حبيبه السلطان

p14

ثاني يوم الصبح كعدت على صوت سلطان ديتصل وما فهمت منو ديتصل بي

من شافني كعدت خله وطلع بالبلكونه يدخن وكمل اتصاله ومندمج لابعد حدود .

حتى ما كالي صباح الخير شكد عديم ذوق

عفته واخذت موبايلي اتصلت على بابا وحجيت ويه ماما وكال حالتها احسن هنا بس لازم تسوي العمليه و سئلني شلونؤ ويه سلطان ومن هالحجي وسده

تقريبا بالنص ساعه احجي ويه بابا وسلطان بعده .

رحت سبحت وشسورت شعري ولبست فستان بيتي ورفعت شعري وخليت كحل و حمره وطلعت لكيت سلطان على الجربايه ويضحك ويه مجهول الهويه الي ديتصل

كتله ... سلطان ويـ ....

وقبل لا اكمل اشرلي اسكت وكال بالتلفون ... لا حبيبتي محد يمي

وكام مره ثانيه للبلكونه يضحك ومتونس

مااعرف اذا احساسي غيره او أي انثى بدالي جانت راح تحس هيج

بس جنت كلش عصبيه و احتاريت شسوي .

وهوه ما مهتم بس يضحك

شدتحجيليه مثلا حتى لهل درجه يضحك شهل تفاهه

صرت افتر بالغرفه واروح وارجع ومااعرف شسوي .

(((((سلطان)))))

الصبح جنت اتصل ويه سكرتير بالشركه ومندمج وياه وحتى ما صبحت على ساره

بعدين كلت اساسا احنه متعاركين شكو اصبح عليها

شفتها دخلت تسبح دخلت للغرفه وكعدت العب بموبايلي ومن سمعتها راح تطلع سويت نفسي دأتصل ومتونس واضحك
راد تحجي قاطعتها وكلت ... لا حبيبتي محد يمي

عرفتها كلش تنرفزت

رحت للبلكونه وصرت اتابع تحركاتها من انعكاس الجام و متت من الضحك عليها اخير شيء سمعتها تكول شيء صدمني ما عرفت بيها لهل درجه غيرانه

(((((ساره)))))

حسيت الي ديتصل وياها حبيبته واحتمال ما تعرف بزواجه وفكرت شسوي وما احس الا واني اصيح بدلع وقريبه عليه حتى يسمع ... حبيبي سلطان يله تعال نسبح

متت خجل من كلمتي بس شفته بعدين مصدوم وسد التلفون ودخل .

((((((سلطان)))))

سويت نفسي عصبي وصيحت عليها ... شلون تسوين هيج هسه شكوللها

صيحت ... لا بالله هذا الهامك كوللها الحقيقه ليش تخدعها

وصلت للي اريده فرجعت امثل العصبيه وصيحت ... وشنو الحقيقه بالله شلون افسرلها صوتج وكلماتج

عاطت بترفز ... يسفر تهي بهي فسرلها عمي كللها اعذريني هاي مرتي متدري بيه داتصل بيج

كتلها واني بالكوه مسيطر وما اضحك ... مرتي شنو انتي البارحه تكولين ما متقبله اني مرتك هسه شلون اكوللها مرتي وانتي حقوقي ما منطيتني فأاكيد ادورها عند غيرج