❤ابن عمي والحب❤

جزء الحادي عشر

....يعني شنو يعني خطب بهل سهولة يخطب ويتزوج واني
اني شنو مالي بعد مكان بحياتة
....اهدي  مامة ميصير تسوين بنفسج هيج ربج يفرجة عليج نشالة
....امي باعيلي زين شبية اني شوفي شكلي ليش ليييييش منحوسة ماخذت الاحبة وليحبني
واخذني يلحبني واني ماحبة وبعدين من حبيتة وعشقتة بكل سهولة يعوفني بدون ما يسمعني
وهسة خطب
ياربيييييي اخذ عمري اني ما استاهل اعيش تعبت تعبتتتت ياربي بعد مابية اتحمل
بيومة فقدت اصيح وابجي وحتى شعري ملشتة ومخرمشة الوجة واني فاقدة الى ان اجة بابة والولد من شافوني انرعبو عبالهم وجد بي شي
بس بعدين من نعرف السبب احمد ومهند فوك الضيم سحلوني سحل لغرفتي وكتلوني ويحجون علية بس اني. ولا بالي اي شي جنت بوقت مثل ما يكولون فاصل فيشة
لان حسيت بظلم والخسارة
اي خسرت الاول والتالي لا حضيت بلحبيب والا بزوج
وصار وضعي لا يحسد حتى ابني هملتة خطية امي تولت رعايتة واني كاعدةبلغرفة مجرد جثة خالي من معالم الحياة
فقط اكل وانام وحتى الكلام استصعبة فضلت السكوت
وهذا وضعي نتيجة صدمة ماتوقعت راح ينساني وراح يخطب ويتزوج ويعيش حياتة
جنت اتوقع راح يهدئ فترة ويرجعني لخاطر وجد بس طلع هذا كل ما يصير بس بلحلم
واليوم وبعد مرور شهرين على خطبتة
اليوم زواجة والبيت خبصة واني عرفت من اروى كل شوية وصاحت على اطفالة
...يلة بسرعة نلحك زواج خالكم
اعتقد متعمدة تسمعني لان اخوهة وبعتقادة ومو شي سهل السويتة وياة الله يسامحهم
طبعا اليوم الكل راح حتى مامة بس راحت مجبرة تنقهر علية بس بابة جبرة
صارت ساعة خمسة وسمعت صوت السيارات واني اباوع من شباك
واشوف الكل متجمع من عمام وخوال واصدقاء والكل مبين علية الفرح
واشوفة طلع اخ ياقلبي شتتحمل بعد
لابس القاط ومزين وشوية ضعفان بس لايكلة والضحكة موتتني يعني
فرحان راح يتزوج غيري
والحب الي جان يكنة الي وين راح معقولة جان كولة جذب فقط حب يكسرني
انتبهت الة  رفع راسة بتجاة بيتنة وبلخصوص غرفتي اعتقد شافني
بقى شوية يباوع علية ما اعرف شيقصد بنضرتة
بس شي اكيد مو ندم لا اعتقد يراويني انو هو ما مهتم
صعدوا السيارت والكل راح
حسيت هاهية خسرتة وراح الغيري
بقيت كاعدة وجد بحضني وبقيت اشكيلة على الصار بية كأنو كبير
بس العجيب اريد ابجي احس الدمع جمد بعيوني
انتبهت ليش ابجي اني دائما ليش اني الخسرانة كل وقت عندي ابني راح اعيش لاجلة وراح اعتمد على نفسي وما ابين الضعف لاي احد حتى ابني يستمد القوة مني ويكون سندي
ولازم ابدا اول خطوه ارتب نفسي لان هاملتة كلش
طلعت مكينة الحف وحفيت وجهي وبعدين رحت على مكياجي وخليت مكياج خفيف ولبست برمودة باوعت على نفسي حلوة مابية شي خطا وجسمي مرتب
من رجعو اهلي الكل اتفاجأ حسبالهم هم راح ابجي واعزل نفسي
....ها حبيبتي شعجب مرتبة نفسج وطالعة من غرفتج
....والله مامة مليت من الحبسة وعليمن ابقة محبوسة بلغرفة محد يسوة نموت نفسنة علية
....عفية بنتي اريدج دوم قوية وما يهزج احد
ضحكت واني بداخلي حزن عميق مستحيل يروح بسهولة بس لازم اتحمل واصبر وابين للناس قوتي
ومرات ايام وبيوم السبعة اجيت المامة وطلبت  منة اروح وياهم  حتى اتونس واشوف سعيدة الحظ
بلبداية ما قبلت بعدين وافقت بس كالت كلشي لاتحجين وكوني طبيعية
....صار مامة اصل اني اريد وجد يشوف بيت جدة ويشوفة بلكي يحبوة اشو هم ناكرية حتى بعد ما اتكدوا انو هو ابنهم محد بيهم اجة شافة اوانطاة شي
على العموم الله لا يعوزنة لحد
رجعت لغرفتي بدلت فستان حصر لونة ماروني غامق وشسورت شعري ولبست عدسات ومكياج خفيف
وبدلت لوجد اوفر ماروني طلعنة كيوت
كملت البس ورحنالهم
اول ما دخلت الكل اتفاجأ من وجودي سويت نفسي ما مهتمة وسلمت عليهم عادي بعدين سألت دانيا عن العروس كالت هناك
واشوفة بنية ناعمة بس حلوة ملامحة نازكة ومبينة هادئة
اجيت اسلم علية سحبتني عمتي ام وعد
.....شوفي ريم انتي ليش اجيتي حتى تسوين مشاكل ترى احنة بعد ما نسكتلج سلمي ورجعي لبيتكم ما نريد منج شي حتى ابنج اخذي
باوعت علية معقولة هاية نفسة عمتي الحنينة والمتسامحة هيج تجرح بكلامة
....مشكورة عمة اني اجيت حتى اسلم فقط وحتى اخليكم تشوفون حفيدكم وما عندي غاية ثاني وراح اسلم واروح ومشكورة ثاني مرة على سماحج لدخول البيت
اتقدمت سلمت علية بس بقت مستغربة ما عرفتني
....الله يبارك بيج حبي بس بلا زغرا بيج ما عرفتج
.....ما حاجة تعرفيني هسة  راح تعرفين بعدين وانشالة تتهنون بعض وسلميلي على وعد وكليلة ام وجد تسلم عليك وتتمنالك الحياة السعيدة
وعفتهم وطلعت
اول ما دخلت لبيت اهلي ركضت الغرفتي ردت ابجي مااكدر مااعرف ليش احس نفسي ميتة بدون مشاعر
وخلص اليوم عادي
ومرت شهرين والدوام على الابواب قررت ارجع اكمل دراسة عسى ولعل يقبلون حتى لو خارجي والكلية الله يحلة بعدين
رحت المامة وخبرتة بقراري كيفت بس بابة شيقنعة
والله وراها بيومين مامة كالت
....ابوج وافق تكملين سادس خارجي اما كلية اذا طلعتي معدل زين يقبل تكملين واذا معدل ضعيف ما تكملين بصراحة فرحت حلمي اكمل وادخل هندسة بس هسة طموحي صيدلة حتى اثبت للكل بعدني قوية
وبدأ الدوام وجبت الكتب وصرت ادرس كل الوقت وجد امي متكفلة بية
واني اصلا جنت داخلة دروس تقوية فعندي خلفية فالحمد للة امتحنت وجاوبت زين
وية اخر امتحان رجعت للبيت هلكانة ما نايمة وتعبانة دخلت للمطبخ وشفت وجد يزحف شلتة وبقيت ابوس بي بس فجاء انصدمت بدخول عمار المطبخ
عمار ؟
....ياقلب وروح وكيان ونفس عمار
شلونج ريمتي
.................
يتبع .