((((((سلطان))))))
ام ساره ساءت حالتها فبسرعه وديتهم للمستشفى واتصلت على جدي ينطي خبر لعمي خالد
دخلوا ام ساره لغرفه الطوارى من عرفوا ان عدها فتحه بالقلب .
وضلينه منتظرين وساره دموعها ما نشفت .
دقايق ووصل جدي وعمي خالد .
وساره بس شافت ابوها ركضت لحضنه وتبجي .
هدأها وكعد هوه وياها على الكراسي وبدأ يسال شصار .
هيه ماتكدر تحجي فتكفلت الوالده العزيزه بأن تشرحلهم الي صار
عمي خالد صار يستغفر الله ويحاول ما يخلي الشيطان يوسوسله ويسوي جريمه .
جدي جان كاعد على الكراسي ومنتظرين الدكتور يطلع ونعرف شبيها .
((((((((ساره))))))
كعدت على كراسي الانتظار وحسيت رجليه متكدر تشيلني بعد .
شويه وطلع الدكتور ماكدرت اكوم لان حسيت اذا كمت راح اوكع اني هم ويحتارون بيه .
فظليت كاعده وبعد ما الدكتور فهمهم وضع ماما اجه بابا يمي فسئلته ... شكال
كال ... امج وضعها صعب وكلبها تعب اكثر ولازم الها عمليه بالخارج لان هنا مو ناجحه
سئلته ... ايي خل نسافر ونسويلها بسرعه
هز رأسه وكال ... امشي خل نشوفها
كتله ... بابا روح انته هسه اني بس تشوفني هيج تنقهر خل اغسل و اجي
كال ... تمام
وراح بس قبل لا يدخل غرفه ماما لزمه جدي وصار يحجي وياه بموضوع وبابا بس يهز رأسه موافق مااعرف شكو
باوعت لسلطان جان منتجي على الحايط ويباوع عليه بدون ماانتبهه
سئلته ... تعرف وين الحمامات
كال ... امشي اوديج
كمت وحسيت الدنيا ظلمه شوي وردت اوكع بس سلطان لزمني .
اجه بابا بسرعه ولزمني بخوف ... ساره بيج شيء بابا
كتله ... لا بابا بس شويه دخت
كال ... سلطان تكدر توصلها للحمامات وتشتريلها هم شيء تاكله
كال .... بعيوني عمي .. يله ساره
لزمت الحايط حتى ماا اوكع ومشيت وياه .
وصلني للحمامات غسلت وجهي وعدلت شالي وطلعت
كال... اكو مطعم هنا يبيع لفات امشي نشتري
ما جنت جوعانه بس رحت وياه لان بأاحتمال جبير راح يغمى عليه .
(((((الكاتبه)))))
دخل ابو ساره لغرفه المستشفى الي بيها ام ساره
أنت تقرأ
حبيبه السلطان
General Fictionحاصل على المرتبه الاولى في #فن شلون راح تكدر تعايش بنيه كضت عمرها بتركيا وفجأه تلكه نفسها بالسلف بأامر من جدها . شلون تتحمل عادات العرب و شلون تتقبل افكارهم مثل النهوه وغيرها مو مهم تتقبل شيصير لو اضطرت تقبل بكونها نهوه لشخص كل ما تحاول تستلطفه تتر...
