❤ابن عمي والحب❤

جزء التاسع

انصدمت من فتحت الباب
....دانيا؟
اي دانيا ياريم اني اختج الي ما جابتة امج وبنت عمج وصديقتج وكاتمت اسرارج
...اي نسيتي شغلة زوجة اخوية المستقبلة والي قطعت بية ولا سألت علية واشهر واني قريبة منة ولا يوم مرت شافتني 
طبعا احجي واني ابجي وهي تبجي
شعجب تنازلتي واجيتي  من مقامج العالي
اجت شبكتني حيل واني شبكتة وبقينة نعاتب بعض
جان عذرها مقهورة مني لان تركت عمار واتزوجت وعد وهي تعرف كولش زين اني ما جان بيدي اسوي شي بس هي معذورة يبقى اخوها وتضوج علية وما كدرت اتشوفني اتزوج غيرة
وبقينة نحجي بلاخير كالت
اني جنت مترددة اجي اشوفج بس من سمعت بيج حامل وضعج الصحي مو تمام ومتخربطة ما كدرت اصبر اجيتج على طول واني دائما اسئل هدى ومهند عليج
...لا الحمد لله صرت احسن
...وشلونة وياج
....هههههه قصدج وعد
.....اي حبيب القلب
....الحمد لله اول اشهر جنت زينة بس بعدة وسكتت
....ولج احجي شكو شصار
واني ما تحملت وحجيتلها كل الي صار لان ردت بس افرغ الي بقلبي وجانت دانيا ومازالت بئر اسراري
ومن كملت كلامي فرحت
....ولج ياريت يطلكج ويعوفج ياريت
....لا تكولين هيج ما اتحمل اصير مطلقة
...وليش بلله ما تتحملين لا يكون الي بالي صحيح
...اي صحيح احبة وتعودت على وجودة يمي وعلى اهتمامة بية وحتى برودة صرت احبة
والطفل الي يربطنة شنو ذنبة يوعى للدنيا وابو وامة منفصلين
..... اني متردد ردت اكولج شي بس من ضمعت وضعج تشجعت
...شكو خوفتيني  احجي اسمعج
.....ريم اتطلقي احسن ولج عمار من تزوجتي ليهسة من يخابرني  احس صوتة راح من القهر وصدكي حتى بجي يبجي عليج وهسة من يسمع راح تتطلقين يكيف ويفرح اصلا مرات بلقوة اهدي يكول والله لو مو ابن عمي جان خليت طلقة براسة ومرات يكول اني راح احاول اتفاهم وياه
واجبرة يطلكها  بس بعدين يكول اخاف من يسمع بهذا الشي يأذيها

تدرين هو من سمع تقررت خطبتج ما تحمل كسر البيت وبابا طردة من البيت
وهو بوقتة ما كدر يطلع بيدة شي وكلها ضدة لذلك راح سافر الاردن يم خالي عدنان بس قبل ما يسافر تركلج عندي امانة
واصر اوصلها الج
.....مشكورة دانيا على احساسج المرهف والصادق بس تصدكين بالله من سمعت كلامج عن عمار ما اهتزيت شعراية وحدة مو كرة بية ولا تقليل من شأنة
بس قلبي ملكة شخص ثاني وهو وعد وحتى لو كان ما مصدكني يجي يوم وتتبين الحقيقة  ونعيش كأي عائلة اخرى سعيدة
واما عمار مصيرة يمل مني ويتقبل الواقع ويتزوج ويستقر ويكون عائلة
ويبقى كلامة هذا مجرد ذكرى عابرة بحياتنة
....اوكي حبي على راحتج وانتي اختي ما اكدر اجبرج  واتمنالج السعاد مع حب قلبج بس الرسالة امانة ومحلفني الا تقرينة
...انشالة احاول اقراة من استقر شوية وحالتي النفسية ترتاح
وطلعت دانيا بس اعرفة زعلانة بداخلها علية بس مو بيدي احبة ومشاعري كلها انشدت الة
رجعت ارتب بلغرفة  عندي ورد مجفف سويتة على شكل قلبين وبداخل كل قلب حرف اول اسماءنا  على السرير
والفرشة مالت الزواج  بيضة طبعا
ورشيت عطر جو هادى مع برودت الغرفة صار جو رومانسي
بعدين لبست ملابس نوم مخصص للحوامل بعد ما مكيجت وشسورت شعري
خلصت كولشي طبعا عمتي تدري بية شاسوي وعافتني على راحتي
بقيت انتضرة لحد الساعة تسعة ونص دخل للغرفة وتفأجا
واني كلت لازم اتنازلة حتى يلين قلبة علية وينسى الي فات
....هلا بروحي الله يساعدك مبين تعبان
طبعا احجي واني اتمشى باتجاهة بدلع
وشمرت نفسي بحضنة وايدي تلعب بلحية الكثيفة الي لونهة بني لان حبيبي اشقر وعيونة صفرة على اخضر
وتجراءت اكثر صرت افتح بازرار قميصة وكل ما افتح زرار ادخل راسي واشم صدرة وابوسة
وهو وية كل بوسة وشمة احس نبضة يتخربط وانفاسة تتقطع
اخرشي ما تحمل وسحبني على السرير ونزل بقبلاتة على اجزاء جسمي واني تحتة مثل العجينة مرنة شلون مايريدة تصير
اصلا اتجرأت وسحبتة علية وبقيت اني اقودة بقبلاتي وعنفوان لهفتي علية
ودخلنا جو العشاق الهأمين ونسينا كل وجعنا وعتابنة وحتى انفسنا نسيناها
نمت تعبانة واني اغمر نفسي بحضن حبيبي
ورجعت حياتنة طبيعية ما تشوبة شائبة
ورجع وعد المحب والمهتم بية
اصلا زاد حبنة وصرت اتشاقة واضحك ونسولف ونسهر مع بعض
بس اني بداخلي خايفة لا يحدث امر ويعكر صفوة حياتنة
وبلحقيقة حدث ما جنت خايفة منة واكثر بيوم جان وعد عند عزومة بقاعة زواج صديقة وهوجان مستعجل طلب مني رباطة
واني تعبانة وما كدرت اصعد دليتة مكانة وهوكال ابقي لاتعبين اني اجيبة وانتي رتبيلياه
صعد وبقى فوك بربع ساعة
وراة نزل من الدرج ركض باتجاهي اول ما وصل الية
.....ولج انتي ما تصيرلج جارة ولج تعبتيني ما طلع حب هذا مرض يفتك بجسمي
ليش شسويتلج اني وحتى تنتقمين مني بهل شكل
لان جبرتج على الزواج
معقولة بعدج حاقدة علية بعدج
....شبيك وعد فهمني شصار
....ايييييي سوي نفسج ما تدرين مثل كل مرة
واني الخبل اصدك كلامج
.....يعني عادي عندج ييدزلج رسالة غرامية وبيها بلاوي  تضميية بين ملابسج حتى ما اشوفة والله يعلم شمسوية انتي وياة

انصدمت من كال هيج معقولة شافة واني الغبية ليش محتفظة بية والله جنيت على نفسي
......اسمعي لج تلمين ملابسج بسرع وكبل ترحين على بيت اهلي
وجهج بعد ماريد اشوفة
ورقة طلاك توصلج باسرع وقت
......لا وعد بس افهمني
.....ريم انتي طالق
...............
يتبع .