حبيبه السلطان

p5

(((((ساره)))))

بقيت كاعده بالزاويه الى ان حسيت ان الشاب الاسمر اجه كعد يمي وبده يلعب بشعري

ضربته حيل ووكفت حتى اشرد منه اجه هوه تقرب مني وحصرني بالزاويه وبده يبوس بيه بطريقه مقرفه

اتمنيت نفسي ميته ولا هاي حالتي حاولت أصرخ وسد حلكي و تمزقت جزء من ملابسي ضلت ملابسي الداخليه واضحه وجسمي واضح .

بديت ابجي واضرب بي وهوه مسيطر عليه بقوته

الى ان سمعت صوت السركي ينفتح والباب يندفع و بصدمه فتحت عيوني وشفت سلطان ركض سحب الولد عني وبده يضربه بكل قوه اني لميت نفسي وبديت ابجي واني اشوف سلطان مره ينضرب ومرات يضرب الولد

بعد دقايق مااعرف شكد دخل عمي ماهر وابن عمي واخذو الولد من سلطان .

اني ضليت منهاره وابجي بهستريه .

(((((سلطان ))))

اجه عمي ماهر و محمد أخذوا الحيوان من ايدي قبل لا اقتله .

شفت ساره كاعده بالزاويه وتبجي حيل ركضت الها وسئلتها ... سوالج شي

وهيه بس تبجي وماتجاوب خلت الشيطان يلعب بعقلي

صحت عليها ... كليلي سوالج شيء ااااحجي

هزت راسها بخوف ب لا وشمرت نفسها لحضني وتبجي وتصيح ... لا والله لا ، الحمد لله اجيت بسرعه الحمد لله .

جانت ملابسها ما محتشمه و جسمها مبين ف نزعت شماغي وغطيتها ورحت اخذ صايتها من الكاع .

لبستها واخذتها لسيارتي وهيه بالكوه تمشي .

عمي ماهر ومحمد وجماعتي انصدموا وخافوا من منظرها خاف صارلها شيء بس ماانطيتهم مجال يسألون لان صعدتها ورحت كلت لعمي ماهر ان ماكو شيء صار لتخاف و كال ... الشرطه جايه راح نسلمهم للشرطه

سئلته على عمي خالد... كال الشرطه راقبت الفلوس ومن اجوا ياخذوهن لزموهم قبل لا ياخذوهن

كتله ... الحمد لله ، لعد اني راح اوصل ساره للبيت

كال ... ماشي

ورحت للسياره دخلت وجانت ساره بس تبجي وجعت كلبي ببيجيها بس مااعرف شكوللها احس الكلمات طارت من عقلي

بالكوه كدرت اكوللها ... كافي لتخافين ما صار شيء واحنه رايحين للبيت هسه وانسي كلشيء صار

كالت بغصه وهي تبجي ... سلطان حسيت هذي النهايه ما توقعت راح توصلون قبل لا انتهي

وباوعت عليه واني عين على الطريق وعين عليها وكالت ... شكرا الكم شكرا

ابتسمتلها ومسحت على شعرها الي جان طالع نصه من شالها وكتلها ... ماكو داعي تشكرينه احنه عائلتج
وهسه ارتاحي ولتفكرين بشيء