❤ابن عمي والحب❤

جزء الثاني عشر

عمار شجابك هنا
.....ليش ما عاجبج وجودي
....لا مو هيج بس اني ادري بيك مسافر
....اي ورجعت علمودج
....علمودي ليش عندك امل  نرجع سوة
...وانتي عندج امل راح اعوفج لج انتي بنسبة الية الهوى تدرين من دريت اتطلقتي يالله عفت حبوب المنوم ولج صرت اطلع من الصبح لليل اشتغل حتى مايمر طاريج على بالي
انتي روحي ريمة
مستحيل اعوفج بعد
.....بس اني ماريدك عمار
....هههههه كافي شقى ريم ترى تعبان كولش اريد راحتي وراحتي يمج
....ريم مامة ابوج يريدج بلغرفة روحيلة
همزين اجت مامة ما عرف شجاوبة اصلا تفأجأت بوجودة
يريد ارجعلة واني اصلا قلبي مو عندي ومشاعري ماتت
عفت افكاري ودخلت لغرفة بابة ومامة
....ها بابة ردتني
...اي ريم عندي حجي وياج مهم واريدج تفكرين زين  لان هذا الشي لمصلحتج
....كول بابة اسمعك
....عمار ابن عمج اجة تقدملج واني وافقت علية
....شنو بابة شتدكول
....اي عمار وهو ابن عمج واحسن من الغريب ولا تنسين انج مطلقة وانتي جنتي تحبي وتطلقتي على مودة
وهسة وعد تزوج وكون حياتة
انتي يحقلج تعيشين حياتج وما راح اوكف مرة ثانية بطريق حبكم  وسعادتكم
....بابة ياحب التحجي عنة بابة انتة مصدك بلكلام وعد من طلقني
بابة اني ماخنتة لوعد واني حبيتة من صدك وعمار مجرد حب المراهقة حب ما ناضج نضج حبي بوعد بس لاسف ما ستمر
اما عمار اعتبرة صفحة وانطوت من حياتي ولا تنسى بابة من راح نرتبط
راح اثبت للجميع التهم الي وجهة وعد الية
وابني يابابة شلون اعوفة وتعرف وعد من يعرف بية ارتبط بعمار راح ياخذة مني
وجد قطعة من قلبي شلون انطي الهم واخلي مرت ابو تعتني بي
....اسكتي انتي ولا حرف كافي ملينة انتي البزر تلعبين علينة يوم اريد هذا ويوم ذاك شنو انتي مابعينج احد
....العفو بابة موقصدي اعترض على كلامك بس اني  ما اختاريت وعد انتو جبرتوني علية وحبيتة وصرت نعمة الزوجة الة بس غدر الزمن بية  والضروف حالت بينة
وهسة انتة هم تريد تجبرني على عمار
واني ماريدة وما احبة عندي ابني اريدة سندي من يكبر وماريد لا زوج ولا محب
....شوفي ريم تزوجين عمار وانتي المنونة واي كلمة اعتراض مااريد
وابنج اول وتالي مرجع لابوة وانتي مالازم تبقين مطلقة والناس تطلع عليج حجي ويألفون بكيفهم واني كلشي ولا سمعتي بين الناس وهنا وينتهي كلامي وحجي زايد ما اريد فاهمة
عفتة وطلعت واني بداخل كسر جبير
اختنكت باوعت للسماء وعيوني تجري
ياربي الى متى ينتهي عذابي
تعبت اريد ارتاح اريد استقر
اريد احس نفسي عايشة
رجعت الغرفتي ورجعت للخذلان مرة
رجعت نعزلت عن الكل
ومر اسبوع عن اخر مرة كلموني بموضوع الخطبة
وبيوم الصبح دخلت امي مستعجلة
....مامة ريومة بدلي حتى انروح اني وياج ومرت عمج وعمارنختارلج الذهب حتى الخميس تعقدون
بقيت صافنة علية معقولة اني ماالي اي رأي اوقرار معقولة هيج رخيصة عدهم 
بس اني لازم اسوي شي واني بالي لازم اخبر وعد باكت يحن قلبة علية
فكرت لازم اجاريهم حتى اكدر اطلع من البيت  وارزح البيت عمي
.....مامة كوليلهم موافقة اروح بس العصر هسة مابية حيل تعبانة
.....على راحتج اهم شي وافقتي وهسة راح اخابرهم واكلهم على العصر وانتي نامي وارتاحي
...اي مامة ودير بالج على وجد ولا تكعديني اني اكعد
راحت امي واني اخذت عباية ولبست الشال ونزلت وشفت امي بغرفتة تنوم وجد وغدير عند اهلها والولد طالعين لبس ورحت لبيت عمي قاسم
ودكيت الباب وطلعتلي مرت عمي
....شونج عمة وعد موجد محتاجتة ضروري
...لا ما موجود وروح لبيتكم ما نريد مشاكل
....فدوة عمة بس احاجي ادري هو موجود واليوم عندة عطلة
...روحي ريم لاتخليني اخابرابوج واخوانج اخليهم يشوفون شغلهم
.....لا عمة ارجوج
ونتبهت لصوت رجف قلبي من سمعتة اخ شكد مشتاقتلة
....هاي شكو يوم منو على الباب
ريم 0؟
....وعد فدوة محتاجة احجي وياك وعمة ما تخليني
......ريم ادخلي جوة 
......ليش يمة مرتك لا تعرف
.....يوم خاطر الله عوفيني خل اعرف شعدها
دخلنة لاستقبال كعد وكعدت مقابيلة
باوعلي بنضرات ملايانة حينين للماضي اكيد
...كولي ريم اسمعج
....وعد اني ما جاية افسرلك الماضي ولا اعتذر على الي صار
بس اريد منك خدمة انسانة  وانت الوحيد الي تقدر تسوية
وعد اترجاك رجعني لعصمتك ترى ابوية جبرني اتزوج واني ماريد
.....ههههههه وليش ما تريدين
....وعد الي اتقدملي عمار
.....شنو عمار رجع
.....اي رجع وتقدملي والكل موافق
بس اني ما اريدة اريدك انتة فدوة وعد حاول وية بابة
...انتي شدتحجين عمار رجع وتقدملج عرفناها
بس انتي ليش رافضتة هاي ما افتهمتة وانتي تحبي وعلامودة خنتيني
فهميني هاي لعبة جديدة
.....لا والله كل كلمة كلتة صدك اني احبك وعد افهمني ارجوك ما انكر جنت قبل لا ارتبط بيك عند مشاعر اتجاة بس من ازوجتك كلشي مات اتجاهة وبس انتة بقيت بقلبي
.....وخيانتج الي والرسالة
...والله ماخنتك وفهمتة قصت الرسالة
....يعني من كل عقلج تريدين اصدكج كلامج
.....وعد كافي تعبت حس بية
...انتي كافي لخاطر محمد اني هسة شفت حياتي وعشت السعادة الي مايوم حسيتة وياج
تريدين ترجعين الي وتخربين كل الي بنيتة لا مستحيل اخليج
روحي تزوجي ابن عمج الي فضلتي علية اما ابني اخذة يعني اخذة  وطلع وفتح الباب  يالله روحي لبيتكم  ما اريد مشاكل
بثناء ماجاي اطلع طلع عمار من بيتهم وكف مستغرب ومبين معصب
التفت وعد وشافة رجع نضرلي وابتسم روحي لحبيب قلبج
رجعت امشي سريع واتعثر وميتة بداخلي حزن عميق
اول مادخل رحت حضنت وجد وابجي علية شلون اعوفة
اخذتة لغرفتنة وبقيت اشمة واحضن بية
شلون اعوفك وانت اصبحت بلسم جراحاتي
ابوك ضالم يريد ياخذك مني شسوي كلي مامة حبيبي اموت نفسي ولا ياخذوك
حسيتة نام واني من القهر والحزن والبجي تعبت ونمت
وراها بشوية حسيت على ركعة على راسي
فزيت لكيت مهند فوك راسي يسحب بية
نزل جوة وهو يسحل بية سحل علدرج احس روحي طلعت وامي وغدير يردون يفكني ماكو
شمرني بنص الاستقبال ابوية كاعد اول ما شافني غلط وشتم وضرب
لان رحت لوعد وكتلة رجعني
طلع الاخ مشتكي علية ومحاجيهم حتى ما اسويلة مشاكل هو وزوجتة وشوية ودخل احمد وعمار  ونعاد الضرب وعمار ما يكدر يدخل  لان الكل ضدي لخاطرة وانعادت القصة القديمة بس تغير البطل بس الضحية نفسة
وبابة يكلهم باجر اعقدو
وراها بشوية دخل وعد وسلم عادي على الكل حتى عمار ولا كأنو صاير شي وشافي بلكاع مرمية وكلي دم ولا اهتم  وبابة كلة باجر راح يعقدون الك خاطر بية بعد
...لا عمي خل تتوكل وتشوف نصيبة بس ابو احمد انتو باجر راح اتعقدون الهم واني عندي امانة عدكم وهسة حان وقت رجوعهة
...صار وحقك ابهاي مهند جيب وجد وانطي لابوة
....شنو لا ...لا تاخذون ابني لا وصرت ابجي واعيط عليهم وهم ما مهتمين حركو دمي
رجع مهند شايل وجد وانطاة لوعد واني كامشني احمد بس اني فقدت اخر شي حررت نفسي منة وركضت للمطبح واخذت سكين حادة  ورجعت الهم وعد جان متاني غراض وجد
اول ما شافوني الكل سكت بس بابة صاح ريم لا تتهورين وكافي لعب جهال
....والله ابني ما ياخذو مني لو على جثتي
...اشو اخذة وراد يطلع
.لزمت السكين وكصيت وريد ايدي اليسرة
...............
اسف حبايبي اذا اشعركم بلحزن بس هذا واقعنة اكثر العوائل اصبحت لا تهتم لعواطف بناتهم وخاصتا المطلقة او الارملة ما الهة حق بعد بلاختيار او الرفض ليش هي مو انسانة وعدة مشاعر واحاسيس
مو رب العالمين ذكر رفقا بلقوارير ليش
طبعا اني اكتب ومحروق قلبي علية بس كل شي عند الله ما يضيع
وشكرا لاحلى متابعات 😙😚 والاغنية تمثل شعور ريم استمعولها