ထင်ရှားကျော်ကြား တရုတ်ရိုးရာ ဝတ္ထုတိုများ

အပိုင်း (၃)

ဒီအကြောင်းကို ဘုရင့်သမီးက ချင်ယူဖင်းကို ပြောတော့ သူက

“ဒီလိုဆိုရင် ငါက ဆောက်ဘိုးရိုးရဲ့ မြို့တော်ဝန် ဖြစ်တော့မယ်ပေါ့…” လို့ ဝမ်းသာအားရ ပြောလိုက်တယ်။ သူ့ဇနီးက

“ဆောက်ဘိုးရိုး မဟုတ်ပါဘူး… ဆောက်ဘိုးပါ…” လို့ ပြင်ပြောတယ်။

“အေးလေ… နာမည်က ဘာပဲခေါ်ခေါ် အရေးမကြီးပါဘူး…” ဟု ပြန်ပြောလိုက်တယ်။

ချင်ယူဖင်းက တစ်ခုပဲ တောင်းဆိုတယ်။ ဒါကတော့ သူ့မိတ်ဆွေ နှစ်ဦးဖြစ်တဲ့ ချောင်နဲ့ တီယန်တို့ကိုလည်း သူ့လက်ထောက်တွေအဖြစ် လိုက်ပါစေဖို့ပဲ ဖြစ်ပါတယ်။ ဆောက်ဘိုးကို သုံးရက်ခရီး သွားကြရပါတယ်။ ဟိုရောက်တော့ အားလုံးက သောင်းသောင်းဖြဖြ ကြိုဆိုကြပါတယ်။

ဆောက်ဘိုးပြည်နယ်မှာ နေထိုင်ရတဲ့ ဘဝဟာ ချင်ယူဖင်းအဖို့ တကယ့်လောကနိဗ္ဗာန် ဖြစ်ပါတယ်။ အလုပ်ဟူသရွေ့ကို သူ့မိတ်ဆွေနှစ်ဦး ဖြစ်ကြတဲ့ ချောင်နဲ့ တီယန်၊ သူ့ဇနီးတို့က လုပ်ပေးတယ်။ ညနေခင်းများမှာ သူ့ဇနီးနဲ့အတူ တောစပ်ကို မြင်းရထားနဲ့ သွားတယ်။ တောစပ်မှာ သူ့ဇနီးနဲ့အတူ လက်တွဲပြီး လမ်းလျှောက်ကြတယ်။ တခါတရံမှာ သူ့မိတ်ဆွေ နှစ်ဦးနဲ့ အတူ တောင်စောင်းဘေးမှာ အရက်တွေ ပျော်ပျော်ပါးပါး သောက်ကြတယ်။ သူ့လောက်ကံကောင်းတဲ့သူ ဒီလောကမှာ ရှိဦးမလားလို့ စဉ်းစားမိတယ်။

တစ်နှစ်လောက် အကြာမှာတော့ သူ့ဇနီးဟာ အအေးမိရောဂါနဲ့ ဖျားပြီး သေဆုံးသွားတယ်။ သူဟာ အလွန်စိတ်ထိခိုက်ပြီး အရက်တွေပဲ ဖိသောက်တယ်။ သူ့ဇနီးအတွက်လည်း ကျောက်တောင်ဘေးမှာ အုတ်ဂူကြီးတစ်ခုကို ဆောက်တယ်။ သူဟာ အလွန်စိတ်ထိခိုက်ပြီး သူ့ရဲ့ရာထူးကနေ နုတ်ထွက်ပြီး သူ့နေရပ်ကို ပြန်ခွင့်ပြုဖို့ ဘုရင့်ဆီ ခွင့်တောင်းတယ်။

ဘုရင်ကလည်း သူ့ရဲ့အခြေအနေကို ကြည့်ပြီး ချင်ယူဖင်းကို သူ့နေရပ်ကို ပြန်ပို့လိုက်တယ်။ ချင်ယူဖင်းဟာ သူ့အိမ်ကိုရောက်တော့ အရှေ့ဘက်စကြံ င်္က ခုတင်ပေါ်လှဲပြီး အိပ်ချလိုက်တယ်။ သူနိုးလာတော့ သူ့မိတ်ဆွေနှစ်ယောက်ကို ခြံထဲမှာ တွေ့တယ်။