❤ابن عمي والحب❤

الجزء العاشر

لا وعد فدوة بس اسمعني والله حتى ما قاريتة والله اني ما خنتك ولا حجيت وية احد غيرك
اني احجي ومجلبة بايدة وهو داير نفسة مني
اني احبك وعد والله احبك لا تكول طالق والله ما اصبر على غيابك يوم
وهسة تريد تطلعني من حياتك
...عوفيني تعبت منج كل ما اكول احبة وما افرط بية تجيني صدمة منج تجرح قلبي
مليت من خياناتج ساعة واحد يخابرني ويكلي مرتك هيج وهيج وساعة اكتشف رسائل غرام وحب وكلام بذيئ بكنتور زوجتي وكل هذا جذب وانتي الصح
واحنة كلنا نعرف علاقتج بعمار وانتي تزوجتيني مجبرة وهسة تريديني اصدك انتي تحبيني صدكي  اني لعبت نفسي منج
وبعد مالي علاقة بيج وما يربطني بيج غير الولد وهسة لازم ترحين لاهلج ما يصير تبقين هنا
.... وعد ماما ما يصير حبيبي تصرف هيج شراح تفسر لبيت عمك
ولا تنسى ابوك مريض وما يتحمل ينقهر
....يوم تعبت بعدما بية اصبر عليها اكثر وهي ما تستاهل مني كل ذرة حب مني
والي يحجي خل يحجي اهلها اني اكلهم على سوالفها وابوية اكلة ما توالمنة وقررنة ننفصل
وانتي كافي تمثيل اطلعي خل اوديج لاهلج واخلصج مني ورجعي لحبيب قلبج
الي علمودة ما صنتي ابو ابنج
....وعد فدوة لخاطر ابنك اسمعني
.....شلووووون يالله ما اخلص منج
وصار يدفع بية وهو يلزم ايدي
روحي روحي خلصيني منج عساني لا شفتج ولا ازوجتج كلبتي حياتي
قهر بقهر
طلعت ودموعي تجري وصلت لاهلي تلكتني امي متفأجا من دخلتي عليهم ومن دموعي واني اصلا ما جايتهم من ازوجت
بس من شفتة ما تحملت حضنتة وبقيت افرغ همومي بلدموع
وعد دخل الالستقبال يحجي طبعا وية بابة ومهند
شوية وكبت العيطة واجاني بابة يركض ومهند وراه
...ولج عار شمسوية للولد ليش هيج ونزع تكرمون شحاطتة وصار يضربني ومااهتم يصير بية وبلطفل شي واني حامل
ومهند هم معصب ضربني راشديات
وساعة يوخر بابة
بعدين اتدخل وعد وبعدهم عني
واني متمددة على الارض واحس جسمي خدر وصرت اشوف الواحد اثنين همست بكلامات قبل لا افقد الوعي ارتاح وعد مني بس صدك اني احبك كانت هية اخر كلماتي لوعد قبل ما افقد الوعي
..حسيت نفسي كاعدة بيت وهذا البيت مليان زرع وخضار من كل جانب وبي غرفة تطل على حديقة رحت اشوف شنو بية
شفت وعد لازم شابة جميلة ويمشون بلحديقة طلعت امشي وراهم ما الحكهم بس بلاخير اجاني طفل جميل كمش ايدي وسحبني وصلني لعند وعد
فزيت على الم قوي بطني ودوخة براسي وريحة تعقيم شوية وبدت الصورة تتوضح
.....حمدلله على سلامتج حبيبتي انشالله يكبر وتشوفينة عريس
.....يمة ريم حبيبت قلبي موجوعة اصيحلج الدكتورة
.....هدى مامة ابني شلونة
.....لا تخافين علية قوي مثل امة فد ساعة ويطلعوة بعد ما ينظفونة
صدك شوية وجابتة امي والسستر
اول ما شفتة دمعت عيني حسيت روحة اغلى من روحي شكلة ملائكي
بس ملامحة بعدة ما مبينة لان بعدة
....حبيبتي ريومة ترى ابو سماة (وجد)
وكبر باذنة والعصر راح نطلع من المستشفى
...ها يعني وعد موجود هنا
....لا مامة حبيبتي هو من البارحة موجود بس من اتطمن عليكم رجع لبيتهم
...هاي هي الله وياة اني اعتبر خاينة بنضرة
...ولج ريم اني اختج ليش ما كولتيلي  انتي مع اتصال مع عمار واني احل المشكلة
...هدى لخاطر ربج حلي عني حتى انتي تشكين بية اني اسوي علاقة مع عمار واني متزوجة عوفوني اني تعبانة لاحد يجيب سيرتة بعد
سكتت هدى ومامة بس اعرف بداخلهم كلام هواية وشك بية
حق وعد من يشك بية هم اهلي الربوني شكو بية بقيت مقهور
والزاد قهري محد من اخواني اوبابة تباركلي او تحمدلي بسلامة
طلعت من المستشفى واخذنا سيف زوج هدى اختي
من شفتة تفاجأت معقولة لا واحد من خواني
اجة ياخذني حقة معذورين الهم الضاهر
رجعت البيت وغديرمحضرة غرفتي القديمة
من دخلت سلمت علية برود وعافتني حتى ابن اخوة ما شافتة
عذرتة لنفس السبب
بقيت بغرفتي وامي وهدى قايمات بية وبوجد
وجد حبيبي ابيض واشقر على وعد وعندة نفس غمازة ابوة وبعض من ملامحة
خلصت عشرة ايام واخذنة سيف زوج هدى حتى اشيل خيوط العملية
وطلعت من البيت اني وهدى لازمتني واشوف وعد باب بيتهم ينضف بلسيارة من شافنة غلس واستمر بشغلة ولا اهتم
صعدت بلسيارة واني عيني علية واباوع لتفاصيلة مشتاقتلة موبيدي قلبي يحبة خلصنة ورجعنة للبيت واستمر حياتي الروتينية واني بلغرفة
قررت اتصرف طبيعي يم اهلي حتى اذا هم زعلانين مني ما معقولة يبقون شايلين بقلبهم علية
وراح اخلي وجد وسيلة للصلح وخاصتا هم  يحبون الاطفال
فصار وكت الغدة والكل كاعد يتغدة دخلت اني وشايلة وجد
وحاولت اكعد يم مامة اول ما كعدت بابة استغفر الله وكام وكال شبعت
واحمد خزرني وكام وكال اروى  جبيلي اكلي بلغرفة
ومهند كام وكال انسدت نفسي عن الاكل
بقيت بس اني ومامة
حسيت صدك نفسي منبوذة من الجميع
ويجرحني ويكتلني اني مالي اي ذنب وبس رب العالمين يدري
رجعت لغرفتي حتى ما اكلت شي من القهرة
بس قررت ما استسلم واحاول وياهم يبقون اهلي وهم حقهم ما يعرفون الحقيقة
صرت احضر كل كعدة الهم وكل وجبة
بس نفس الشي من يشوفوني يكومون
ومرة عكدت الصبح اغسل لوجد وسمعت بابة يحاجي مامة
.....حاجي بنتج كليلة خل تبقى بغرفتة ولا تطلع منة ترى لا اني ولا خوانة طايقينة بس شنسوي غصبا علينة نتحملهة
اندارت امي شافتني واني ادموعي تصب
...اسفة  ابو احمد ازعجتكم بوجودي راح احاول ما اثقل عليكم واتمنى تتحملوني لحد مايفرجها رب العالمين علية .
وطلعت بسرعة واسمع امي تلوم بابة
ودخلت غرفتي الي صارت مكان الوحيد الي ابجي وافرغ بي همومي
وصرت مثل السجينة مال اي حق بلا طلعة اوافراج مجرد كاعدة وقت الاكل امي لو غدير يجبولياة
اما بيت عمامي اجت مرةام وعد وعمو وحسيتهم ايضا ضايجين من عندي وبيت عمو قاسم هم اجوي يسلمون
ودانيا مرات تجي تشوفني ودرت بسبب رسالة عمار هيج صار وكالت لازم اكللهم بس اني طلبت منة ما تخبرهم ما راح يصدكونة هسة يكولون هي متفقة وياها وبعدين تكبر القصة واني ما عاول اريد اخلص

وصار عمر وجد اربعة اشهر وصار حلو ومدنفش وصاحب خدود
وعد ولا يوم اجة سأل علية اواجة شافة
وبيوم اجت مامة وكالت بدلي لوجد ابو يريد ياخذة
...شنو مامة شنو ياخذة هذا ابني مامة فدوة لا تخلي ياخذة وصرت ابجي وروحي طلعت كلش ولا وجد صار قطعة من قلبي
....مامة حبيبتي لا تخافين ياخذة يحللة ويرجع
.....تجذبون علية مامة وجد مو مريض فدوة
....لا حبيبتي مو تحليل مرض تحليل وسكتت
....ها قصدج تحليل DNAيعني يشك بابنة وصلت بي لهاي الدرجة الله يسامحة وبابة شلون سمح بهذا الشي
...فدوة ريم خلي يسوي حتى تهدى نارة ويحس بخطأ  وبلكت ترجع المياة المجاريها
...اخذي مامة وكليلة دير بالك علية وانطي هاي الممة
خذتة مامة واني ضاق نفسي من الحزن كلت البشر حسبني خاينة وبس رب العالمين يعرف الي بلقلوب رحت توضأت وصليت وبقيت اناجي ربي على ما ابتلاني من حزن
وراها بساعتين رجع وجد وايدة زركة
اضاهر ساحب دم منة لعد هوة مو ياخذون من شعرة او لعابة
ماعرف
وراة بيومين طلعت نتيجة التحليل ايجابية وامي واهلي والكل فرح معقولة بنضرهم اني اسوي شي مو اخلاقي والولد مو ابن وعد
تحملت وسكتت اصلا ما يحقلي غير السكوت
وبيوم  طلعت غدير لبيت اهلها متأنقة ومتمكيجة واحمد ومهند وبابا كلهم مبدلين اني جنت اغسل ممات وجد واشوفهم
واسمع بابة يكل لاحمد منين هاي البني الي راح يخطبوها
...يابة اعتقد من عشيرة .... تعرفة خوش ناس
....اي بية الخير يلله خلصتو خل نطلع
هم طلعو واني ركضت الامي
.....مامة منو راح يخطب فدوة جاوبيني
.....حبيبتي لا تضوجين ولا تنقهرين كلشي قسمة ونصيب
.....يعني وعد وعد
................................
اسفة عن التاخير وانشالة هذا البارت طويل عوضتكم شوية 😉