قصـــة # ســــجــــون
بقلم (فجر المساري )
البارت 7
سهى… كعدت الصبح وشفت احمد نزل من وكت
ولبس قاط اسود وقميص ابيض ورباط احمر
ومخلي عطر ريحته تخبل طالع فد شي وبيده
جنطه السفر صغيرة كتله صباح الخير
كلي صباح النور سهى خلي اسويلك ريوك
احمد لا اتاخر كتله شكد تبقى … وين تروح ..
صاح بيه وكلي شنووو تحقيق كتلج عندي شغل
ومن اخلص ارجع وخله فلوس ع الميز كال خاف
تحتاجين شي وطلع…
سهى من طلع احمد حسيت نفسي مخنوكه ودمعتي
نزلت شفته من شباك المطبخ يحجي بالتلفون
ويضحك معرفت ويه منو يحجي وصعد بالسيارة
وشغلهه شفته وجهه صار بوجهي ومسحت
دموعي صفن وبعدهه شغل سيارة وراح من راح
احس اخذ قلبي وراح رغم هوه سبب حزني والمي
رحت غسلت وسويت شي اكله وسويت كيك وبسبوسه
اخذته وياي كلت خلي اروح ازور ام حيدر جارتنه
المرة الجبيره الي تعرفت عليهه بعد ماخلص
تنظيف البيت لان بيت حسيته مثل السجن ويريد
ياكلني من يوم اجيت هنا مطلعت هي مرة وحده
لسوبر ماركت بعد مخلصت شغل رحت سبحت
وبدلت لبست كلبية خليجية كولش حلوه لون
فستقي وبيهه شغل ذهبي وخليت مكياج خفيف
وشسورت شعري ولفيته واني اباوع ع نفسي
بالمرايه واضحك ع نفسي واكول غير عروسه
وعريسهه مهزوم منهه ههههه
كملت ولبست شالي وطلعت رحت دكيت الباب
طلعت ام حيدر وحيل فرحت من شافتني ورحبت
بيه خطيه دخلت تعرفت ع بناتهه طلعوا بنفس
عمري واكبر مني حلوات وحبابات وكولش انيقات
كعدت وياههم ضحك وسوالف محسيت اني بغربه
ومقبلوا اطلع الااتغدة وياهم سوو اكل عراقي
دجاج وتمن حسيت نفسي عبالك بالعراق وشربت
جاي وللعصر يله رجعت بماانو احمد ماموجود
بعدهه رجعت لسجني بقيت افتر وحدي بالبيت
وافكر شسوي بالبيت واغير ديكور الصاله ومن باجر
الصبح ابدي اغير. مسويت عشه بقه من لكيك
أنت تقرأ
ســــجـــون
ChickLitكثيره هي رحلات الحياة لكنها رحلتي الى المجهول لبلد غريب لعالم اخر لا انتمي اليه تاركه خلفي اهلي واحلامي لعالم اخر قصه واقعيه لفتاه تعيش بلد غريب... .
