قصه من الواقع # ســـــجـــــون
بقلم (فجر المساري )
البارت 6
احمد هااا ترة باجر اني مجاز من الشغل وراح ابقى
بالبيت وراهه عندي ايفاد بغير ولايه ولازم اسافر
وراح ابقى اسبوع هناك وارجع مفهوم ..
سهى ..بعد ماسمعت. حجي احمد وهو مجبور عليه
ومايريدني واخذني من ايدي لغرفه الخدم وكلي
هاي غرفتج ونبقى اصدقاء وبس…
اني دموعي كامت تنزل واني هزيت راسي اي…
روحي نامي اروح انام. طلع وسد الباب ..
سهى حسيت بالم ماينوصف شكول قليل بحق
الالم والكلام الجارح الي سمعته نهاريت وكعدت
بالكاع وكمت ابجي بصوت والطم ع وجهي ليش
هيج حظي ياربي ..
احمد… بعد مكلت لسهى اني انجبرت اتزوجهه
وجنت اريد اتزوج امريكيه وابويه رفض اخذتهه
لغرفه وكتلهه هنا تنامين هاي غرفتج عفتهه وطلعت
سمعتهه تبجي وتصيج ليش كسرتني ليش تزوجتني
بلحظتهه انقهرت عليهه لان سمعتهه حجي قاسي
صعدت فوك رحت لغرفتي وتمددت على فراشي
وافكر باللي صارليوم… بعدهه نمت
سهى مصدومه من كلام احمد الي سمعته شلون
جرني ولا احترم اهلي ولا كال بنت عمي وبقيت
ابجي وماحسيت على نفسي الا واني نايمه بلكاع
للصبح كعدت كمت غسلت وبدلت وطلعت اسوي
ريوك وجنت مقهورة منه بس ماردت ابين مهتمة
اله خدرت الجاي وطلعت اجبان من الثلاجه حميت
الخبز وطلعت كليجه وخليته ع ميز الطعام بالمطبخ
وكعدت وصبيت الي كلاص جاي بهالاثناء احمد
نزل وكعد وكلي صبيلي جاي صبيته وانطيته اله
وكعد يتريك ولا كلمه حجه خلص ريوك وطلع
بالصاله سهى اني غسلت لمواعين وبديت انظف
شفته كاعد ع القنفه وفاتح لابتوب كملت تنظيف
كتله احمد شتحب تاكل ليوم رفع راسه باوع عليه
رفع تك حاجب وكلي تعرفين تطبخين كتله اييي
كال مشتهي برياني وتشريب كمت سويت الغده
وهو راح للغرفه المكتب اني خلصت الغده ونظفت
أنت تقرأ
ســــجـــون
Chick-Litكثيره هي رحلات الحياة لكنها رحلتي الى المجهول لبلد غريب لعالم اخر لا انتمي اليه تاركه خلفي اهلي واحلامي لعالم اخر قصه واقعيه لفتاه تعيش بلد غريب... .
