حبيبه السلطان

p4

(((((((ساااره)))))

بالكوه نمت من الوجع مال ايدي يمكن غفيت خمس دقايق ودخل عليه واحد ما اعرفه.

انطاني بطل مي و باكيت بسكت

كتله ... فدوه اريد مسكن ايدي تأذيني

ما جاوب وطلع وره شويه جابلي حبايتين شربتهن كدامه وهوه يباوعلي بنظرات مقززه

لفيت حجابي عدل و غطيت كل جسمي ما لازم اخليهم يلمحون ولا شيء من جسمي اذا ردت اطلع منا بسلامه .

نمت وره ما اخذت المسكن و كعدوني الصبح بضربه على بطني خلتني ابجي من الوجع

اجه الرجال الجبير و وثنين وياه مسلحين وكال بعياط...راح نتصل بأاهلج تكولين ان انتي زينه وتكليلهم ينطون الفلوس حتى نرجعج مفهوم !!

هزيت راسي بسرعه بس اريد اسمع صوت اهلي بلكت ارتاح

اتصل من اول دكه انفتح الخط سمعت صوت بابا كال ... الوو ساره

واني متت من البجي واصيح ... بابا انقذوني بابا

ابو ساره .... ساره بابا لا تخافين جاين احنه نطلعج لا تخافين بابا

شوي وانجر الموبايل وسمعت صوت امي تبجي وتكول .... يمه بنيتي يمه حبيبتي لا تخافين جدج هنا والكل هنا لا تخافين نلكاج يا يمه

اخذ الرجال الجبير الموبايل من ايدي وكال ... اذا تردون بتكم  ف لا تخافون اول وتالي ترجعلكم بس اذا تردوها قطعه وحده ف لازم تدفعون بس ثلاث شدات او راح ارجعلكم بتكم لحم مثروم

سمعت صوت جدي يجاوبه وكال ... لا تأذوها وفلوسكم توصلكم بس اذا تأذت خصله من شعرها راح تتندمون

جاوبه الرجال وكال ... تتدلل حجي محمد بس حضر الفوس منا ل باجر هيج وقت ونرجعلكم بتكم الحلوه

وسد الموبايل .

(((( سلطان ))))

بعد هذا الاتصال جان الكل عصبي وخصوصا اني حسيت الشيطان يركص فوك راسي من الاعصاب

جمعنه جدي بالديوانيه وكال ... واضح ان همهم الفلوس و واضح ان همه يعرفوني ولان خالد بعيد عن السلف استهدفوا بنته لذلك مادام همهم الفلوس فالشغله سهله ان شاء لله.

صارت الساعه بالخمسه العصر واني وجدي و ابوي طلعنه للشركه الي ببغداد قررنه نبيعها بأي سعر وناخذ فلوسها علمود الفديه وبعد هالحادثه قرر جدي ان بيت عمي خالد يرجعون للسلف لان امان اكثر.

الساعه ب ١٢ بالليل جانت الفلوس جاهزه و البيت عرضناه للايجار لان بس نرجع ساره ناخذ بيت عمي ونرجع لديرتنه .

انتظرنه على نار اتصال الخاطفين صارت ب ٨ الصبح ومااتصلوا بدينه نخاف والقلق اكلنه .