🍥رفقا على قلبي 🍥 [باللهجة الجزائرية ]

💗بارت 6💗

نهدر و نبكي بالشهقة حتى نشوف شهاب حكمني و عنقني انا لتماك زدت كثر فلبكا هو زير عليا....بديت نتكالما بشوية... بصح هديك الشهقة مزالها فيا.... حسيت بأمان كبيير و انا في حضنو ...كانت عفسة في قلبي تقولي انو هاد العبد تعرفيه و دايمن رح يحميك ... معباليش علاه... حتى يقاطع تفكيري صوت الباب يتفتح ... بعدت نجري عليه و نضرب طلة و نصيب لالة كاميليا واقفة قدام لباب و كانت رافدة وراقي طاحو من يدها ... روحي الله يكسرلك يديك نشالله
شهاب ربع يديه و قعد يخزر عاجبو لحال و انا برك شفتها شعر راسي وقف ....
شهاب : دار باباك تدخلي بلا ما تدقدقي؟؟😃
لتم طرطقت بلبكا زعما
كاميليا : متحشمش تخوني و تزيد تهدر😭🐍
أسيل : احم احم .... رانا اون فامي اصبرو نخرج ممبعد اتنادبو
رفدت صاكي و جيت هاربة بصح برك خرجت جيت حابطة دروج نحس عبد حكمني درت نصيبها كاميليا الحلوفة
أسيل : زيدي توشيني نكسرلك يدك
ممبعد لعبتها مارقة و طبعتني ... اححححح علي علي بطل فليد هيا هيا غراندايزر 🎤*تحية لي قراوها باللحن*
و نهجم على جدها بكف جبتها فلرض وقيل حسبتلها انا أسيل القديمة
أسيل : اللعب معايا مشي قدك الوغ غير مكلاه تسيي!!!
خزرت فيا و عينيا معمرين بدموع و هدرت بالسم
كاميليا : تقربي على شهاب راحت عليك
أسيل : ههههه راكي تهددي فيا ؟؟ شهاب تاعك ديريه عصير و اشربيه اوك ؟؟
كاميليا : والله تشوفي يا أسيل
ضحكت بسخرية و غمزتلها و جيت رايحة...خليتها ترعش وحدها
كاميليا : والله غير تشوفي والله
عبالي مراكو فاهمين والو فيها ...دك انا نفهمكم
هاد الضربة عندها عامين ملي صرات .... كي كان عمري 23 سنة و خويا كان عمرو 20 سنة ...كنا عايشين نورمال نقراو و كذا🐸 معليه كما قتلكم خويا كان 20 مزالو صغير و نية كانت عندو حبيبتو ... كانت بزاف تجي لعندنا و انا مكنتش ضد لفكرة بصح مكنتش نخليه يفوت لحدود معاها قتلو اتزوجها ممبعد اتهردو
و تان كان يحبها بززااف يعشقها متقدروش تتخيلو شحال كان يحبها و تقريبا كانت عايشة عندنا دايمن عندنا .... كانت ملائكة فوق وجه الارض تهدر معاك محبطة راسها و لحشمة خلاص تع منداك كانت تغيضني تالمون عاقلة و تحشم ... هاد شي لي خلانا نحبوها انا و خويا
فهديك الفترة كنا انا و خويا كتاشفنا بلي عندنا ورث كبير من عند ماما و بيان سوغ هداك حقنا و انا لي جريت باش ندوه و زيد كنا محتاجينو بزاف ... جريت عليه بزاف و تمرمدت باه ديناه ....الورث كان عبارة عن مبلغ مالي كبير فتحت كونت فالبنك و درتو لتم ... و بيسك حنا بهالل نعم حنا حمير كنا دايرين كونفيونص فيها هدرنا كلشي قدامها و لكود تع لكونت عطيتو لخويا قدامها ..... ايه هديك الطفلة هديك كاميليا
راحت سرقت قاع دراهمنا و قعدنا سمانة و حنا نحوسو عليها حسبتلنا كاش ماصرالها و كي سقسينا عليها عرفنا بلي هي طفلة متحشمش دايمن تدور بدراري تدي دراهمهم و تهرب و حكاولنا بزاف عفايس عليها و عرفنا بلي هي عاهرة و بعد ما شفت لكونت تاعنا صح دراهم راحو ماخلاتلنا والو
كان داك اسوء عام فحياتي ....مغاضونيش الدراهم غاضني خويا لي دخل فكآبة و خلا قرايتو و وصل حتى للمخدرات حس بلي هو السبة .....ملقيت حتى حل قدامي غير اني نبعتو للخارجم بعدما رديتو للطريق بالسيف ...الدراهم لي كنت نلم فيهم باه نداوي روحي ياخ قتلكم راسي مضرور مديتهملو باه يسافر و مندمتش خويا و يستاهل ....
عانينا بزاف علاجالها ... بصح معليه ربي ميخليش المظلوم و ادا مديتش حقي فدنيا نديه فالاخرة ......
*بعد مرور اسبوعين*
جازو اسبوعين من هديك الحادثة و كاميليا ملتم مبانتش ...عبالي كاش ما راهي تخطط
كنت كليوم مع شهاب ....بصح غير لخدمة عفسة ماتبدلت بصح السيد رجع قراف منيرفي و مقلق ...سمعت مالخدامين بلي خسرو صفقة مع شركة مشهورة و كلفهم الشي هدا بزاف دراهم صافيك راهم فلمشاكل ...مكنتش قاع نخلط فيه ....ندير خدمتي لي كانت قراف تمشي بخير كما هو متوقع مني😏😏😏😏 احم احم .... و نسيت مقتلكمش انا و دانيال رجعنا best friend احح السيد هايل و مهبول كما انا و زيد شباب احح تزوجني 😭
مهم بعد الويكاند الجميل صبحت على عياط رانيا تنوض بضرب حاسبتني حيوان ارب حيوان و يتعامل خير مني
نضت بلخلعة ناكل اومامتون نلبس سينون منوصلش ليوم
لبست هكا