ســــجـــون

الجزء الخامس عشر15

قـــصـــه# ســـــجــــون

بقلم ( فـــجــر المسـاري )

البارت 15

سهى ..بعد محجيت كلشي لاهلي وبيت عمي

من اول يوم سفري لامريكا لهاي اللحظه ..

الكل انصدموا من سمعوا كلامي ممصدكين

حته موضوع الاغتصاب وشلون اغتصبني

حجيته الهم مضميت عليهم اي شي واني

ابجي واحجي واضرب ع صدري وجهي وتذكرت

شلون ضربني ..

وبابا وعمي تعاركوا وصار صياح وهوسه وحجي

واني كاعده وابجي واباوع عليهم واصيح كافي

الله يخليكم كافي تعبت من المشاكل والصياح

كل شي انتهى واحمد راح يدزلي اوراق الطلاق

ويخطب البنية الي يحبها ..

ويبدي حياته ..

اني الوحيدة الي اخسرت ... ظلينا 4ساعات تقريبا

بس صياح وكل واحد يحجي من جهه وبابا صار

اعصاب ويحجي وعمي ميقبل ع الطلاق

وبابا يصيح ويكله لعمي هاي ابنك شمسوي بنتي

هاي عود ابن عمها ويصيح وعمي خطيه انحرج

كدام اخو بسبب احمد وهو خطيه مايدري ع

سوالفه ولا يقبل عليه...

واني كله من جوه راسي راح تصير مشاكل بين

عمي وبابا... اوووف ياربي

واني اصيح كافي تعبانه وكتله عمي حته لو

تطلكنه اني واحمد انتوا راح تبقون بيت عمي

ماراح ازعل منكم اجه عمي عليه وباسني من

راسي وكلي ياعمي والله انتي ذهب بس هذا الاغبر

ابني مااعرف قيمتج وخسرناج ..

اجتي مرت عمي باستني واخذتني لغرفتي وكلتلي

شلون هيج احمد يضربج وهي تحجي ع احمد

خطيه مقبلت عليه وتكلي سلون هيج يسوي وياج

كتلهه كافي عمه تعبانه كالتلي ارتاحي وباجر

العصر يجي عمج ياخذج تبقين يمنا يومين ترتاحين

وانتي بنتنه ..

كتلها ميخالف دخلت لغرفه وسذيت الباب وهي

راحت اتمددت ع الجربايه حسيت بتعب ونمت

ومحسيت الا ع صوت ماما تصيح سهى وتمسح

ع راسي وتكلي ياعيني عليج هالكد متحمله