قـــــصــه# ســــجــــون
بقلم ( فــجــر المسـاري)
البارت 14
سهى ..بعد ان دكت رنا ع احمد وعافني وطلع حته
مكلي صباح الخير…
وبعد الي عشنا البارحه جان ولا شي بالنسبه اله
كلت بسيطة احمد راح اسوي مثل متريد انت
نزلت جوه ورحت لغرفتي، وكمت احضر جنط
السفر واحجي لهنا وهاهيه انتهت وياك احمد
ميفيد معتبرني ولا شي واني احضر الجنط
ودموعي تنزل بعدهه كمت ومسحت دموعي
ميفيد البجي رحت للمطبخ وسويت اكل وخليته
بالثلاجه ورتبت البيت خلاص احمد الى ان
صارت الساعه بالخمسة العصر رحت لغرفتي
لبست عبايه اسلامية وشال وطلعت
جنط مالتي وخليتهه بالممر سمعت الجرس الباب
دك رحت فتحت الباب شفت عماد سلم عليه
رديت السلام وبيده علبة حلويات كتله اتفضل
فوت فات جوة وشاف الجنط بالممر كلي خير سهى
عدكم سفرة اشو احمد مااخذ اجازه وماكال
مسافرين اني اختنكت ..ودموعي نزلت
كتله ..لا ..كلي شبيج سهى واني ساكته مااعرف
شكله كلي لعد شنو هاي الجنط كتله عماد
اني راح ارجع للعراق هو صفن وكلي شصاير
كتله ميفيد بعد اعيش ويه احمد تعبت منه ومن
رنا يحبهه ومتفق وياهه ويريد يتزوجهه
وهو البارحة حجزلي بالطيارة لتركيا ومناك اروح
للعراق وبعد ساعتين طيارتي همزين اجيت حته
اتشكر منك ع كل الي سويته الي وكفتك وياي
وموقفك …
عماد ..مع الاسف احمد هيج يسوي بيج انت
جوهرة مع الاسف مقدرج ولا عرف قيمتج ..
عماد… سهى نعم ممكن طلب اي تفضل
ممكن اخذ رقمج واتصل عليج واعرف اخبارج
كتله ..اي انطيته رقمي واخذت رقمه
وكتله ياربي يرزقك بانسانة صالحة تسعدك
هو تنهد… وكال ياريت تحس بيه ..اني ضحكت
وكتله شكلك هم تحب انت ..
عماد ..اي احبهه وياريت تعرفت عليهه بغير ظرف
وبغير مكان .. كتله الله كريم الله يجمعكم ..
أنت تقرأ
ســــجـــون
ChickLitكثيره هي رحلات الحياة لكنها رحلتي الى المجهول لبلد غريب لعالم اخر لا انتمي اليه تاركه خلفي اهلي واحلامي لعالم اخر قصه واقعيه لفتاه تعيش بلد غريب... .
