((((((ساره))))))
ثاني يوم بعد ما محملنه اغراضنه صعدنه بسياره سلطان اني وماما وبابا ومحمد و طلعنه بطريق كلش طويل
نمت من التعب وكعدتني ماما كالت ننزل نصلي و نتغده دخلت ماما وبابا وكتلها اني اعدل حجابي واجي نزلت واني بعيوني النعاس واول ما نزلت من السياره وكعت على محمد الي جان ديلبس حذاءه
محمد ... الله الله ديري بالج يمعوده
... اعتذر ماانتبهت
سلطان جان واكف ويباوع بنظرات مااعرف افسرها
وكال ... انتبهي من تمشين ويله ادخل محمد خاف عمي محتاج شيء
دخل محمد واتقرب مني بعيونه نفسها العصبيه وكال ... ممنوع بعد اشوفج قريبه من محمد فاهمه
اني منا نعسانه ومنا تعبانه كتله .. وانت شدخلك جديات شعليك انت بتصرفاتي
ضرب السياره بوكس ورجع باوعي وكال... ساره لا تخليني اعيد كلامي محمد مااشوفج قريبه منه
تجاهلت كلامه ودخلت للمطعم .
شفته بأانعكاس الزجاج مال مطعم طلع جكاره ودخنها
بوقت الغده ما صار شيء ينذكر فبعد الغده طلعنه ونزلنه يم جامع صلينه وكملنه طريقنه ساعه ب ١٠ وصلنه لبيت جدي .
جان بيت جدي اشبهه بتصميم القصور كلش جبير ومن بعيد ينشاف هلكد ما جبير .
اتقربت سياره سلطان وجان اكو حارس فتح البوابه مال ساحه القصر ودخلت سياره سلطان و وراها سيارتين محمله بااغراضنه .
استقبلونه بيبيتي وجدي وعمي أزهر
ارتاحينه ساعه طبعا بس جسمنه ارتاح اما حلكنه و اذاناتنه راحت من السوالف ناس هواي عايشه بالقصر شلون نعيش احنه هنا .
طبعا جدي محضرلنه غرفتين لامي وابوي غرفه والي غرفه دخلوا الشباب الاغراض وشدوهن والبنات رتبن الملابس بسرعه بحيث اني بس رحت ونمت بالغرفه من التعب .
(((((((سلطان))))))
كعدت الصبح ورحت للمطبخ اشرب مي قبل لا ادخل سمعت حجي النسوان يحجن على ساره ويكولن ...
يا مسكينه جا هاي بعد منهو ياخذها اذا اغتصبوها
وثانيه تجاوب ... حبيبه ديري بالج على محمد تره هواي يباوعلها
وأزهار تكول ..... تره امها كالت نقذها سلطان قبل لا يصيرلها شيء
وتجاوبها ورده ... شوف هاي الغبره تضلين غبره انتي يا نقذها غير محمد كال ملابسها مشككه من طلعوها اكيد اغتصبوها بس محد يكول .
ضليت صافن ماادري شسوي البنيه سمعتها راحت بسببي
لو مسكت امي لو كايل لجدي من البدايه على حجيها جان محد كدر يحجي على هالمسكينه .
أنت تقرأ
حبيبه السلطان
General Fictionحاصل على المرتبه الاولى في #فن شلون راح تكدر تعايش بنيه كضت عمرها بتركيا وفجأه تلكه نفسها بالسلف بأامر من جدها . شلون تتحمل عادات العرب و شلون تتقبل افكارهم مثل النهوه وغيرها مو مهم تتقبل شيصير لو اضطرت تقبل بكونها نهوه لشخص كل ما تحاول تستلطفه تتر...
