جية يوم الخميس
ايمان:يلا تعالوا ياعيال بقا عشان تحطولى ميكب حلو كدا انا بفرح ياعرر
رحمة: الله فاكرين ياعيال ايام 3 ثانوى كنا بنتمنا واحده فى الشلة تتخطب عشان نفرح
الين: ههههههههه دلوقتى الخطوبات نازله واللى تتخطب وتتجوز وتتخطب
ايمان: طب يلا تعالوا بقا انا اصلا خلصت كل حاجة من بدرى
اسراء: وعملتى ايه ياشاطرة
دينا: اسكتى هتتحرجى دلوقتى انتى قد ايمان فى العمايل 😂😂
ايمان: بس بقا والله عملت حاجات كتير بس اشتريت حلويات من برا
الين: يعنى مش هنيجى تمسكينا المطبخ 🙁
ايمان: لا ياحلوين اخلصوا بقا ساعة والقيكوا هنا
رحمة: طب عملتى اية قولى
ايمان: بشاميل طبعا عشان دودو حبيبتى ورقاق عشان الين قلبى ورز بالكبدة زى بتاع الافراح لاسراء حبى وفراخ عشانك عشان عارفة انك مش بتحبى اللحمة وكباب يعنى مظبطة الجو هنا
الين: نص ساعه واكون عندك😂😂
اسراء: لا انا خلاص وصلت😂😂
رحمة:يابنتى افتحى الباب انا جيت😂😂
ايمان: طب يلا ياخفة منك ليها متتأخروش
دينا: يوسف هيجى ياخدنى وهكلمه اهو
ايمان: اخلصوا بس
..................................
......:ياهانم زين بيه حجز وهيوصل كمان ساعتين
......: خلاص جهزوا نفسكوا التنفيذ بكرا
......: حاضر ياهانم
......: أما نشوف هتعمل اية بنت البندر دى لما كل اهل البلد يقولوا عليها نحس جابت الخراب لجوزها واضرب بالنار فى شهر الجواز
......................................
عبدالرحمن: يوسف اخلص بقا وهات خطيبتك وتعالى بقا يابارد
يوسف: خلاص ياعم خف
عبدالرحمن: اخلص يلا
.................
ملك: ماتخلينا شوية كمان يازين والنبى
زين: مرة تانية أن شاء الله يبقا شهر عسل بجد
ملك بخجل: خلاص ماشى بس زين مش عارفة حاسه ان فى حاجة هتحصل
زين: لا مفيش حاجة
ملك: ماشى
.................
ايمان: عبدالرحمن خلاصبقا البس يلا
عبدالرحمن: اتعملك خطوبه اهو وفستان واكل وكل حاجة مفكتيش فى انك تصورى بالمرة
ايمان : ودى تفوتنى هنصور طبعا بالكاميرا بتاع يوسف هو هيصورنا وهنطلع الصور عادى🤗🤗
عبدالرحمن: شكلك كدا مرتبة لكل حاجة
ايمان: ايوا خطوبتى اللى بحلم بيها هعمل كل حاجة فيها
عبدالرحمن: حلمك صغير اوى بيها المفروض قاعة فوتوغرافي يعنى وشغل قاعات
ايمان: لا انا بحب كدا البساطة عشان آخد راحتى
عبدالرحمن: طب يلا ياختى اخلصى
.......................
تانى يوم
عبدالرحمن:اصحى بقا ياايمان انا بقالى ساعة بصحيكى
ايمان: بودى قلبى سبنى شويه كمان عشان خاطرى
عبدالرحمن: بت قومى عشان متهورش بكلامك دا بودى وقلبى انتى عاوزة ايه
ايمان: نعم خير كل شويه تيجى ليه هنا
عبدالرحمن: ايه مش عاوزة تصحى
ايمان: لو سبتنى كمان شويه هعملك اللى تعوزه سيبنى بقا
عبدالرحمن بخبث: ماشى هسيبك كمان شوية بس تنفذى اللى اقولك عليه
ايمان بنوم: حاضر
.................
بعد ربع ساعة
عبدالرحمن: ايمى امونه يلا ياحبى اصحى
ايمان: صحيت اهو كل شوية تيجى تصحينى صحيت
عبدالرحمن: طب يلا ياحبيبتى عشان نوصل قبل صلاه الجمعة البلد
ايمان: صح هى الساعة كام دلوقتى
عبدالرحمن: الساعة 9 ياحبيبتى
ايمان وهى بتقوم جرى: ومصحتنيش من بدرى ليه ينفع كدا نتأخرى
عبدالرحمن: نعم يا اختي ومين اللي بيصحى فيك من ساعتها
ايمان: بجد انت بتصحيني من زمان
عبدالرحمن: دي رابع مره ادخل فيها يعني اصحيكى
ايمان: عشان نمت متاخر وسهرنا امبارح
عبدالرحمن يتلاعب: طب يلا جهزي عشان تعرفي بقى الطلب اللي انت قلت لي هتنفذيه
ايمان بستغراب: طلب اية
عبدالرحمن:وانت نائمه قلت لي والنبي يا قلبي سيبيني شويه سيبيني شويه وانا انفذ لك اي طلب تطلبه
ايمان: انا قلت كده
عبدالرحمن:اه ولا انتى مش قد كلمتك
ايمان: لا عادى عاوزنى اعمل ايه
عبدالرحمن: اما تخلصي هقولك
ايمان: ماشى اطلع برا بقا عشان اغير
عبدالرحمن بغمزه : عادي بقى انا جوزك برده
ايمانبغضب مصطنع: عبدالرحمن
عبدالرحمن بضحك : خلاص طالع اهو
...................
.....:ست هانم انفذ النهاردة
.....: ايوا باليل وهو راجع بس مايموتش فاهم
......: فاهم ياهانم
.....لنفسها: أما نشوف بقا بنت البندر دى هتعمل ايه
...........................
ايمان:دومى ياقلبى هتتجوز يابيضة
ادم بغيظ: ايه بيضة دى يابت انتى
ايمان بضحك: اخيرا هشوفك عريس ياعسل انت بلاش بيضة
ادم: عبد الرحمن خذ مراتك وأبعدها عنى عشان مخلاهاش هى اللى بيضة
عبدالرحمن: مراتى تعمل اللى هى عاوزاه
ايمان: 😛😛😛
ادم: انا اللى قايم طفله هى بتطلع لسانها
عبدالرحمن: ملكش دعوة حبيبتى
ادم: حبيبتى اه الله يرحم اول مره اتقابلتوا
ايمان: ملكش دعوة 😂
ادم: ماشى بس امى شوفى امك يلا عشان نروح نتغدى هما الستات كدا دائما متأخرين معرفش لية
عبدالرحمن: اختك دى انا بصحى فيها من الساعة ه7 وصاحية 9 وخارجة 10 من الفوضى
ايمان: مش البس براحتى
ادم: طب يلا ياختى
ابو ايمان: ياولاد هروح انا وامكوا بالعربية وانتو تعالوا مع بعض
ادم: طب اجى معاكوا منه هتتأخر
عبدالرحمن بضحك: مستعجل كدا لية اتقل شوية 😂😂
ادم: شوفت يابابا هو ومراته مش سيبنى فى حالى
ايمان من وراه: مالها مراته بقا
ابو ايمان:يلا احنا هنسبق احنا
ايمان: ماشى يابابا خد بالك من الطريق
...........................
فى عربية عبدالرحمن
ايمان: تعالوا نتكلم ملك فيديو عشان زعلانه أنها مش معانا
منه: يلا
ايمان: لوكه حبيبتى اخبارك
ملك: انا كويسة بس زعلانه انى مش معاكوا
ادم: كويس انك مش هنا لو كنتى هنا كنا مخرجناش من دلوقتى
ملك:كدا يادومى زعلانه
ادم: دا انا بهزر المروح من غيرك وحش والله
منه: اية بقا داخلين على حزن احنا رايحين نقرا الفاتحه بس ونحدد لسه الخطوبة
ملك: بت يامنه وحشانى اوى يابت
منه: بت بردوك مشى ياملك من هنا
عبدالرحمن: وانا نستينى ولا اية انا السواق بتاعهم
ملك: عبدو عامل اية لسة بتجيب شكولاته
عبدالرحمن: انتى بتسألى عالشكولاته مش عليا
ملك: ايوا 😂😂😂😂
عبدالرحمن: ايمان حوشى التليفون ده من وشي واطية
ملك : ماشى😂
ايمان: عامله اية عندك ياحبيبتى
ملك:والله يا ايمان المكان هنا حلوه قوي حبيته جدا وزين لطيف وطيب بحبهم هنا جدا وفعلا طلع عندك حق لازم نعيش في المكان عشان نعرف مكان حلو قوي ولا وحش بس انا خلاص حبيت الصعيد
ادم: حبيت الصعيد ولاحبتي زين
ملك بحب: الاتنين حبيتهم
منه: طلعتى رومانسية وبتحبى اهو يالوكه
ملك: ملكيش دعوه يابت
ايمان: خلاص ياحبيبتى هنقفل وابقا اكلمك باليل أما نرجع ماشى
ملك: ماشى سلام ليكوا كلكوا 😂
...................
وراحوا قعدوا مع بعض كلهم واتفقوا ان الخطوبه هتبقى بعد شهر من النهارده ويقع لما يحجز القاعه بقى و يضبطوا نفسهم والقعده خلصت على كده
.................
الغفير: زين بيه انت اتأخرت جوى النهاردة روح انت يابيه
زين: لسه فى شغل كمان
الغفير: البيت اتصل وبيسألوا عنك
زين: خلاص هروح انا ونكملوا بكرا
الغفير: ماشى يابية اچى امعاك
زين: لا هروح انا
زين خلاص قرب من الدوار بتاعهم وفجأة نزل عربيه قطعت على الطريق ونزل واحد ملثم وضرب عليه نار
ملك: ياماما فى صوت نار فى حاجة برا زين فين
ام زين: اهدى يابتى خير تلاقى حد من الغفر بس
ملك بتعيط: لا انا عاوزه زين
خديجة: اهدى ياملك زين زمانه جاى
الغفير: ياحاج ياحاج الحقنا ياحاج
الجد: فى اية ياواد
الغفير: زين بيه ياحاج
الجد : ماله ياواد اتكلم
الغفير:حد ضرب عليه نار
ام زين بصريخ: ولدى
ملك: زين واغمى عليها
