❤ابن عمي والحب❤

الجزءالسابع

حسيت على نفسي على سرير غرفتي وعمتي يمي اتشممني عطر
لعبت نفسي  رحت اتقيء
اتذكرت كلام وعد انقهرت معقولة يشك بية بعد ما هو اخذ عذريتي
معقولة بعد كل الصار بينة يشك بية
احس انجرحت من اقرب شخص المفروض هو اول واحد ما يصدك باي كلام يسمعة
ومنو الة مصلحة يكولة هيجي شي معقولة عمار يريد ينتقم مني لان قبلت بوعد لا مستحيل يأذيني
فزيت من صفنتي بصوت عمتي وهي تسألني على صحتي
طمنته علية واني اصلا هل الايام احس بدوخة قوية ولعبان نفس مستمر  كلة من الحمل تعبت وضعفت
بعدين سألتة عن وعد وين راح
...ما اعرف بس كال يوم صعدي يم ريم انغمة علية واني عندي شغل ضروري لازم اروح
وراها بساعة صرت شوية احسن ونزلت احضر عشة الية ولوعد
تانيتة للعشرة ما اجة مو عادتة يتأخر تعشيت وصعدت اتمدد لان ما بية ابقة كاعدة
بقيت كاعدة لساعة 12 وما اجة بقيت بقلق علية وما عندي موبايل اخابرة اخذتني النومة وكعدت ب3 لكيتة كاعد على كرسي مقابيلي ويدخن ونظراتة ما عرفت افسره
....ها وعد اجيت ضل  بالي عليك ليش تاخرت
....معقولة يهمج امري لو وين كنت 
....شي اكيد يهمني امرك شنو صايرلك وعد ليش جاي تحجي وياي بهاي الطريقة 
....وتسوين نفسج ما تدرين وتبينين للكل الانسانة فقيرة البرئة وانتي بداخلج انسانة وصخة تلعب على مشاعر والله يعلم غير عمار واني بعد عليمن لاعبة
...وعد ما اسمحلك شتقصد بهل الحجي اني انسانة شريفة وعمري ما دنست جسمي او واحد شافة غيرك
....ههههه ضحكتيني اتريديني اصدك انج طاهرة وعفيفة
والي يخابرني ويكلي مرتك احبة عوفه ليش توكف بطريقنة وهية تحبني  جذبت كلامة وفقدت من وراة والله يمكن بوكتة لو لازمة اموتة بساعتة بس من كلي على مكان  شامتج لب..... ولون شعرج وطولج واوصاف جسمج شي اكيد اصدكة
....من هو ومعقولة تصدك  بهذا الكلام وعد نسيت اني بنت عمك وزوجتك وام طفلك
ما انطاي رد وهو كانو متاكد من كلام السمعة حرك قلبي جاوبتة
...والله وعد اني موهيج والله اني من زوجتك حتى تفكير بعمار لغيتة لان اعتبرة خيانة الك  وحاول وبذلت جهدي قدر الامكان انو اخلي قلبي بس الك
هسة تجيني تشك بشرفي وتعرف كلش زين انو شنو
وبعدين الحجي الكولتة مو دليل على خيانتي الخابرك انطاك مواصفاتي
تعرف اي وحدة من البنات صديقاتي الاقارب يعرفون شكلي وشايفات جسمي من لبست فستان الخطبة والعرس ويطلع هذا سامع من وحدة من الموجودات ويريد يخرب بيناتنة وخبرك بهذا الكلام
وانتة بكل سهولة شكيت بية
....كافي عاد جذب عبالج اصدك كلامج هذا اني السبب كلة مني شلون اربط اسمي وسمعتي بوحدة جانت علاقة حب هي وابن عمة  بس شسوي لقلبي حب وحدة نذلة مثلج
... شكد جنت غبية  جنت اشوفك الانسان الرزن العاقل الواعي الي اكدر أمن نفسي وياه
بس للاسف طلعت لا شي من هذا وصدك وعد من راح تعرف الحقيقة عمري ماراح اسامحك ولا راح يرجع الكسرتة وهسة تطلقني
.كام باتجاهي ولزمني من كتفي  حيل ويهز بية
....شوف انتي ما تعنيلي اي شي اصلا لعبت نفسي منج بس مجبور اتحملج لحد ما تولدين واخذ الطفل منج
....شنو شتدكول انتة من كل عقلك اقبل بهذا حجيك هذا ابني وما انطي
...نشوف بعدين كلام منو اليمشي وهسة تلمين كل ملابسج الي تحتاجينة وتجين وياية
وعافني وطلع وكتفي حيل وجعني من عصرت ايدة  بس مو بقدر وجعي بكسرتة الية واتهامي بقيت ابجي على حضي الي ما نصفني واذاني
رحت الم ملابسي وعيوني غراقات بلدموع الم  وتحطم
ليش هسة عافني من بديت اتعود علية
ليش هسة من صرت ما انام الا بحضنة بعد ما جبرني صرت مدمنة على حضنة
بعد ما حسيت بلامان وتعلمت على دلالة وشقاة وياية
هسة بكل سهولة يتركني
رجعت على السرير اتمدد بعد ما تعبت من البجي وكملت لم ملابسي
نمت كعدت على صوت فتحت الباب
....ياللة اذا كملتي نطلع ولا تكولين الاحد على صار عوفيني اني اتصرف سلمي عليهم عادي
سكتت ما رديت علية  غسلت وبدلت وهو كاعد على السرير كل شوية احسة يصفن بية
بس اني ولا اهتميتلة لان اذاني  حيل وقهرني عفتة ونزلت
سلمت عليهم وهم محد سئلني الضاهر عدهم علم راجعة الاهلي
وراح هو شغل السيارة استغربت ليش هو ذاك بيت اهلي
صاحلي يالله تعالي صعدي
...ليش اصعد سيارة
...اصعدي ومعليج
صعدت بس بالي مشغول معقولة راح هسة يطلقني 
بقى يمشي بلسيارة لمدة ساعة باطراف المدينة وكف امام مشتمل مبين علية قديم يمة كم بيت
...انزلي واني اشيل الجنط
نزلت واني الفضول والاستغراب كاتلني
نزل الغراض وطلع المفتاح وفتح الباب ودخلت ودخل وراية
البيت عبارة عن غرفة وحولي ومطبخ وصحيات حتى كراج حديقة ما بي
دخلت للغرفة مابية بس سرير ابو النفر وكنتور ايضا ابو النفر وميز المراية
..اكعديعلى السرير عندي حجي وياج وضروري تسمعي
....تفضل اسمعك احب توضحلي هذا الشي
...هذا المشتمل منا وهيج راح يكون بيتج لحد ما تولدين واخذ الولد منج
واذا اصريتي انو  يبقة يمج راح تضطرين تبقين هنا يمة وما تطلعين من هذا البيت الا اني اقرر
اما علاقتي وياج ف...
.................
يتبع .