كل ما جيت ابتدي فيك "انتهيت"وكل ما جيت انتهي شفتك "بدايه"

&ثلاثون&

&٤٢&

خلال نص ساعه وصل المطار
وبسرعه نزل وشرى موقف لسيارته ودخل..

طلال بلهفه: لو سمحتي أبي حجز مقعد واحد حق باريس..بسرعه الله يخليج..
الموظفه طقطقت بالكمبيوتر:
فيه طياره وحده رايحه لباريس وفيها شواغر بس للأسف بعد ربع ساعه بس وبتمشي وأكيد الحين الركاب صعدوا ما بتلحق..

طلال بسرعه وبلع ريجه: تكفين
دبريها الله يخليج مستعيل..ظروف طارئه..حطيني بأي مكان عادي وبأي سعر..
الموظفه تعاطفت معاه: إن شاء الله بحاول أساعدك..
وبعد ثواني حصلت مقعد وقصت له التذكره..: تقدر تروح
تختم جوازك الحين..
طلال بلهجة شكر: مشكووره ربي يوفقج..
خذا التذكره وراح سوا جوازه بسرعه وصعد الطياره اللي كانت خلاص بتقفل وتطير..

قط نفسه عالكرسي وسحب نفس قوووووي: آآآآآآآآآآآآآآآآه

تنهد وبسرعه خذته الأفكار والخيالات لأي شي ممكن يصير
..
ـــــــــــــــــــــــــــــــــــــــــ

سويسرا..جنيف..الساعه 10 الصبح..

بالفندق..بجناح نبيل وأريج..

أريج كانت قاعده تفرفر بين القنوات بملل..زهقت من أسبوع
وهي محبوسه بهالفندق..لا طلعه ولا دخله..شافت نبيل لبس
وبيطلع وقامت: بتطلع..
نبيل بدون نفس: ششايفه حضرتج
أريج بحده: اففف تراني زهقت هذي مو عيشه..ما وصلنا وأنت حاجزني بالجناح وطالع برا 24 ساعه..بعرف أنت ما عندك أحساس..ما عندك دم..آآ
تفأجات بنبيل جاها معصب وعطاها كف وشد شعرها: اسمعي ياالسافله..أنا تزوجت عشان استر عليج بس وعشان ولد عمج النذل ما يذبحني..مو ميت بهواج عشان أطلعج وأمشيج..أصلا أنا رضيت بتمثيله شهر العسل هذي عشان أمي اللي صدقت أنج عروس وبنت حلوه وطيبه..
وحذفها بقووه عالأرض..: ولا أنتي ما تسوين نعــــــــــــالي
فاهمه..ورفس بطنها بجوتيه بقوه وراح وخلاها
أريج حست ظهرها انكسر وعيونها طلعت..صرخت: ياحقير
ذبحت ولدي..آآآه
نبيل رجع لها معصب وشد شعرها بقوه: احترمي نفسج وعن الغلط..وولد الحرام هذا أنا
ما أبيه و..
أريج قاطعته بصراخ مع دموع: ولا أنا يشرفنــــي أنك تكوون أبوووه..أصلا أنت مو ريال..آ
ما خلصت كلامها إلا تفأجا بكف طبع على خدها وولع وجهها..وبعدها انهالت عليها الكفوف والرفسات بكل مكان..
نبيل معصب والشرر يتطاير من عيونه: أعلمج أنا منو الريال..أعلمج يالسالفه..يابنت الليل..
اتفوو عليج ياكلبه..
ظل يطقها ويرفس بطنها لحد ما شافها نزفت دم..وخر عنها بسرعه وتنفس بقوه: أنا بروح احجز وأنتي قومي ولمي قشج عشان نرجع ..قووووومي..ولا تحلمين أني أطلقج بهالسهوله..
وطلع وصفق باب الجناح بقووة
أريج حست أنها بتموت وجسمها
مرضوض وبطنها يتقطع من الألم..سحبت نفسها للسماعه واتصلت عالأسعاف..

وبدقايق معدوده جو المسعفين
وشالوها المستشفى..

وهناك عطوها أبره وقفت النزيف وحطوا لها دريب..ولما تحسنت وتطمنت على حملها..طلعت من المستشفى ورجعت الفندق تلم أغراضها وهي تبجي..
ـــــــــــــــــــــــــــــــــــــــــ

&43&

بفيلا أبو جــــراح..
الساعه 3 العصر..

بصالة الدور الثاني..

العنود كانت اتنفس عند أمها..حاطين لها فراش بالأرض ولحاف مرتب وسراير عيالها ورضعتهم عندهم..

العنود رفعت نفسها وشالت خالد وحطته بحضنها تفك المهاد
عنه: شفيج يمه شكلج مهمومه

أم جراح بضيق: والله يايمه ما أدري قلبي قابضني من الصبح..

جا ناصر وقعد عند سرير خلود
يلعبها: تعوذي من الشيطان يمه
ولا توسوسين..وبعدين أحد يشوف هالملاك جدامه ويتضايق..
العنود ضحكت: ههههههههههههه
بنتي لا تعورها دير بالك..
غزل سمعتها وطلت من غرفتها:
عدال محد ياب بنت غيرج
ناصر ضحك: ههههههههههه أي والله بعدي أختي عندج إياها..

جراح كان صاعد ومعاه أبوه..
أبو جراح: شعندك أنت وأختك على بنتي..إيه عاد كلش ولا العنود الغاليه أم أحفادي
العنود رفعت حواجبها لناصر: تسلم يبه..
جراح جا وقعد عندها وأخذ منها
خالد وحطه بحضنه يناغيه: كغ كغ..خلودي..خالد..[والتفت لها]..مشاري ما مر اليوم..
العنود ابتسمت: الصبح كان بالدوام بس بيمر المغرب..
أم جراح: عسى الله يبلغني فيك
معرس ياجراح وافرح بشوفة عيالك..
جراح ابتسم: آمين يمه..ما بقى
شي شهر ونص بس..
ـــــــــــــــــــــــــــــــــــــــــ

فرنسا..باريس..مستشفى الــ..
الساعه 1 الظهر..

طلال بمكتب الدكتور قاعد معاه
ويسمع منه السالفه ومصدوم..

طلال بدموع مسك راسه:زياد احترق ومات متفحم وما فيه جثه..آآآآه يازياد آآآآه..الله يرحمك..الله يرحمــــــــــــك..

رفع راسه بسرعه وتكلم مع الدكتور فرنسي:ولكن كيف عرفتم هويته..
الدكتور بجديه: وجدنا تذاكر سفر
عالأرض قرب أشجار كثيفه قريبه من موقع الحادث وعلمنا
أنها له لأنه من الواضح أنها طارت من النافذه عند اشتداد الهوا والسرعه العاليه جدا..
طلال منهار ووده يصرخ: وزوجته كيف وصلت لموقع الحادث وأين كانت..
الدكتور: زوجته جاءت ركضا على أقدامها من الفندق لأنها كانت تلهث بشكل كبير ومخيف وعندما شاهدت منظر النيران لما تستطع تحمل ذلك فانهارت
..يبدو أنها كانت تحادثه على الهاتف وإلا لما علمت بمكانه..
طلال حس أنه بيختنق..يحس بصواعق تنزل على راسه[شهاليوم الأقشر..استغفر الله يارب]: ووجدان كيف حالها الآن..
الدكتور: تمر بحالة انهيار عصبي
شديد وعندما تصحو من غفوتها
تصاب بهستيريا وتقوم بالصراخ
والبكاء وتشد شعرها بقوه..أنها تحت العناية الشديده..تحتاج لفتره طويله للراحه والاسترخاء
..
طلال: ولكن يجب أن نسافر لنعود إلى ديارنا ونقوم بواجب العزاء لزوجها..لا أستطيع المكوث هنا طويلا..
الدكتور: آسف..يجب أن تنتظر يومان على عالأقل لكي يستطيع جسدها استعادة قواه الخائره..
طلال تنهد بقوه : حسنا حسنا..سأنتظــــــــر..
ووقف: سأذهب لرؤيتها..

مشى بخطوات ثقيله وهموم الدنيا على راسه ويحاجي نفسه:
آآآه يازياد آآآآه..ليش هالنهايه
ليش..استغفر الله يارب..استغفر
الله..شقول لأبوي الحين..شلون
أوصل الخبر..شلوون بيتقبلونه..شلون بشوف وجدان وأحط عيني بعينها وأشوفها منهاره واسكت..شلــــــــــــــــووووون
..آآآه أنا لله وأنا إليه راجعووون..

وصل لجناح وجدان..وفتح الباب ودخل وشافها قاعده..
وجدان أول ما شافته..نطت من السرير وطاحت عالأرض وتألمت: طــــلال..
طلال ركض لها بسرعه وبلهفه رفعها: ياروح طلال وقلبه..شوي
شوي يمج أنا يمج..
شالها وحطها عالسرير..
وجدان بدموع عجز وتشيل الشرشف وتعصره: زياد مات..مات وخلاني بروحي..مات وأنا عروس..ليش يموت ليش..حرام
عليه اهو وعدني يبقى معاي العمر كله..[وانهارت وضربت خدودها]بس أنا كنت حاسه..كنت حاسه وقتله خايفه نفترق..قتله عندي أحساس أنك بتتركني..آآآآآآآآه إهى إهى إهى
إهى إهى إهى إهى إهى إهى

طلال بسرعه مسك إيدينها وحضنها لصدره بعنف ومسح على شعرها: بس ياوجدان بس
..لا تعذبين نفسج..زياد مات الله
يرحمه والميت ما تجوز عليه غير
الرحمه والذكر الطيب..مات بس باقي بقلوبنا وعايش معانا بذكراه..
وجدان منهاره حطت راسها على
صدره وبدموع: بس أنا أبيه..أبيه
ما شبعت منه..أبيه يبتسم لي ويتحرش فيه..أبيه يبوسني ويدلعني..أبيه طلال أنا ما شبعت
منه..أبيه أنا..أحبه..أحبه..أحبه..
ونامت من التعب وهي تهذي باسم زياد..
طلال لي هني وانهار خلاص..ما قدر يقاوم وسدحها بسرعه وراح الحمام ودخــل بموجة بجي حاده..
ـــــــــــــــــــــــــــــــــــــــــ
بفيلا أبوو عــــمــــر..
الساعه 5 المغرب..

بالصاله..

أم عمر كانت قاعده وتفكر بطلال ولدها وسفرته المفأجاه
..حتى الأكل ما كلت عدل..

بدر : شفيج يمه لا تفكرين وايد
أكيد هذا رفيجه الروح بالروح نفس ما قالج وما يقدر يتخلى عنه بهالظروف..
أم عمر: ما أدري..ما أدري بس مو مرتاحه..
دخل عليهم أبو عمر مستغرب: ياعيال منو فيكم الصبح راد على رقم دولي على تلفوني..
سعود باستغراب: دولي من وين
يعني..
عامر وقف: ليكون من فرع معرض الأثاث اللي بدبي..
أبو عمر: لااا من فرنسا..
بدر انصدم: من فرنســــــــا..
أم عمر وقفت وبخوف بسرعه ربطت المواقف مع بعضها: طلال..طلال الصبح يا يقعدك وبعدها أنا نزلت وشفته يطلع لي ركض ويقول أنه بيسافر..واااي ياحسرتي..ليكون
بنتي فيها شــــــــي..ولا زياد فيه شي..
كلهم انصدموا من تحليها المنطقي الصح..بس ما امداهم
يستوعبون شي لأنهم سمعوا صرخة شجون من جناحها..: آآآآآآآآآآآآآآآآآآآآآآآآآآآآآآآآآآآآآآهـ
انتهى


&٤٤&

شجون من جناحها..: آآآآآآآآآآآآآآآآآآآآآآآآآآآآآآآآآآآآآآهـ

نزل عمر طاير وشايل شجون
على إيدينه: يمه شجون بتولد..

أبو عمر توتر واختبص:عامر بسرعه روح ساعد أخوك..وأنتي
ياأم عمر روحي معاهم خليج عند جنتج..
أم عمر بقلق: وبنتي دقوا عليها
بدر بسرعه: خلاص يمه أنتي روحي الحين وأنا بدق عليها وأطمنج..
أم عمر راحت خذت عباتها وهي
اتحلطم: شهاليوم هذا ياربي..

ـــــــــــــــــــــــــــــــــــــــــ

سويسرا..جنيف..بالمستشفى..
الساعه 7 بالليل..

أريج بعد ما رتبت كل الأغراض بالشنط..طلعت لها بس بنطلون أسود شامواه وبلوزه بيضا واسعه وفيها كتابات بالأحمر بالوسط وطويله لنص الفخذ..ودخلت تاخذ شاور..
وبنفس الوقت..دخل نبيل يصارخ: أريـــــج..أريج يازفت..أريج..
دخل الغرفه وشاف الشنط جاهزه..وعرف أنها تتسبح..حط التذاكر عالطاوله بقوه..وظل ينطرها..
ربع ساعه وطلعت أريج لابسه روبها وببرود: نعم تبي شي بعد..ولا فيه سبه نسيت تقولها..
نبيل بدون نفس: كلي تبن وجهزي نفسج حجزت لنا عالكويت بعد 3 ساعات..
أريج ما ردت بس خذت ملابسها
ودخلت الحمام تلبس..
نبيل بحده: ويكون بعلمج من نرجع مالج ولا طلعه ولا خطوة
برى البيت تقعدين ببيتج وتنثبرين فيه..
أريج داخل الحمام وبجت وهي تلبس: آآه ياليتني سقطت عالأقل أتطلق وأفتك منه..
ـــــــــــــــــــــــــــــــــــــــــ

فرنسا..باريس..الساعه 12بالليل
..
بالمستشفى..جناح وجدان..

طلال كان قاعد عالقنفه الجلد ومتمدد من التعب ويحس جسمه مكسر..انتبه لموبايله يهز
بجيب الجينز وطلع..
طلال يحاجي نفسه: افف هذا عامر شقوله الحين..[ورد]..هلا
عامر
عامر ابتسم: هلا طلال..وينك أنت شهالسفره المفأجاه هذي
لا خبر لا اتصال..
طلال بحذر: أنا..أنا عند فواز سوى حادث على الحدود ونقلوه
مستشفى الرياض..يمكن باجر
أرجع..أنت طمني عنكم
عامر بشك: آ أحنا بخير..مبرووك
صرت عم..عمر ياله محمد..
طلال بفرحه: صــــج..متى ولدت..بارك له عني..ألف ألف مبرووووك يارب..أكيد اهو طاير
من الفرح..
عامر: إيه عمر لا تشوفه من الفرحه ياب جلكسي جواهر ووزع على كل المستشفى لا وحط فيه خرده بعد..وحمودي الصغير يهبل طالع نسخه صغيره منه..إلا بسألك في رقم دولي من فرنسا داق الصبح على أبوي أنت راد عليه..

طلال تنهد: آآآه ياعامر..مصيبه مصيبه وطاحت على روسنا..أنا بباريس عند وجدان..بس شوف
ما أقدر أقولك شي الحين..إن شاء الله باجر رادين..
عامر اخترع: مصيبه..طلال تكفى لا تخرعني قولي..وجدان
فيها شي..زياد فيه شي
طلال يضغط على نفسه: عامر
قتلك ما أقدر أتكلم الحين..إذا رديت يصير خير..بس شوف لحد
يدري رقع لهم
عامر بخوف: إيه إيه بس أنت لا تحاتي..وطمني ها..
طلال بسرعه: إن شاء الله يلا سلام..
سكر وسمع تأوهات وجدان..قام لها بسرعه ورفعها شوي وشربها ماي
طلال يضرب خدودها: وجدان وجدان تسمعيني وجدان..
وجدان فتحت عيونها وشافته: أبي زياد..تكفى طلال خله يجي
أنا أبيه..
طلال مسك نفسه غصب وضمها لصدره: وجدان لا تسوين بنفسج جذي..قتلج زياد مات بس روحه عايشه معانا..تكفين وجدان شدي حيلج عشان نرجع..ما تبين ترجعين لأبوي وأمي..وحمودي الصغير
..تو قبل شوي عامر كلمني وقالي حمودي الصغير يهبل طالع نسخة صغيره من عمر..
وجدان تشوقت: صـــج..بس لا
لا مابي أرجع بدون زياد..لا مابي مابي..وقامت تبجي..

طلال تنهد بعجز: جوجو ياقلبي
جذي أنتي تعذبين نفسج وتعذبين روح زياد معاج..اهو لو
كان عايش بيرضى يشوف دمعتج..
وجدان سكتت وهمست بصوت مبحوح: لااااا
طلال: عيل خلاص لا تعذبينه..خلينا نرجع..
وجدان ما ردت بس رجعت تبجي..
طلال تعب معاها ووقف: بروح أدور حجز..لازم نرجع الديره..
وطلع وخلاها..
وجدان رجعت تبجي وغرست أظافرها بالمخده: آآآه إهى إهى إهى إهى إهى إهى إهى إهى إهى إهى إهى إهى إهى ليش زياد ليش..ليش تركتني بروحي..وطرت على بالها ذكرى
..

وجدان بابتسامه: هلا حبيبي..
زياد بشوووق: ياهلا وغلا بعيوون وروح وأنفاس حبيبها..تدرين جوجو أنتي أحلى شي صار بحياتي
وجدان ابتسمت بدلع: وأنا بعد..تدري زياد ساعات وايد أقعد وأفكر بمستقبلنا..أفكر شلووون بتكون حياتنا مع بعض..أفكر إذا صار عندي بيبي منك..بس أنا أخاف من الفراق..زياد لا[وتحشرج صوتها] لا تفكر تتخلى
عني ولا تتركني بروحي..زياد أنا
أضيع بدونك..والله أضيع..
وما قدرت تكمل وبـــجت..
زياد بلهفه: وجداني حبيبتي..اهدي واسمعيني..جووجو جوجو
وجدان بدموع: هممممم
زياد ابتسم: شنو اللي يخليج تفكرين أني بتركج أو أتخلى عنج..
وجدان بشهاق: مـ ما أدري أحسـ ـ ـ ـ ـ ـاس..
زياد بهمس رومانسي: وعد ياوجدان وعد طول ما فيني نفس وطول ما بقلبي نبض ماني متخلي عنج وبعيش حياتي
عشانج..
وجدان ابتسمت: أكيد..
زياد ابتسم: قتلج وعد..خلاص عاد قومي غسلي ويهج وهدي نفسج وحطي هاند فري بأذنج وشغلي قرآن ونامي..
وجدان بابتسامه: تصبح على خير..
زياد بحنان: وأنتي من أهله..

وما انتهت هالذكرى إلا وجدان انتهت وقامت تصارخ بصوت عالــــــي وتبجي : جيبولي زياد
..زيــــــــــــــــــاد..ويــــــنك زيــــــــــــاد..تكفى ارجع لي..
زيـــــــــــــــاد
على صوتها دخلوا الممرضات يهدونها
وجدان بهستيريا: وخـــــــــروا
عني وخــــــــــــــروا..أبي زياد
..زيـــــــــاد تعال أنا أبيك..أنا محتاجتك زيـــــــــــــــــــــاد
قولهم أنك تحبني..تعال خذني معـــــــــاك..زيـــــــــــــــــاد
زياد..زيــ
ونامت من مفعول الأبره اللي انغرست بذراعها..نامت ودموعها على خدها..


الممرضات تنهدوا وطلعوا..وبنفس الوقت دخل طلال وعرف أنها انهارت..
دخل عندها وحط التذاكر عالطاوله وقعد عندها ومسح على شعرها..: آآه ياوجدان آآآه
راحت أيام السعاده ويت أيام العذاب..الله يعينج على حياتج اللي بتكملينها بدون زياد..
سمع وجدان تهذي بنومها: زياد
أبي زيـــاد..
طلال تنفس بقوه: شسوي عشانج ياوجدان..قولي لي شسوي..
حط إيده على راسه وقعد يقرأ
عليها القرآن بصوت خاشع و مرتل..

ظل يقرأ ويقرأ وما انتبه إلا لمنبه
موبايله يأذن للفير..
قام تؤضا وحدد مكان القبله وكبر وبدأ الصلاه..

وقتها وجدان صحت من نومها مرتاحه..شافته يصلي وابتسمت
ونطرته لين يخلص: تقبل الله
طلال ابتسم: منا ومنج صالح الأعمال..ها أشوفج صاحيه..
وجدان نزلت راسها: إيه خلاص بطلع..بروح الفندق عشان أجمع
أغراضي..
طلال وقف بسرعه: صج ترى حجزت طيارتنا الصبح الساعه 10..بروح أشوف الدكتور يكتب لج خروج..
وطلع..
وجدان بعدت الغطا عنه وقامت
بتعب..
بعد ثواني يت السستر وعطتها ملابسها وساعدتها تلبس..
وبنفس الوقت دخل طلال : يلا
جوجو كتب لج خروج..
خذا التذاكر ويا عندها وشالها وطلعوا..
وجدان : نزلني أنا أمشي بروحي
طلال ابتسم: لااا أنتي تعبانه أنا بساعدج..
طلعوا وركبوا تاكسي وراحوا الفندق..
ونزل طلال ونزل وجدان وسندها..صعدوا فوق..ودخلت الجناح..
وجدان أول ما شافت الجناح..يتها العبره ودخلت الغرفه وبجت..
طلال ماسك دمعته غصب..دخل وشافها واحترق قلبه..كانت ماسكه قميص نوم وتبجي..
وجدان بدموع تأشر: شوف طلال..هذا الـ..أحم هذا القميص أنا كنت بلبسه فذيج الليله..بس بس..بس زياد راح وما يا..قالي بيرجع وما يا..
ورجعت تبجي..
طلال ما قدر يمسك نفسه وطلع برا الغرفه وطاح عالأرض وانهار بجي..
ـــــــــــــــــــــــــــــــــــــــــ
انتهى

&٤٥&
بفيلا أبو فهــــــد..
الساعه 9:30 الصبح..

كانوا قاعدين يتريقون لما ادق التلفون..
فهد قام: أنا برد..
أم فهد: الله يستر من هاللي داق علينا من الصبح..
فهد ابتسم: ألووو نعم
أريج بلهفه: هلا فهد شلونك أنا أريج
فهد بفرحه: هلا أريج..هلا والله بالعروس ها شلونج..
أريج ابتسمت: أحنا تونا ردينا الديره وبنروح الشقه بس قلت بطمنكم..
فهد بدهشه: صــــــج..مســـرع
ما طولتي بس أسبوعين..وبعدين ليش ما قلتي لنا عشان نستقبلكم..
أريج بتوتر: كنت بسويها مفأجاه وبشوف إذا تشتاقون لي ولا لا..
فهد: انزين عيل أحنا بعد صلاة الظهر بنكون عندج..لأن شجون ولدت والحين بنروح لها..
أريج بفرحه: صــــــج وشيابت..ولد صح
فهد: إيه صح وبيسمونه محمــد
..يلا ما أطول عليج..سلمي على نبيل..
أريج ابتسمت: إن شاء الله..

أم فهد: منو هذي أريج..
فهد ابتسم وقعد يكمل أكله: إيه تقول توهم وصلوا..وقلت لها بنمرج بعد الظهر..
صمود بدهشه: صــــــج مسرع
وصلوا..ما طولوا
أم فهد بفرحه: والله أني مشتاقتلها..خلاص خلونا نروح لشجون الحين عشان نلحق نروح لها بعد الظهر..
أبو فهد: وأنتي رايحه خذي معاج
صحن معجنات وشوية حلو..فشله تروحين وإيدج فاضيه..أكيد
حمولتها بيكون عندها..
ـــــــــــــــــــــــــــــــــــــــــ

بالمستشفى الــ ...الخاص..نفس الوقت..

بغرفة شجون الخاصه..

كانت قاعده من نص الساعه..تروشت ولبست بيجامة حرير سكري واسعه وسرحت شعرها
وتعطرت وقعدت على سريرها وبيدها ولدها حمود الصغير..
شجون بحب: حبيبي للحين نايم
.. بطل عيونك بشوفك..
وضمته لصدرها..آآآآآآه شحلاة الأمومه ياناس..
فتحت مهاده وصار يحرك إيدينه
وريوله..شالته وبوست خدوده وشفايفه وبعدها فتحت قميصها
وقربته لصدرها وصار يرضع..

بنفس الوقت انفتح الباب ودخل عمر شاق الابتسامه وبيده بوكيه
ورد أحمر وعلبة شوكلاته فرنسيه..
عمر أول ما شاف هالمنظر اتسعت ابتسامته: صبـــــــــاح الخير ياأحلى أم حمودي بالدنيا..

حط الأغراض وقعد عندها وباس جبهتها وخدها:حمدلله على سلامتج ياقلبي..
شجون ابتسمت بحب: الله يسلمك يارب..
عمر طالع ولده وحط إيده على
شعره الخفيف الناعم:ما تدرين
شكثر أحساس الأبوه حلوو..أول
ما شفته وأذنت بأذنه حسيت أنه قطعه مني وودي بس أسمعه يناديني بابا..
شجون ابتسمت: بتسمعها منه ومن غيره إن شاء الله..
عمر ابتسم: أبي بنوته المره الثانيه..
شجون ضحكت:ههههههههههههه
إن شاء الله..
حست أن محمد شبع..فبعدته عنها وحطته عالسرير..وقامت دخلت الحمام تنظف صدرها وترجع..
عمر شال ولده وحطه بسريره
..ومسك أصابعه الصغيره وباسها..ورجع قعد عالسرير..

طلعت شجون : وينها عمتي ما بتيي
عمر ابتسم: إمبلا بتسوي لج قبوط وبتيي بعد صلاة الظهر..
شجون ابتسمت وقعدت عالسرير وخذت ورده حمرا من البوكيه..وتفأجات بعمر سحبها لحضنه: شنوو شتبي
عمر ابتسم بخبث: أبي حلاوتي..
شجون استحت: ما فيه..ما عندي
حلاوه..تبي بطل العلبه وأخذ..
عمر ما رد عليها ومسك إيدينها عشان ما تتحرك وقرب منها وباس شفايفها..
وقطع عليهم رنين موبايل شجون..
شجون ابتسمت وردت: هلا صمود وينكم تأخرتوا
صمود: الحين بنيي..بس أريج توها دقت تقول توهم رجعوا من شهر العسل..
شجون قاطعتها: رجعوا بهالسرعه
صمود تنهدت: إيه تقول خلاص أسبوعين كافي..وقلنا بنمرج والظهر بنروح لها بشقتها..
..
شجون: أوكي..يلا ناطرتكم
وسكرت
عمر بجدية: شفيج
شجون: تقول أريج توها وصلت اهي وزوجها..
عمر بحقد: بكيفهم..أحنا ما لنا شغل فيهم..وهذا زوجها مليغ.. أصلا من شفته كرهته..أهم شي أنها تزوجته وخلاص..
ـــــــــــــــــــــــــــــــــــــــــ