يوم خطوبة الين كان الكل فرحان عشان
الين وسيف بيحبوا بعض من زمان وكانت فرحة للكل وكانت ايمان لبسه فستان بنفسجى وكانت قمر
وعدى اليوم وكان حلو
تانى يوم
رقم بيرن على ايمان وهى نايمة
ايمان : الو مين
.......: الناس بتقول صباح الخير
ايمان وهى بتقعد : مين
.......: انفخ بلالين
ايمان : رخامه عالصبح
......: ايوا انا كدا
ايمان : عرفتك البارد بتاع العيلة
عبدالرحمن: هنبدأ فى قله الادب
ايمان : عاوز ايه على الصبح مش ناقصة انا
عبدالرحمن: مش انا اللى عاوز هعوز منك ايه يعنى
ايمان: طب بترن ليه
عبدالرحمن: ماما اللى قالت لازم نروح نجيب الشبكة انا وانتى
ايمان : هات اى حاجه مش هتفرق عادى
عبدالرحمن: قولت كدا بس محدش راضى
ايمان : ماشى خلاص نروح العصر وهجيب منه معايا
عبدالرحمن: ماشى هاجى الساعه 4 تكونوا جاهزين
ايمان: طيب
قامت ايمان وغلست وصلت فرضها وطلعت برا
ايمان: ماما ماما انتى فين
أميرة: عاوزة ايه
ايمان : هنروح نجيب الشبكة النهاردة وهاخد منه قولها تجهز
أميرة : ماشى ياحبيبتى
ايمان : خلى ادم ياخد العربية ويروح يجيب عمتو فايزة بقا معتش غير اسبوع
اميره : هو فى القوضة روحى قوليله
ايمان بتفتح الباب : دومى ادم حبيبى
ادم: قولى عاوزه ايه من الاخر
ايمان : عاوزة سهرة حلوة النهاردة لان مزاجى مش حلو سهرة من بتوع زمان وفيلم اجنبى حلو وتروح تجيب عمتو
ادم: ايدك على فلوس دا انتى بتشتغلى
ايمان وهى بتكتم بوقه : اخرص محدش يعرف غيرك ابوك لو عرف معدتش هروح السكن
ادم : خلاص دا انتى بتقبضى اكتر من ابوكى
ايمان : اخرص بقا دا اكبر صيدليات البلد
ادم : ماشى هاتى بقا
ايمان : خد 200 اهم انت عارف حلمى اركب عربيه حلوة
ادم : ماشى ياعم
الساعه 4
ايمان ومنه جهزوا وعبد الرحمن جية بالعربيه وسلم على الكل ومشوا
فى العربية
ايمان: سلمى عامله ايه
سلمى: الحمدلله تمام
ايمان : اخبار الدراسه حلوة
سلمى : 2 ثانوى حلوة لغايه دلوقتى بس خايفة من 3 معدش غير كام شهر
ايمان: متخفيش ياحبيبتى خير ان شاء الله
عبدالرحمن : بطلوا كلام بقا وانتى يامنمون مش بتتكلمى ليه
منه: هقول ايه ياابيه هما بيتكلموا عن الدراسه وانا بكره الدراسه اصلا
عبدالرحمن بضحك: دا انتى فاشله بقا
منه : لا بس انا خارجة اتفسح مش اتكلم عن الدراسه الواحد زهق
سلمى : عندك حق
وفضلوا ساكتين لغايه اما وصلوا
ونقول الدهب وراحوا مطعم ياكلوا
عبدالرحمن: تطلبوا ايه
سلمى : بيتزا فراخ وبيبسى كبير وبطاطس
منه : وانا كمان
عبدالرحمن: وانتى ياايمان
ايمان: مش عاوزة
منه: ازاى دا انتى ماكلتيش خالص النهاردة هتدوخى
ايمان : لا مش جعانة
عبدالرحمن: لو سمحت
الجرسون: اتفضل يافندم
عبدالرحمن: 4 بيتزا وسط مع بطاطس وبيبسى كبير
الجروسون: حاضر
بعد ماالجرسون مشى
ايمان : قولت مش عاوزة حاجة
سلمى : عشانى كلى بس معانا
منه: وحياتى عندك ياايمى
ايمان : طيب
والجرسون جاب الاكل وايمان كلت عشان كانت جعانه اوى وعبد الرحمن ومنه وسلمى مستغربين منها بس مخدتش بالها
وكالوا ومشوا ووصل ايمان للبيت ومشى
وايمان داخله هى ومنه
واتفاجأت ..........
