ထင်ရှားကျော်ကြား တရုတ်ရိုးရာ ဝတ္ထုတိုများ

"အရက်သမား အိပ်မက်" (အပိုင်း - ၁)

ဤဝတ္ထုကို မူလရေးသားသူမှာ လီကန်စို (Li Kung-tso) ဖြစ်သည်။ သူသည် ကိုးရာစုနှစ် အစောပိုင်းက ရှိခဲ့သော စာရေးဆရာဖြစ်သည်။

ဤဝတ္ထုကို အကြောင်းပြု၍ တရုတ်ဘာသာစကားတွင် The Dream of South bough "ဆောက်ဘိုး၏အိပ်မက်" ဟူသော အဆိုဖြစ်လာသည်။ ၄င်း၏အဓိပ္ပာယ်မှာ "ဘဝဟူသည် အိပ်မက်သာဖြစ်သည်…" ဟု ဆိုလိုသည်။

***********************************

ချင်ယူဖင်းက အရက်သမားတစ်ယောက် ဖြစ်ပါတယ်။ သူ့ကိုယ်သူ ပေးထားသော အမည်ဖြစ်သည့် "ဖင်း" ဟူသော အဓိပ္ပာယ်မှာ ကောင်းကောင်းကြီး ရှုပ်ထွေးခြင်းဟု အဓိပ္ပာယ်ရပြီး ထိုဝေါဟာရဟာ သူ၏ဘဝရည်မှန်းချက်နှင့် စီးပွားရေးအခြေအနေကို ဖော်ပြလျက် ရှိပါတယ်။ သူ့စည်းစိမ်တစ်ဝက်လောက်ဟာ သူသုံးဖြုန်းတာနဲ့ ကုန်သွားပါပြီ။

အဲဒီစည်းစိမ်တွေဟာ အရက်သောက်လို့ ကုန်သွားသလား၊ မိန်းမလိုက်စားလို့ ကုန်သွားသလားဆိုတာကိုတော့ မသိပါဘူး။ သေချာတာ တစ်ခုက ဒီဇာတ်လမ်း စတဲ့အချိန်မှာ သူ့ဘဝဟာ တော်တော်ပျက်စီးနေပြီ ဖြစ်ပါတယ်။ တစ်နည်း လျှော့ပေါ့ပြောရရင် သူ့ဘဝဟာ သူ့အမည်က ဆိုသလို ကောင်းကောင်းကြီးရှုပ်ထွေးနေပြီ ဖြစ်ပါတယ်။

တစ်ချိန်က သူဟာ စစ်တပ်ထဲမှာ ဒုဗိုလ်မှူးကြီးအဆင့်ထိ ရာထူးရရှိခဲ့ပါတယ်။ ဒါပေမယ့် သူ့ရဲ့သောက်စားမှုနဲ့ အမိန့်မနာခံမှုတို့ကြောင့် ထုတ်ပယ်ခြင်း ခံခဲ့ရပါတယ်။ အခုအခါမှာ သူဟာ အလုပ်မဲ့ပြီး သူ့သူငယ်ချင်းတွေနဲ့ ပျော်ပါးနေပါတယ်။ သူ့စီးပွားရေးအခြေအနေကလည်း ကျဆင်းလာပါတယ်။ သူ့ရဲ့ မူးယစ်သောက်စားမှုကတော့ တိုးလာပါတယ်။

သူက အရက်မူးပြေတဲ့အချိန်မှာ သူငယ်စဉ်က ရည်မှန်းချက်တွေ ဆုံးရှုံးခဲ့ရတာကို သတိရပြီး မျက်ရည်အနည်းငယ် ကျပါတယ်။ ဒါပေမယ့်လည်း သူသောက်နေကျ မဟာဆေးရည်ကို သောက်လိုက်ရင်တော့ ပျော်ပျော်နေသေခဲ ဆိုတဲ့အတိုင်း ဖြစ်သွားပါတယ်။

သူနေထိုင်တဲ့မြို့က နေပြည်တော်နဲ့ သုံးမိုင်လောက်ကွာတဲ့ ကွမ်လင်းမြို့ ဖြစ်ပါတယ်။ သူ့မိဘဘိုးဘွားရဲ့ အမွေဖြစ်တဲ့ အိမ်ကြီးမှာနေပါတယ်။ ဒီအိမ်ကြီးရဲ့ တောင်ဘက်မှာ သစ်ပင်အိုကြီးတစ်ပင် ရှိပါတယ်။ ဒီသစ်ပင်ကြီးရဲ့အောက်မှာ သူနဲ့သူ့သူငယ်ချင်းတွေဟာ သောက်ကြ စားကြ မူးကြပါတယ်။

အပင်အိုကြီးများဟာ အလွန်သက်တမ်းရှည်ကြပါတယ်။ တခါတရံမှာ နှစ်ပေါင်းသုံးဆယ်လောက် ခြောက်သွေ့နေပြီးမှ သစ်ရွက်စိမ်းတွေ ထွက်လာပြီး ဒုတိယအကြိမ် ပြန်လည်ရှင်သန်လာတတ်ပါတယ်။ အဲဒီသစ်ပင်ကြီးရဲ့ အမြစ်တွေဟာ မြေကြီးပေါ်မှာ ကွေ့ကောက်ပြီး ပေါ်နေတာကြောင့် ပိုးမွှားတွေအတွက် အိမ်ကြီးသဖွယ်လည်း ဖြစ်နေပါတယ်။

တစ်နေ့မှာ ယူချင်ဖင်းဟာ အရက်မူးပြီး ငိုပါတော့တယ်။ သူ့မိတ်ဆွေတွေ အပြောအရ ၇၉၂ ခုနှစ် စက်တင်ဘာလရဲ့ နေ့တစ်နေ့ ဖြစ်ပါတယ်။ သူက ငိုရင်းနဲ့ ပြောတာက သူဟာ ဒီသစ်ပင်ကြီးကို ကြည့်ပြီး အလွန်စိတ်ထိခိုက်တယ်တဲ့။ ဒီသစ်ပင်ကြီးအောက်မှာ သူ့အဘိုး၊ ပြီးတော့ သူ့အဖေ၊ ပြီးတော့ သူကိုယ်တိုင် ကစားခဲ့တယ်။ အခုတော့ သူလည်း အိုမင်းလာပြီ ပြောတယ်။

တစ်ကယ်တော့ သူဟာ အသက်သုံးဆယ် မပြည့်သေးပါဘူး။ သူဟာငိုလွန်းလို့ သူ့မိတ်ဆွေတွေဖြစ်တဲ့ ချောင် နဲ့ တီယန် တို့ဟာ အိမ်ထဲကို သယ်ယူသွားပြီး အရှေ့ဘက် စင်္ကြံက ခုတင်ပေါ်မှာ သိပ်ထားလိုက်ပါတယ်။

ချင်ယူဖင်းသည် အိပ်ပျော်သွားသည်။ သူ မျက်စိမှိတ်လိုက်ပြီး မကြာမီ ပန်းရောင်ဝတ်စုံများ ဝတ်ဆင်ထားသော လူနှစ်ယောက် သူ့က်ု ခေါင်းငုံ့၍ အရိုအသေပေးသည်။ သူတို့က ပြောလိုက်သည်။

"ကျွန်တော်တို့ဟာ… လိုကူစတန်းနီးယား နိုင်ငံက ဘုရင်ကြီးဆီက လာတာဖြစ်ပါတယ်… ဘုရင်ကြီးက လူကြီးမင်းကို သူ့နန်းတော်ကို ကြွရောက်ဖို့ မြင်းရထား လွှတ်လိုက်ပါတယ်…"

ချင်ယူဖင်းဟာ သူ့မှာရှိတဲ့ အကောင်းဆုံးဝတ်စုံကို ဝတ်ပြီး အပြင်ကို လိုက်သွားတဲ့အခါမှာ အိမ်ရှေ့မှာ မြင်းလေးကောင်ဆွဲတဲ့ အစိမ်းရောင် မြင်းရထားတစ်စီးကို တွေ့ပါတယ်။ မြင်းရထားဟာ သူ့ကိုသယ်ဆောင်ပြီး သစ်ပင်ကြီးအောက်ကို မောင်းသွားပါတယ်။