حبيبه السلطان

p3

ثاني يوم من الصبح تريكت ويه عمي وطلعت للسلف وماشفت ساره بعدها .

كل اسبوع ازور بيت عمي خالد علمود الشركه بس ما شفت ساره ابد بعد ومااعرف شكو ضلت عيونها بعقلي.

بيوم جنه كاعدين انه وعمي خالد و مرت عمي بالسوك هيه وساره حسب ما سمعت من عمي .

دخلت مرت عمي تعيط وتلطم ووكعت بالكاع ركضنه الها تصيح ... بنتي خطفوها بنتي رجعولياها

تخبلنه شنو انخطفت شنو صار عمي شربها مي وكعدناها حتى تسولف النه

كالت .... من جاي نرجع صعدنه بتكسي و وصلنه لراس الشارع كتله نزلنه هنا حتى نشتري طرشي ونرجع مشي

دفعتله فلوسه ونزلت وهوه قبل لا تنزل ساره طار بكل سرعته ضليت اصيح ومحد ساعدني اجيت ركض لهنا

خالد فدوه اروحلك رجعلي بنتي خاالد .

عمي حالته تعبت رأسا وكع على الكاع ورجليه ما شالته .

اني خابرت جماعتي الي ببغداد وخابرت على جدي انطيهم خبر حتى يجون .

لليل البيت انترس زلم خوال ساره وكرايب امها و اولاد عمامي و اعمامي وازواج عماتي كومه ناس اجت

وجدي اجه وكعدنه مره ثانيه بالديوانيه وسمعنه القصه من ام ساره من جديد

خطيه بالكوه تحجي من البجي

جدي سألها... ما شفتي رقم السياره

كالت ... لا ماا نتبهت

سئلتها ... شنو نوع السياره

كالت ... سمند بيضه

كتلها ... امشيء ودينه وين نزلتوا خل نشوف بلكت احد مخلي كاميرا شيء ونعرف رقم السياره على الاقل .

اخذتنه للمكان وكلت لابن عمي محمد يرجع ام ساره للبيت لان حالتها مو زينه .

ضلينه نفتر بالمنطقه وجان اكو شخص واحد عنده كاميرا و من فحصناها مو واضحه ومااستفادينه شيء

عمي خالد كلش تعب وكعد على الرصيف انهد حيله

رحت يمه وكتله ... لا تخاف عمي نلكاها ان شاء لله

ضل يبجي ويصيح ... يا بويه بنتي راحت

وعدته وكتله ... عمي وعد اجيبلك ساره ومااخلي أي شيء يصيرلها

هز راسه ويتوسل ارجعله بنته .

                             ((((ساره))))

بعد ما نزلت ماما هددني السايق بسلاح ان مااعيط حاولت اشرد افتح الباب بس ماكدرت

ضليت ابجي وادعي بكلبي ميصيرلي شيء

مشه بيه السايق هووواي وصلنه لمنطقه مهجوره من كل شيء وجان بيها بس سياره سوده عاليه منتظرتنه واضح .

نزلني سحل واني ادفع بي واحاول اشرد ضرب راسي بالسياره حيل وهددني يكتلني اذا فتحت حلكي

سكتت وبس دموعي تحجي و اخذني للسياره السوده دفعني داخل السياره ونضربت ايدي حيل بالحديد وضلت تأذيني حسيتها نكسرت

صعدت بالسياره وصعد بمكان السايق شاب اسمراني طويل كلش ويخوف كلش لاف وجهه بشماغ بس مبينه ملامحه تخوف

وصعد بصفه رجال بالاربعينات وجان لابس كله اسود

السايق الي خطفني اخذ سيارته وراح و بصفي صعدو شباب ثنين متلثمين زين وموجهيلي اسلحتهم  ومشت السياره تقريبا نص ساعه نزلوني ببيت مهجور ويخوف

دخلوني لغرفه بيها فراش وضواها طافي دفعوني بيها وراحوا ضليت ابجي وادك بالباب محد يفتح

وجع ايدي موتني وتعبت كلش ... كعدت على الكاع وضليت بس ابجي مااعرف شنو مصيري و شراح يصيرلي

                       ((((سلطان)))))

طلعنه بسياراتنه نفتر بغداد كلها وخبرنه الشرطه ورحنه للمستشفيات وكل مكان ندور .

صارت ساعه خمسه الفجر وماكو اي شيء مفيد او اي خبر عن ساره .

رجعنه للبيت لان الولد تعبوا كلش

لكينه جدي منتظرنه بالباب هوه و عمي خالد

جان واضح من تعبنه ان ساره ما لكيناها لذا حتى ما سئلوا

جدي كال ... لازم ننتظر اتصالهم اكيد يردون فديه

دخلنه كلنه للديوانيه ومنتظرين وبس صوت بجي ام ساره وعم خالد يسكت بيها هوه الصوت المسموع .

صارت الساعه ب ٨ وربع دك رقم على عمي خالد

فتح مكبر الصوت وكلنه كعدنه نسمع .