قصه # ســـــجـــون
بقلمي فجر المساري
البارت الرابع 4
سهى بديت انظف واعزل البيت وبديت بالطابق
السفلي والبيت جبير خلصت تنظيف الطابق الاول
صارت الساعه 6 العصر وأحمد ماكولا اجه ولا اتصل
ولا سال…
سهى… كلت خلي اصعد فوك اشوف غرفه احمد
صعدت وبديت افتح الغرف اريد اعرف اي وحده
منهم عرفته وفتحت اول غرفه. جانت غرفه
رياضه بيهه معدات رياضيه وفتحت ثانيه غرفه
لغراض الي متستعمل مثل المخزن وفتحت ثالثه
طلعت غرفه احمد دخلت بيهه جانت غرفه كولش
جبيره اكبر من لغرفتين الي قبلهه بيهه سرير نوم
جبير وميز بي مرايه وكنتور جبير قاطين فوك
وجوة يعني يسموو مخزن وتلفزيون وقنفه لون
ماروني ع الجهه الثانيه جانت ممرتبه شلت جراجف
وخليت غيرهه وفتحت شباك لغرفه ونزلت جبت
منظفات وبديت انظفهه وغيرت جو الغرفه
وخليت ع الجربايه فرشه مال عرسان لونهه ابيض
وبيهه قلوب وبنص قلب جبير كولش حلوة
هاي الفرشه من جهازي وخليت اشموع لون احمر
معطره برائحه التوت كولش ريحتهم طيبه
اشتريتهن من رحت لسوبر ماركت ورد خليت
بعد مخلصت ترتيب الغرفه. ..
طلعت شكل ثاني كولش حلوه صدك غرفه عرسان
احجي بين نفسي وضحكت ..تعبت ودمرت ملابس
نزلت ورحت اخذت ملابس وسبحت ولبست تراك
لون احمر وشسورت شعري وتاخر احمد مااجه
كلت خلي اصعد احضرله ملابس خطيه يجي
من الشغل تعبان صعدت لغرفته ورحت فتحت
الكنتور واني ادور واكلب بالملابس حته
اشوف شنو اطلع لاحمد يلبس واني ادور بين
ملابسه… ..
بدت تعيط وتصيح وتبجي بحركه قلب
وهي تضرب ع وجهه وشمرت الفرشه بالكاع
وكسرت الشموع وشمرتهن بالكاع ..
راح تسالوني شنوووو شافت وليش هيج سوت
راح اخليكم تتوقعون شنووو شافت واسمع
ارائكم…
اعرف البارت قصير ان شاء الله اعوضه الكم
ع البارت الجاي ..بقلمي فجر المساري ..
اعذروني اعرف البارت كولش قصير كتبته
الكم بسرعه باجر ان شاء الله اعوضكم ..
🌹🌹🌹🌹🌹🌹🌹🌹فجر المساري
أنت تقرأ
ســــجـــون
ChickLitكثيره هي رحلات الحياة لكنها رحلتي الى المجهول لبلد غريب لعالم اخر لا انتمي اليه تاركه خلفي اهلي واحلامي لعالم اخر قصه واقعيه لفتاه تعيش بلد غريب... .
