ايمان : اتفضل حضرتك
عبدالرحمن بسخريه: حضرتك مؤدبة قوى
ايمان وهى بترفع وشها : انت
عبدالرحمن ببرود : ايوا انا
ايمان مصدومة : انا هقول ان انا مش موافقة دا مستحيل اتجوزك انت
عبدالرحمن ببرود : ليه ياختى
ايمان : يعنى اصوم اصوم وافطر على بصلة
عبدالرحمن: انا بصلة ياباردة
ايمان : انت والله اللى بارد
عبدالرحمن: بارد بارد بس تطلعى تقولى انك موافقة
ايمان : ليه ان شاء الله ماسك عليه زله ولا ايه
عبدالرحمن: لا بس هتوافقى غصب عنك انتى اصلا تطولى
ايمان بغضب: مش عاوز اطول ولا هتجوزك انت
عبدالرحمن ببرود: خدى وقتك بس اعملى حساب للى حوليكى مثلا امى اللى هى عمتك هتتعب ولا خالى احمد اللى عندة السكر وتعبان وعاوز يفرح بأى طريقة بولادة ولا صله الرحم اللى هتزداد والأخوات يبقوا اقوى والزيارات تزيد بينهم يعنى لازم تفرحى الكل ومتبقيش انانيه
وخرج عبدالرحمن وايمان واقفة ساكته ودخلت بعدة
احمد : ايه ياولاد عملتوا ايه رأيك ايه ياايمان
حمدى : عاوزين نسمع رأيك يادكتورة
ايمان بكسوف ووش احمر : موافقه
الكل بارك وحددو معاد الخطوبة اول الشهر
ايمان زعلانة وبتكلم صحابها
ايمان: انا خطوبتى اول الشهر
الكل : مبروك ياايمى
رحمة : عقبالى يارب 😂
دينا : عقبال الفرح ياامونه
الين : انا هتخطب قبلك بس يلا نحجز الفساتين مع بعض
دينا : ايمان مالك انتى مش مبسوطة
ايمان: لا عادى بس قريبه بس والعريس حلو كمان يادودو
دينا : هههههههه عاوزين نشوفه يلا
ايمان: ماشى هبقا اشوف صورة ليه
وقفلت ايمان معاهم ونايمه على السرير بتفكر
ايمان: هو انا انانيه بجد بس ليه بيحصل كدا انا كان نفسى فى قصة حب وواحد بيحبنى وابقا فرحانة بس بابا فرحان وماما واخواتى كمان يبقا انا فرحانه بس هو عيل بارد وقليل الادب كمان
وقعدت ايمان تفكر لغايه مانامت
الصبح بعد الفطار
أميرة: لازم نجهز كل حاجه مفيش وقت هما 3 اسابيع
ملك : ماما انا عاوزه فستان جديد
منه: وانا كمان
احمد طب أهدى كدا مفيش حاجه القاعة وعبد الرحمن اتفق هتبقا بالنص وانا معايا فلوس فى الدفتر هسحبها ولما نقبض الجمعية اخر الشهر الجاى نبقا نحطهم
أميرة : يعنى هتسحب 15 الف ولا عشرين على اساس الجمعيه 20 الف
احمد : لا 15 دا خطوبه يعنى ومش هتكلف كتير
ملك : هتعطينا كام للهدوم وفستان ايمان
احمد: عبدالرحمن قال الفستان والكوفير بتوع ايمان عليه
أميرة : ربنا يصلح حاله كتر خيرة
ايمان دخلت
ايمان: انا هروح المنصورة بكرا مع الين والشله عشان نختار الفستان
احمد : هى خطوبة الين امته
ايمان: قبلى باسبوع
احمد : ماشى طب ودراستك ياحبيبتى
ايمان : الشهر دا مش هروح غير المحاضرات المهمة بس ومش هروح السكن الشهر دا
أميرة : ماشى يابنتى انا هبدأ ادعى الناس وعيلتى بقا واعرف الناس
عند عبدالرحمن
فاطمة : انا مبسوطة قوى
سلمى : اشطاا بقا انا عاوزه فستان جديد بقا خطوبه اخويا
فاطمة : ماشى ياحبيبتى شوفى حبيبه وبنات خالك واللى انتى عايزاه
وانت ياحسن هتجيب هدوم ولا بدله
حسن : لا ياماما هجيب بدله انا وادم ويوسف
فاطمة : ماشى يا حبيبى وانت ساكت ليه ياعريس
عبدالرحمن: عادى هقول اية
يوم خطوبة الين .....
