كل ما جيت ابتدي فيك "انتهيت"وكل ما جيت انتهي شفتك "بدايه"

&ثلاثه وثلاثون&

&٤٩&

#بعد أسبوع#

أبرار وافقت مجبوره على فهد وقلبها ينبض بحب مشعل واتفقوا أن ملجتهم الجمعه هالأسبوع..

أريج ما عطت أمها موافقه بس
قالت عندها 4 شهور علما تخلص عدتها تفكر فيها براحتها..






الجمعه..ملجة فهد وأبرار..

الساعه 6 المغرب..
بفيلا أبو الوليد..

كانت الحفله عائليه وحضرها الكل ما عدا وجدان اللي بالعده وأم جراح اللي للحين زعلانه على ولدها..

نزلت أبرار الدرج بطله ناعمه مبهره..كانت لابسه نفنوف سهره
بني ناعم منسدل بنعومه فائقه على جسمها..علاق عالرقبه بفتحة سبعه واسعه لتحت الصدر ومشكوك بكريستال بيج وبني ونحاسي وطالع يبرق..وضيق على خصرها وطويل لتحت..مع صندل كعب عالي بني
بألماسه ذهبيه بالوسط..وشعرها منزلته نفس ما هو بس حاطه تاج ذهبي..ولابسه طقم ألماس بوسطه حجر ياقوت ذهبي..ومكياجها بدرجات
النحاسي والترابي الناعم مع روج برتقالي آخاذ..

مشت بهدوء ومن داخلها محترقه وودها تبجي...

مذهلـــه..
ماهي بس قصة حسن..
مذهلـــه..
رغم أن الحسن فيها بحد ذاته مشكله..
مذهـــله..مذهلــــــه..

وصلت أبرار الكوشه بوسط الصاله..وقعدت واشتغل الدي جي والحماس والرقص..

فجر باستها: ألف مبروك بروره..وابتسمي ترى فهد طيب وينحب..

أبرار ما ردت بس ضغطت على
بوكيه الورد بإيدها..
صمود بفرح: ألف ألف ألف ألف مبرووووووك وأخيرا بنفرح فيج عروس لفهد..وباست خدودها
أبرار بمجامله: الله يبارك فيج..

أم الوليد: أبرار تجهزي بندخلج له
الحين..
أبرار بقلبها[تدخليني لموتي يمه
..أنا أحب مشعل..قلبي مال إلا له..كل العلاقات نهيتها بس عشانه]..مسكت دموعها غصب وقامت..ودخلوها على فهد بالمجلس الداخلي..

فهد أول ما شافها ابتسم ورفع عيونه له وفتح حلجه بأعجاب..انبهر بكل شي فيها..نعومتها..طولها..خصرها..صدرها النافر..
أنوثتها..شعرها الطويل الناعم..
وشفايفها..شفايفها العذاب..

ابتسم ووقف لها ومسك إيدها وباس جبهتها: ألف مبروووووك..
أبرار ما ردت بس نزلت راسها..
الوليد بمزح: تراها تستحي..شوي شوي عليها..
فهد ابتسم: بعيوني لا تحاتــي..
بس فارقنا
الوليد ضحك: هههههههه عشانك
معرس بس..
وطلع..
فهد مسك إيد أبرار وقعدها: تدرين ما توقعتج حلووه جذي..
أبرار ماسكه دموعها غصب وما ترد..
فهد توقع أنها مستحيه..ابتسم و
قرب منها ورفع راسها: أبرار أنا زوجج الحين لا تستحين مني..
أبرار ما ردت بس زادت دقات قلبها من ابتسامته ونزلت راسها بتوتر
فهد زادت ابتسامته : اووووووك شرايج أعرفج عن نفسي..

ـــــــــــــــــــــــــــــــــــــــــ

بفيلا أبو عـــمــر..
نفس الوقت..


بغرفة بدر..

اهو الوحيد ما راح وظل مع وجدان..

وجدان كانت ممدده على ريله وطبعا لابسه نفنوف أسود علاق
..وسرحانه
بدر كان قاعد وحاط جدامه الاب
توب..

بدر ابتسم ولمس بطنها: هـــيه
جوجو ما يعتي
وجدان صحت من سرحانها وابتسمت: اممم أنا لا بس البيبي
يبجي يبي ياكل
وجدان وبدر: هههههههههههههههه

بدر بضحك: قومي نطلب عشى
ههههههههههههه
وجدان ابتسمت: بس شوف أبي
ستيك دياي وأبي فطاير لحم و..وأبي بعد ليمون فرش
بدر ابتسم: انزين بس قومي خلصينا..

نزلوا تحت للصاله..وبدر راح رفع
السماعه وطلب لهم عشى..
التفت لها: وجــ..
بس شافها سرحانه بأغنية وتبجي..

ارجعلي أنا ألبي معاك
مش قادر أنسى هواك
ياحبيبي ياأحلى ملاك
ياروحي..
أنا تعبان من غيرك
ارجعلي وراضي ضميرك
لو عادي تسبني لغيرك
أنا والله أمووووووت..
عندي أمل..أنا عندي أمل
أشوفك تاني بحضني..عندي أمل

وجدان شهقت وقامت تبجي بصوت مكتوم..
بدر جا عندها ومسك جتفها..بس وجدان تركته وراحت ركض
غرفتها..حذفت نفسها عالسرير وبجت: آآآآآه إهى إهى إهى إهى زيـــاد ارجعلي تكفى..علشاني ارجعلي..ليش تركتني لــــــــــــيش..إهى إهى إهى إهى إهى إهى..
ـــــــــــــــــــــــــــــــــــــــــ

بفيلا أبو فـــهد..
الساعه 12 الفجر

أول ما رجعوا من حفلة الملجه
...

أبوفهد بحده: مشعـــــــــل يا مشعل
أم فهد : شوي شوي عالولد شفيك عليه..
نزل مشعل من غرفته: نعم يبه
أبوفهد بعصبية:وحطـــبه..ممكن
أعرف ليش مايت وقفت مع أخوك بيوم ملجته..
مشعل بقلبه[شقولك يبه..أقولك أبرار كانت على علاقه فيني]: يبه
أنا من الأول معارض عالزواج..وفهد فاهم موقفي..
أبوفهد بسخريه: لااا والله وليش حضرتك معارض
مشعل تنهد بقوه: يبه واللي يسلمك أنت سألتني وأنا جاوبتك
وفهد فاهمني ومو زعلان مني
وأكثر من جذي ما أقدر أقولك..آسف..
وبعد عنهم وفتح الباب وطلـــع

صمود وجنا كانوا واقفين يسمعون وللحين ما بدلوا ملابسهم..
جنا بهمس: تهقين ليش مشعل معارض..
صمود بنفسها[معقوله مشعل كان على علاقه فيها قبل وفهد يدري ولا شمعنى كلمته فهد فاهمني]: ما أدري شي خاص فيه..امشي بس نبدل ونرتاح..

ـــــــــــــــــــــــــــــــــــــــــ

بفيلا أبو جـــراح..
الساعه 9:30 الصبح..

كانوا قاعدين يتريقون...

أم جراح: ناصر يمه أبيك توصلني
الجمعية باخذ جم غرض وأوديهم حق وجدان مرت أخوك
الله يرحمه..
ناصر بهدوء: الله يرحمه..إن شاء الله بعد الريوق أوديج...
غزل: وأنا بعد بروح عند العنوود
..
نهى: وأنا بعد معاج..
ناصر ضحك: ههههههه خلاص جهزوا نفسكم وأوديكم..
أبوجراح: وأنت ياجراح وين بتروح
..
جراح: بروح الشغل شوي وبعدين بستأذن وبروح أشرف على بنيان فلتي يبه..
ناصر: صج متى تخلص بنيان ما بقى إلا أسبوعين 4 شهور..
جراح ابتسم: تقريبا خلصت بس بقى توصيل الماي والكهربا
والأثاث عاد على فجر..
أم جراح بحزن: والله ما كان ودي نسوي عرس وأخوك ما مرت على وفاته سنة..
ونزلت دمعتها..
غزل بضيق: يمه الله يهداج اذكري الله..زياد صار له 5شهور
من توفى الله يرحمه وأنتي كل يوم على هالحال ذبحتي عمرج
..
أبوجراح: صح كلام بنتج ياأم جراح..زياد خلاص الله يرحمه
ولو البجي ينفع ويرجع ميت جان
شفتي كل هالناس تبجي عند المقابر
أم جراح بصوت مبحوح: وجان زين له قبر أروح له وأزوره..مات
محترق..
وقامت من السفره ودخلت داخل وهي تبجي..

أبو جراح تنهد: ناصر يبه روح اقعد معاها وطيب خاطرها..
ناصر بضيق: إن شاء الـــله يبه

ـــــــــــــــــــــــــــــــــــــــــ

بجامعة الكويت..كلية الأداب..
الساعه 10..

طلال كان قاعد بالكافتيريا وناطر صمود ..
ابتسم لما شافها دخلت وأشر لها
تجي..
صمود بابتسامه وهي تقعد وتحط أغراضها: صبـــاحووو
طلال ابتسم: ياصباح النور والورد الجوري الحمر..ها يبتي الصور
صمود ضحكت: هههههههه ترى أمس كانت الملجه وأمس العصر صورت ما امداهم خلصوا..
طلال بزعل: احلفي أنج ما يبتيهم..
صمود قربت منه وهمست: والله أني يبتهم هههههههههههههه

طلال ابتسم: طلعيهم بسرعه..
صمود تضحك:اطلب لي شي اشربه عالأقل يانحيس ههههههه
ومدت له ظرف الصور
طلال ضحك وأخذ الصور وحطهم بدفتر محاضراته: ههههههههههههههه اووكي قومي
نروح ستار بوكس..عندي بريك ساعه ونص
صمود ابتسمت وقامت: اوووك يـــلا..
مسك إيدها وشالوا أغراضهم وطلعوا من الجامعه وركبوا سيارة طلال..
طلال بجديه وهو يمسك إيدها ويبوسها: حبيبتي أدري أن مسألة
زواجنا طولت بس..
صمود قاطعته بسرعه وحطت أصابعها على شفايفها: لااا ياطلال لا تكمل..أنا مستعده أنطرك العمر كله..أهم شي أنك
تحبني وأحبك..
وحضنته وهو يسوق..
طلال ابتسم براحه: ودي أحضنج وأبوسج بس أخاف ادعم..
صمود بحيا: عادي أنا أبوسك..
وقربت منه وباست شفايفه..
طلال صرخ بضحك: صمودوه لا
تستغلين نقطة ضعفي
صمود ماتت ضحك: هههههههههه
أنا شكو أنت تقول..
طلال طالعها بضحك: إذا ما سكتي بوقف بوسط الشارع وأنتي المسؤوله عن أي شي بيصير..
صمود استحت وحطت إيدها تمنع ضحكتها: هههههههههههههه
خلاص خلاص بسكت..

ـــــــــــــــــــــــــــــــــــــــــ


&البارت الخمسووووووووون&

ومرت الأيام و4شهور بشكل روتيني وتزوجوا جراح وفجر..والوليد وأريج وسافروا شهر العسل ماليزيا..
وفهد حدد عرسه بعد 6 شهور..
وعلاقته بأبرار بارده جدا من ناحيتها..
وصبا ما بقى على عرسها إلا شهر ونص..
ومناف قرر يخطب غزل بعد ما شافها أكثر من مره وعجبته..
ووجدان دخلت بشهرها التاسع
وبطنها كبير وايد وما رضت تسوي سونار وجهزت ملابس مواليد نوعين..



بفيـــلا أبو عمـــر..
الساعه 2:30 الظهر..

شجون كانت تساعد عمتها بترتيب صحون الغداء..ومحمد اللي صار عمره 8 شهور يحبي وراها..وصاير دبدوب وخدوده مورده..

أم عمر تشوفه يلحق أمه وتضحك: هههههههههههه وجدان
يمه تعالي شيلي حمودي ولد أخوج..مسكين يركض ورى أمه

وجدان كانت قاعده تطالع تلفزيون وبيدها الريموت: ههههههههههه مابي بروحي كرشي هالكبر جدامي..بعد أشيل هالدبدوب
شجون كانت تحط صحن مطبق
زبيدي عالطاوله: هههههههههه
حرام عليج عاد اذكري الله على ولدي..
بنفس الوقت دخل عمر وعامر جايين من الدوام..
عمر بسرعه: وجدانوه قولي ما شاء الله لا تصكين ولدي عين..

حمودي شاف أبوه وانجن وراح يحبي له بسرعه: بب..هههههه
وجدان ضحكت: ههههههههههه كلتوني..ما شاء الله ارتحت..

عمر شال ولده لصدره وبوس خدوده: اممممممواه ههههههه
ارتحت..
شجون ابتسمت: حبيبي روح بدل
وعطني حمودي..وأنزل عشان نتغدى..
عمر ابتسم وعطاها حمودي: هاج..

وبعد دقايق الكل اجتمع عالغدى إلا وجدان..

طلال: جووجو شفيج ما تبين غدى..
وجدان تحس بتقلصات وحركة جنين اللي يرافس..عقدت حواجبها ومسكت ظهرها: اممم
لا لا تعبانه شوي أنتوا اكلوا عليكم بالعافيه..
أم عمر بخوف: صــج يمه أخاف بتولدين..
وجدان وقفت وتمشي بطئ: لا يمه تو الناس على موعد الولاده
بس أنا تعبانه شوي بروح امدد..

ـــــــــــــــــــــــــــــــــــــــــ

ماليزيا..كوالالمبور العاصمه..
الساعه 4 العصر..

بالفندق..

أريج كانت قاعد تلبس عشان يطلعون يتمشون..
الوليد كان سرحان[جذي أكون بعدت الأنظار عني وأثبت للكل أني تغيرت..ووجدان..آآآآه ياوجدان..كل شي سويته عشان أوصلج..خطبت أريج وتزوجتها وأنا ما أحبها ولا أطيقها بس عشان أقدر أحسن صورتي جدام العايله..هانت هانت بس ناطرتج تولدين وأتقدم لج..]

انقطع سرحانه على صوت أريج
..
أريج بابتسامه صادقه: يلا حبيبي
أنا جاهزه
الوليد طالعها بنظره من فوق لتحت..كانت جذابه وناعمه..لابسه بنطلون بيج وبلوزه شيفون ناعمه زيتي ببيج طويله لنص الفخذ وواسعه ومعاها ملفع بيجي ناعم..[حلووه بس ما جذبتيني مثل وجدان] وقف وقرص خدها: الحجاب محليج فوق حلاج
أريج ابتسمت: إيه أنا بعد من صرت أروح حلقة تحفيظ وأشوف البنات شلون وجههم ينور بالحجاب قررت ألبسه..وبقلبها[ياترى شصار فيج يايمه
متي ولا عشتي وخذوج ناس يربونج..وإذا ربوج شلون بتطلعين طيبه وملتزمه بحجابج
ولا خبيثه وتندمين مثل ما ندمت قبلج أنا]..
الوليد باس خدها ومسك إيدها وطلعوا: الله يكملج بعقلج ياقلبي أنتــــــي..
ـــــــــــــــــــــــــــــــــــــــــ

بفيلااا أبو مشــــــاري..
الساعه 7 المغرب..

بغرفة أبومشاري..

كان متمدد وبيده كتاب يقراه..وروز والجوري [سنه و3شهور]فوق السرير ينطون ويصارخون..

روز بفرح: بــــــابا حالد
الجوري بالعكس: حالد بـــابا..
ومع بعض: بــــــــــــابا وطاحوا بحضنه: هههههههههههه

أبومشاري انزعج بس ضحك: ههههههههه يمه منج أنتي وياها..
ترك الكتاب وشالهم على صدره
وطلع الصاله..

أم مشاري كانت تتقهوى مع عيالها: هههههههههه صرت جنك
مربيه لهم
عبدالعزيز ومناف تسدحوا ضحك
: أفا يبــــــه..ههههههههههههههه

أبومشاري كتم ضحكته وبحده مفتعله: بدال ما تسدح أنت وياه
ما تشدون حيلكم وتزوجون وتييبون لي أحفاد..
مناف يضحك: ههههههه قتلك أنا أبي غزل أخطبها لي
عبدالعزيز رفع جتوفه: أما أنا بعيش حـــــــــر..تو الناس..

نزل مشاري ومعاه العنوود..وكل واحد ماسك بيده واحد من التوم..

خالد من شاف روز وجوري بحضن جده مات غيره..وقعد بالأرض على حفاظته بقوه: ددو ددو آآآآآآآآآآآآ
مناف سكر أذنه: فك صفارته ولدك
مشاري ضحك وشال ولده وحطه بحضن أبوه: هههههههه لا تعيب..
أبومشاري مستانس على عياله
وأحفاده..: حبيبي خلود تعال عندي..أنا أبيك..
قعدهم بحضنه وصار خالد بالوسط..وروز على ريله اليمنى
والجوري على ريله الشمال..

خلود بنت العنود كانت لابسه نفنوف وردي قصير وحاطين لها شرايط وشعرها مفلفل وناعم..من شافتهم حذفت الحليب بعيد
وطاح عالارض: ددو..وطقت أمها كف صغير..ونزلت
الكل: هههههههههههههههههههههه

أبومشاري ضحك وشالها وقعدت عند تؤمها: ههههههههه تعالي أنتي بعد..

على هالمشهد نزلت صبا وزهقت ضحك على أبوها: هههههههههههههههههههههههههههههههههه واااه يبه جنك حضانه وهذول أطفال الروضه ههههه
يبيلك صوره..
وصعدت فوق ركض ويابت الكاميرا ورجعت ووقفت جدامهم..
صبا : قولوا تشيــــــز
مناف يضحك: ههههههههه شنو تشيز هذول يهال شفهمهم..
صبا: مالك شغل أنت..يلا ياأطفال ياحلوين قولوا تشيز..

روز وخالد قالوا: تيــــــــــــذ..
صبا ضحكت وصورتهم..: مشاري ولدك يقول تيـــــــــذ..
ههههههه
مشاري ضحك: ههههههههههههه
عدال يعني بس ولدي حتى أختج..
ـــــــــــــــــــــــــــــــــــــــــ

بفيلااا أبو عـــمر..
نفس الوقت..

وجدان بغرفتها تتقلب بفراشها وتحس ظهرها بينكسر وتقلصات
فضيعه ذبحتها: اممممممممم
آآآآآآآآآآآهـ يمــــــــــــــــــه يمـــــــــه..
ثواني وانفتح الباب بسرعه ودخلوا كلهم..
أم عمر بخوف: شفيج يمه شفيج..
طلال بسرعه: يمه الله يهداج ما
تشوفينها تتألم أكيد بتولد..
عامر: تولـــد..انزين بسرعه شيلوها خل نوديها المستشفى..

وجدان بصراخ: آآآآآآآآآآآآآآآآآآهـ
أبوعمر بقلق: سترك يارب..
حمودي بجى بحضن شجون من
الخوف: آ آ آ آ آ آ
شجون توهقت: اسكت ماما حبيبي أنت..اسكت حمودي..
عمر انزعج: شجون طلعي ولدج
لا ينهبل..
شجون طلعت: إن شاء الله بس طمنوني..

أم عمر بسرعه لبست بنتها عباه
وشالوها طلال وبدر وسعود..ونزلوا فيها وركبوا السياره وراحوا...

بالسياره..طلال يسوق وبدر معاه..وسعود ورى ووجدان دافنه وجهها بجتفه..

وجدان بألم وتتنفس بسرعه
وعاضه شفايفها: اممممممم
آآآه آآه آآآه
سعود بقلق ماسك إيدها:تحملي جوجو تحملي قربنا نوصل..
وجدان بصرخه من أعماق قلبها
: آآآآآآآآآآآآآآآآآآآآآآآآآآآآآهـــ

طلال من الخرعه زاد السرعه: اصبري وجدان اصبـــــــــري شوي..

5 دقايق ووصلوا المستشفى ونزلوها بسرعه طوارئ الولاده
بغرفة الولاده..

طلال وبدر وسعود كانوا واقفين
برا..
يت أم عمر ووراها أبو عمر وعمر وعامر..
أم عمر بسرعه: ها يمه دخلوها
..
سعود: إيه من دقايق دخلوها..
أم عمر بقلق رايحه جايه: يارب
تسهل عليها..يارب ترحمها وتبرد
قلبها وخاطرها يارب..
أبو عمر: عمر يبه ما تقدر تدخل
أنت دكتور عندك واسطه..
أم عمر بسرعه: إيه يمه واللي يسلمك ادخل معاها..
عمر ابتسم: خلاص أشوف..
وبعد دقايق رضوا له يدخل ولبس لبس العمليات ودخل..

داخل الغرفه..
وجدان كانت متمسكه بحدايد السرير بقوه ومعرقه وتصارخ من قمة راسها: آآآآآآآآآآآآآآآآآه

عمر للدكتوره: متى بتولد
الدكتوره: الرحم مفتوح بس أهي بكر عشان جذي ولادتها صعبه شوي وبتطول..
عمر مسك إيدها ومسح على شعرها..
وجدان تهز راسها بعنف: آآآآآآآآآآآآآهـ..عمر لا تتركني مثل ما تركني زياد..تكفى عمر خليك معاي..آآآآآآآآآآآآآآآآآآآآآهـ
امممممممممممم

وبعد معاناة طويله..ظهرت أول
صرخه برئيه للعالم: آ آ آ آ آ آ
وجدان شافت ولدها وابتسمت
ونزلت راسها ترتاح..
عمر بلهفه: ولد..مبروووووك جوجو مبــــــروووك..
وجدان ابتسمت بتعب: الله يبارك
فيك..
الممرضات غسلوا الولد ولبسوه
وعطوه لعمر وطلع فيه..

عمر بفرحه: ولد يمه ولــــــد عمتي..
أم جراح وأم عمر صرخوا:
صــــــج ألف مبرووك ألف مبروك..
قطع عليهم صوت صرخة وجدان: آآآآآآآآآآآآآآآهـــ
طلال ابتسم: توم ههههههههههه
عمر دخل بسرعه وخلاهم..

بالغرفة..

وجدان تعبت خلاص وصارت تتنفس بسرعه بسرعه: آآآآآآآآآ
آآآآآآآآآآآآآآآآآهــ أبي زياد جيبوا
لي زيـــاد..آآآآآآآآآهــ عمر أبي
زياد قوله يرجع لي تكفى عمر
..امممممم
عمر بضيق: الله يرحــــــمه ويغمد روحه الجنـــه
وجدان صرخت: زيـــــــــــــــاد
..وارخت راسها بقوه وهي تأخذ
نفس..وظهرت ثاني صرخه برئيه للدنيا: آ آ آ آ آ آ آ
الدكتوره بفرح: مبروك..ولد ثاني
..
وجدان بدموع: عمر أبي زياد..قوله يرجع لي..مابي عياله يعيشون أيتـــام..قولـــه يرجع
..قوله..قوله إهى إهى إهى إهى
عمر خلاص تضايق وما قدر يوقف وطلع..

أم جراح: ها شصار
عمر يخبي دمعته: يابت ولد..بس
منهاره وتصرخ تبي زياد..
ومشى عنهم بسرعه..
أبو عمر تنهد: لاا حول ولا قوة إلا بالله..شسوي لج يابنتي شسوي لج..[ورفع إيدينه]يارب ارحمها يــــــارب..

داخل الغرفه..

وجدان فجأه صرخت بأخر أنفاسها: آآآآآآآآآآآآآآآآآآآآآآهــ
وظهرت ثالث صرخه للدنيا: آ آ آ آ
الدكتور شقت الحلج: 3 توائم صبيان ما شاء الله..

طلعت الممرضه وبلغتهم وطاروا من الوناسه..
ـــــــــــــــــــــــــــــــــــــــــ


>>بنااااات وجدان صج يابت توووم والاحداث مو من عندي ووقتها نزلوا هالخبر بالجرايد عن ولادة كويتيه لثلاثة توائم..

ويلااااا عااد ردوودكم؟؟