❤ابن عمي والحب❤

الجزء الثامن

......اماعلاقتي بيج فانتي والماكو سوة
ودك على قلبة حبج بهذا مات تعرفين شنو مات يعني انتهت قصتنة وانت كتبتي النهاية جنت متوقع قبل زمان انو هو عمرة ما يترك  ينبض بسمج
بس انتي قتلتي نبضاتة
وبعدين رجع لبرودة
....انتي تبقين هنا وكل نهاية اسبوع تجين وياية الاهلي ساعة ساعتين ونرجع واي طلعة غيرة ممنوع ما عدى مراجعة عند الدكتورة لمتابعة نمو  الطفل
وباب البيت ينقفل وما تفتحين الباب لاي جنس مخلوق غيري  واما اني مضطر ابقى يمج اجي بليل فقط وانام والصبح اطلع واي شي تحتاجي تكتبي بورق وتعوفي على الميز وحاولي من اكون موجود تتفاديني لان من اعصب ما اتحكم بتصرفاتي
وهسة شوفي شنو تحتاجين حتى اجيبلج
.....لحضة لحضة اريد احجي وياك وين رايح
....ما بيناتنة حجي مثل ما كلتلج بلورق
....لا مو بكيفك بس اريد افهم اني عايشة بسجن وفوكاها عايفني بمنطقة مقطوعة وحتى موبايل ما عندي وتريد تقفل الباب بلله صار بية شي احتاجيت شي وكعت احترك البيت ما فكرت شيصر بية
وكف واندار يطلع
....بعد ما يهمني امرج بس لخاطر الطفل متحملج
وراح
بقت على كعدتي عاندت نفسي ما ابجي كافي ضعف ومذلة ومنو يجي يتحكم بية واني انسانة جنت اضحك للهوى ابتسامتي ما تفارق وجهي
يريد يصدك كلامي بكيفة ما يريد اني راح الغي من حياتي
وبس طفلي شلون لا من اجيب شي اكيد الحضانة الي
فقت من افكاري لازم ارتب البيت
رتبت ملابسي وكم قطعت ملابس جايبهم الة ونظفت البيت  وكتبت المحتاجتة
رجع بليل دخل بدون ما يسلم علية او يباوعلي سبح وبدل ومن كمل فرش فراش على الارض ونام
واني بقيت صافنة على تصرفة كلت لازم اتعود على اسلوبة وياي
وفعلا مر شهرعلى دخول البيت او سجني مرة وحدة وداني لاهلة شوية ورجعني وهم ما مستغربين الوضع يمكن وعد منطيهم علم بلي يصير
اما اهلي بعد الي صار هسة حقدت عليهم اكثر لان هم تخلوا عني
بس بداخلي اشتياق الهم مرات اتذكر مامة وبابة وابجي ليش تركوني وشمروني وبعد ما سألوا عني
وحملي كلش متعبني هسة دخلت بشهر السابع واني احد الان ما مراجع طبيبة ولا اعرف جنس الطفل ما اريد اطلب منة شي مو بس الحمل هواية اشياء احتاجهن او اشتهيهن تعرفون الحامل هواية تشهى ما اطلب منة مااريد اذل نفسي الة لان احسة قوة جارعني بقيت اطلب منة الاشياء ضرورة كلش والمهمة فقط وهو ما قصر  يجيب الي اطلبة

واليوم جنت كلش تعبانة وضهري موتني وتقلصات عندي قوية بحيث بلقوة امشي واني ما عندي علاج
بقيت نايمة حتى اكل ما كدرت اقوم ما بية حيل ومنا لعبانة نفسي
بقيت بلسرير لليل يالله اجة ما عندة احساس
كلش بارد وياية
اول ما دخل للغرفة شافني متألمة باوع علية ما تحملت بجيت
صار يهز بيدة
.....شبيج الخاطر الله تعوين اليوم نامي اريد انام تعبان
وصدك لف راسة ونام ولا كأني بشر الي احساس
جبرت نفسي اكوم اطلع من الغرفة ما اتحمل الالم اريد ابجي
طلعت ورحت للمطبخ وهناك انهديت بلبجي وكعدت على الكرسي تقريبا ساعة وزاد الالم ما تحملت كلت لازم اكلة خاف صار شي على الطفل لازم اروح للمستشفى
اتجهت للغرفة حتى اكعدة
.....وعد وعد اكعد بعد ما اتحمل الالم موتني وديني للمستشفى
كعد مفزوع
....شبيج ليش عندج ولادة اتحضري هسة اوديج
كعد وبدل واني ابجي من الالم  حاول يهديني ما اكدر متوجعة
ساق السيارة بسرعة ودخلنة للمستشفى دخلوني لدكتورة
شافت الطفل بلسونر
... وضع الطفل زين بس انتي عندج تقلصات قوية مأثرة عليج وعندج التهاب بلكلى قوي موزين على الطفل لازم تاخذين علاج
....دكتورة فدوة شنو جنسة
....هههه حبيبتي لا تخافين ولد سبع انشالة تشوفينة وتفرحين بية
كتبت الادوية للتقلصات والالتهابات وانطيتي لوعد
....ها بشري شاكلت الدكتورة
... زين حالة الولد بس اني عندي التهاب قوي وتقلصات قوية
حسيتة فرح كلش من  عرف بية ولد
...يالله جبتلج  العلاج وراح اخذج لبييت اهلي حتى يعتنون بيج هل فترة
....بكيفك بس ملابسي وغراضي
....باجر امر اخذهم مناك واجيبهم وياية اجيبلج اكل لان مبين عليج ما ماكلة
....اي والله ميتة جوع ما اكلت اليوم كلة من الالم وما كدرت اقوم اسوي .....لبش ما تذكريني اوديج للطبيبة تشوف وضعج ترى اني انسى ما متقصد
.....انتى هواية اشياء نسيتة وعد مو بس هذا الشي على العموم لا تخاف ما يصير بية شي العار ما يموت
التزم السكوت كأنو يعرف نفسة خطأ
وصلت لبيت عمو وهم خايفين علية ولكل فرح من كلتهم بطني ولد
طلع هو ورة نص ساعة رجع وجايب اكل ومقبلات وفواكة وعصائر
اكلت ورجعت الغرفتي القديمة بعدها موجودة نمت على السرير اثر علاج بسرعة غفيت
حسيت على لمسات على بطني باوعت هذا وعد
من فزيت كال نامي بس حبيت اتطمن على طفلي
انقهرت منة
....وام الطفل مالها داعي مو عسى ما تموت
....كافي ريم نامي واسكتي اني غلطان اجيت تقربت منج  وعافني ونام بمكانة علي السرير يمي
اني بقيت ابجي لان اذاني هواية وتعبت منة ما اتحمل برودة وياية
رجع اندار علية ونومني وحضني وخلة راسي بصدرة اني بسرعة هدئت
مشتاقة لحضنة ولحبة اعترف حبيتة وتعودت علية
بس هو ما تحمل مني شي
فزيت الصبح باوعت على مكانة ما كان موجود
قررت اليوم لازم اغير من نفسي وارجعة الية من جديد احبة وابو ابني كافي عناد
بس العصر واني ملتهية انضف الغرفة وارتبة اندكت باب الغرفة رحت افتحة انصدمت.......
..........................
يتبع .
واعتذر عن التاخير