حبيبه السلطان

النهايه

((((((ساره)))))

دخلنه سلمنه وكعدنه شوي واتصلت بااهلي كالوا بالتسعه احنه بالبيت ان شاء لله

كعدت يم البنات ازهار و بنت عمتي شهد دنسولف نوب اترخص كلت بحجه اعدل جنطتي اصعد فوك

من جاي ادخل سمعت صوت عمه كواكب تحجي وياه سلطان وتكله ... ليش ما جبت بياضها

كللها ... يمه تعرفين مااحب هاي الشغله

كالت ... ولك يالمكرود خوفي تطلع مو بنيه وما جايب بياضها

صاح بيها ... شفتيني مكرن واخذ وحده مو بنيه

خله وطلع مااعرفت اشرد بوقتها فأانصدمت بي هوه باوعلي وطلع

عمه كواكب اجت باوعتلي من الطول للطول وراحت

هزيت ايدي وكعدت بغرفتي لليل ما شفت سلطان لا بالبيت ولا بالديوان سئلت أزهار كالت ... مااعرف راح للشركه يمكن

رحت عدلت غرفه ماما وبابا واخذت علاجي وصارت بالعشره وربع دخلوا اهلي ركضت حضنت ماما وبوستها ودخل بعدها بابا وسلطان

يعني سلطان راحلهم للمطار ما راح للشركه

كعدت ويه ماما طول الليل نسولف وهيه تعبانه واني تعبانه ونسولف هلكد ما مشتاقتلها

صار الليل ابوي دخل ... كال يله بويه روحي لرجلج

كتله ... بابا ابقى يمكم اليوم

كال ... بويه ما يصير وانتوا عرسان

كتله ... بابا عادي سلطان ما يحجي ابقى يم ماما اليوم

كالت ماما ... لعد روحي انطي خبر وتعاي خاف ينتظرج

كمت امري لله رحت للغرفه دخلت جان ديشتغل على حاسبته من شافني سدها وكال ... شعجب اندليتي درب الغرفه

كتله ... سلطان راح انام يم ماما اليوم

هز ايده وكال ... ان نمتي هنا او هناك شالفرق

رغم ما مانع بس حسيته انزعج

رحت لماما ونمت بحظنها هيه خطيه من التعب بسرعه نامت اما اني لا تغير مكاني ما كدرت انام احس تعودت انام بصف سلطان

صارت ب ٣ وما كدرت انام سحبت روحي بخفه وكمت رحت للغرفه دخلت لكيت سلطان نايم تمددت يمه وقربت جسمي اله لان جان الجو بارد و استغليت نومته فأخذت ايده حظنتها ونمت .

((((((سلطان)))))

جنت اشتغل على الحاسوب وادخن لل ٢ وثلث نعست رحت انام حاولت انام مااكدر عبالك ناقصني شيء

ظليت اتكلب الى ان دخلت ساره وانه سويت روحي نايم .

اجت تدنت يمي ونامت نوب اتقربت واخذت ايدي ونامت

وكتها حيل فرحت لان مو بس انه الماكدرت انام بدونها هيه هم ما كدرت .

غفيت وانه اشتم شعرها وكعدت على صوت المنبهه