قــــصـــه # ســــجــــون
بقلم (فجر المساري)
البارت 9
سهى ..رحنه للمطبخ حته يشوف احمد التحضيرات
ويفتح الكدورة ويشوف شنو مسويه. ويكول الله
احمد ..سهى والله جوعان خلي اكل شويه من
الدولمة وحده بس سهى ضربته ع ايده كتله
ممنوع وبها الاثناء اجت سيارات اندار عليه احمد
سهى ممكن طلب كتله اييي ..
سهى حبابه خلي نمثل اليوم احنه متزوجين
وسعداء كدامهم واحد يحب الثاني ..اني ضجت
بداخلي ليش احنه مو متزوجين. هزيت راسي اي
وبكلبي شكد انت مغرور واناني طلع احمد من
لمطبخ لان اندكت الباب راح يفتحه وطلع يستقبلهم
وطلعت وراه ورحبنه بيهم واني ابتسم ابتسامه
مزيفه. مثل ماكال نمثل ..
جانوا كلهم جايبين وياهم هدايه اشكال وحلوه
هما جانو عرب وعراقيين والبقيه وكويتي هو وزوجته
ومغربي وجزائري وسوري ولبناني وبنات اثنين
عراقيات شابات وحلوات وانيقات سلمنه ع الكل
ودخلوا جوه بالصاله ..
سهى واني واكفه بصف احمد واسلم وابتسم
امثل لسعاده وهما يكولون شنو هالجمال سبحان
الله وفوكاهه محجبه طلع حلو ذوقك احمد هو
يضحك يكللهم شعبالكم لعد ..وغمزلي
شفت احمد كانما يدور ع احد ويكول هذا وينه
وين صار اتاخر اشو من اجه من العراق اموره
مو تمام بس يكضيهه صفنات عبالك عاشق
سهى اني صافنه ماعرف ع منو يحجي احمد شبيك ع منو تحجي ع صديقي تاخر ..هااا
فد شويه دك جرس كام احمد يفتح الباب وكمت
وراه من فتح الباب جانت صدمه بالنسبه الي
فكيت عيوني وبكلبي هذا جابه هسه ..
احمد سلم عليه واني صافنه واراقب ..صاحني سهى
تعالي اعرفج ع اخويه وصديقي… عماد
هااا عرفتو منو طلع عماد الي تعرفت عليه بالطيارة
وساعدني.
اني صرت اعصاب وبداخلي احجي لعد شكد نذل
طلع يعرفه وسوه نفسه ولايدري سلمت عليه
أنت تقرأ
ســــجـــون
ChickLitكثيره هي رحلات الحياة لكنها رحلتي الى المجهول لبلد غريب لعالم اخر لا انتمي اليه تاركه خلفي اهلي واحلامي لعالم اخر قصه واقعيه لفتاه تعيش بلد غريب... .
