ثمن اخطائي

الاول والثاني

البارت الاول ///
#ثمن_أخطائي ❌
#بقلمي_الكاتبة_شمس 5
...اسعد الله مسائكم ياأروع متابعين وقرآئي الاعزاء ... 88

""بعض ألأخطاء باهِظة ألثمَن؟
كثيرآ مِن ألوجع مزيدآ مِن ألقلق
قليلآ مِن ألسعادة وألضحكات 6
ثمةُ أشياءٍ علينا أدراكُها
أن ألقرارات ألصَحيحة لَن تأتي على عجلة
بَل تحتاج ألى كثيرآ مِن ألصبر وعمق في ألتفكير .
ثمَن أخطائي موجِع جدآ
جدآ موجِع ! ""
" بغداد / الشعب / شارع عدن " 2

الوقت العصريات وكنت دا اغسل بالطارمة ..
واغني ..
"انسى انساني متؤلشي نرگع تاني ..وبلاااااش بلااااااش تترگى فيه .. تبكي عليه "
اغنيه ايهاب توفيق ..
اموت عليه فارس احلامي ..
اندگت الباب ..
واني ملتهيه اغني وبعالم ثاني ..
امي .. لج متسمعين الباب تكسرت ..
نجمة .. لا ماسمعتها ..
امي .. طبعا ملتهيه بغناويج الي راح تجيبلي الفگور .. 27
سكتت ورحت افتح ..
خالو عمار .. ساعة ادوگ بالباب متسمعون .
امي .. هلا خويه هلا .. حضرتها ماتسمع ملتهيه تغني ..
باوعلي خالي ..
لج الزريگه قابل شتردين تصيرين احلام .. ويضحك . 15
هههههه اني هم ضحكت وياه ع الواهس ..
دخلو هو وامي ..
واني گعدت اندب حظي ..
وفوگاها مسميني نجمه حتى استحي من اسمي شي ميشبه شي ..
الاسم يشع .. والشكل استغفر الله ..
اخوي يگلي جنج عادل امام بفلم "احترس من الخط" .
عود ديقلد عليه ..
بس والله اني حليوه وسميره . عبالك هنديه .
بس الاسم فاضحني .. يجيبلي شبهه ..
اسمي نجمه ..
البنت الوسط للعائلة ..
عائلتي متكونة .
بابا يشتغل بشركة وعنده شاحنة يروح ويرجع للاردن ..
ومو دايما متواجد يمنا بحكم شغله ..بقلمي شمس
ماما معلمة وطبخاتها اويلي تخبل .. ورغم دوامها ممقصرة علينا بشي ..
اخويه الكبير اسمه مهند طالب بكلية الادارة والاقتصاد ..
اختي اكبر مني .. اسمها نهلة .. طالبة اعدادية ..
اني وتوأمي بالثالث متوسط..
اخوية محمد اني وياه توأم غير متماثل ..
وعدنا اخر العنقود .. زهرة بالسادس الابتدائي ..
مواصفاتي .. طولي وسط بشرتي ناعمه جدا لكن سمره عيوني كبار .. شعري طويل اسود فاحم .. احب اعتني بشعري . واني مامحجبه .
فكان الشي الوحيد الي اتباهه بي هو شعري ..
لان سمرة هواي انتقادات وحجي اسمع ..
حتى بالمدرسة .. من تجي المدّرسه وتگول نجمه تصفن عليه ..
وتگلي ليش سموج نجمه ..
اضوج بس ماابين ..
هذا الشي زرع قلق وعدم ثقه عندي ..9
عندي اختي اكبر مني حلوة والاصغر مني هم حلوه حنطاويه ع بياض .. الي يشوفنا ميگول اخوات واخواني هم زينين ينطلع بيهم .
بس اني سمرة ع ابوي ..
مااعرف ليش الطفرة الوراثيه طلعت بيه ..
وفوگاها امي تگول من جبتج ..
گمت اعيط واگلهم هاي مو بنتي اكيد مبدليها ..

اني گلبي ينكسر علية .. بس اسوي نفسي ممهتمه واضحك بالجذب ..
وماخذة البيت بضحكتي وسوالفي حتى اخلي الكل يحبني بسبب عدم الثقه الي عندي ..
وهذا الشي خلاهم يستغلوني .. 7
دخل خالوا وماما للبيت .. كملت غسل الطارمة ودخلت .
اختي سادس اعدادي .
ومعتزله بس تقرأ ..
واني هم ثالث وعندي بكلوريا . بس محد معبرني مااعرف ليش ..بقلمي شمس 5
صاحت ماما .. نجمه يوم سوي جاي الخالج ..
خليت القوري بي مي وهيل ع النار ..
وفتحت الكاونتر اريد اطلع علبه الجاي ..
دخلت عمتي سعاد ..
ها لج الزريگه شلونج ..
نجمه .. هلو عمه .
دخلت لجوه ..
طبعا . عمتي سعاد متزوجه خالو عمار . وهو احلى منها بهواي تجي عليه تگلي الزريگه .. 23
كمل الجاي وصبيته ودخلته للهول ..
ماما .. مابقت كليجه ..
نجمه .. بس ام السمسم بقت وخالوا ميحبها ..
عمتي سعاد .. اني احب ام السمسم وي الجاي جيبيها . 9
جبتها واجيت ..
التفتت عمتي الامي .. اگلج سندس هاي الزريگه طلعت نادره ..
ماما .. عيني سعاد ترى بنتي مملوحه حلوه لاتگوليلها زريگه .. وهي عليمن تطلع غير ع اهلها ..
ضحك خالوا .. 16
عمتي سعاد .. هههههه اشاقه وياها غير بنت اخوي هي ومن لحمي .
بس احنه زينين حنطاويين . هي طلعت ع مالك .. 13
نجمه باوعتلها وضجت .. ومالك اخوج وابوي عمه .
دخلت للغرفه ميته قهر .. 2
نهلة .. ها شبيج ..
نجمه .. منو غير عمتي تجي شويه تطلع روحي وتطلع
نهلة.. ههههه لسا ماتعودتي . لج خلي ثقه بنفسج لاتخلين واحد يهزج ..
نجمة .. اي شفتي الله نطاج بياض تگولين هيج والله لو مثلي جان متي .
اي هسا شأسوي .
اروح اصبغ روحي ..
نهلة .. والله حلوه تخبلين كافي عيونج شاگات الوجه وعسلي ..
نجمه .. اي اصبغي اصبغي . هسا لو الله مخليني مثل محمد جان زين ..
نهلة .. ياوج محمد خشته شكبرها ع عمتي سعاد هههه .
ضحكنا اثنينه ..
دخلت زهرة .
نجمه ماما تگول خلي تگلي الكباب هي ثارمته ومحظرته .
باوعت النهلة .. نيالج لاشغل ولاعمل .
نهلة .. هههههه اني هم تعبت راح اخذ استراحه واگوم اگلي وياج .. 8
كملنا العشا وتعشينا .. وبديت احظر بملابسي مال مدرسه ..
لبست الصدريه . شويه بيها عرض ..
جبت ابره وخيط وگعدت اخصر بيها ..
كنت اهتم بنفسي وبلبسي حتى الفت الانتباه . 7
حظرت جدولي باجر سبت وبداية اسبوع لازم اكون جاهزة ..
نمت من وكت وگعدت ع المنبه ..
غسلت وبدلت ..بقلمي شمس
اخواني كل واحد المدرسته ..
طلعت شفت ماما تحظر لفات النا .
ماما .. يله نجمه تعالي تريگي مابقى وكت .
نجمه .. لا ماما راح اخذ لفه وياي مااشتهي .
اخذت لفتي خليتها بالجنطه .
وخليت الجنطه ع متني من جهه وحده ..
واني مسويه ذيل حصان عالي حيل ..
وشعري طويل يتمايل وياي ..
ولبسي مخصر .. يعني حلوه لو بيضه شويه .. 18
طلعت لگيت سڤانة بالباب بنت خالو عمار . وصديقتي من الطفوله ..
سڤانة ..وج اليوم متأخرة ليش ..
نجمه .. تدرين بيه من اوگف ع المرايه انسى نفسي ..
دنمشي الطريق المدرسه ..
لفت انتباهي ولد براس شارعنا .
منتضر يم باب ..
وعينها ماشالها علينا ..بقلمي شمس
گلت هاي اكيد ع سڤانة لأن احلى مني ..
بس سڤانة كانت منصيه راسها ع الكتاب ودتقرأ.
معقوله علية ..
كنت ممصدگه احد يباوعلي بهيج نضره ..
هو حلو وطويل .. بس مبين اكبر مني ..
غمزلي . ابتسمت مااتحملت اشوف واحد يباوعلي بنضره اعجاب ..
الطريق كله الابتسامه مافارگتنه .
وصورة الولد ببالي ..
ابد مشايفته بشارعنا ..
بس هو واگف يم باب بيت وائل جيرانا ..
اكيد يقربهم او صديقه مااعرف ..