قــصــه # ســــــجــــون
بقلم ( فجر المساري )
البارت 8
سهى... بعد متريكنه طلعنه اني واحمد نتسوك
للعزيمه طلعنه رحنه صعدنه بالسيارة وكعدت
كدام يمه كلي تعالي هنا كعدي اول مرة اكون
بهالقرب من احمد حسيت باحساس حلو اول
مرة احس بي يمكن حبيته ..شحب منه وهو
مايريدني واني وجهي ع الجامه ومخليه ايدي ع
خدي وصافنه افكر بمصيري ويه احمد …
وماانتبهت الا ع صوت احمد يصيح سهى نزلي
وصلنه لسوبر ماركت. افترينه اني وياه وكولشي
اشتريت وخلصنه مسواك وجنت كولش فرحانه
واخذني وتغدينه برة ومخليت شي مشتريته
وهو يكلي بعد تريدين ترى صعد الاقتصاد
الامريكي هههههه
سهى اشتريت مواعين وجداري وسيتات طعام
اشكال وهو ابد ماعارض. ولا ضاج ابد كملنه مسواك
ورجعنه للبيت ميتين تعب دخلنه الغراض
وعزلنه الغراض احمد كلي تعالي ارتاحي كافي
هو راح كعد ع القنفه وفتح التلفزيون صاحني
وكلي تعالي نتفرج ع فلم ..
سهى احنه وصلنه صار لليل ..كتله لحظه اروح اجيب
حب واجي ..
احمد ..كلي جايبه وياج حب كتله وكرزات هم
كمز وكلي صدك... كتله والله
وبقلاوة وحلويات ..
جبت الحب والكرزات ورحت كعدت يمه ع القنفه
نتفرج ع فلم اجنبي ونكرز حب ..
احمد كال حرامات ناقصنه شاميه ..كتله هسه
اسويلك التفت عليه وكلي تعرفين كتله ايييي
اعرف سهله كمت رحت لمطبخ طلعت جيس ذره
وطلعت جدر الضغط،وخليت بي الذره وملح وخليته
ع النار هادئ واسمع صوتهه يطكطك… شاميه
واخذتهه لصاله وكعدنه ناكل ونتفرج ونضحك ونسولف
واحمد كام يشمر الشاميه عليه وهويضحك
سهى لا احمد واني هم شمرت عليه وبقينه نتفرج
ع الفلم ومحسيت واني اتفرج ع الفلم
نمت احمد اني وسهى نتفرج ع الفلم اجنبي
التهيت اتفرج. وفجاه انداريت شفت سهى نايمه
أنت تقرأ
ســــجـــون
ChickLitكثيره هي رحلات الحياة لكنها رحلتي الى المجهول لبلد غريب لعالم اخر لا انتمي اليه تاركه خلفي اهلي واحلامي لعالم اخر قصه واقعيه لفتاه تعيش بلد غريب... .
