
فارس ابتسم: تسلم عمي..هذا
من طيب أصلك..
يلا شباب استأذن أنا..يلا يمه..
ومشوا..
أريج بسرعه:طمنوني تكفون..
صمود: انزين بس روحي قبل لا يمشي عنج..
أريج راحت بسرعه..: يلا سلام..

يت البنت تمشي بهدوء وشكلها دايخه..
صمود راحت لها وقعدتها: ارتاحي ارتاحي..شكلج دايخه..الله يعطيج العافيه ويجزاج ألف
خير مثل ما ساعدتيني حتى اسمج ما عرفته..
البنت ابتسمت: أمل..والعفو ما سويت شي..هذي غيرتي على بنت ديرتي
وجدان ابتسمت: خذوا منج دم..
أمل: إيه كيس ونص..

يلا توقعاتكم؟؟
منووو امل ومعقوله تكون لها علاقه بالقصه؟؟
اريج ومعاناتها مع الوليد؟؟
زياد ووجدان وعيالهم؟؟