بعد شهر ونص ايمان خلصت امتحانات والفرح بكرا خلاص والكل فى البيت فرحان خلاص أول فرح عندهم
الليله الحنه
ايمان متجمعه مع صحابها وقريبها وفرحانين وحنه بقا وهيصه
تانى يوم الفرح
ايمان جهزت فى البيوتى سنتر وبقت كل تمام والعريس جاى يخدها
ايمان😃: دينا شكلى حلو
دينا : قمر والله
ايمان: الين لولو ايه رأيك
الين: بت والله عسل اسكتى بقا وانتى جبانه خايفه ليه
ايمان: نعم يعنى مش خايفه انا هخاف ليه
الين: ايوا كدا انتو مروحتوش الشقه لسه
ايمان: سافله اخرصى اسراء ورحمة وايه وداليا رحوا القاعه ولا لسه
دينا : اه الكل موجود والعريس جيه برا
الين: يلا احنا هنسبقك
ودخل عبدالرحمن واتفاجأ من جمال ايمان وحدها وراح القاعة
وبعد المباركة والرقص والغنى الفرح خلص وايمان وعبدالرحمن بيسلموا على الأهل
احمد: خد بالك من ايمان ياعبدالرحمن دا الغاليه
عبدالرحمن: دى فى عنيا ياخالو
أميرة وهى بتعيط: مبروك ياحبيبتى
ايمان: الله يبارك فيكى ياست الكل وبلاش عياط بقا انا مش هبعد عنكوا يعنى هتلاقنى كل شويه عندكوا
ادم بضحك: يعنى مش هنخلص منك
ايمان😋: لاء
وسلموا على الكل وراحوا شقتهم فى البلد
ودخلوا من باب الشقه وايمان مكسوفه جدا
عبدالرحمن: ادخلى غيرى عشان عاوز اتكلم معاكى شويه
ايمان بكسوف: حاضر
وبعد شويه خرجت وكان عبدالرحمن غير هدومة هو كمان
عبدالرحمن: يلا ناكل الاول
ايمان: ماشى
وبعد الاكل
عبدالرحمن: بصى ياايمان انا اتجوزتك عشان امى وبس وانا بحب واحدة وهى بتكبنى وانا مش هينفع يعنى ننام مع بعض فانتى هتاخدى الاوضه دى وانا اللى جمبها
ايمان مصدومة ومتكلمتش:....
عبدالرحمن: وانتى هتفضلى بنت خالى وليك عندى أن احترمك وكمان مش عاوز حد يعرف باللى بينا والكل يكون عارف ان إحنا اسعد زوجين
ايمان والدموع فى عنيها: وانت متجوزتش اللى بتحبها ليه وايه مجبور دى
عبدالرحمن: امى مش راضيه بيها وكمان قالت انى لو متجوزتكيش لا انا ابنها ولا تعرفنى وكانت تعبت ووفقت عشانها
ايمان بصوت مكتوم: وانا ايه ذنبى
عبدالرحمن: انا اسف بس انا بحب نيرة ومش هقدر اسيبها أو أن المسك عشان كدا هبقا يخونها
ايمان بهدوء: ماشى بعد اذنك هدخل انام
ودخلت غرفتها وقعدت تعيط جامد وتقول أنا ليه حظى كدا بعد مابدأت احبه ليه كدا ياربى بس الحمد لله انا هعيش حياتى عادى ولازم انساه هو بيحب حد تانى يارب شيل الحب اللى بدأت احبه ليه من قلبى يارب
ونامت وهى معيطة
عبدالرحمن فى غرفته بيكلم نيرة
نيرة: عملت ايه يابيبى
عبدالرحمن: قولتها انى بحبك وحكالها اللى حصل
نيرة بفرح: بحبك جدا
عبدالرحمن: وانا بعشقك ياقلبى
نيرة: وهنتجوز امته بقا
عبدالرحمن: اسبوع كدا ياقلبى واجى عندك واجيب ايمان بحجه شهر العسل ونشوف هنعمل ايه ياروحى
نيرة: هستناك ياعمرى
عبدالرحمن: تصبحى على خير ياقلبى
نيرة: وانت من اهل الخير
عند مى وليلى
مى: عرفتى انها اتجوزت النهاردة
ليلى: ايوا اتجوزت
مى: هنبدأ نشتغل بقا بس لما تيجى هنا هى مع جوزها فى البلد
ليلى : هنعمل ايه
مى بشر: استنى لوقتها بس والدكتور يوسف معاها بقا هو يشيلنى المادة أن ماوريتهم
تانى يوم الصبح ايمان صحت على تخبيط الباب ومكنتش عارفه تفتح عيونها من العياط عبدالرحمن فتح وكانت مامته وسلمى جيبين فطار العرسان ايمان غسلت وشها وحطت كحل عشان عينيها تفتح وعبدالرحمن دخل قلها البسى واطلعى
ايمان لبست عبايه بيتى حلوة وحطت ميك اب خفيف
فاطمة: صباحيه مباركة ياعروسه
ايمان بابتسامة : الله يبارك فيكى ياعمتو
فاطمة: يلا انا جبت ليكوا الفطار هننزل بقا
ايمان: طب افطروا معانا
سلمى بضحك: فطرنا قبلكوا ياحاجة دا الساعه 11 دلوقتى نموسيتكوا كحلى
ايمان: ماشى ياسوسو
ونزلت فاطمه وسلمى من الشقه وايمان راحة غرفتها
عبدالرحمن: مش هتفطرى
ايمان: مش جعانه
عبدالرحمن ☺: براحتك
ايمان دخلت وقعدت تفكر هتعمل ايه بس هى صعبان عليها نفسها مش قادرة تحكى لحد أو تعمل حاجة وفى الاخر قررت
ايمان طلعت لعبدالرحمن: انا عاوزة اتكلم معاك
عبدالرحمن: اتفضلى
ايمان: انا قررت .....
