قــــصـــه # ســـــجـــون
بقلم (فجر المساري )
البارت 11
سهى… بعد مطلعنه واحمد فتحلي باب السياره
كعدت ليكدام يمه واندار وشغل السياره فتح
المسجل اغنيه هيثم يوسف
حـاـو حـبك الـيه حـلو خـوفـك علـيه
والاحـلى مـابـيك انـتـه حـبيبـي تحــس بـيـه
واني وياه نردد بالاغنيه هههههه مخابيل…
وجنت كولش فرحانه واخذني لمكان كولش حلوو
يم نهر نزلنه من السياره وكعدنه اني وياه بالكاع
ويسولف ويضحك واني صافنه عليه واكول
معقوله هذا احمد تغيير 180 درجه ياريت هيج
يبقه اوووف ..
بده يحجيلي عن شغله بامريكا وعن حياتي واني
ساكته اسمعله وابتسم. ..
جان كولش حلو وهو يسولف لعد ليش يصير عصبي
يصير مثل الوحش واكول سبحان مغيير الاحوال
جنت فرحانه وهو كاعد يمي ويسولفلي عن حياته
الخاصه كلت تغيير…
بس جنت غلطانه من هنا بدت صدمه حياتي ..
من حجالي عن حبه لرنا وشلون تعرف عليهه واني
اباوع عليه وهو يحجي وجانت لمعه بعيونه عاشق
وحسيت بحبه الهه وشلون يحجي عليهه بكل حب
انقهرت وحقدت عليهه وبنفس الوقت تمنيت اكون
اني بمكانهه شناقصني اني…
واني اكول معقوله هالكد يحبهه شنو شفت بيهه
يختلف عني وحبيتهه مشفته بيه واخذت قلبك
وعقلك بلكوه جنت لازمه نفسي ومن الداخل
قلبي ينزف حاولت مابين اله ..
كمنه ورحنه لسيارة بقينه ساكتين فترة واني صاده
وجهي ع الجامه لو اباوع ليكدام جنت جسد
بلا روح احس روحي طلعت مني ..
جنت اتامل بيوم يحبني بس اخر امل ماخله عندي
بعد كلام الي سمعته اليوم فقدته ...
ليش هيج… . ياربي
شنو سويت اني ..ليش اهلي ظلموني ويه زوج
ميحس بيه وبمشاعري وحبي اله ابد ومعتبرني
خدامه تلبي طلباته افترينه كلي محتاجه شي
كتله لا… سهى احمد تعبت ياريت ترجعني للبيت
أنت تقرأ
ســــجـــون
Literatura Femininaكثيره هي رحلات الحياة لكنها رحلتي الى المجهول لبلد غريب لعالم اخر لا انتمي اليه تاركه خلفي اهلي واحلامي لعالم اخر قصه واقعيه لفتاه تعيش بلد غريب... .
