عبدالرحمن بارهاق: مالك متنحه كدا ليه
ايمان: ايه اللى جابك هنا
عبدالرحمن: اظن دا شقتى صح
ايمان: اه بس بردوك انت قولت انك مش هتيجى هنا
عبدالرحمن بتعب: طب والنبى بلاش شكل لانى مرهق اوى النهاردة نكمل بكرة
ايمان: مالك
عبدالرحمن: فى العمليات من الصبح ومعتش قادر
ايمان: كنت بتعمل ايه
عبدالرحمن: انتى غبيه انا دكتور وفى العمليات همون بعمل ايه بلعب كورة مثلا
ايمان: خلاص خلاص المهم نجحت
عبدالرحمن: ايوا
ايمان: شكلك مرهق اوى فعلا هتروح ازاى اجى اوصلك انا خدت الشهادة خلاص
عبدالرحمن بنرفزة: بت انتى انا هقعد هنا اسبوع عشان عندى شغل كتير الأسبوع دا
ايمان: طيب طيب متزعقش انت صعبت عليا فعلا قوم خد شور وانا هحضر ليك الاكل
عبدالرحمن باستغراب: انتى هتعملى ليا انا اكل
ايمان : مش عاجبك بلاش
عبدالرحمن: طيب ماشى اعملى اصل ماكلتش من الصبح وجعان اوى بجد
ايمان: ماشى بس انت مجبتش هدوم
عبدالرحمن: ايمان انتى دخلتى صيدله ازاى بت انتى الشقه دى بتاعتى عايش فيها بقالى 8 سنين ومش هيبقا فيها هدوم غبيه
ايمان: متشتمش بس يلا روح انت يلا
عند يوسف وهو بيتمشى فى المول شاف دينا
يوسف: انسه دينا ياانسه دينا
دينا : ايوا حضرتك الدكتور قريب ايمان
يوسف: انتى بتعملى ايه هنا
دينا: انا بشترى شويه حاجات عشان اروح
يوسف: طب مش عاوزة اى مساعدة
دينا بابتسامه: لا شكرا بعد اذنك
يوسف: اتفضلى
وبعد أما دينا مشت
يوسف بابتسامه: شكلى كدا هدخل القفص قريب اوى اوى
عند بيت ايمان
احمد: جهاز ايمان لسه ايه اللى ناقص
أميرة : معتش كتير بس الادوات الكهربائيه هنروح نشتريها والمطبخ الراجل قالى بعد اسبوعين هيخلص انت عارف كنت بشترى واعين ليها من زمان
احمد: ماشى ربنا يخليكى لينا ياام ادم
ملك بضحك: ولعه الحب ولع فى الدرة
أميرة: بت اتلمى
ملك: حاضر😂😂😂
منه: لسه شهرين ويبقا عندنا عروسه لولولولولولولوى
عند عبدالرحمن وايمان فى الشقه
عبدالرحمن: اكلك حلو
ايمان بفرح: بجد انا بطبخ اساسا من صغرى بحب المطبخ اوى وعارف انا اللى كنت بعلم العيال صحابى وكانت طنط ام رحمة فرحانه اوى وتدعيلى وطنط جميله ام دينا بردوك كانت ايام حلوة اوى كنا كل يوم عند واحدة 😂😂
عبدالرحمن بصدمه: دا كله عشان قلت اكلك حلو
ايمان: ياسيدى يلا كل
عبدالرحمن: شكرا الحمد لله هدخل انام بقا
ايمان : ماشى وانا هذاكر شويه
عبدالرحمن دخل القوضه كانت كلها تراب وعاوزة تنظف
عبدالرحمن: ايمان انتى مش بنظفى قوضتى ليه
ايمان ببراءة: انت قولت مدخلهاش وانا كنت بنظف الشقة كلها إلا هى وبعدين انت كنت قافلها بالمفتاح
عبدالرحمن: انتى بتكلمى كتير طيب هنام فى غرفتك ماشى وانتى نظفيها معلشى
ايمان: طيب
عبدالرحمن لنفسه: البت دى هبله وطيبه قوى وبتبقا حلوة لما تبقا مطيعه بس حظها وحش عشان انا بحب نيرة
باليل عبدالرحمن صحى من النوم وهو بينام من غير تشرت وطلع للمطبخ ايمان اول ماشفته صوتت ولفت وشها
ايمان: انت ازاى تخرج كدا انت قليل الادب
عبدالرحمن بفزع: حرام عليكى ياشيخة جعزتينى قطعت الخلف بسببك انا نسيت اصلا انك هنا
ايمان: طب روح روح البس بسرعه
عبدالرحمن: طيب بس اعملى بليز فنجان قهوة
ايمان: طيب بس يلا روح
عبدالرحمن: ماشى ياقطة
ايمان: سافل ازاى يطلع كدا
بعد شويه
ايمان: القهوة
عبدالرحمن: ميرسى
موبيل ايمان رن
ايمان: الو ازيك يااحلى فوفا فى الدنيا
فايزة بضحك: كويسه ياحبيبتى انتى عامله ايه يابكاشه
ايمان: انا بكاشه ماشى ياست ماما انا كويسه ياقلبى
فايزة: انا قولت أسأل بدل انتى مكلمتنيش النهاردة
ايمان: اسفه ياماما اصل الرخم ابن اختك جيه يقعد معايا فى الشقه
فايزة بضحك: بتقولى على جوزك رخم
ايمان: وبارد والله ياست الكل
فايزة: ليه ضيقك
ايمان : النهاردة لاء عشان كان تعبان شويه
فايزة: ماله الواد عملتى فيه ايه
ايمان: مش انا والله هو كان عندى شغل كتير
فايزة : ماشى ياحبيبتى انا هكلمه وتيجو تقضوا معايا يوم الجمعه الجاى
ايمان: بفرح ماشى ياماما واعملى البط اللى بحبه
فايزة : من عنيا ياحبيبتى يلا مع السلامه
وقفلت مع عمتها وهى مبسوطة وبترفع وشها لقت عبدالرحمن بيبص لها بعصبيه
ايمان😮: عبدالرحمن
عبدالرحمن: بقا انا بارد ورخم
ايمان: اسمع بس ياعبدو .........
